KEE No. 171 Gelar Tuhan Yesus Kristus

KEE No. 171 : 1-5 (Gelar Tuhan Yesus Kristus)

1. Gelar Tuhan Yesus Kristus
    Lit seh si rasa lalap
    Gelar Yesus maba dame
    Keriahen si tetap
    Reff. Pemasu-masunNa lit me
Man k’rina manusia
IdiloNa kita k’rina
Ku bas kesenangen e

2. Gelar Yesus erkuasa
    Man kerina tinepa
    Ise gia mindo baNa
    Tentu isampatiNa
    Reff. Pemasu-masunNa lit me
Man k’rina manusia
IdiloNa kita k’rina
Ku bas kesenangen e

3. Gelar Yesus ersinalsal
    Man si tek tergejap kal
    Gelar Yesus maba terang
    Nuduh dalin si senang
    Reff. Pemasu-masunNa lit me
Man k’rina manusia
IdiloNa kita k’rina
Ku bas kesenangen e

4. Gelar Yesus seh ergana
    Si masapken dosanta
    Ise tek man Tuhan Yesus
    Ia jumpa Penebus
    Reff. Pemasu-masunNa lit me
Man k’rina manusia
IdiloNa kita k’rina
Ku bas kesenangen e

5. Gelar Yesus ermulia
    Man banta si tek baNa
    Gelar Yesus maba dame
    Ola kal lupaken e
    Reff. Pemasu-masunNa lit me
Man k’rina manusia
IdiloNa kita k’rina
Ku bas kesenangen e

Sinusurkenca Panitia Ende-Enden GBKP 1979-1984
Download slide PowerPoint KEE No. 171

Join Grup Telegram dan Grup WA saya untuk mendapatkan update...

KEE No. 170 Endesken Min Kerina

KEE No. 170 : 1-6 (Endesken Min Kerina)

1. Endesken min kerina
    Kesusahenndu e
    Man Dibatanta Yahwe
    Melias Ia pe
    Tuhan me simetehsa
    Pertibi ras surga
    Adi Tuhan ras kita
    Tetap me ukurta

2. Ngarap aku man baNdu
    O, Yahwe Dibata
    I je man bangku tuhu
    LiasNdu cukup ka
    E la kap lit gunana
    Amin kelsehen kam
    Ertoto me dalanna
    Gelah terapul kam

3. Dibata si perkuah
    RehNa k’rina nge
    Si bujur ras la tengka
    Ibas ukurta e
    Si ngena jujurkenNa
    Man banta rusur pe
    PedauhNa si la tengka
    Lah kita la bene

4. Ernalemlah man baNa
    Man Dibatanta e!
    Tadingken k’rina dosa
    Ras ceda ate pe
    IpersanNa me k’rina
    KeberatenNdu e
    Pedas isampatiNa e
    Ngangkat susahndu e

5. B’re min ipesikapNa
    Lagu langkahndu e
    Kepentaren ukurNa
    Njujurken k’rina e
    Tondel kin nge ukurNa
    Lako mulahi kam ?
    Je ipetangkaskenNa
    GegehNa e ku kam

6. Kam me o, Tuhan kami
    Pengadi k’rina min
    Si nggit nuhsahi kami
    Ras si ngulahi kami
    Sehlah min kubas tanNdu
    Kerina kami e
    Ku surgalah teguNdu
    Min tendi kami e

Sinusurkenca Panitia Ende-Enden GBKP 1979-1984
Download slide PowerPoint KEE No. 170

Join Grup Telegram dan Grup WA saya untuk mendapatkan update...

KEE No. 169 Rembak Ras Kam Tuhan

KEE No. 169 : 1-5 (Rembak Ras Kam Tuhan)

1. Rembak ras Kam Tuhan,
    Rembak ras Kam
    Bas paksa kinis’ran
    Kudahi Kam
    Bas paksa kegogon
    Ras ate ceda kin
    Rembak ras Kam Tuhan
    Rembak ras Kam

2. Mesera dalin e
    Medalit kap
    Musuh ngerimrim pe
    Kuasa gelap
    Kulebuh gelarNdu
    Nemani geluhku
    Rembak ras Kam Tuhan
    Rembak ras Kam

3. Mambur iluh gia
    Ras latih pe
    La bagi ukurta
    Bas geluh e
    Kam Tuhanku ngenca
    Banci ngapulisa
    Rembak ras Kam Tuhan
    Rembak ras Kam

4. Paksa kegelapen
    Kam kap terang
    Ibas kiniseran
    Ras Kam senang
    NiNdu man bangku kap :
    “Ernalemlah tetap”
    Rembak ras Kam Tuhan
    Rembak ras Kam

5. Seh pagi paksana
    Aku ngadap
    Tading me kerina
    La lit tetap
    Kupindo man baNdu
    Temanilah aku
    Rembak ras Kam Tuhan
    Rembak ras Kam

Sinusurkenca Panitia Ende-Enden GBKP 1979-1984
Download slide PowerPoint KEE No. 169

Join Grup Telegram dan Grup WA saya untuk mendapatkan update...

KEE No. 168 Tegu Aku O Tuhanku

KEE No. 168 : 1-3 (Tegu Aku O Tuhanku)

1. Tegu aku o, Tuhanku
    Ibas dalan mesera
    La lit ngasup ras gegehku
    B’re min tanNdu negusa
    Roti surga, roti surga
    Tetap b’reken man bangku
    Tetap b’reken man bangku

2. Lau si nggeluh b’re min gelah
    Maka aku megegeh
    Tah kai jadi bas geluhku
    Kamlah arah lebengku
    O, Tuhanku, O, Tuhanku
    Kam me kap sekawalku
    Kam me kap sekawalku

3. Aru ate bas geluhku
    Kam me si nampatisa
    Lalap Kam me negu aku
    Gelah seh pe ku surga
    Kam penampat, Kam penampat
    Lalap seh rasa lalap
    Lalap seh rasa lalap

Sinusurkenca Panitia Ende-Enden GBKP 1979-1984
Download slide PowerPoint KEE No. 168

Join Grup Telegram dan Grup WA saya untuk mendapatkan update...

KEE No. 167 Kuidah Kayu SilangNdu

KEE No. 167 : 1-4 (Kuidah Kayu SilangNdu)

1. Kuidah kayu silangNdu
    Je mate Kam si mulia
    Ku gejap k’rina dosangku
    I je me Kam nasapkenca

2. Iluhku mambur ngidahsa
    Ngenen ku uruk Golgota
    Tengkulku duri si telap
    Nambahi kinis’ranNa kap

3. Kuidah dareh lukaNa
    Bas k’rina kula Tuhanku
    Kerina e igengkenNa
    Makana masap dosangku

4. La lit dalanna ‘ku pulah
    ‘Di la kin ibas silangNa
    Geluhku ‘banNa meherga
    ‘Ban darehNa murihisa

Sinusurkenca Panitia Ende-Enden GBKP 1979-1984
Download slide PowerPoint KEE No. 167

Join Grup Telegram dan Grup WA saya untuk mendapatkan update...

KEE No. 166 Nggo Mambur Dareh Tuhan E

KEE No. 166 : 1-4 (Nggo Mambur Dareh Tuhan E)

1. Nggo mambur dareh Tuhan e
    I uruk Golgota
    Kerina e igengkenNa
    Lah masap dosanta
    Lah masap dosanta
    Lah masap dosanta
    Kerina e igengkenNa
    Lah masap dosanta

2. Si jahat pe ibaba ka
    Tersilang ras Ia
    ‘Di aku pe bage me ka
    Lah ialemiNa
    Lah ialemiNa
    Lah ialemiNa
    ‘Di aku pe bage me ka
    Lah ialemiNa

3. DarehNdu e si badia
    Em si nasapkenca
    Dosangku e si melala
    Melikas ibanNa
    Melikas ibanNa
    Melikas ibanNa
    Dosangku e si melala
    Melikas ibanNa

4. Mesera pe bas geluhku
    Tetap perjingkangku
    SilangNdu e gelemenku
    Lah aku terkelin
    Lah aku terkelin
    Lah aku terkelin
    SilangNdu e gelemenku
    Lah aku terkelin

Sinusurkenca Panitia Ende-Enden GBKP 1979-1984
Download slide PowerPoint KEE No. 166

Join Grup Telegram dan Grup WA saya untuk mendapatkan update...

KEE No. 165 Bas Ia Ngenca Lit Kepe

KEE No. 165 : 1-4 (Bas Ia Ngenca Lit Kepe)

1. Bas Ia ngenca lit kepe,
    Kek’lengen si mbelin.
    Yesus tersilang seh mate,
    Lah aku terkelin.
    Reff. Tetap ukurku tek aku baNa
Keleng ateNa mbelin kuasaNa
Ia njagasa geluhku k’rina
Malemna di ras Ia.

2. Man baNa ernalem dage,
    Begiken KataNa.
    Di meriah tah gulut pe,
    Tetap temaniNa.
    Reff. Tetap ukurku tek aku baNa
Keleng ateNa mbelin kuasaNa
Ia njagasa geluhku k’rina
Malemna di ras Ia.

3. Megegeh kal mehuli ka,
    Sinalsal terangNa.
    La gelap saja t’rangiNa,
    Ku pusuh seh Ia.
    Reff. Tetap ukurku tek aku baNa
Keleng ateNa mbelin kuasaNa
Ia njagasa geluhku k’rina
Malemna di ras Ia.

4. Bas k’rina paksa-paksa pe
    Erkuasa kataNa
    Penampat kap man bangku e
    Em kata Dibata.
    Reff. Tetap ukurku tek aku baNa
Keleng ateNa mbelin kuasaNa
Ia njagasa geluhku k’rina
Malemna di ras Ia.

Sinusurkenca Panitia Ende-Enden GBKP 1979-1984
Download slide PowerPoint KEE No. 165

Join Grup Telegram dan Grup WA saya untuk mendapatkan update...

KEE No. 164 Batu Mamak Si Nteguh

KEE No. 164 : 1-4 (Batu Mamak Si Nteguh)

1. Batu mamak si nteguh
    Kam kubunku si paguh
    K’rina gia musuhku
    La tergejap man baNdu
    Tuhan Yesus ku lebuh
    KawaliNdulah aku

2. Labo perban gegehku
    Labo ban ulina ka
    Tapi ban perkuahNdu
    Ndilo aku lah jera
    Maka dosa itebus
    Arah Yesus Penebus

3. AlemiNdu min dage
    K’rina dosa kami e
    B’re min pusuh kami pe
    Tetaplah bas dame e
    Kam Tuhan Penebusku
    Mbelin kekelengenNdu

4. Yesus kap gelemenku
    La erleka ras aku
    Kam me pengarapenku
    Ibas kegeluhenku
    Tuhan tetap min gelah
    Bas Kam aku la pulah

Sinusurkenca Panitia Ende-Enden GBKP 1979-1984
Download slide PowerPoint KEE No. 164

Join Grup Telegram dan Grup WA saya untuk mendapatkan update...

KEE No. 163 Badia, Badia

KEE No. 163 : 1-5 (Badia, Badia)

1. Badia, badia ! Tuhan si erkuasa
    Dem me doni enda salu kemulianNa
    Badia, badia ! Tuhan bala surga
    Kam me kap Bapa si ermulia

2. Badia, badia ! Bapa si perkuah
    Reh kerina kami alokenNdu gelah
    Badia, badia ! Tuhan maba tuah
    Reh kami enda baNdu ersembah

3. Badia, badia ! GelarNdu terpuji
    Lampas ‘rpagi-pagi Kam ipuji kami
    Badia, badia ! Seh kal me liasna
    Kam o, Dibata si telu sada

4. Badia, badia ! Tuhan si ni surga
    Kam si njadikenca, k’rina si lit enda
    Badia, badia ! Rende bala surga
    Terpuji Ia Raja nu surga

5. Badia, badia ! Tetap perkelengNa
    Nehken pendiloNa man jelma perdosa
    Badia, badia ! Tuhan penebusta
    Sembahlah Ia, Yesus Tuhanta

Sinusurkenca Panitia Ende-Enden GBKP 1979-1984
Download slide PowerPoint KEE No. 163

Join Grup Telegram dan Grup WA saya untuk mendapatkan update...

KEE No. 162 Perkuah Ate Tuhan Yesus Kristus

KEE No. 162 : 1 (Perkuah Ate Tuhan Yesus Kristus)

1. Perkuah ate Tuhan Yesus Kristus
    Kekelengen Bapa
    Ras kerembaken Kesah Si Badia
    Ras kita k’rina, kita k’rina, Amin

Download slide PowerPoint KEE No. 162

Join Grup Telegram dan Grup WA saya untuk mendapatkan update...

KEE No. 161 Ja Sikeleng-Kelengen Manusia

KEE No. 161 : 1 (Ja Sikeleng-Kelengen Manusia)

1. Ja sikeleng-kelengen manusia
    Ijem kap Tuhan je pe pemereNa
    Geluh si la ‘rkeri-kerin
    Geluh, geluh si la ‘rkerin-kerin

Sinusurkenca Pdt. M. Joustra
Download slide PowerPoint KEE No. 161

Join Grup Telegram dan Grup WA saya untuk mendapatkan update...

KEE No. 160 Teman-Temanku Si Ni Jenda

KEE No. 160 : 1-2 (Teman-Temanku Si Ni Jenda)

1. Teman-temanku sini jenda
    Meriah kita rende ras
    Ban mengket rumah g’reja enda
    Ras muji Tuhan si ni das
    Enggo me tangkas kal teridah
    Bekas dahinta ras raron
    Ateta mekelek meriah
    Ngenehen rumah pertoton

2. Pujin sehken man Dibatanta
    I rumah pertoton e
    PedahNa ikataken banta
    B’ritaNa si mehuli me
    O, kita k’rina si ni jenda
    Ukurta min ku je tetap
    Berita si mehuli enda
    Pelawes dosa si gelap

Sinusurkenca Pdt. M. Joustra
Download slide PowerPoint KEE No. 160

Join Grup Telegram dan Grup WA saya untuk mendapatkan update...

KEE No. 159 Erjimpuh Kita Ras Kerina

KEE No. 159 : 1-4 (Erjimpuh Kita Ras Kerina)

1. Erjimpuh kita ras kerina
    Si sembah ku Bapanta e
    Tuhanta si nggo mubuh kita
    Si pegeluh tendinta e
    Kepeken Tuhan rasa lalap
    La ikiraiNa tahun kap
    Lit tahun reh, lit si nggo masap
    Sinjujurkenca e tetap

2. Tetap kelengNdu empak kami
    La robah peratenNdu kin
    Kam si njujurken dalin kami
    Nggit nampat kami bas dahin
    Adina ipetempa kami
    NgaruhNdu, pemereNdu e
    Nggo tuhu la metunggung kami
    Kai kin nge ndia kami e?

3. Terbeligai bintang gia
    NgaruhNdu e kuakap lang
    ‘Di dosa kami reh buena
    ‘Di Kam ngaruhNdu ambah kang
    O, Tuhan la meparas aku
    Ngaloken tuah si bage
    Keleng ateNdu kata aku
    Kupuji seh mateku pe

4. Mengisngis pemindonku baNdu
    Ibas gelar Tuhanku e
    Bapa, ‘di banci sampat aku
    Ibas tahun simbaru pe
    Taruhken aku adi lalar
    Pejorelah ukurku min
    PedahNdu sajalah kupalar
    KelengNdu nari man pujin

Sinusurkenca Pdt. M. Joustra
Download slide PowerPoint KEE No. 159

Join Grup Telegram dan Grup WA saya untuk mendapatkan update...

KEE No. 158 Nggo Gia Mentas Tahun

KEE No. 158 : 1-5 (Nggo Gia Mentas Tahun)

1. Nggo gia mentas tahun e
    Tambah ka tahun enda
    O, Tuhan b’relah bangku e
    Kuidah ka ambahna
    ‘Di mentas gia wari kap,
    Ku teh Dibata me tetap

2. Tambahi Kam gegehku min
    Kam Tuhan si mekuah
    La gia nuhit aku kin
    Nggit aku min erbuah
    Megati ceda ukurku kap
    Ban aku lalap la tetap

3. ‘Di idah Kam langkah ku e
    Oh nembeh Kam Tuhanku
    Nggit niNdu : “Tabah kayu e
    Si la erguna baNgku”
    E tuhu la erguna kap
    Ban labo aku me tetap

4. Ban Kam ngakui aku kin,
    Emaka sai utangku.
    Kam Yesus ajar aku min,
    Ngendesken kerajangku.
    Ras ibas tahun baru kap,
    Sampati jingkangku kap.

5. Sampati aku o, Tuhan,
    Bas kai pe aku jumpa.
    Jujurken Kam lah si kuban,
    Pedauhlah min kelesa.
    Padanku maka aku kap,
    Ibas gegehNdu me tetap.

Sinusurkenca Pdt. E. J. Van den Berg
Download slide PowerPoint KEE No. 158

Join Grup Telegram dan Grup WA saya untuk mendapatkan update...

KEE No. 157 Wari Bulan Tahun Masap

KEE No. 157 : 1-4 (Wari Bulan Tahun Masap)

1. Wari, bulan, tahun masap
    Bagi awih lawes me kap
    Kai kin jenda rasa lalap
    La lit kai pe si tetap
    Tapak nahe idalinta
    Labo tahan endekah
    Sendah jadi si enggona
    Pagi jadi sendah ka

2. Nini si arah lebenta
    Lanai nari ia je
    Sitik nari kita enda
    Itangisi kalak pe
    Kenca mate sada inganta
    Ras nininta si lebe
    Di kuidah Kam Dibata
    Kai kin manusia e ?

3. Tapi masap k’rina gia
    Pemindonku la ku je
    Kam Dibata si badia
    Minter m’aku ngaku e
    Entah kai si kerajangku
    Ntah kadena mobah kin
    Ibas Kam, o, Dibatangku
    Lit pengapul la ‘rkerin

4. Dage masap gia tahun
    La kuakap kutera
    Lit sikelku si la sahun
    Labo kai pe ntah kuga
    Salih k’rina gia jenda
    Si mesui pe gejap
    Perdalinen kempak surga
    Kupinterken me tetap

Sinusurkenca Pdt. M. Joustra
Download slide PowerPoint KEE No. 157

Join Grup Telegram dan Grup WA saya untuk mendapatkan update...

KEE No. 156 Pelongge Kam Krajangku E

KEE No. 156 : 1 (Pelongge Kam Krajangku E)

1. Pelongge Kam k’rajangku min,
    Kam si mbelin.
    Ban ceda ate.
    Tek aku ban KesahNdu e,
    PedahNdu e, Si m’re Kam enda.
    Teranglah kebenarenNdu,
    AjarenNdu, Iangka kami.
    Lah alu ukur si tetap,
    MateNdu kap, Iinget kami

Sinusurkenca Pdt. M. Joustra
Download slide PowerPoint KEE No. 156

Join Grup Telegram dan Grup WA saya untuk mendapatkan update...

KEE No. 155 Kam Idilo Tuhan To

KEE No. 155 : 1-5 (Kam Idilo Tuhan To)

1. Kam idilo Tuhan to
    Beritaken kematenNa
    Kam kerina si enggo
    Iperidi ‘rsada jenda
    B’reken pusuh peraten
    Sabap Ia kekeken

2. Buatlah, pan roti e
    Inemlah gelah ertuah
    Tuhan Yesus ibere
    Bunuh kalaklah kam luah
    Ban mateNa kam nggeluh
    Emkap padan si nteguh

3. Kasa kalak o, Tuhan
    Si ngaloken tuah enda
    Nuhit lalap min ku Kam
    Payo min laguna jenda
    Bujur lembap me gelah
    Olanai kal min ngerah

4. Kalak si medu-medu
    La meparas iakapna
    Sampatlah tegu-tegu
    Maka jumpa ka sangapna
    Si ni dauh-dauh nari pe
    Ialoken Kam kepe

5. Seh isurga nangkihlah
    ‘Nde-ndenta si meriah
    Kalak si benar je ka
    Ras malekat si mulia
    Muji kekelengenNa
    Si nggo icidahkenNa

Sinusurkenca Pdt. M. Joustra
Download slide PowerPoint KEE No. 155

Join Grup Telegram dan Grup WA saya untuk mendapatkan update...

KEE No. 154 Ermengkah Kami Empak Kam

KEE No. 154 : 1-4 (Ermengkah Kami Empak Kam)

1. Ermengkah kami empak Kam o, Bapa
    Perban liasNdu dosa nggo me sapa
    ‘Rkiteken kematen AnakNdu e
    KesahNdu si nggo maba kami enda
    Ku perpulungen Kristen sini jenda
    Je tanda pengesah peridin e

2. ‘Rkiteken Yesus dengkeh toto kami
    Kawalilah kerina anak kami
    Si nggo ngaloken tanda peridin
    Gelah mehuli lalap perdalinna
    ‘Rtetapna min di pagi reh belinna
    Lah sada ukur ras Tuhanna min

3. Lah puji kalak min liasNdu enda
    Si nggo ka seh man kami si ni jenda
    Sentudu ukur kami min ras Kam
    Gelah ikutna Yesus Penebusna
    Si bujur man sukuten Guru, Raja
    Ibas gegehNa talu dosa kap

4. GelarNdu man pujin, Kam o, Dibata
    O, Bapa, Anak ras Kesah ersada
    Kami enda dingen anak kami pe
    Mehagalah ngenen Kam si mulia
    Ermengkah ate kami manusia
    La ‘rngadi-ngadi pujin kami e

Sinusurkenca Pdt. M. Joustra
Download slide PowerPoint KEE No. 154

Join Grup Telegram dan Grup WA saya untuk mendapatkan update...

KEE No. 153 Nggo Ngaku Kami O Tuhan

KEE No. 153 : 1-3 (Nggo Ngaku Kami O Tuhan)

1. Nggo ngaku kami O, Tuhan
    I tengah-tengah perpulungen
    Kam me kap Raja si tetap
    Penampat kegeluhen

2. Erpadan kami ngikut Kam
    Megiken pe k’rina pedahNdu
    Ipindo kami o, Tuhan
    Bereken min KesahNdu

3. O, Bapa kami si ni das
    Sampati k’rina ngawan mbaru
    Tetap ukurna min ibas
    Ngikutken ajarenNdu

Sinusurkenca Pdt. M. Joustra
Download slide PowerPoint KEE No. 153

Join Grup Telegram dan Grup WA saya untuk mendapatkan update...

KEE No. 152 Haleluya Wari Enda

KEE No. 152 : 1-6 (Haleluya Wari Enda)

1. Haleluya wari enda
    Wari Minggu nggo ka seh
    Pulung kita k’rina jenda
    Maka tambah pemeteh
    Muji Dibatanta e
    Ras ngataken bujur pe

2. Asa Kristen japa gia
    Pulung k’rina sendah me
    Maka inget manusia
    Perkeleng Dibata nge
    Sabab Tuhan Yesus e
    Nggo nangtangi kita pe

3. Nggo sasapNa kesalahen
    Bujur Dibatanta e
    Banta lalap keriahen
    Olanai min endele
    Arah Tuhan Yesus e
    Pang si dahi Bapa pe

4. Olanai alang-alangen
    Adi ate si tetap
    Labo kai pe man adangen
    Dat perkuah ate kap
    Sada si la banci lang
    Gelah nggit min kam teman

5. Enggo rutang kap kataNa
    Maka ikepkepNa kam
    Labo kapen ban rawaNa
    IdiloNa kam teman
    BaNa ukur, peraten
    Enda kap man pelimin

6. Dage mari kita k’rina
    Si pehaga Yesus e
    Ia si ndarami kita
    Lang pe kita nggo bene
    Keriahen lalap lit
    Kap man kalak si enggit

Sinusurkenca Pdt. J. H. Neumann
Download slide PowerPoint KEE No. 152

Join Grup Telegram dan Grup WA saya untuk mendapatkan update...

KEE No. 151 Nusur Min O Kesah Tuhan

KEE No. 151 : 1-3 (Nusur Min O Kesah Tuhan)

1. Nusur min o, Kesah Tuhan
    Bengket ku ukurku e
    Maka Kata sini suan
    Turah janah ‘rbuah pe
    Kam ibas Dibata nari
    Pekena ukurku min
    Pasu-pasu pendahin
    Maka aku genduari
    Ndaram tuah si tetap
    Alu ate si tetap

2. Kam benana kegeluhen
    Kam si mahan ukur t’rang
    Kam si jadi persuruhen
    Maka kerajan menang
    Maka perpulungen kari
    Tutus ngikut Yesus kap
    Janah IA peserap
    Ibas dosa doni nari
    Jadi dungna me bage
    Bagi Kam badia pe

3. T’rang Badia ras Penuduh
    Dalin kegeluhen e
    Ajar kami maka mubuh
    Kami arah Kam kepe
    Maka ‘rsada ras Dibata
    Maka alu tutus e
    Rembak min ras Kristus pe
    Seh me dungna lanai lata
    Haleluya lah pujin
    BaNdu asa lalap min

Sinusurkenca Pdt. E. J. Van den Berg
Download slide PowerPoint KEE No. 151

Join Grup Telegram dan Grup WA saya untuk mendapatkan update...

KEE No. 150 Siraskenlah Sipuji Kerina

KEE No. 150 : 1-4 (Siraskenlah Sipuji Kerina)

1. Siraskenlah si puji k’rina
    Tuhanta i kiniulinNa
    Ngkunduli kursi kerajan
    Ku je ukurta min siban
    I jem kepeken erta e
    Sinama kesangapen

2. ‘Di IA kal nge Pengulunta
    Si bujur saja man gurunta
    E kita ginemgemNa kap
    Si arus ngikut pe tetap
    Nggo ipesaiNa dalin e
    Ku surga kita lah dage

3. Megenggeng ndube ibas susah
    Kuga pe ilawanna dosa
    Mahanca e enggo menang
    Nggo kundul me ibas terang
    Si ikut-ikutlah dage
    Man banta pe upahna e

4. Tuhan sampati aku lalap
    Aku itawin doni kuakap
    La ngasup aku erleka
    Ntah lalap denggo mesera
    KesahNdu man penundalen
    E maka kuikutken Kam

Sinusurkenca Pdt. M. Joustra
Download slide PowerPoint KEE No. 150

Join Grup Telegram dan Grup WA saya untuk mendapatkan update...

KEE No. 149 Meriah Sora Ndenta E

KEE No. 149 : 1-2 (Meriah Sora Ndenta E)

1. Meriah sora ‘ndenta e
    Ku surga kap Tuhanta
    Aminna kita susah pe
    Bagidi e k’rajangta
    La kap ateta terdele
    Siteh ija Tuhanta e
    Je pe pagin inganta

2. Nggo tangkas kegeluhen e
    ‘Di surga nggo kap talang
    Ibahan Tuhan me kepe
    LiasNa la teralang
    IpekenaNa ingan je
    Man si megiken sora e
    Janahna ukur malang

Sinusurkenca Pdt. M. Joustra
Download slide PowerPoint KEE No. 149

Join Grup Telegram dan Grup WA saya untuk mendapatkan update...

KEE No. 148 O Doni Olanai Ndele

KEE No. 148 : 1-6 (O Doni Olanai Ndele)

1. O doni olanai ndele
    Ndeher i surga rumah Bapa
    Pujin man Penebusta e
    Man Yesus, Anak Bapa

2. Lah bulan matawari pe
    Lah doni, surga ras isina
    Ersembah ku Si nangkih e
    Si ngerajai k’rina

3. Kepeken Ia permenang
    Si nggalar utang manusia
    Nggo nangkih pe ku ingan t’rang
    TatapNa ku doni enda

4. E desken kita Ia nge
    Seakatan dosa ras salah
    E maka Ia Raja me
    Man baNa k’rina kuasa

5. Ku IA tare min ku das
    Si mersan dosa manusia
    Imamta si mbelin i das
    Njamini kita k’rina

6. Kam nembah man Tuhanndu e
    Begiken asa kai pedahNa
    Si nangkih tentu mulih pe
    La nai bo ndekahsa

Sinusurkenca Pdt. M. Joustra
Download slide PowerPoint KEE No. 148

Join Grup Telegram dan Grup WA saya untuk mendapatkan update...

KEE No. 147 Ertuah Kam Si Tek

KEE No. 147 : 1-5 (Ertuah Kam Si Tek)

1. Ertuah kam si tek
    la gia kam ngidah sa
    I doni enda erperang
    Bage pe lit kepe upahna
    la ndekahsa
    ‘Di kamlah permenang

2. La gia kam erjimpuh
    ibas nahe Tuhan
    Perban kam tek,
    e ngaku kam
    Ma Ia permenang
    ras Raja kegeluhen ?
    IpegeluhNa kam

3. Kam k’rina si tetap
    tahanken seh matendu
    Ku kubur pe la terndele
    Iban i jenda kin,
    je malem me atendu
    Kam ngidah denggo je

4. Kudaslah tare,
    kam si picet tah melungun
    Mesui, kai cedana e
    Kalak si tetap
    erpengarapen ngenehen
    Ku rumah Bapa e

5. I rumah Bapa kap je
    enterem temandu
    Si muji Tuhan Penebus
    I je nggo endekah
    ibanNa ka ingandu
    Ku je kam pagi t’rus

Sinusurkenca Pdt. M. Joustra
Download slide PowerPoint KEE No. 147

Join Grup Telegram dan Grup WA saya untuk mendapatkan update...

KEE No. 146 Yesus Kristus Enggeluh

KEE No. 146 : 1-2 (Yesus Kristus Enggeluh)

1. Yesus Kristus enggeluh,
    Kita pe dirembak rasSa.
    Pengarapennta nteguh,
    Adi kita pe tek ibasSa.
    Lanai pagit kematen
    Talu ban kiniteken.

2. Yesus enggeluh kepe,
    Kematen e persuruhen.
    Si nuduhken banta e,
    Dalin ku kinigeluhen.
    Pegedang ateta min,
    Tuhan pematangta kin.

Sinusurkenca Pdt. M. Joustra
Download slide PowerPoint KEE No. 146

Join Grup Telegram dan Grup WA saya untuk mendapatkan update...

KEE No. 145 Endekenlah Ende-Enden

KEE No. 145 : 1-3 (Endekenlah Ende-Enden)

1. Endekenlah ende-enden
    Sangana wari kekeken
    Si pujilah min Tuhan radu
    Nggo kapen ate enggedang
    Ibahan Tuhan si menang
    E kematen enggo me telu

2. ItebusiNa kita e
    GeluhNa penebusta nge
    Musuhta k’rina iperangiNa
    Enggo me kita keke ras
    Ukurta pe enggo melas
    Erdalin rusur ibas t’rangNa

3. Lanai ukurta endele
    Siteh kut’ra pe la bene
    Imanuel nemani kita
    Ma kubur italukenNa?
    Susahta labo kutera
    Nggeluh me kita ras Rajanta

Sinusurkenca Pdt. M. Joustra
Download slide PowerPoint KEE No. 145

Join Grup Telegram dan Grup WA saya untuk mendapatkan update...

KEE No. 144 Tendingku E Nggo Itulbasi

KEE No. 144 : 1-3 (Tendingku E Nggo Itulbasi)

1. Tendingku e nggo itulbasi
    Lanai bene kap aku nge
    Ban dareh Yesus me njelasi
    Makana sai utangku pe
    Kerajang doni dosa kap
    ‘Di erta surga e tetap

2. Sabab idadakenNa tanNa
    Ngepkepsa isi doni e
    Melias Ia ipersanNa
    Kerina dosa doni pe
    Si ndahi IA terkelin
    Si nimbak e bene pagin

3. Lah sangap k’rina manusia
    Si lalar ibas dalin e
    Nggo reh Penawar, mate IA
    Lah si nggo tek temanNa nge
    Idilo Yesus k’rina kap
    Keleng ateNa min gejap

Sinusurkenca Pdt. E. J. Van den Berg
Download slide PowerPoint KEE No. 144

Join Grup Telegram dan Grup WA saya untuk mendapatkan update...

KEE No. 143 Kam Anak Bapa Me Kepe

KEE No. 143 : 1-2 (Kam Anak Bapa Me Kepe)

1. Kam Anak Bapa me kepe
    Tertaban ras teriket
    Kam bagi penjulasa me
    BabaNdu tuhu picet
    Kam kap si la ersalah e
    Kena penaling kalak e
    Je penggas-gasi IA
    Megenggeng Kam seh mate pe
    Tapina arah mate
    Nebusi manusia

2. MateNdu kap pengapul e
    Enggo ngalemi dosa
    Lah pajek kegeluhen pe
    Kam mate i Golgota
    Nggo pulah si perdosa kap
    Nggo malem ukur pe tetap
    MateNdu pengarapen
    Gundari dingen pe pagin
    Man k’rina si nggit terkelin
    E jadi kesangapen

Sinusurkenca Pdt. E. J. Van den Berg
Download slide PowerPoint KEE No. 143

Join Grup Telegram dan Grup WA saya untuk mendapatkan update...

KEE No. 142 Ipersan Kam Tuhan Kinisuin

KEE No. 142 : 1-3 (Ipersan Kam Tuhan Kinisuin)

1. Ipersan Kam Tuhan kinisuin
    Nggit Kam ngaloken kapen si mejin
    Lah kami si perdosa terkelin
    Kam jadi kahul
    Man kami e ibaba Kam pengapul
    Kam jine bengket kubas dosa jenda
    Kam jine nggalar utang kami enda
    Melias Kam

2. Penawar  si ni bunuh kalak e
    Ban kami si perdosa atan pe
    Ibas  si makukenca ma bene
    Perdosa k’rina ?
    E lang ! Sabap ibahan Kam dalinna
    Kam pengalemi dosa manusia
    Kam mate lah lanai perdosa ia
    Melias Kam

3. Ban kebebasen kami sangap kap
    Je palas kiniteken e tetap
    Je ‘rmengkah ate kami nggo tetap
    Lit pengarapen
    Sabap guluh si rasa lalap kapen
    Kerajang kalak e si tek atena
    Penalemenna lit ibas matena
    Ma sangap e?

Sinusurkenca Pdt. E. J. Van den Berg
Download slide PowerPoint KEE No. 142

Join Grup Telegram dan Grup WA saya untuk mendapatkan update...