KEE No. 284 Kam si reh ndahi Bapa

KEE No. 284 : 1-3 (Kam si reh ndahi Bapa)

1. Kami si reh ndahi Bapa
    Maba baban si mberat kap
    Picet rukur gulut nderpa
    PenampatNdu ‘rban terakap

2. O, Tuhan Jesus sampatlah
    Si sakit ntah rate ndele
    PerkuahNdu ‘rbanca pulah
    Ukur kami pe la bene

3. Di kinitekenku kote
    Pengarapen menam bene
    Kuasa ras keleng ateNdu
    E saja penalemenku

At even the Sun Was Set, Henry Twells 1868
Lagu: Jerman 1657
Syair Karo: BPIMG (2000-2005)
Download slide PowerPoint KEE No. 284

Join Grup Telegram dan Grup WA saya untuk mendapatkan update...

KEE No. 283 Kata ni Dibata bagi cirus udan

KEE No. 283 : 1-3 (Kata ni Dibata bagi cirus udan)

1. Kata ni Dibata
    bagi cirus udan,
    Nusur ku doni enda
    peturah si nuan,
    O, langit ras doni
    kam pe o, pertibi
    Begiken soraNa,
    jadi erpemegi.

2. Aloken tendingku
    kata ni Dibata
    Ia kap setia,
    adil perbahanNa
    Benar me kap Ia,
    padanNa pe tetap
    Si ngikutken Ia,
    dame rasa lalap.

3. Nggeluh i bas doni
    lalap lit si kurang
    Di nadingken Tuhan,
    geluh kin pe rontang
    I bas Tuhan ngenca,
    ulu pengarapen
    Si ernalem ba-Na,
    ndatken kesangapen.

Lagu & Syair: E.P. Ginting'S (1983)
Erpalasken Ulangen 32:1-4, 10:5
Download slide PowerPoint KEE No. 283

Join Grup Telegram dan Grup WA saya untuk mendapatkan update...

KEE No. 282 Kukataken bujur baNdu

KEE No. 282 : 1-3 (Kukataken bujur baNdu)

1. Kukataken bujur baNdu
    O Kam Tuhan Penebus
    Aku enggo s’lamatkenNdu
    Arah lias ateNdu
    Reff.    Keleng kal ateNdu aku
        Simpar kap ngaruhNdu bangku
        Lias ateNdu la nai terpilasi
        Ku puji Kam tep-tep wari

2. Tergejap pasu-pasuNdu
    I bas kegeluhenku
    Rejeki arah dalinku
    Icur-curkenNdu bangku
    Reff.    Keleng kal ateNdu aku
        Simpar kap ngaruhNdu bangku
        Lias ateNdu la nai terpilasi
        Ku puji Kam tep-tep wari

3. Arah perkuah ateNdu
    Mejuah-juah aku
    Senang me kapen geluhku
    Kupujilah gelarNdu
    Reff.    Keleng kal ateNdu aku
        Simpar kap ngaruhNdu bangku
        Lias ateNdu la nai terpilasi
        Ku puji Kam tep-tep wari

Lagu & Syair:  Elisabeth Tarigan, BA (2004)
Download slide PowerPoint KEE No. 282

Join Grup Telegram dan Grup WA saya untuk mendapatkan update...

KEE No. 281 Kek’lengen Yesus kempak manusia

KEE No. 281 : 1-3 (Kek’lengen Yesus kempak manusia)

1. Kek’lengen Yesus kempak manusia
    Desken Dibata engkelengi Ia
    KekelengenNa maler kap man banta
    Adi sipakelah pedahNa
    Reff.    Min si keleng-kelengen kita k’rina
        Bagi pedahken Yesus bas pustaka
        Sababna kai sipindo bas gelarNa
        Ib’re Dibata man banta.

2. Ngasamken kesah nggit me kepe Ia
    Gelah terkelin kita manusia
    Dage dalanken si ni pedahkenNa
    Kempak temanta ise gia
    Reff.    Min si keleng-kelengen kita k’rina
        Bagi pedahken Yesus bas pustaka
        Sababna kai sipindo bas gelarNa
        Ib’re Dibata man banta.

3. Bas paksa kita nehken kekelengen
    Ola min siban ceda kempak teman
    Erban mehuli ola rahan-ahan
    Lah kedamen jujurken Tuhan
    Reff.    Min si keleng-kelengen kita k’rina
        Bagi pedahken Yesus bas pustaka
        Sababna kai sipindo bas gelarNa
        Ib’re Dibata man banta.

Lagu & Syair:  S Tarigan (2001)
Download slide PowerPoint KEE No. 281

Join Grup Telegram dan Grup WA saya untuk mendapatkan update...

KEE No. 280 Kegluhen doni Tuhan si ngaturkensa

KEE No. 280 : 1-3 (Kegluhen doni Tuhan si ngaturkensa)

1. Keg’luhen doni
    Tuhan si ngaturkensa
    Labo tersipati Ia si mada kuasa
    Tah kai pe jadi,
    Leben enggo itehNa
    La lit si terbuni i lebe-lebeNa
    La lit si terbuni i lebe-lebeNa

2. Man Tuhan pindo
    k’rina si perlukenndu
    Sehken arah toto,
    la bo perlu kam aru
    Lah tetap ukur arapen la erkusur
    Kekelengen Tuhan
    tetap labo luntur
    Kekelengen Tuhan
    tetap labo luntur

3. Bas sada paksa
    i bas kegeluhennta
    Tah gulut ukurta
    ras mambur pe iluhta
    Ola min lupa nandangi lias ateNa
    Gegehina kita ban keleng ateNa
    Gegehina kita ban keleng ateNa

Lagu & Syair: Subur Sinulingga (2003)
Download slide PowerPoint KEE No. 280

Join Grup Telegram dan Grup WA saya untuk mendapatkan update...

KEE No. 279 Kam kap Dibatangku

KEE No. 279 : 1-4 (Kam kap Dibatangku)

1. Kam kap Dibatangku
    Kam inganku cicio
    Tegu-tegu aku
    Begiken pertotonku
    Reff.    Ernalem man baNdu
        Kam pengarapenku
        Kidekah geluhku
        Ku puji Kam Tuhan

2. Bere gegeh bangku
    Mekuah ateNdu min
    Labuh kal tendingku
    SampatiNdu aku min
    Reff.    Ernalem man baNdu
        Kam pengarapenku
        Kidekah geluhku
        Ku puji Kam Tuhan

3. Entah kai si jadi
    Tetapkenlah ukurta
    Ras pe megenggenglah
    Ndalani kiniseran
    Reff.    Ernalem man baNdu
        Kam pengarapenku
        Kidekah geluhku
        Ku puji Kam Tuhan

4. Kupuji Kam Tuhan
    Rende aku man baNdu
    Sabab seh ulina
    PerbahenenNdu bangku
    Reff.    Ernalem man baNdu
        Kam pengarapenku
        Kidekah geluhku
        Ku puji Kam Tuhan

Lagu & Syair: Johanes Tarigan (2004)
Download slide PowerPoint KEE No. 279

Join Grup Telegram dan Grup WA saya untuk mendapatkan update...

KEE No. 278 Kudahi rumah persembahen

KEE No. 278 : 1-4 (Kudahi rumah persembahen)

1. Kudahi rumah persembahen
    Se gelah aku jumpa Tuhan
    Ban Ia sumbul keriahen
    Nggo b’reNa bangku kesangapen
    Reff.    Ersada me anakNdu k’rina
        Bas kiniteken tetap paguh
        Bagem biak anak Dibata
        Tetap nembah ras muji gelarNdu

2. I adep-adepen Dibata
    Siakukenlah k’rina dosa
    Je robah kita dingen jera
    Si gejap me pengalemiNa
    Reff.    Ersada me anakNdu k’rina
        Bas kiniteken tetap paguh
        Bagem biak anak Dibata
        Tetap nembah ras muji gelarNdu

3. Begikenlah kata Dibata
    Em kap si nerangi geluhta
    Jadikenlah wari-warinta
    Penembahennta e man baNa
    Reff.    Ersada me anakNdu k’rina
        Bas kiniteken tetap paguh
        Bagem biak anak Dibata
        Tetap nembah ras muji gelarNdu

4. Mehuli me akap Dibata
    Si mesikel pulung i jenda
    Tetap metedeh lah ateta
    Pulung meriah bas rumahNa
    Reff.    Ersada me anakNdu k’rina
        Bas kiniteken tetap paguh
        Bagem biak anak Dibata
        Tetap nembah ras muji gelarNdu

Lagu & Syair: S. Tarigan (2001)
Download slide PowerPoint KEE No. 278

Join Grup Telegram dan Grup WA saya untuk mendapatkan update...

KEE No. 277 Kam si ‘rjabu sendah enda

KEE No. 277 : 1-3 (Kam si ‘rjabu sendah enda)

1. Kam si ‘rjabu sendah enda
    Petetapndulah ukurndu
    Gelem padan ras janjindu
    Janji si nggo belaskenndu
    Ula lupa pedah ras kataNa
    Sabab e kap gegeh ras senjata
    Ibas ngalaken kerina paksa
    Gelah dame tetap keg’luhenndu

2. Bujur ninta man Dibata
    I bas k’rina pemereNa
    Ia si njayam geluhndu
    Gelah tetap perjingkangndu
    Dage ersadalah min arihndu
    Sada ukur sada penggejapen
    E maka tetaplah I bas Tuhan
    Si mere pasu-pasu man baNdu

3. Kerina lit kap paksana
    Nggeluh ibas doni enda
    Lit paksana ndele ate
    Lit ka paksana meriah
    Tapi bagi nina Tuhan Yesus
    K’rina maba ku bas kesangapen
    Adi kita ernalem man baNa
    Dage kataken bujur baNa

Lagu & Syair: Pdt. Hermanto (2003)
Download slide PowerPoint KEE No. 277

Join Grup Telegram dan Grup WA saya untuk mendapatkan update...

KEE No. 276 Kuikutken Kam o Tuhan

KEE No. 276 : 1-4 (Kuikutken Kam o Tuhan)

1. Kuikutken Kam o, Tuhan,
    Kam kap si perkeleng e,
    Sabab Kam si mere dalan,
    Dalan terkelin kepe.
    Reff.    Ia kapen Jurus’lamat,
        Ia kapen penampat,
        KataNa me kapen tambar,
        KuasaNa la ‘rsibar.

2. Tuhan kapen kuarapken,
    Jadi temanku nggeluh.
    Tetap Ia penalemen,
    Kinitekenku nteguh.
    Reff.    Ia kapen Jurus’lamat,
        Ia kapen penampat,
        KataNa me kapen tambar,
        KuasaNa la ‘rsibar.

3. Aku jadi si permenang,
    Yesus kap menangkenca.
    Pusuhku dame ras senang,
    Tuhan kap si m’rekenca.
    Reff.    Ia kapen Jurus’lamat,
        Ia kapen penampat,
        KataNa me kapen tambar,
        KuasaNa la ‘rsibar.

4. Kudarami K’rajan Tuhan,
    Ras pe kebenarenNa.
    Ib’reNa si ni perluken,
    Tanda keleng ateNa.
    Reff.    Ia kapen Jurus’lamat,
        Ia kapen penampat,
        KataNa me kapen tambar,
        KuasaNa la ‘rsibar.

Lagu & Syair: R. Sembiring (2004)
Download slide PowerPoint KEE No. 276

Join Grup Telegram dan Grup WA saya untuk mendapatkan update...