KEE No. 307 O Tuhanku Kam me permakanku

KEE No. 307 : 1-3 (O Tuhanku Kam me permakanku)

1. O Tuhanku Kam me permakanku
    E maka la kekurangen aku
    Ku mbal-Mbal m’ratah aku babaNdu
    I pesenang-senangNdu geluhku
    Reff. Permakanku sinjayam geluhku
Malem ateku senang tuhu
KelengNdu tetap maler man bangku
Kam me Tuhanku, Permakanku

2. IteguNdu kempak lau si maler
    IbahanNdu ateku nggo malem
    E maka tedeh ate tendingku
    Kempak keg’luhen si sikapkenNdu
    Reff. Permakanku sinjayam geluhku
Malem ateku senang tuhu
KelengNdu tetap maler man bangku
Kam me Tuhanku, Permakanku

3. Amin aku bas kelbung si gelap
    Arapenku man Tuhan e tetap
    La nai mbiar ndalani geluh e
    Sabab Tuhan e temanku jine
    Reff. Permakanku sinjayam geluhku
Malem ateku senang tuhu
KelengNdu tetap maler man bangku
Kam me Tuhanku, Permakanku

Lagu & Syair : C. Akwan 1984
erpalasken Masmur 23
Syair Karo : BPIMG 2000 - 2005
Download slide PowerPoint KEE No. 307

Join Grup Telegram dan Grup WA saya untuk mendapatkan update...

KEE No. 306 O kam tinepa Dibata

KEE No. 306 : 1-4 (O kam tinepa Dibata)

1. O kam tinepa Dibata
    Si mada kuasa pujilah
    Haleluya, Haleluya
    Matawari ersinalsal
    Krina teridah merandal
    Rasa lalap puji Tuhan
    Haleluya, Haleluya, Haleluya

2. Cahar warina si salang
    Sora perkas la teralang
    Haleluya, Haleluya
    Erkire embun meganjang
    Iembus angin silumang
    Rasa lalap puji Tuhan
    Haleluya, Haleluya, Haleluya

3. Maler me lau meciho
    Mahan muas jadi mburo
    Haleluya, Haleluya
    Api gurlah la teralang
    Sekelewet jadi terang
    Rasa lalap puji Tuhan
    Haleluya, Haleluya, Haleluya

4. Mari sipuji Tuhanta
    Mbelin kepe kuasaNa
    Haleluya, Haleluya
    Mulia kapen gelarNa
    T’ridah arah tinepaNa
    Rasa lalap puji Tuhan
    Haleluya, Haleluya, Haleluya

Altissimo omnipotente, Franciscus Assisi 1224'2526
All Creatures of God and King, William Hendry Draper 1926
Lagu : Peter von Brachel, 1623
Syair Karo : BPIMG 2000 - 2005
Download slide PowerPoint KEE No. 306

Join Grup Telegram dan Grup WA saya untuk mendapatkan update...

KEE No. 305 O, Tuhan Kam me Penampat

KEE No. 305 : 1-2 (O, Tuhan Kam me Penampat)

1. O, Tuhan Kam me Penampat
    ibas geluhku
    O, Tuhan Kam cicionku
    bas aru ateku
    Angin meter udan meder
    Kam me kubunku
    O, Tuhan Kam me ikutenku
    segedang geluhku

2. Enterem imbang-imbangku
    bas pertibi e
    Si atena nirangkenku
    ras Kam kap Tuhanku
    Kawali min, cikeplah min,
    lah la ku bene
    O, Tuhan Kam me pengarapen segedang geluhku

Lagu & Syair : Frida D. Harahap, 2004
Download slide PowerPoint KEE No. 305

Join Grup Telegram dan Grup WA saya untuk mendapatkan update...

KEE No. 304 O Tuhanku o, Dibatangku

KEE No. 304 : 1-5 (O Tuhanku o, Dibatangku)

1. O Tuhanku o, Dibatangku
    Rusur aku nimbak pedahNdu
    Nggo meluat k’rina geluhku
    Labo dame banna pusuhku

2. O Tuhanku o, Dibatangku
    Kutungtungken ukurku baNdu
    Ras mekuah ateNdu aku
    Sasapkenlah salah dosangku

3. O Tuhanku o, Dibatangku
    Kuikutken pedah-pedahNdu
    Ras pembarken kinirajaNdu
    Janah tetap jadi saksiNdu

4. O Tuhanku o, Dibatangku
    Sehken kami bujur man bandu
    Mbelin tuhu kekelengenNdu
    Ermulia tetap gelarNdu

5. O Tuhanku o, Dibatangku
    Kam kap lalap penalemenku
    Ras kupuji tetap gelarNdu
    I bas gedang-gedang geluhku

Lagu & Syair : Pdt. K. Purba, 2004
Download slide PowerPoint KEE No. 304

Join Grup Telegram dan Grup WA saya untuk mendapatkan update...

KEE No. 303 O Yesus, Kam terang geluhku

KEE No. 303 : 1-3 (O Yesus, Kam terang geluhku)

1. O Yesus, Kam terang geluhku
    Kam me si ngkelini tendingku
    La kap lit si man kebiarenku
    O Yesus Kam me kap bentengku
    Emakana la lit gentarku
    Amin lit si jahat nderpa aku
    Reff. O, Bapa dengkeh pemindonku
Lit kap sada sura-surangku
Atan min aku ibas RumahNdu
Sedekah geluhku

2. O Yesus, Kam terang geluhku
    Kam me si engkawali aku
    Ibas paksa lit kesusahenku
    O, Yesus ajari min aku
    Gelah nggeluh ngikut p’ratenNdu
    Arah dalan salang babai aku
    Reff. O, Bapa dengkeh pemindonku
Lit kap sada sura-surangku
Atan min aku ibas RumahNdu
Sedekah geluhku

3. O Yesus, Kam saja kusembah
    Sabab Kam Kap si mada kuasa
    Ibas surga bage pe i doni
    O Yesus surak m’riah aku
    Kudesken me persembahenku
    Pengataken bujur bas RumahNdu
    Reff. O, Bapa dengkeh pemindonku
Lit kap sada sura-surangku
Atan min aku ibas RumahNdu
Sedekah geluhku

Lagu & Syair : Sinarta H. Dunant Sinuraya
Download slide PowerPoint KEE No. 303

Join Grup Telegram dan Grup WA saya untuk mendapatkan update...

KEE No. 302 Nginget perkuah Dibata si mbelin

KEE No. 302 : 1-3 (Nginget perkuah Dibata si mbelin)

1. Nginget perkuah Dibata si mbelin
    Si isehkenNa man banta k’rina kin
    Ibas kerina dampar kegeluhen
    I doni si dem alu keguluten
    Reff. Endeskenlah kulanta man Dibata
Kerinana si lit ibas geluhta
Selaku persembahenta si nggeluh
Em persembahen si ngena ateNa

2. Sabab bage me arusna kita kin
    Ersembah man Dibatanta si mejin
    Si nggo m’reken man banta manusia
    Keg’luhen si mehuli ras badia
    Reff. Endeskenlah kulanta man Dibata
Kerinana si lit ibas geluhta
Selaku persembahenta si nggeluh
Em persembahen si ngena ateNa

3. Marilah k’rina sipuji Dibata
    Janah sipeteruk ka pe ukurta
    Alu bage si dat sura-suraNa
    Kai si mehuli ras ngena ateNa
    Reff. Endeskenlah kulanta man Dibata
Kerinana si lit ibas geluhta
Selaku persembahenta si nggeluh
Em persembahen si ngena ateNa

Lagu & Syair : Abdi Jaya Barus, 2003
Download slide PowerPoint KEE No. 302

Join Grup Telegram dan Grup WA saya untuk mendapatkan update...

KEE No. 301 Nggo sikap kami k’rina

KEE No. 301 : 1-3 (Nggo sikap kami k’rina)

1. Nggo sikap kami k’rina, ndengkehken kataNdu
    KesahNdu si Badia
    nampati anakNdu
    PedahNdu kap gegehku
    bage pe tendingku
    Penampat bas geluhku
    Ndat kepentarenNdu

2. Pengasup kami k’rina ndengkehken kataNdu
    Lah tutus megikenca
    ajar ras pedahNdu
    Kula tendingku
    ngada ku kam o Tuhanku
    KataNdu kap o Bapa
    pematang geluhku

3. AjariNdu o Bapa
    si nehken kataNdu
    Gelah ukur ras kata
    sentudu pedahNdu
    Pelikas pe kerina
    arah serayanNdu
    Gelah min kami k’rina
    dat gegeh si mbaru

Lagu & Syair : Yulianus Limbeng, 2003
Download slide PowerPoint KEE No. 301

Join Grup Telegram dan Grup WA saya untuk mendapatkan update...

KEE No. 300 Nehenlah sekelewetta

KEE No. 300 : 1-4 (Nehenlah sekelewetta)

1. Nehenlah sekelewetta
    Tataplah kujuma-juma
    K’rina page nggo reh gersingna
    Paksa rani enggo ertima
    Reff. Nehenlah sekelewetta
Tataplah kujuma-juma
Nggo megersing page kerina
Paksa rani enggo ertima

2. Juma e kai antusenNa
    Page e kai ka ertina
    Juma e me kap doni enda
    Page e me jelma kerina
    Reff. Nehenlah sekelewetta
Tataplah kujuma-juma
Nggo megersing page kerina
Paksa rani enggo ertima

3. Juma e ise madasa
    Page e ise empuna
    K’rajang Tuhanta enda kerina
    Doni enda Ia empuna
    Reff. Nehenlah sekelewetta
Tataplah kujuma-juma
Nggo megersing page kerina
Paksa rani enggo ertima

4. Di bage ise p’ranisa
    Juma e bage belangna
    Pindolah man si mada juma
    Nuruh k’rina si erdahinNa
    Reff. Nehenlah sekelewetta
Tataplah kujuma-juma
Nggo megersing page kerina
Paksa rani enggo ertima

H.A. Pandopo, berdasarkan Yoh. 4:35; Mat 9:38
Syair Karo : BPIMG 2000 - 2005
Download slide PowerPoint KEE No. 300

Join Grup Telegram dan Grup WA saya untuk mendapatkan update...

KEE No. 299 Ngikut Tuhan kin atendu

KEE No. 299 : 1-3 (Ngikut Tuhan kin atendu)

1. Ngikut Tuhan kin atendu
    Persan silang
    Ola sangsi ola mbiar
    Ikutkenlah
    Reff. Persan saja min silangNdu,
Ikut terus
Mulia me kal upahNdu
tetap tutus

2. Simbaklah min peratenndu,
    saber tetap
    Bujur saja ukurindu,
    dat me sangap
    Reff. Persan saja min silangNdu,
Ikut terus
Mulia me kal upahNdu
tetap tutus

3. Kune susah tah mesera,
    megeng-genglah
    Tuhan Yesus usihennta,
    ikut gelah
    Reff. Persan saja min silangNdu,
Ikut terus
Mulia me kal upahNdu
tetap tutus

Will gif achter Jesus komen, dari Zangbundel Johan de Heer.
terj. J.M. Malessy 1983
Syair Karo : BPIMG 2000 - 2005
Download slide PowerPoint KEE No. 299

Join Grup Telegram dan Grup WA saya untuk mendapatkan update...

KEE No. 298 Mbincar matawari

KEE No. 298 : 1-3 (Mbincar matawari)

1. Mbincar matawari
    enggo kap nerangi
    K’rina negeri
    Juma ntah pe sabah
    Krangen si meratah
    Mehuli t’ridah

2. Terang ersinalsal
    Kerina merandal
    Tangkas kuidah
    Bapa si ni Surga
    Bapa si erkuasa
    Ia kusembah

3. Wari-wari g’luhku
    E pe pemereNdu
    IjujurkenNdu
    Ermengkah ateku
    Bekas penjayamNdu
    Pujin man baNdu

Lagu & Syair : Johan Georg Ahie, 1671
Syair Karo : BPIMG 2000 - 2005
Download slide PowerPoint KEE No. 298

Join Grup Telegram dan Grup WA saya untuk mendapatkan update...

KEE No. 297 Man baNdu Raja G’reja

KEE No. 297 : 1-2 (Man baNdu Raja G’reja)

1. Man baNdu Raja G’reja,
    isehken kami bujur
    Kam kap si njayamsa
    Geluh perpulungenNdu
    Pasu-pasuNdu Tuhan
    Kuse min bagi udan
    Maka serayanNdu Idemi kuasandu
    Latih ia la mbiar Ukurna tetap nggintar
    Kek’lengenNdu simpar
    B’ritaNdu jadi mbincar

2. Bahanlah min o,
    Tuhan erdolat serayanNdu
    Ngayu ras tersuan ngaloken pendiloNdu
    Ukur, pengarapenna
    man baNdu saja ngenca
    Tutus ras setia, kataNdu la tersia
    Lagu langkah muliah,
    e Kam si pesikapsa
    Tutus kal ateNa
    mbarken kata Dibata

Lagu : Daud Sembiring, 1983
Syair: BPIMG 2000 - 2005
Download slide PowerPoint KEE No. 297

Join Grup Telegram dan Grup WA saya untuk mendapatkan update...

KEE No. 296 Man baNdu Yesus Tuhanku

KEE No. 296 : 1-4 (Man baNdu Yesus Tuhanku)

1. Man baNdu Yesus Tuhanku
    Kuendesken geluhku
    Nggeluh sikeleng-kelengen
    Nggit sisampat-sampaten
    Reff. Erbuah kata ni suan
Bas kita anak Tuhan
Erbuah kata ni suan
Bas kita anak Tuhan

2. Nggeluh sitatang-tatangen
    Kita radu megegeh
    Nggit kita ngalemi salah
    Pusuh dame meriah
    Reff. Erbuah kata ni suan
Bas kita anak Tuhan
Erbuah kata ni suan
Bas kita anak Tuhan

3. Mediate ras mesayang
    Si m’uli ula sungsang
    Tetap siajar-ajaren
    La sitogan-toganen
    Reff. Erbuah kata ni suan
Bas kita anak Tuhan
Erbuah kata ni suan
Bas kita anak Tuhan

4. Kune teman mambur iluh
    Sampat g’lah ula ndabuh
    Paksa keriahen ukur
    Minter kataken bujur
    Reff. Erbuah kata ni suan
Bas kita anak Tuhan
Erbuah kata ni suan
Bas kita anak Tuhan

All for Jesus, All for Jesus, Mary D. James 1889
Lagu : Asa Hulf 1828
Syair Karo: BPIMG 2000 - 2005
Download slide PowerPoint KEE No. 296

Join Grup Telegram dan Grup WA saya untuk mendapatkan update...

KEE No. 295 Meriah kal ukurku

KEE No. 295 : 1-3 (Meriah kal ukurku)

1. Meriah kal ukurku
    m’ritaken gelarNa
    Berita kerna Yesus ras keleng ateNa
    Meriah kal ukurku nuriken si benar
    Peturah kiniteken ukurku tergintar
    Reff. Pembarkenlah kataNa
Kempak kerina jelma
Kerna Yesus Tuhanta
ras keleng ateNa

2. Meriah kal ukurku m’ritaken gelarNa
    Ergan kuasa gelarNa asang doni enda
    Meriah kal ukurku nuriken man bandu
    Enda b’rita si mbelin si’rbanca terkelin
    Reff. Pembarkenlah kataNa
Kempak kerina jelma
Kerna Yesus Tuhanta
ras keleng ateNa

3. Meriah kal ukurku m’ritaken gelarNa
    Bas tetap kuulihi ertambah malemNa
    Meriah kal ukurku mbelin kuasaNa
    ‘Lah si langa metehsa ikut ngalokenca
    Reff. Pembarkenlah kataNa
Kempak kerina jelma
Kerna Yesus Tuhanta
ras keleng ateNa

I Love to tell the story, A. Catherine Hankey 1886
Lagu : William G. Fischer 1869
Syair Karo: BPIMG 2000 - 2005
Download slide PowerPoint KEE No. 295

Join Grup Telegram dan Grup WA saya untuk mendapatkan update...

KEE No. 294 Meriah kal ukurta

KEE No. 294 : 1-3 (Meriah kal ukurta)

1. Meriah kal ukurta,
    reh kap penampat
    Pesikaplah dalinNa ibas ukurta
    Biak-biak keg’lapen
    tadingken k’rina
    Aloken kesangapen keleng ateNa
    Reff. Sialo-alo Ia
ralep-alep lah min kita
Pesikaplah inganNa
bas ukurta

2. Di lit si meluk-eluk si pesikaplah
    Ukur si nggeduk-nggeduk
    jadi pinterlah
    Pesai-pesai dalanNa Raja Mulia
    Babailah kalak k’rina
    nembah man baNa
    Reff. Sialo-alo Ia
ralep-alep lah min kita
Pesikaplah inganNa
bas ukurta

3. Dibata kap Bapanta si nuruh Ia
    Nusur ku doni enda
    ndahi manusia
    Robahlah dingen jera kita kerina
    Dosanta iangkutNa
    terkelin kita
    Reff. Sialo-alo Ia
ralep-alep lah min kita
Pesikaplah inganNa
bas ukurta

Lagu & Syair: Pt. E.M. Barus
Download slide PowerPoint KEE No. 294

Join Grup Telegram dan Grup WA saya untuk mendapatkan update...

KEE No. 293 Meriah ukur kami o, Tuhan

KEE No. 293 : 1-4 (Meriah ukur kami o, Tuhan)

1. Meriah ukur kami o, Tuhan
    Lias ateNdu si nggo tersuan
    I gejap kami kuasaNdu mbelin
    Si erban kami k’rina terkelin
    Kam me kap si pegedangken umur
    Man baNdu kami ngataken bujur
    Kam me kap si pegedangken umur
    Man baNdu kami ngataken bujur

2. Penalemen kami suari berngi
    Kam uluna k’rina si mehuli
    M’riah ukurNdu tetap njujuri
    Lalap icur-curkenNdu rejeki
    Adina reh si serbut ngguluti
    PenampatNdu kap minter nurihi
    Adina reh si serbut ngguluti
    PenampatNdu kap minter nurihi

3. ItampekenNdu umur si gedang
    Rikut ka pe ras ukur si senang
    Bas dalin gelap ib’reNdu terang
    Kam si erbanca kami pemenang
    Keleng ateNdu la kap nggo sirang
    KuasaNdu la kal kapen teralang
    Keleng ateNdu la kap nggo sirang
    KuasaNdu la kal kapen teralang

4. Kasakai gia lit iba geluh
    M’lala ka gia musuh reh ngupuh
    Aminna doni g’rupuh tah gujuh
    La aku ndabuh la aku labuh
    Pengarapenku enteguh paguh
    Tetap ‘ku patuh tanNdu kap ngasuh
    Pengarapenku enteguh paguh
    Tetap ‘ku patuh tanNdu kap ngasuh

Syair & Lagu : R. Sembiring, 2004
Download slide PowerPoint KEE No. 293

Join Grup Telegram dan Grup WA saya untuk mendapatkan update...

KEE No. 292 Manusia nggo erdosa

KEE No. 292 : 1-3 (Manusia nggo erdosa)

1. Manusia nggo erdosa
    Meluat mekelesa
    Pusuh la bo lit damena
    Di sirang ras Dibata
    Begikenlah pendiloNa
    Ikutkenlah kataNa
    Geluh pelimbaruiNa
    Rembak kita ras Ia

2. Megati meganjang ukur
    Nogan nimbak kataNa
    Piah dungna latih rukur
    Di sirang ras Dibata
    Begikenlah pendiloNa
    Malang erlajar baNa
    Di mberat pe bas geluhta
    Menahang di ras IA

3. Di kita la mediate
    Man teman ras jabunta
    I ja pe la malem ate
    Disirang ras Dibata
    Begikenlah pendiloNa
    Usih perbahanenNa
    Sampati turang senina
    Dame senang ukurta

Syair & Lagu : Krismas I. Barus, 2004
Download slide PowerPoint KEE No. 292

Join Grup Telegram dan Grup WA saya untuk mendapatkan update...

KEE No. 291 M’riah ukur kami o, Bapa

KEE No. 291 : 1-3 (M’riah ukur kami o, Bapa)

1. Reff. M’riah kal ukur kami o, Bapa
Nembah jimpuh ertoto baNdu
Kam o, Tuhan ipuji kami
Ermulia gelarNdu
    Bengket kami o, Tuhan
    Ngadap ku lebeNdu
    Reh kami muji-muji gelarNdu
    Tuhan si Badia

2. Reff. M’riah kal ukur kami o, Bapa
Nembah jimpuh ertoto baNdu
Kam o, Tuhan ipuji kami
Ermulia gelarNdu
    Ulih peranin kami
    AlokenNdu, Bapa
    E me pengataken bujur kami
    Man Bandu Dibata

3. Reff. M’riah kal ukur kami o, Bapa
Nembah jimpuh ertoto baNdu
Kam o, Tuhan ipuji kami
Ermulia gelarNdu
    Bujur ningkami baNdu
    Ban keleng ateNdu
    IcukupiNdu k’rina si perlu
    Mbelin kal kuasaNdu

Syair & Lagu : Elisabeth Tarigan, BA, 2004
Download slide PowerPoint KEE No. 291

Join Grup Telegram dan Grup WA saya untuk mendapatkan update...

KEE No. 290 Labo erkiteken beluhku

KEE No. 290 : 1-3 (Labo erkiteken beluhku)

1. Labo erkiteken beluhku
    Labo erkiteken pentarku
    Tapi perbahan penampatNdu
    Mbelin tergejap bas ngasupku

2. Labo erkiteken dahinku
    Labo erkiteken pangkatku
    Tapi perbahan perkuahNdu
    Malem ateku tuhu-tuhu

3. Labo erkiteken ertangku
    Labo erkiteken bayakku
    Tapi perbahan pemereNdu
    Pasu-pasuNdu simpar bangku

Lagu & Syair: Pdt. Merry Tatuwo 2004
Download slide PowerPoint KEE No. 290

Join Grup Telegram dan Grup WA saya untuk mendapatkan update...

KEE No. 289 Lalap sikataken bujur

KEE No. 289 : 1-3 (Lalap sikataken bujur)

1. Lalap sikataken bujur
    Beritaken kemulianna
    Mbelin pemereNa banta
    Puji gelarNa
    Reff. Dibata kap cilinggementa
malem ateta
Tuhan Dibata Penalementa
Penanam-nanam bas geluhta

2. K’leng ateNa kapen nusur
    Lalaplah ngataken bujur
    Ingetlah pedahNa rusur
    Segedang umur
    Reff. Dibata kap cilinggementa
malem ateta
Tuhan Dibata Penalementa
Penanam-nanam bas geluhta

3. Adi seh sura-suranta
    Labo e perban gegehta
    Maka ula kita lupa
    Ia m’rekenca
    Reff. Dibata kap cilinggementa
malem ateta
Tuhan Dibata Penalementa
Penanam-nanam bas geluhta

Lagu & Syair: Pdt. Hermanto Tarigan 2004
Download slide PowerPoint KEE No. 289

Join Grup Telegram dan Grup WA saya untuk mendapatkan update...

KEE No. 288 Ku’ndesken k’rina g’luhku

KEE No. 288 : 1-3 (Ku’ndesken k’rina g’luhku)

1. Ku’ndesken k’rina g’luhku,
    Anem melket aku
    Tuhan penalemenku,
    Tetap me ukurku
    Kusimbak p’raten doni,
    Lah metunggung aku
    Gegeh kuasaNdu ndemi
    Lah malem ateku

2. Bas paksa kesusahen
    Pusuhku la gentar
    Kam me kap penalemen,
    La kal aku mbiar
    Mbelin keleng ateNdu
    Si njayam geluhku
    Senang kal kap ras Tuhan,
    Ersurak tendingku

3. TemaniNdu kap aku
    Bas dalin geluhku
    CikepNdu tetap tanku,
    K’leng ateNdu tuhu
    Alu kuasa KesahNdu,
    pengasupNdu aku
    E maka la aku lupa,
    Peb’linken gelar’Ndu

Karl Voigtlander 1827-1881
Syair : Vor meines Herzens Koning Dora Rappard 1842-1923
Syair Karo: BPIMG 2000-2005
Download slide PowerPoint KEE No. 288

Join Grup Telegram dan Grup WA saya untuk mendapatkan update...

KEE No. 287 Kune bas geluhta mara reh nderpa

KEE No. 287 : 1-3 (Kune bas geluhta mara reh nderpa)

1. Kune bas geluhta mara reh nderpa
    Arus jaga ula ukurta pera
    Pasu-pasu Tuhan ula kal lupa
    KekelengenNa la kap nggo erleka
    Reff. Pasu-pasuna siingetlah
Ia kapen ulu ni tuah
Pasu-pasu Tuhan ingetlah
Tuhan siperkuah
tetap sembahlah

2. Kune baban mberat ‘rbanca kam kote
    Ntah pengajuk doni ‘rbanca kam mbole
    Di kecibal geluh bagi la jore
    Tapi kiniteken ola kal monce
    Reff. Pasu-pasuna siingetlah
Ia kapen ulu ni tuah
Pasu-pasu Tuhan ingetlah
Tuhan siperkuah
tetap sembahlah

3. Kune erta doni ngajuk erdilo
    Biak si mehuli pe jadi menggo
    Perukuren mobah lanai meciho
    Tadingken kerina biak la payo
    Reff. Pasu-pasuna siingetlah
Ia kapen ulu ni tuah
Pasu-pasu Tuhan ingetlah
Tuhan siperkuah
tetap sembahlah

When upon life's billows / Count your blessings, John Oatman Jr. 1897
Syair Karo: BPIMG 2000-2005
Download slide PowerPoint KEE No. 287

Join Grup Telegram dan Grup WA saya untuk mendapatkan update...

KEE No. 286 Kuikutken me dalanNdu

KEE No. 286 : 1-4 (Kuikutken me dalanNdu)

1. Kuikutken me dalanNdu
    Dalan dame man bangku
    Terkelin me kap geluhku
    Itebusi darehNdu
    Reff. Ku ikutken me dalanNdu
Ku endesken geluhku
Bas Kam o Jurus’lamatku
Dame senang tendingku

2. Mesera gia dalanku
    PadanNdu kap enteguh
    Ngelawan kuasa gelap
    Di ras Kam menang tuhu
    Reff. Ku ikutken me dalanNdu
Ku endesken geluhku
Bas Kam o Jurus’lamatku
Dame senang tendingku

3. Kupersilahangken bangku
    Ngikutken pendiloNdu
    Kudalanken peratenNdu
    Dat aku pasu-pasu
    Reff. Ku ikutken me dalanNdu
Ku endesken geluhku
Bas Kam o Jurus’lamatku
Dame senang tendingku

4. Kupetetap me ukurku
    Nggeluh bujur ras tuhu
    B’reNdu usihen man bangku
    Puji sembahku baNdu
    Reff. Ku ikutken me dalanNdu
Ku endesken geluhku
Bas Kam o Jurus’lamatku
Dame senang tendingku

I will follow Thee, My Saviour, J. Eiginbury
Syair Karo: BPIMG 2000-2005
Download slide PowerPoint KEE No. 286

Join Grup Telegram dan Grup WA saya untuk mendapatkan update...

KEE No. 285 Kam me o, Tuhan pematang g’luhku

KEE No. 285 : 1-4 (Kam me o, Tuhan pematang g’luhku)

1. Kam me o, Tuhan pematang g’luhku
    Kam empuna tendingku
    Tedeh ateku sikel ukurku
    rembak tetap min ras Kam
    Reff. RembakkenNdu aku o, Tuhan
Ku kayu persilangNdu
RembakkenNdu aku
RembakkenNdulah
Ku lebeNdu o, Tuhan

2. Pegegehilah badiakenlah
    Aku enda kawanNdu
    G’lah paguh aku, tetap ukurku
    Bas nehken peratenNdu
    Reff. RembakkenNdu aku o, Tuhan
Ku kayu persilangNdu
RembakkenNdu aku
RembakkenNdulah
Ku lebeNdu o, Tuhan

3. Seh kal senangna seh kal riahna
    Rembak ras Kam o, Bapa
    Sanga ertoto entah ersembah
    Ukur pusuh ermegah
    Reff. RembakkenNdu aku o, Tuhan
Ku kayu persilangNdu
RembakkenNdu aku
RembakkenNdulah
Ku lebeNdu o, Tuhan

4. La bo ’nggo serta g’luh enda
    Ras Kam ngenca mambarna
    I bas rumahNdu i adepenNdu
    Dame me tuhu-tuhu
    Reff. RembakkenNdu aku o, Tuhan
Ku kayu persilangNdu
RembakkenNdu aku
RembakkenNdulah
Ku lebeNdu o, Tuhan

I am thine, o Lord, Fanny J. Crosby 1875
Lagu Asli: William Howard Doane 1875
Syair Karo: BPIMG 2000-2005
Download slide PowerPoint KEE No. 285

Join Grup Telegram dan Grup WA saya untuk mendapatkan update...