KEE No. 141 E Lalap Nge Kuinget

KEE No. 141 : 1-3 (E Lalap Nge Kuinget)

1. E lalap nge kuinget
    Gurungku Tuhan e
    Ku idah nggo teriket
    Iuru kalak e
    TakalNa nggo terdareh
    Ban duri si telap
    Teman-temanNa ja keh?
    Ma sada pe tetap

2. UkurNa kap mehuli
    PedahNa bujur nge
    Perdosa iapuli
    E peratenNa me
    Ah, la kap lit inganNa
    Nggo latih pe ‘rdahin
    I kayu silang saja
    Je jumpa pengadin

3. ‘Bas paksa kegelapen
    Erkinar-kinar t’rang
    I kayu silang kapen
    Tuhanku nggo menang
    Nggo talu me nuate
    Nggo mutus me kesah
    Lang! Ja Tuhanku mate
    Je padan ngge esah

Sinusurkenca Pdt. M. Joustra
Download slide PowerPoint KEE No. 141

Join Grup Telegram dan Grup WA saya untuk mendapatkan update...

KEE No. 140 Hosiana Enam Reh

KEE No. 140 : 1-3 (Hosiana Enam Reh)

1. Hosiana ! Enam reh
    Anak Daud ku bas kutaNa
    O pe denga Ia seh
    Tanem lambe ban inganNa
    Ngambur rudang, pekena,
    Dalin iadepenNa

2. Hosiana ! Tuhan reh
    Kam ialo-ialo kami
    Ate kami enggo seh
    Nggo kam muat ukur kami
    Bengket ukur kami e
    Ialoken kam je

3. Hosiana ! Sampatlah
    Maka la pekulah-kulah
    Persembahken kamilah
    Ukur baNdu si mekuah
    Kalak si megiken Kam
    Saja ialoken Kam

Sinusurkenca Pdt. M. Joustra
Download slide PowerPoint KEE No. 140

Join Grup Telegram dan Grup WA saya untuk mendapatkan update...

KEE No. 139 I Betlehem Nggo Tubuh

KEE No. 139 : 1-5 (I Betlehem Nggo Tubuh)

1. I Betlehem nggo tubuh
    Tuhanta Yesus e
    Lah jumpa ras merincuh
    Ukurku pe ku je Ukurku pe ku je

2. InganNa kitik gia
    Teratak gia kin
    Rajangku kapen Ia
    La lit si terulin
    La lit si terulin

3. Ateku me ersembah
    Man si tubuh i je
    Ban si mekuah
    Man si perdosa nge
    Man si perdosa nge

4. Nggit aku ngikut rusur
    Rajangku enda pe
    Sabapna ipesusur pe
    KesahNa bangku pe
    KesahNa bangku pe

5. Ota dage sidahi
    Ras kita radu pe
    Lah IA pegegehi
    Kinitekenta e
    Kinitekenta e

Sinusurkenca Pdt. E. J. Van den Berg
Download slide PowerPoint KEE No. 139

Join Grup Telegram dan Grup WA saya untuk mendapatkan update...

KEE No. 138 Yesus Kam Medem Ibas Nggala

KEE No. 138 : 1-3 (Yesus Kam Medem Ibas Nggala)

1. Yesus Kam medem ibas nggala e
    Raja mulia si bujur e
    Kam si mekuah so tek kalak e
    Bengket pusuhku ringan i je
    Bengket pusuhku ringan i je

2. Yesus inganNdu pelangkah kepe
    Raja mulia si bujur e
    Si ngena ate so tek aku pe
    Bengket pusuhku ringan i je
    Bengket pusuhku ringan i je

3. Yesus, Kam ringan i karang kepe
    Raja mulia kupuji e
    Kam si mekuah oh, nusur ka pe
    Bengket pusuhku ringan i je
    Bengket pusuhku ringan i je

Sinusurkenca Pdt. E. J. Van den Berg
Download slide PowerPoint KEE No. 138

Join Grup Telegram dan Grup WA saya untuk mendapatkan update...

KEE No. 137 Bintang Nu Timur

KEE No. 137 : 1-2 (Bintang Nu Timur)

1. Bintang nu Timur mulihi erkilat
    T’rangndu mehuli sinalsalna kin
    Bagi nai guru ngikutsa mehamat
    Bage pe kami taruhken Kam min

2. Dalin tuduhken lah kami ersembah
    Ngadap man Tuhan si nusur ku je
    Ngaku man baNa ban IA Tuhanta
    Sehken luahta man Rajanta e

Sinusurkenca Pdt. E. J. Van den Berg
Download slide PowerPoint KEE No. 137

Join Grup Telegram dan Grup WA saya untuk mendapatkan update...

KEE No. 136 Kam Krina Si Tek

KEE No. 136 : 1-3 (Kam Krina Si Tek)

1. Kam k’rina si tek
    Mari surak janah puji
    Pedas min kerina ku Betlehem
    Nehenlah Anak tubuh man Tuahta
    Mari kita nembah,
    mari kita nembah
    Mari kita nembah man Raja

2. O, Raja mulia si njujurken k’rina
    La mela Kam tunduh ibas ampun
    Kam me Dibata mula-mula nari
    Mari kita nembah,
    mari kita nembah
    Mari kita nembah man Raja

3. Kam k’rina malekat
    pujilah man Tuhan
    Ersurak, ersurak man baNalah
    Puji Dibata i surga, i doni
    Mari kita nembah,
    mari kita nembah
    Mari kita nembah man Raja

Sinusurkenca Pdt. M. Joustra
Download slide PowerPoint KEE No. 136

Join Grup Telegram dan Grup WA saya untuk mendapatkan update...

KEE No. 135 Berngi E Nggo Kepe

KEE No. 135 : 1-3 (Berngi E Nggo Kepe)

1. Berngi e, nggo kepe
    Yesus reh ku doni e
    Nusur lah ngangkut
    dosanta me kin
    Jadi kap musil
    lah sangap pagin
    Asa si tek Tuhan e
    Asa si tek Tuhan e

2. Anak e bujur pe
    Singena me aku e
    KiniulinNdu
    tadingken Kam kap
    Bengket ku doni
    lah t’rang si gelap
    Aku daramenNdu e
    Aku daramenNdu e

3. Berngi e, nggo kepe
    Tuhan reh ku doni e
    Padan Dibata
    teridah tetap
    KinikelengenNa
    banta me kap
    Tuhan sipuji gelah
    Tuhan sipuji gelah

Sinusurkenca Pdt. E. J. Van den Berg
Download slide PowerPoint KEE No. 135

Join Grup Telegram dan Grup WA saya untuk mendapatkan update...

KEE No. 134 O Kam Danak Danak

KEE No. 134 : 1-3 (O Kam Danak Danak)

1. O, Kam danak-danak
    Ku  Betlehem ras
    Nandangi pelangkah
    Ngenehen kubas
    I jem pemere Dibatanta me kap
    Gelah kam meriah ukurndu tetap
    Mari, mari, je lit me kap
    Gelah kam meriah ukurndu tetap

2. Sangana ersurak malekat ‘nterem
    Lit je Anak kitik entabeh medem
    BapaNa, nandeNa, meriah kepe
    Ras kalak permakan si nembah i je
    Mari, mari ras min ku je
    Ras kalak permakan
    si nembah ku je

3. Kam bagi permakan
    erjimpuh min je
    Ertoto man baNa katandu bage
    “O Tuhan begi pertoton kami min
    Persadalah kami ras Kam lah pagin
    Tuhan, Tuhan dengkehken min
    Persadalah kami ras Kam lah pagin”

Sinusurkenca Pdt. M. Joustra
Download slide PowerPoint KEE No. 134

Join Grup Telegram dan Grup WA saya untuk mendapatkan update...

KEE No. 133 Mula Mula Doni E

KEE No. 133 : 1-5 (Mula Mula Doni E)

1. Mula-mula doni e
    Rende me malekat je
    Ban si nasa lit tetap
    Tuhan sinembesa kap

2. Sanga tubuh Yesus pe
    Muji ka malekat je
    Lah perdosa terkelin
    IA jadi musil kin

3. E erkata ka pagin
    ‘Nde-enden malekat kin
    ‘Di ku doni mulih pe
    Tuhan si mulia e

4. Oh mejile sora e
    Sabab em biakna pe
    K’rina sora anak t’rang
    Ngena ate Tuhan kang

5. Raskenlah ngendeken min
    Kasa ‘rsora lit pagin
    Min babahku atan je
    Rende ras i surga pe

Sinusurkenca Pdt. E. J. Van den Berg
Download slide PowerPoint KEE No. 133

Join Grup Telegram dan Grup WA saya untuk mendapatkan update...

KEE No. 132 E Me Kap Wari Si Mbelin

KEE No. 132 : 1-3 (E Me Kap Wari Si Mbelin)

1. E me kap wari simbelin
    Ib’re Dibata banta kin
    AnakNa ku pertibi e
    Siinget min kelengNa e

2. Teringet kap enggo endekah
    Tuhanta nusur me gelah
    Pertibi enda la bene
    E tek me kita IA pe

3. Pujin si reh ku doni e
    Ende-endenta baNa pe
    Gelah me salih kita min
    Nggo jadi anak Tuhan kin

Download slide PowerPoint KEE No. 132

Join Grup Telegram dan Grup WA saya untuk mendapatkan update...

KEE No. 131 Surga Doni Pujilah

KEE No. 131 : 1 (Surga Doni Pujilah)

1. Surga doni pujilah,
    Tuhan Dibatandulah
    Haleluya AnakNa e
    B’rekenNa man banta e
    Ngena ateNa manusia
    Doni nggo meriah kang
    ‘Ndekenlah megang iban
    Ngena AteNa manusia

Sinusurkenca Pdt. M. Joustra
Download slide PowerPoint KEE No. 131

Join Grup Telegram dan Grup WA saya untuk mendapatkan update...

Slide Minggu Tritugas Gereja 27 Agustus 2017

Slide untuk liturgi MInggu Tritugas Gereja 27 Agustus 2017 Bahasa Karo silahkan di donwload disini dan disesuaikan. Terima Kasih....

KEE No. 130 I Tengah-tengah Embun Nari

KEE No. 130 : 1-6 (I Tengah-tengah Embun Nari)

1. I tengah-tengah embun nari
    Nggo pultak matawari t’rang
    Kam k’rina bangsa doni mari
    Dengkehken b’rita si senang
    Celinuh masap ban t’rang enda
    Celinuh kematen gelap
    Ras berngi dosa masap jenda
    Iban kinalsal t’rang me kap

2. I je me rusur itambahi
    Kam Tuhan ngaruh kami e
    Je kami lalap e nambahi
    La tengka dosa kami pe
    Perban bage kai nari galar
    Makana masap utang kin ?
    Bene me kami si nggo lalar
    Bene kin? Lanai terkelin?

3. Tapina B’rita si Meriah
    Mahanca ukur longge kap
    Gundari paksa kinitauh
    Man k’rina bangsa si gelap
    Erjimpuh i lebe Tuhanta
    Kam k’rina muji baNa pe
    Kiniulinna seh man banta
    IcukupiNa kai-kai pe

4. Enggo erdame Tuhan kapen
    Lah bebas ukur lembap pe
    Lah talu nari kegelapen
    Lah lanai ‘rkawan kami nge
    Si gelgel ngajuk, talu, surut
    Si ngkilang me teriket pe
    Je sangap kami, labo ikut
    Makana kami la bene

5. Man kesenangen manusia
    Nggo tubuh Penawarna e
    Perban si erkuasa Ia
    Meherga beritana e
    GelarNa : Raja si mulia
    Pelongge dalin banta e
    Dosanta kapen ipersanNa
    DarehNa masapkenca nge

6. O, Raja Dame Kam kap saja
    Njadiken dame doni pe
    Ras dame ukur manusia
    Lah si erkesah nembah me
    Min k’rina si erdosa atan
    Bas Kam o, Raja Dame e
    Lah perdamen si nggo ibahan
    Tergejaplah man ise pe

Sinusurkenca Pdt. M. Joustra
Download slide PowerPoint KEE No. 130

Join Grup Telegram dan Grup WA saya untuk mendapatkan update...

KEE No. 129 Kupuji Kam O Dibatangku

KEE No. 129 : 1-3 (Kupuji Kam O Dibatangku)

1. Ku puji Kam o, Dibatangku
    Ras ku kataken bujur pe
    Ban labo kurang kai pe bangku
    Kam sekawalku berngi e
    Medak ibas mejuah-juah
    Ukurku sapa mata t’rang
    Je kugenggengken picet susah
    Ban daging bugis ras senang

2. Tapina daging gia sikap
    Meriah gia enggeluh
    Kerina enda la terakap
    ‘Di la ukurku pe nteguh
    E maka mindo aku baNdu
    Pegegeh aku sendah pe
    Lah tergejap min arah tanNdu
    Seh bangku penampatNdu e

3. Lebih pe Tuhan, iuseken
    I’breken Kam kesahNdu min
    Lah ola nari kuueken
    ‘Bas percuban la talu kin
    Temani aku sendah enda
    Taruhken seh ku dungna pe
    Gelah terpuji Kam i jenda
    Kam si ngkelengi aku e

Sinusurkenca Pdt. E. J. Van den Berg
Download slide PowerPoint KEE No. 129

Join Grup Telegram dan Grup WA saya untuk mendapatkan update...

KEE No. 160 Teman-Temanku Si Ni Jenda

KEE No. 160 : 1-2 (Teman-Temanku Si Ni Jenda)

1. Teman-temanku sini jenda
    Meriah kita rende ras
    Ban mengket rumah g’reja enda
    Ras muji Tuhan si ni das
    Enggo me tangkas kal teridah
    Bekas dahinta ras raron
    Ateta mekelek meriah
    Ngenehen rumah pertoton

2. Pujin sehken man Dibatanta
    I rumah pertoton e
    PedahNa ikataken banta
    B’ritaNa si mehuli me
    O, kita k’rina si ni jenda
    Ukurta min ku je tetap
    Berita si mehuli enda
    Pelawes dosa si gelap

Sinusurkenca Pdt. M. Joustra
Download slide PowerPoint KEE No. 160

Join Grup Telegram dan Grup WA saya untuk mendapatkan update...

KEE No. 128 Nggo Me Talu Kematen

KEE No. 128 : 1-4 (Nggo Me Talu Kematen)

1. Enggo me talu kematen
    Iban Tuhan Yesus e
    Nggo me keke kepe Ia
    Tudu ras padanNa pe
    Haleluya, haleluya !
    Nggo me keke Yesus e
    Haleluya, haleluya !
    Nggo me keke Yesus e

2. Si Maria ras temanna
    Lawes ku kuburen e
    La jumpasa Tuhan Yesus
    Nggo me keke Penebus
    Haleluya, haleluya !
    Nggo me keke Yesus e
    Haleluya, haleluya !
    Nggo me keke Yesus e

3. Ralep-aleplah min kita
    Perban keke Tuhan e
    Nggo me menang kita k’rina
    Nggo me talu kematen
    Haleluya, haleluya !
    Nggo me keke Yesus e
    Haleluya, haleluya !
    Nggo me keke Yesus e

4. Mari pujilah Tuhanta
    Si erkeleng ate e
    Nembah kita k’rina baNa
    Ia si melias pe
    Haleluya, haleluya !
    Nggo me keke Yesus e
    Haleluya, haleluya !
    Nggo me keke Yesus e

Sinusurkenca Gr. Ag. N. Sinuraya
Download slide PowerPoint KEE No. 128

Join Grup Telegram dan Grup WA saya untuk mendapatkan update...

KEE No. 127 Yesus Tuhanta Nangkih Ku Surga

KEE No. 127 : 1-3 (Yesus Tuhanta Nangkih Ku Surga)

1. Yesus Tuhanta
    Nangkih ku surga
    Kam o, Yesus Raja kami
    Kam man ikutenken kami
    Tegu kami pe
    Lah ku surga e

2. Tegu kami min
    Lah terkelin kin
    Kam min simulahi kami
    Ibas musuh kami nari
    Si ni doni e
    Tegu kami pe

3. B’re min kesahNdu
    Lias ateNdu
    Bengket kubas ukur kami
    Ia si ngkelini kami
    Bengket surga e
    Kesenangen e

Sinusurkenca Pdt. Ng. Munte
Download slide PowerPoint KEE No. 127

Join Grup Telegram dan Grup WA saya untuk mendapatkan update...

KEE No. 126 Terbuka Pintu Gerbang Mas

KEE No. 126 : 1-4 (Terbuka Pintu Gerbang Mas)

1. Terbuka pintu gerbang ‘mas
    I surga si terang
    Malekat ngalo-ngalosa
    Yesus si Permenang
    Yesus si Permenang

2. Si nusur ku pertibi e
    Ku doni si gelap
    Ia ipeganjangken nge
    Yesus Tuhanta kap
    Yesus Tuhanta kap

3. Yesus nangkih ku surga e
    Bengket ku bas terang
    Kam si pesikap ingan e
    I rumah si senang
    I rumah si senang

4. I surga nari nusur me
    Sinalsal kelengNdu
    Bagi lampu si terang me
    Nerangi dalinku
    Nerangi dalinku

Sinusurkenca Pdt. Ng. Munte
Download slide PowerPoint KEE No. 126

Join Grup Telegram dan Grup WA saya untuk mendapatkan update...

KEE No. 125 Nggo Me Berkat Tuhan E

KEE No. 125 : 1-4 (Nggo Me Berkat Tuhan E)

1. Nggo me berkat Tuhan e
    Ku das uruk Golgota
    Latih kal akapNa pe
    IpersanNa silang e
    Nembah kita baNa min
    Nginget k’lengNa banta kin

2. Kasa si kubahan e
    La erbahan senang pe
    Ceda kal ateku pe
    Naktak pe iluhku e
    K’rina si kugengken e
    Yesus penampatku nge

3. Kam kudahi o, Tuhan
    Ras dudurken tanNdu min
    Tahan Kam seh mate pe
    Ban kelengNdu me kepe
    Sampat aku lalap min
    Tebus Kam tendingku kin

4. Dosa me imbangku kap
    Yesus Kam Temanku ka
    M’luat nari aku pe
    Ban dosangku mbue nge
    Masap k’rina dosa e
    Tuhan si nasapsa e

Sinusurkenca Gr. Ag. N. Sinuraya
Download slide PowerPoint KEE No. 125

Join Grup Telegram dan Grup WA saya untuk mendapatkan update...

KEE No. 124 Ipasu-pasu Tuhan Dibatandu

KEE No. 124 : 1-3 (Ipasu-pasu Tuhan Dibatandu)

1. I pasu-pasu Tuhan Dibatandu
    O kam si empo, kam sitersereh
    Bahanlah Tuhan Yesus man temuendu
    Lah sura-sura si mehuli seh
    B’re Ia min si njujurken jabundu
    Gegeh ras ukur pe ras peraten
    Lah kekelengen ibas kam pekepar
    La lesap pe seh nirang kematen

2. Senang me kap si ‘rjabu sada arih
    Pehaga Tuhan peratenna ras
    Mehuli kal ‘di ise pe la dalih
    Berkat ku Minggu lah ertoto ras
    ‘Di kebiaken gelgel banci salih
    ‘Di pengerana reh hamatna pe
    Bas kehamaten labo ‘rlatih-latih
    Ipasu-pasu Tuhan me kepe

3. Meriah kal iakap orangtua
    Adi anakna ngikut ajar e
    E malem ukur si mesui lupa
    ‘Di la njuruken lagu anak e
    Senangna e di Tuhan si perkuah
    Rembak kin rusur ras dahinna e
    Ipasu-pasu Tuhan daten tuah
    Je malem-malem me ukurna e

Sinusurkenca Pdt. M. Joustra
Download slide PowerPoint KEE No. 124

Join Grup Telegram dan Grup WA saya untuk mendapatkan update...

KEE No. 123 Ketuahen Me

KEE No. 123 : 1-3 (Ketuahen Me)

1. Ketuahen me, riah ukur me
    Ketubuhen ni Yesus e
    Sangap me jelma
    Reh me Tuhanta
    Mari surak, aleplah, Haleluya

2. Ketuahen me, riah ukur me
    Ketubuhen ni Yesus e
    Malem me ateta,
    ‘rdame ras Dibata
    Mari surak, aleplah, Haleluya

3. Ketuahen me, riah ukur me
    Ketubuhen ni Yesus e
    Yesus Penawarta,
    tubuh man gunanta
    Mari surak, aleplah, Haleluya

Sinusurkenca Gr. Ag. N. Sinuraya
Download slide PowerPoint KEE No. 123

Join Grup Telegram dan Grup WA saya untuk mendapatkan update...

KEE No. 122 O, Tuhanku sampat aku

KEE No. 122 : 1-6 (O, Tuhanku sampat aku)

1. O, Tuhanku sampat aku
    Ibas tahun enda pe
    Pebaruilah gegehku
    Ngikut Kam seh dungna pe
    Pasu-pasu gelah min
    Kami si tek baNdu kin

2. Perukurku ras dahinku
    Pasu-pasu Kamlah min
    Amin paksa susah aku
    Ndeher aku ras Kam min
    Lawes, mulih aku e
    Kam ras aku lalap e

3. Bahan bangku tahun enda
    Tahun perkuah ate
    Dingen kesasapen dosa
    Em si kuarapken pe
    Bas Kam saja Tuhanku
    Aku daten si bage

4. Demi Kamlah min ukurku
    Alu k’leng ateNdu e
    Ras begiken min totonku
    Ban kuah ateNdu pe
    Percuban pedauhlah min
    Ola mersap ukurku kin

5. Petetaplah min ukurku
    Ngimbangi si iblis e
    B’re min gegeh rusur bangku
    Ngikutken pedahNdu e
    Gelah ola leket min
    ‘Kurku ibas doni e

6. Kam temanku o, Tuhanku
    Ibas tahun enda pe
    Tegu aku alu tanNdu
    ‘Di gegehku keri pe
    Gelah pinter ‘kurku pe
    ‘Di seh pendiloNdu e

Sinusurkenca Gr. Ag. N. Sinuraya
Download slide PowerPoint KEE No. 122

Join Grup Telegram dan Grup WA saya untuk mendapatkan update...

KEE No. 121 Tuhan Yesus Penebusku

KEE No. 121 : 1-5 (Tuhan Yesus Penebusku)

1. Tuhan Yesus Penebusku
    Ia penalemenku
    Ia singgalar utangku
    Sai ibanNa dosangku
    K’leng ateNa tangkas bangku
    Kegeluhen seh man bangku
    Perban e kupuji Kam
    Seh si rasa lalap e

2. Besar ka me kap kulaNa
    Perban iligasi pe
    E me pepalemken dosa
    Tek nge aku baNa pe
    NanamiNa kap suina
    Bangku kap nggo seh geluhNa
    Perban e kupuji Kam
    Seh si rasa lalap e

3. Duri ka man tengkulukNa
    Ras isaling-saling pe
    Duri ka pe perligasNa
    Palu ka takalNa e
    E me gengken Kam Tuhanku
    K’rina e iban dosangku
    Perban e kupuji Kam
    Seh si rasa lalap e

4. Kubas tanNdu ras naheNdu
    Ipakuken paku e
    Mambur ka ban e darahNdu
    I kayu silang kepe
    E me sumbul peridin
    Gelah aku pe terkelin
    Perban e kupuji Kam
    Seh si rasa lalap e

5. Perban e me o, Tuhanku
    Nembah aku baNdu pe
    Iasamken Kam kesahNdu
    Ngepkep si perdosa e
    Iban e nggo sai dosangku
    Salangsai me tuhu aku
    Perban e kupuji Kam
    Seh si rasa lalap e

Sinusurkenca Pdt. Ng. Munte
Download slide PowerPoint KEE No. 121

Join Grup Telegram dan Grup WA saya untuk mendapatkan update...

KEE No. 120 Tatap Min Ku Golgota

KEE No. 120 : 1-3 (Tatap Min Ku Golgota)

1. Tatap min ku Golgota
    Yesus me kap kahulta
    Ras kegeluhenta
    Gantung i kayu silang
    Enggengken kematen
    E lalap man ingetenta

2. Mambur me kap darehNa
    Nggo sair me dagingNa
    Enda igengkenNa
    Mutus me kap kesahNa
    Erkiteken serana
    Enda me kap gunanta

3. Kuga perbahan kami
    Ras lagu langkah kami
    Metunggung ngadap Kam ?
    Kami kalak perdosa
    Kam pe bagi perdosa
    Dosa nggo talu iban Kam

Sinusurkenca Gr. Ag. N. Sinuraya
Download slide PowerPoint KEE No. 120

Join Grup Telegram dan Grup WA saya untuk mendapatkan update...

KEE No. 119 Keke Tendingku

KEE No. 119 : 1-3 (Keke Tendingku)

1. Keke tendingku nggo keke Tuhanndu
    Neraka ras kematen enggo talu
    Raleplah kita ban sangap me kap
    Ras Tuhan Yesus kam nggeluh me kap
    Ras Tuhan Yesus kam nggeluh me kap

2. Talu si iblis ibahan Tuhanta
    Kematen nggo masap ras dosanta k’rina
    Piher tendindu ibahan si e
    IpegeluhNa me kita tetap!
    IpegeluhNa me kita tetap!

3. Di sibuniken kerina dosanta
    La banci kita ras Yesus ersada
    Tetap ukurndu ernalemlah min
    Lah lalap kita ras Ia menang!
    Lah lalap kita ras Ia menang!

Sinusurkenca Gr. Ag. N. Sinuraya
Download slide PowerPoint KEE No. 119

Join Grup Telegram dan Grup WA saya untuk mendapatkan update...

KEE No. 118 O, Kesah Si Badia E

KEE No. 118 : 1-5 (O, Kesah Si Badia E)

1. O, Kesah si Badia e,
    Bengketi pusuh kami pe,
    Layasi ukur kami.
    T’rang si ni surga nari e,
    Nerangi ukur kami pe,
    Peteneng tendi kami.
    Maka kami sikap k’rina,
    Make pedah ras kataNdu,
    B’re man kami min dameNdu

2. Kam si m’re ukur kami e,
    Kam si ngajari kami pe,
    Temani kami rusur.
    Gegehi kiniteken e,
    Lah tetap jingkang kami pe,
    Tatap min kami rusur.
    Toto kami b’re man kami,
    Dame ras Kesah Badia,
    Lah gelarNdu ermulia.

3. Gegehi kami k’rina min,
    Ngikut pedahNdu tetap kin,
    Bas kegeluhen kami.
    Bas k’rina paksa-paksa pe,
    Ntah paksa kesusahen pe,
    Tetap temani kami.
    Tuhan, Tuhan, tegu kami,
    Sampat kami seh terkelin,
    B’re gelarNdu kupebelin.

4. Pengapul surga nari e,
    Ngapuli ukur kami pe,
    DameNdu min man kami.
    Ajari kami k’rina pe,
    Ngelaken kekelengen e,
    Man k’rina teman kami.
    Ndauh min dosa maka ‘rdame,
    Ras meriah kita jelma,
    Ibas kegeluhen enda.

5. Pebadiaken kami min,
    Tegu, kawali kami min,
    Layasi ukur kami.
    Pedauh min ukur kami pe,
    Bas kuasa ilat, jahat e,
    Tegulah min tan kami.
    Tegu kami maka kami,
    Bengket ingan kesenangen,
    Kegeluhen, kesangapen.

Sinusurkenca Gr. Ag. N. Sinuraya
Download slide PowerPoint KEE No. 118

Join Grup Telegram dan Grup WA saya untuk mendapatkan update...

KEE No. 117 Nggo Mentas Tahun Male E

KEE No. 117 : 1-4 (Nggo Mentas Tahun Male E)

1. Nggo mentas tahun male e
    Kam me ku puji Tuhan e
    Jaga kawali Kam tetap
    Tendingku ras dagingku kap

2. O, Yesus Kam Penebusku
    Keleng ateNdu man bangku
    Tahun si mbaru enda pe
    Taruhken perpulungen e

3. Ras kami min kataNdu e
    Man tending ukur kami e
    Pedauh min k’rina dosa e
    Ras percuban si jahat e

4. Lias ateNdu o, Tuhan
    B’re min man kami ras teman
    Urasi kami k’rina min
    Alu Kesah Badia kin

Sinusurkenca Gr. Ag. N. Sinuraya
Download slide PowerPoint KEE No. 117

Join Grup Telegram dan Grup WA saya untuk mendapatkan update...

KEE No. 116 Rende Muji Tuhan

KEE No. 116 : 1-10 (Rende Muji Tuhan)

1. Rende muji Tuhan, Yesus tubuh kin
    Ia si mulahi kita jelma kin

2. Melala me dosa, percuban ka pe
    Si nuhsahi kita terjeng mate pe

3. Tuhan Dibatangku, Yesus Kam me kin
    Lanai aru ate kalak si tek kin

4. Nggo terapul aku, iban Kam me kin
    Tuah ras dameNdu min man bangku kin

5. Yesus tuhu teman, si melias kin
    Lias ateNdu peseh man bangku kin

6. Adi iteh kalak, Kam si bujur kin
    Ngadap me jelma nembah man baNdu kin

7. Ibas keriahen, kesusahen pe
    Kam me kap tetap man penumpakku pe

8. Ibas surga nari, natap Yesus e
    Jelma manusia tinebusNa e

9. Tetap ijagaNa, kalak si tek e
    ItaruhkenNa ku kesenangen e

10. Senang m’riah nari, ibas ingan e
      Amin, haleluya, puji Tuhan e

Sinusurkenca Pdt. Ng. Munte
Download slide PowerPoint KEE No. 116

Join Grup Telegram dan Grup WA saya untuk mendapatkan update...

KEE No. 115 Keriahen Si Mbelinna

KEE No. 115 : 1-3 (Keriahen Si Mbelinna)

1. Keriahen simbelinna,
    Sikuberitaken e
    Enggo tubuh si permakan
    Eme Tuhan Yesus e
    Pujilah min Dibatanta
    Ras dame dame dame man banta
    Dibatanta si erkuah ate,
    Man kita jelma e

2. Ibas berngi enda terang
    Bintang si mehelhel e
    T’rangna seh ku perukuren
    Si lanai erlayas pe
    Pujilah min Dibatanta
    Ras dame dame dame man banta
    Dibatanta si erkuah ate,
    Man kita jelma e

3. Tuhan Yesus persadanta,
    Em isuruh Bapa e
    Si nasapken k’rina dosa,
    Ibas Golgota kepe
    Pujilah min Dibatanta
    Ras dame dame dame man banta
    Dibatanta si erkuah ate,
    Man kita jelma e

Sinusurkenca Gr. Ag. N. Sinuraya
Download slide PowerPoint KEE No. 115

Join Grup Telegram dan Grup WA saya untuk mendapatkan update...

Slide Minggu GBKP Njayo

Slide untuk liturgi MInggu GBKP Njayo 06 Agustus 2017 Bahasa Karo silahkan di donwload disini dan disesuaikan. Terima Kasih....

KEE No. 114 Sendah Jumpa Kita Wari Raya E

KEE No. 114 : 1-3 (Sendah Jumpa Kita Wari Raya E)

1. Sendah jumpa kita wari raya e,
    Peringeten tubuh Tuhan Yesus e
    Nusur ndahi kita manusia e,
    Keriahen kap e
    Ermulia me Tuhanta,
    E sipuji me GelarNa
    Perdamen ib’re Dibata,
    Tuhan Yesus kap e

2. Mari kita ku kuta Betlehem e
    Muji nembah man Tuhanta Yesus e
    E tinenges Tuhan si perkuah e
    Dibata Bapa e
    Ermulia me Tuhanta,
    E sipuji me GelarNa
    Perdamen ib’re Dibata,
    Tuhan Yesus kap e

3. Sembah kami man bandu si tubuh e
    Kam si maba dame ku pertibi e
    Bengket min ku tendi ukur kami e,
    DameNdu o, Yesus
    Ermulia me Tuhanta,
    E sipuji me GelarNa
    Perdamen ib’re Dibata,
    Tuhan Yesus kap e

Sinusurkenca Pdt. Ng. Munte
Download slide PowerPoint KEE No. 114

Join Grup Telegram dan Grup WA saya untuk mendapatkan update...

KEE No. 113 Tuhan Kam Kupuji

KEE No. 113 : 1-3 (Tuhan Kam Kupuji)

1. Tuhan Kam kupuji
    ‘Rpagi-pagi e
    Medak aku nduari
    Daging bugis pe
    Sanga tunduh aku
    Ikawali Kam
    Aku ras temanku
    senang iban Kam

2. Gegeh ni dagingku
    Ipesuang Kam
    Kudahi dahinku
    Wari enda ka
    Pasu-pasu aku
    Ras dagingku pe
    Natap min matangku
    Lalap baNdu pe

3. Pegegeh min aku
    Wari sendah pe
    Pedauh Kam min dosa
    Ras percuban pe
    Gelah kuikutken
    Min KataNdu e
    Kam me kupujiken
    Ibas doni e

Sinusurkenca Gr. Ag. N. Sinuraya
Download slide PowerPoint KEE No. 113

Join Grup Telegram dan Grup WA saya untuk mendapatkan update...