KEE No. 500 Perkuah ateNdu

 KEE No. 500 : 1-2 (Perkuah ateNdu)

1. Perkuah ateNdu 
    ngenca pengarapenku.
    Labo lit si deban si pengasup aku
    Malem me ateku 
    nggeluh teruh kabengNdu
    Isikapken Tuhan k’rina kegeluhen
    Bagem kepe tuhu 
    keg’luhen anak Tuhan
    Si tetap ngarapken 
    perkuah ateNdu.

2. Bujur ningku baNu,
    Si ‘nggo nampati aku
    Bas teruh kuasaNdu,
    Ku ‘ndesken geluhku
    Bene me kerina kiniarun ateku
    Tuhan si ngangkatken 
    k’rina perbebenku
    Tetap ku endesken 
    kegeluhenku baNdu
    Jadikenlah aku jadi perkakasNdu

Kalimat Tarigan
Download slide PowerPoint KEE No. 500

Join Grup Telegram dan Grup WA saya untuk mendapatkan update...

KEE No. 499 Kupuji Kam o Dibata

 KEE No. 499 : 1-2 (Kupuji Kam o Dibata)

1. Kupuji Kam o Dibata, 
    Kam si ‘ngkawali aku
    Kam me kap kuta bentengku,
    Si engkelengi aku
    Reff. Ku persembahken ende-enden mbaru
Raduken kerina anakNdu
Ersurah m’riah dem keriahen ukur
Kupuji me gelarNdu
Kam Tuhan Penampat
Jadi me ingan kecion bas geluhku

2. Kupuji Kam o Dibata, 
    Kupuji kesetianNdu.
    Raduken sora kulcapi 
    Kupuji me gelarNdu
    Reff. Ku persembahken ende-enden mbaru
Raduken kerina anakNdu
Ersurah m’riah dem keriahen ukur
Kupuji me gelarNdu
Kam Tuhan Penampat
Jadi me ingan kecion bas geluhku

Pdt. Abdi Jaya Barus, 2001
Download slide PowerPoint KEE No. 499

Join Grup Telegram dan Grup WA saya untuk mendapatkan update...

KEE No. 498 Reh aku o Tuhan

 KEE No. 498 : 1-2 (Reh aku o Tuhan)

1. Reh aku o Tuhan,
    Ngadap man baNdu
    Ngakuken, kerina dosangku
    Reff. O Tuhan o Bapangku,
Alemi min
Kerina salah lepakku

2. Latih kal labuh kal,
    Tendingku o Tuhan
    ‘Di nggeluh aku bas dosa e
    Reff. O Tuhan o Bapangku,
Alemi min
Kerina salah lepakku

Ismail Efendy Purba
Download slide PowerPoint KEE No. 498

Join Grup Telegram dan Grup WA saya untuk mendapatkan update...

KEE No. 497 Tenanglah kam, Tenenglah tendingku

 KEE No. 497 : 1-4 (Tenanglah kam, Tenenglah tendingku)

1. Tenenglah kam, 
    tenenglah tendingku
    Sabab Tuhan lit kap i deherndu
    Amina pe deleng mundu-undu
    Tetaplah kam bas kinitekenndu
    Tenenglah kam
    Tenenglah tendingku
    Kinis’ranNa erban malem ‘tendu

2. Tenenglah kam, 
    tenenglah tendingku
    Sabab Tuhan tetap la terundu
    Ngarakken Kam mentasi si s’raNdu
    PetangkasNa si la iangkandu
    Tenenglah kam
    Tenenglah tendingku
    Sora Tuhan negu perdalanendu

3. Tenenglah kam, 
    tenenglah tendingku
    I b’re Tuhan si mehuli bandu
    Gejapkenlah k’leng ateNa bandu
    IaguiNa kerina susahndu
    Tenenglah kam
    Tenenglah tendingku
    PulahiNa kam bas perbebenndu

4. Tenenglah kam, 
    tenenglah tendingku
    Paksana seh Tuhan rembak ras kam
    SalihkenNa tangis jadi tawa,
    Keriahen jujurkenNa bandu
    Tenenglah kam
    Tenenglah tendingku
    Terkelin kam ban keleng ateNa

Lioyd Stone (1934) & George Harkness (1939)
Syair Asli : Jean Sibelius (Finlandia, 1899)
Syair Karo : BPIMG 2015
Download slide PowerPoint KEE No. 497

Join Grup Telegram dan Grup WA saya untuk mendapatkan update...

KEE No. 496 Inget aku Tuhan

 KEE No. 496 : 1 (Inget aku Tuhan)

1. Inget aku Tuhan
    Seh Kam pagi ibas surga
    Inget aku Tuhan
    Seh kam pagi ibas surga

Lagu : Jacgues Berthier (Taize)
Syair Karo : BPIMG 2015
Download slide PowerPoint KEE No. 496

Join Grup Telegram dan Grup WA saya untuk mendapatkan update...

KEE No. 495 Gloria

 KEE No. 495 : 1 (Gloria)

1. Gloria, Gloria,
    Muliaken Tuhan.
    Gloria, Gloria,
    Haleluya, Haleluya.

Gloria in Exelcis Deo (Taize)
Syair Karo : BPIMG 2015
Download slide PowerPoint KEE No. 495

Join Grup Telegram dan Grup WA saya untuk mendapatkan update...

KEE No. 494 Rende malekat surga

 KEE No. 494 : 1-3 (Rende malekat surga)

1. Rende malekat surga,
    Enggo tubuh Tuhanta.
    Dame surga babaNa,
    I b’rekenNa man banta.
    K’rina bangsa pujilah,
    Rende surak m’riahlah
    Ras malekat mbarkenlah
    Yesus reh ku Betlehem
    Rende malekat surga,
    Enggo tubuh Tuhanta

2. Surga muji gelarNa
    Tuhan si rasa lalap,
    Nehenlah reh Tuhanta
    Tubuh Raja mulia
    Nusur ku doni enda
    Tubuh idur Maria,
    Tuhan jadi manusia
    Rembak kita ras Ia
    Rende malekat surga,
    Enggo tubuh Tuhanta

3. Ibas keleng ateNa
    Kita i muliakenNa,
    Arah ketubuhenNa
    G’luh si mbaru berekenNa
    T’rang keg’luhen babana
    Kita jadi anakNa,
    Malem ate bas IA
    Enggo tubuh Rajanta
    Rende malekat surga,
    Enggo tubuh Tuhanta

Lagu Asli : Felix Mendessohn (1809-1847)
Syair Asli : Charles Wesley (1797-1788)
Syair Karo : BPIMG 2015
Download slide PowerPoint KEE No. 494

Join Grup Telegram dan Grup WA saya untuk mendapatkan update...

KEE No. 493 Nehen aku o Tuhan

 KEE No. 493 : 1-4 (Nehen aku o Tuhan)

1. Nehen aku o Tuhan,
    Nggo keri kel gegehku.
    Perbeben ngerimrim aku
    Sampat aku Tuhan.

2. Tegu aku o Tuhan,
    Nggo ndauh aku sirang
    Lanai ku ‘teh jingkangku,
    Sampat aku Tuhan

3. K’lengi aku o Tuhan,
    Nggo labuh kal tendingku
    Kam ngenca pengapulku,
    Sampat aku Tuhan.

4. Temani aku Tuhan,
    Kelinon kel pusuhku
    Berekenlah min dameNdu,
    Sampat aku Tuhan

Pdt. Rocky Marchiano Tarigan, 2015
Download slide PowerPoint KEE No. 493

Join Grup Telegram dan Grup WA saya untuk mendapatkan update...

KEE No. 492 Geluh si enggo iaturkenNdu

 KEE No. 492 : 1-3 (Geluh si enggo iaturkenNdu)

1. Geluh si enggo iaturkenNdu
    Kam me penggurunku.
    Susah tah senang ibas geluhku,
    Je turah gegehku.
    Kam kap Tuhanku
    Kam kap Bapangku
    Kem pengarapenku.
    Dudurken tanNdu tegu min aku
    Gelah malem ateku.

2. Bere min aku kepenteranNdu
    Ndalani geluhku,
    Ajari aku bas perbebenku
    Kam kap tundalenku
    Kam kap Tuhanku
    Kam kap Bapangku
    Kam pengarapenku
    Dudurken tanNdu tegu min aku
    Gelah malem ateku

3. Dengkehken min aku erlebuh
    Man Bandu Tuhanku
    Aku nggo kote aku nggo labuh
    Lanai lit gegehku
    Kam kap Tuhanku
    Kam kap Bapangku
    Kam pengarapenku
    Dudurken tanNdu tegu min aku
    Gelah malem ateku

Lagu : Jeremy Tarigan
Syair : Imza Sony Tarigan
Download slide PowerPoint KEE No. 492

Join Grup Telegram dan Grup WA saya untuk mendapatkan update...

KEE No. 491 Ersuraklah man Dibata

 KEE No. 491 : 1-3 (Ersuraklah man Dibata)

1. Reff. Ersuraklah man Dibata
Alu m’riah o doni k’rina
Ersuraklah man Dibata,
rende ras muliaken gelarNa
    M’riah ukurta bas wari enda
    TaruhkenNa kita
    kubas wari minggu enda

2. Reff. Ersuraklah man Dibata
Alu m’riah o doni k’rina
Ersuraklah man Dibata,
rende ras muliaken gelarNa
    Malem ateta bas geluh enda
    Amin latih rukur
    k’leng ateNa la erkusur

3. Reff. Ersuraklah man Dibata
Alu m’riah o doni k’rina
Ersuraklah man Dibata,
rende ras muliaken gelarNa
    Senang geluhta di ras Tuhanta
    Pulung kita jenda
    radu ras muji gelarNa

Lagu : Jeremy Tarigan
Syair : Imza Sony Tarigan
Download slide PowerPoint KEE No. 491

Join Grup Telegram dan Grup WA saya untuk mendapatkan update...

KEE No. 490 O Tuhanku sampat AnakNdu

 KEE No. 490 : 1-2 (O Tuhanku sampat AnakNdu)

1. Reff. O Tuhanku sampat AnakNdu
O Yesusku tegu anakNdu
Ibas ndalain kegeluhen
Sampat Tuhan, sampat min
    Doni si gelap. Dem percuban pe
    La ku ngasup ndalanisa,
    sampat o Tuhan

2. Reff. O Tuhanku sampat AnakNdu
O Yesusku tegu anakNdu
Ibas ndalain kegeluhen
Sampat Tuhan, sampat min
    La ‘rngadi-ngadi, reh si ngupuh pe
    Kerina jadi musuhku,
    sampat o Tuhan

Pdt. Imza Sony Tarigan
Download slide PowerPoint KEE No. 490

Join Grup Telegram dan Grup WA saya untuk mendapatkan update...

KEE No. 489 Nggo ka me seh

 KEE No. 489 : 1-7 (Nggo ka me seh)

1. Nggo ka me seh paksa sidang sinode
    Tetap si puji Dibata nge jine
    Dage kawalilah min kami tole
    Gelah terkelin bas paksa erbebe
    Reff. Kidekah sidang sinodenta enda
Ola min sada pe lit si banggerna
adi kataNa lah ban gelementa
Sieteh ngapai si benar tah dosa

2. ‘Nggo ka me seh paksa sidang sinode
    Itengah-tengah g’reja gebekape
    Min si pajekken k’rina si jore
    Tapi pekena ‘di lit kin si mbole
    Reff. Kidekah sidang sinodenta enda
Ola min sada pe lit si banggerna
adi kataNa lah ban gelementa
Sieteh ngapai si benar tah dosa

3. Sidang sinode paksa ibentasi
    Je olanai min lit si nggasgasi
    ‘di lit la tengteng ras-ras si layasi
    Ku si mehuli madin ni ayaki
    Reff. Kidekah sidang sinodenta enda
Ola min sada pe lit si banggerna
adi kataNa lah ban gelementa
Sieteh ngapai si benar tah dosa

4. Labo kap dalih gia lit si ‘nggo sambar
    Kinitekenta min tetap la mobar
    ‘Ban pemerena man banta nge simpar
    Gelahna kita pe mere melumbar
    Reff. Kidekah sidang sinodenta enda
Ola min sada pe lit si banggerna
adi kataNa lah ban gelementa
Sieteh ngapai si benar tah dosa

5. Bas sidang endalah gia pejore
    Kune lit denga pendahinta si murde
    Sebabna banci nge k’rina petembe
    ‘di b’re Dibatalah gegeh man banta
    Reff. Kidekah sidang sinodenta enda
Ola min sada pe lit si banggerna
adi kataNa lah ban gelementa
Sieteh ngapai si benar tah dosa

6. Siniarapken ni perpulungenNdu
    Sidang sinode dalanken erluhu
    Bas perbahanen perlangkah perlagu
    Gelah k’rina pagin ‘nggo sentudu
    Reff. Kidekah sidang sinodenta enda
Ola min sada pe lit si banggerna
adi kataNa lah ban gelementa
Sieteh ngapai si benar tah dosa

7. Dung kenca sidang sinodeta gelah
    PerpulungenNdu reh tambah ergiah
    Nehken kataNdu man kalak si nilah
    Maka reh mbarnalah b’rita s M’riah
    Reff. Kidekah sidang sinodenta enda
Ola min sada pe lit si banggerna
adi kataNa lah ban gelementa
Sieteh ngapai si benar tah dosa

Lagu : S. Tarigan 1997
Syair : S. Tarigan 15 April 2000
Download slide PowerPoint KEE No. 489

Join Grup Telegram dan Grup WA saya untuk mendapatkan update...

KEE No. 488 O Yesusku, o Rajangku

 KEE No. 488 : 1-3 (O Yesusku, o Rajangku)

1. O Yesusku, o Rajangku
    Simada kegeluhenku
    Kam si masu-masu g’luhku
    Tep-tep wari-waringku
    Reff. Mbelin tuhu keleng ateNdu
Bujur Tuhan
bas krina perbahanenNdu

2. O Yesusku, o Rajangku
    Kam kap tetap si nampati
    Si masu-masu geluhku
    Arah dahin si ku dahi
    Reff. Mbelin tuhu keleng ateNdu
Bujur Tuhan
bas krina perbahanenNdu

3. O Yesusku, o Rajangku
    ‘Nggo ikuhiNdu aku
    Aku jadi perkakasNdu
    Pembarkensa kataNdu
    Reff. Mbelin tuhu keleng ateNdu
Bujur Tuhan
bas krina perbahanenNdu

Ismail Efendy Purba
Download slide PowerPoint KEE No. 488

Join Grup Telegram dan Grup WA saya untuk mendapatkan update...

KEE No. 487 Endekenlah ‘nden-nden si mbaru

 KEE No. 487 : 1-3 (Endekenlah ‘nden-nden si mbaru)

1. Endekenlah ‘nden-nden si mbaru
    O doni kerina
    Rende min man Tuhan
    Turiken kemulianNa
    Reff. Ia kes’lamaten
simulahi kita
k’rina bangsa-bangsa
nembah ‘rjimpuh baNa

2. B’ritaken min man doni k’rina
    B’rita si mehuli
    Kerna kes’lamaten
    Man banta si tek baNa
    Reff. Ia kes’lamaten
simulahi kita
k’rina bangsa-bangsa
nembah ‘rjimpuh baNa

3. Mbelin medolat me kap Tuhan
    Emaka pujilah
    Lebih asa k’rina
    Dibata doni enda
    Reff. Ia kes’lamaten
simulahi kita
k’rina bangsa-bangsa
nembah ‘rjimpuh baNa

Pdt. Abdi Jaya Barus
erpalasken Masmur 96:1-4
Download slide PowerPoint KEE No. 487

Join Grup Telegram dan Grup WA saya untuk mendapatkan update...

KEE No. 486 Sampat Tuhan SerayanNdu

 KEE No. 486 : 1 (Sampat Tuhan SerayanNdu)

1. Reh kami Tuhan k’rina perpulungen
    Ikut kami Tuhan notoken g’rejaNdu
    Ibas wari enda pulung serayanNdu
    Ikut rukur ertoto nehken sura-suraNdu
    O Tuhan dengkehkenlah totonku
    O Tuhan sampati serayanNdu
    Sampat Tuhan, sampat Tuhan
    K’rina serayanNdu

Pdt. Krismas I. Barus 2015
Download slide PowerPoint KEE No. 486

Join Grup Telegram dan Grup WA saya untuk mendapatkan update...

KEE No. 485 Enggo tetap ukurku

 KEE No. 485 : 1-3 (Enggo tetap ukurku)

1. Enggo tetap ukurku 
    ngikutken Dibatangku
    Kugelem me PedahNdu 
    bas ndalani geluhku
    Reff. Kupuji Kam Dibataku
kelengNdu mbelin me tuhu
Kupuji Kam o Tuhanku
segedang-gedang geluhku

2. Keke me kap tendingku
    Muji lias Dibata
    Suari entah berngi pe
    La leka aku ikep-kepNa
    Reff. Kupuji Kam Dibataku
kelengNdu mbelin me tuhu
Kupuji Kam o Tuhanku
segedang-gedang geluhku

3. Lanai mbiar tendingku
    Sebab Tuhan temanku
    Bujur ningku man baNdu
    Itengah k’rina manusia
    Reff. Kupuji Kam Dibataku
kelengNdu mbelin me tuhu
Kupuji Kam o Tuhanku
segedang-gedang geluhku

Harry Pattia 2008
erpalasken Masmur 108:1-5
Download slide PowerPoint KEE No. 485

Join Grup Telegram dan Grup WA saya untuk mendapatkan update...

KEE No. 484 Wari Paskah wari badia

 KEE No. 484 : 1-3 (Wari Paskah wari badia)

1. Wari Paskah wari badia
    Enggo keke Yesus Tuhanta
    Kita k’rina m’riah ukurta
    BerekenNa geluh si mbaru
    Reff. Dage mari kita kerina
Surak muji, muji gelarNa
Haleluya, Haleluya
Suraklah Haleluya

2. Wari Paskah wari badia
    Enggo menang Yesus Tuhanta
    ItalukenNa dosa-dosanta
    Lu gegeh kuasa gelarNa
    Reff. Dage mari kita kerina
Surak muji, muji gelarNa
Haleluya, Haleluya
Suraklah Haleluya

3. Wari Paskah wari badia
    Kemenangen man banta kerina
    Ula lupa tetap ersembah
    Man simereken kemenangen
    Reff. Dage mari kita kerina
Surak muji, muji gelarNa
Haleluya, Haleluya
Suraklah Haleluya

Harry Pattia Sitepu 2008
erpalasken Markus 16:6; Yohanes 16:33
Download slide PowerPoint KEE No. 484

Join Grup Telegram dan Grup WA saya untuk mendapatkan update...

KEE No. 483 Perkuah ateNdu

 KEE No. 483 : 1-2 (Perkuah ateNdu)

1. Perkuah ateNdu si natang geluhku
    Em sipengasupsa ndalani geluh e
    O Tuhan melias petetap pusuhku
    Lah lanai aku gentar 
    ngalaken doni e

2. Amin ibas doni pegancih perbeben
    Reh nderpa geluh e erban ceda ate
    O Tuhan si melias keleng ateNdu e
    Labo banci erleka ibas geluhku e

Mutiara Br. Munthe
Download slide PowerPoint KEE No. 483

Join Grup Telegram dan Grup WA saya untuk mendapatkan update...

KEE No. 482 Ajari aku

 KEE No. 482 : 1 (Ajari aku)

1. Ajari aku ngataken bujur man baNdu
    KataNdu bangku em kujadiken cikenku
    Ajari aku ngataken bujur man baNdu
    KataNdu bangku em kujadiken cikenku

Untung Purba
Download slide PowerPoint KEE No. 482

Join Grup Telegram dan Grup WA saya untuk mendapatkan update...

KEE No. 481 PedahNdu kugelem kap

 KEE No. 481 : 1-3 (PedahNdu kugelem kap)

1. Ajar aku o Tuhan
    Ng’lawan kuasa dosa e
    Tetap min ras Kam Tuhan
    Maka aku la bene
    Reff. PedahNdu kugelem kap
Tendang bas dalanku pe
K’leng ateNdu tangkas kap
Bas kerina g’luhku e

2. Pegegehi ukurku
    Bagepe ras tendingku
    demiNdu min pusuhku
    Alu kuasa kesahNdu
    Reff. PedahNdu kugelem kap
Tendang bas dalanku pe
K’leng ateNdu tangkas kap
Bas kerina g’luhku e

3. Tetap me ukurku e
    Ndalanken pedahNdu e
    IpelimbaruiNdu keg’luhen 
    si melket e
    Reff. PedahNdu kugelem kap
Tendang bas dalanku pe
K’leng ateNdu tangkas kap
Bas kerina g’luhku e

Gideon Limbeng
Download slide PowerPoint KEE No. 481

Join Grup Telegram dan Grup WA saya untuk mendapatkan update...