KEE No. 350 Kelengi kebenaren

KEE No. 350 : 1-2 (Kelengi kebenaren)

1. Kelengi kebenaren pedauhlah si jahat
    Pakeken kata Tuhan tahan rasa lalap
    Nggeluhlah alu bujur meteruk ukur kin
    Dalanken kebenaren maka ukur teneng
    Reff. Erjaga-jagalah reh me wari Tuhan
ersikap-sikaplah pake kata Tuhan

2. Darami simehuli pedauh min si ilat
    Megermet bas keg’luhen make pedah Tuhan
    Lakokenlah si adil ibas kegeluhen
    Bage me pedah Tuhan tetap si dalanken
    Reff. Erjaga-jagalah reh me wari Tuhan
ersikap-sikaplah pake kata Tuhan

Pdt. E.P. Ginting, 1998
Download slide PowerPoint KEE No. 350

Join Grup Telegram dan Grup WA saya untuk mendapatkan update...

KEE No. 349 Mekuah ateNdu Tuhan

KEE No. 349 : 1-3 (Mekuah ateNdu Tuhan)

1. Mekuah ateNdu Tuhan,
    O Yesus Anak Daud
    Begiken serko pusuhku,
    Sampatilah aku
    Kelengilah aku o Tuhan,
    Alemi dosangku.
    Lanai lit dalanku atan,
    Kelengilah aku.

2. Pertotonku nunut baNdu
    Lalap rasa lalap
    Begi sorangku erlebuh
    Man baNdu o Tuhan
    Ajarilah aku Tuhan
    Meteruk ukur kin
    O Tuhan Yesus Anak Daud
    Kelengi min aku

3. Pegegeh aku o Tuhan
    ‘lah nimbak dosa e
    Temani aku o Tuhan
    Ibas perbebenku
    B’re Kesah si Badia e
    Netapken pusuhku
    Cirawis bas perkuahNdu
    ‘lah terkelin aku

Pdt. E.P. Ginting & N. Ukur Muli, 12 Juni 2007
Download slide PowerPoint KEE No. 349

Join Grup Telegram dan Grup WA saya untuk mendapatkan update...

KEE No. 348 Ersembah perlu ibas doni enda

KEE No. 348 : 1-7 (Ersembah perlu ibas doni enda)

1. Ersembah perlu ibas doni enda,
    E desken bingke bas kegeluhenta.
    Ersembah em pedah kata Dibata,
    Pehaga Tuhan bas kegeluhenta.

2. Isuruh Tuhan ‘lah ersembah
    Peturah penggejapen si meriah
    Kita diloNa ‘lah tutus min gelah
    Ngajuk kerina teman reh ersembah

3. Ersembah kita bas perpulungenta
    Pehaga Tuhan si mada geluhta
    Ersembah labo pesenang ukurta
    Si sembah Tuhan ‘mpehaga gelarNa

4. Ota si sembah Tuhan Dibatanta
    Jadilah curmin ncidahken kataNa
    Ola lupaken reh pulung kerina
    Ola pesemal nadingken gereja

5. Gereja eme kula ni Tuhanta
    Ola cedaken bas lagu langkahta
    Adi kin ia ncedai gereja
    Dibata pagi metehsa kerina

6. Ersembah labo si bagi ukurta
    Kita diloNa mpehaga Dibata
    Ersembah jumpa kita ras Dibata
    ‘rbahan geluhta mpehaga Dibata

7. Ersembah em kap geluh tep-tep wari
    Lagu-langkahta ncidahken mehuli
    Mari ersembah Dibata si dahi
    Cidahken ukur erbahan mehuli

Pdt. E.P. Ginting, 13 Februari 2002
Download slide PowerPoint KEE No. 348

Join Grup Telegram dan Grup WA saya untuk mendapatkan update...

KEE No. 347 Pulahi aku o Tuhan

KEE No. 347 : 1-3 (Pulahi aku o Tuhan)

1. Pulahi aku o Tuhan
    Ibas kalak si perguak
    Kalak penipu perbual,
    Erbahan aku pe ‘mberat.
    Reff. Pulahi aku o Tuhan,
tupung ibas kiniseran
Aloi min aku o Tuhan,
erlebuh aku man baNdu.

2. Pulahi aku O Tuhan,
    Ibas kalak si penipu
    Kelini min geluhku e,
    Bahanlah tetap ukurku.
    Reff. Pulahi aku o Tuhan,
tupung ibas kiniseran
Aloi min aku o Tuhan,
erlebuh aku man baNdu.

3. Pulahi aku o Tuhan
    ‘bas siding si ilat nari
    Jaga kawali min aku,
    Pedauh bas percuban nari.
    Reff. Pulahi aku o Tuhan,
tupung ibas kiniseran
Aloi min aku o Tuhan,
erlebuh aku man baNdu.

Pdt. E.P. Ginting, 11 Maret 2002
Download slide PowerPoint KEE No. 347

Join Grup Telegram dan Grup WA saya untuk mendapatkan update...

KEE No. 346 Endesekenlah kegeluhenta

KEE No. 346 : 1-5 (Endesekenlah kegeluhenta)

1. Endesekenlah kegeluhenta,
    Man Tuhan e si perkeleng kap.
    Endeskenlah aru ateta,
    Man Yesus e si melias kap.
    Reff. Tuhanta e pengapul si tuhu
baban mberat jadi menahang
Pakekenlah kata Pedah Tuhan
ukur serbut jadi menahang.

2. Tuhan Yesus arapenta min
    Ingan malem kelsehenta kin
    Ertotolah man Tuhanta min
    Pusuh ceda banci t’rapul kin.
    Reff. Tuhanta e pengapul si tuhu
baban mberat jadi menahang
Pakekenlah kata Pedah Tuhan
ukur serbut jadi menahang.

3. Ernalemlah man Tuhanta e
    Ibas kita ‘rceda ate e
    persanNa kap gulut ukur e
    Angkatna pe kesusahen e.
    Reff. Tuhanta e pengapul si tuhu
baban mberat jadi menahang
Pakekenlah kata Pedah Tuhan
ukur serbut jadi menahang.

4. Dibatanta si dem perkuah
    Ia me kap pengarapenta
    Si tetap pe nikapken banta
    Pengarapen kegeluhenta.
    Reff. Tuhanta e pengapul si tuhu
baban mberat jadi menahang
Pakekenlah kata Pedah Tuhan
ukur serbut jadi menahang.

5. Ku Tuhanlah penundalenta
    Ibas paksa susah nah senang
    Ku surgalah pengarapenta
    Gelah pusuhta teneng.
    Reff. Tuhanta e pengapul si tuhu
baban mberat jadi menahang
Pakekenlah kata Pedah Tuhan
ukur serbut jadi menahang.

Lagu : Julianus Limbeng, 28 Januari 2010
Download slide PowerPoint KEE No. 346

Join Grup Telegram dan Grup WA saya untuk mendapatkan update...

KEE No. 345 Nggo kami sikap ndengkeh kataNdu

KEE No. 345 : 1-3 (Nggo kami sikap ndengkeh kataNdu)

1. Nggo kami sikap ndengkeh kataNdu
    Tuhan ng’ranalah
    nggo kami sikap megi kataNdu
    Tuhan ng’ranalah.
    Reff. Sehken kataNdu man kami min
arah kemahenNdu
sehken pedahNdu man kami kin
arah kemahenNdu

2. Merincuh kami ndengkeh kataNdu,
    Tuhan ng’ranalah.
    Man tendang kami bas kegeluhen,
    Tuhan ng’ranalah.
    Reff. Sehken kataNdu man kami min
arah kemahenNdu
sehken pedahNdu man kami kin
arah kemahenNdu

3. Kam si pepanken kataNdu jine,
    Tuhan sampatlah.
    Kesah Badia ngajari kami,
    Megi kataNdu.
    Reff. Sehken kataNdu man kami min
arah kemahenNdu
sehken pedahNdu man kami kin
arah kemahenNdu

Lagu : Julianus Limbeng, 2010
Download slide PowerPoint KEE No. 345

Join Grup Telegram dan Grup WA saya untuk mendapatkan update...

KEE No. 344 Kam o Yesus Jurus’lamat

KEE No. 344 : 1-4 (Kam o Yesus Jurus’lamat)

1. Kam o Yesus Jurus’lamat,
    sampat kami genduari,
    pulah ibas dosa nari, si naban kami e
    Reff. Tergejap latihna nggeluh ibas dosa.
Lanai kami ngasup ‘rdalan ibas gelap.
Ku Kam juru s’lamat
kupindo penampat,
gelah kami pulah ibas dalin mberat.

2. Kam o Yesus Si perkuah
    sampatiNdu kami gelah
    ‘bas ndarami dalan pulah
    sampat kami gelah
    Reff. Tergejap latihna nggeluh ibas dosa.
Lanai kami ngasup ‘rdalan ibas gelap.
Ku Kam juru s’lamat
kupindo penampat,
gelah kami pulah ibas dalin mberat.

3. Kam o Yesus siperkeleng
    cidahken min kek’lengenNdu
    bahan pusuh kami teneng
    ‘di gulut ukurku
    Reff. Tergejap latihna nggeluh ibas dosa.
Lanai kami ngasup ‘rdalan ibas gelap.
Ku Kam juru s’lamat
kupindo penampat,
gelah kami pulah ibas dalin mberat.

4. Kam o Yesus singkawali
    salu tanNdu tegu kami
    ‘bas mentasi dalin doni
    Yesus tegu kami
    Reff. Tergejap latihna nggeluh ibas dosa.
Lanai kami ngasup ‘rdalan ibas gelap.
Ku Kam juru s’lamat
kupindo penampat,
gelah kami pulah ibas dalin mberat.

Lagu : Julianus Limbeng, 2010
Download slide PowerPoint KEE No. 344

Join Grup Telegram dan Grup WA saya untuk mendapatkan update...

KEE No. 343 Pasu-pasu bas Tuhan nari

KEE No. 343 : 1-3 (Pasu-pasu bas Tuhan nari)

1. Pasu-pasu bas Tuhan nari,
    gejapken kami tep-tep wari,
    bas paksa-paksa geluh kami.
    Kam me tetap si ngkawali
    pasu-pasu bas Tuhan nari,
    jadi pergegeh tendi kami
    guna ndalani wari-wari.
    si rehna bas Kam Tuhan nari
    Reff. Pasu-pasu dage o Tuhan,
Persembahen kami anakNdu.
Labo kapen enda metunggung,
Persembahen si nggo pepulung,
ajariNdu pe kami gelah min,
tetap ngasup mere man Tuhan

2. Buaten lit kami o Bapa,
    gejapken kami Kam empuna,
    tanda ukur kami meriah,
    endesken kami baNdu Bapa.
    Persembahen enda o Bapa,
    desken bunga ncole merimna,
    persembahen ateNdu ngena,
    bagelah akapNdu o Bapa.
    Reff. Pasu-pasu dage o Tuhan,
Persembahen kami anakNdu.
Labo kapen enda metunggung,
Persembahen si nggo pepulung,
ajariNdu pe kami gelah min,
tetap ngasup mere man Tuhan

3. Aloken min dage o Tuhan,
    persembahen kami anakNdu,
    labo ban beluh kami Tuhan,
    lako mere kuadepenNdu.
    Pakeken min dage o Tuhan,
    persembahen kami anakNdu,
    guna pebelangken kataNdu,
    nandangi k’rina tinepaNdu.
    Reff. Pasu-pasu dage o Tuhan,
Persembahen kami anakNdu.
Labo kapen enda metunggung,
Persembahen si nggo pepulung,
ajariNdu pe kami gelah min,
tetap ngasup mere man Tuhan

Lagu : Julianus Limbeng, Juli 2009
Syair : Julianus Limbeng & Pdt. Ita Natalia Kacaribu
Download slide PowerPoint KEE No. 343

Join Grup Telegram dan Grup WA saya untuk mendapatkan update...

KEE No. 342 Yesus lape-lape tendingku

KEE No. 342 : 1-5 (Yesus lape-lape tendingku)

1. Yesus lape-lape tendingku
    Ia njagai kita
    Mberat pe si man tangkelenta
    Ia njagai kita.
    Reff. Tuhan njagai kita
Paksa senang tah mesera
Ia njagai kita
Tuhan njagai kita

2. Ibas melala perbebenta
    Ia njagai kita
    Dalan gelap arah lebenta
    Ia njagai kita.
    Reff. Tuhan njagai kita
Paksa senang tah mesera
Ia njagai kita
Tuhan njagai kita

3. Ia me si njayam geluhta
    Tuhan njagai kita
    Pertotonta ibegikenNa
    Ia njagai kita.
    Reff. Tuhan njagai kita
Paksa senang tah mesera
Ia njagai kita
Tuhan njagai kita

4. Adina reh kenca percuban
    Tuhan njagai kita
    Amin gia taneh meturban
    Tuhan njagai kita.
    Reff. Tuhan njagai kita
Paksa senang tah mesera
Ia njagai kita
Tuhan njagai kita

5. Anem sidauhen inganta
    Tuhan njagai kita
    Ernalem tetap man Dibata
    Tuhan njagai kita.
    Reff. Tuhan njagai kita
Paksa senang tah mesera
Ia njagai kita
Tuhan njagai kita

Syair asli : Be not Dismayed whatever Betide / God Will Take Care of You, Civillia D. Marthin 1905
Lagu : Walter Stillman Martin
Syair Karo : BPIMG GBKP 2000 - 2005
Download slide PowerPoint KEE No. 342

Join Grup Telegram dan Grup WA saya untuk mendapatkan update...

KEE No. 341 Yesus Tuhanku, Kam ulu geluhku

KEE No. 341 : 1-3 (Yesus Tuhanku, Kam ulu geluhku)

1. Yesus Tuhanku, Kam ulu geluhku
    Yesus Tuhanku, Kam ulu geluhku
    Mambur darehNdu si murihi dosangku
    B’rekenNdu bangku g’luh si tuhu-tuhu
    Geluh simbaru simpar pasu-pasu
    Geluh simbaru simpar pasu-pasu

2. Gelah geluhku damai ras badia
    Gelah geluhku damai ras badia
    Kesah Tuhanku si ringan njagaisa
    ’Di mara nderpa mberat ras mesera
    Ukur la pera, saber la kutera
    Ukur la pera, saber la kutera

3. Kerajan Surga ras kebenarenNa
    Kerajan Surga ras kebenarenNa
    Tetap erpala me aku ndaramisa
    Ukur si jahat tetap kuolangi
    Erta doni enda la kal kumorahi
    Erta doni enda la kal kumorahi

Lagu/Syair : Sentosa Sinulingga, 2004
Download slide PowerPoint KEE No. 341

Join Grup Telegram dan Grup WA saya untuk mendapatkan update...

KEE No. 340 Yesus, Kam Tuhanku

KEE No. 340 : 1-3 (Yesus, Kam Tuhanku)

1. Yesus, Kam Tuhanku
    Kristus Penebusku
    La tersipati k’leng ateNdu
    IpersembahkenNdu
    Dareh ras kesahNdu
    Em lako nebusi dosangku

2. Amin Kam mulia
    Dingen erkuasa
    Tapi meteruk kal ukurNdu
    Kam iuru-uru
    E pe igengkenNdu
    La sitik pe isubukiNdu

3. Yesus kam Gurungku
    AjariNdu aku
    ‘Lah ngasup ‘ngkelengi imbangku
    Kam me usihenku
    Kam me penampatku
    ‘Lah ngasup mersan persilangku

Lagu/Syair : Sentosa Sinulingga, 2003
Download slide PowerPoint KEE No. 340

Join Grup Telegram dan Grup WA saya untuk mendapatkan update...

KEE No. 339 Wari enda wari badia

KEE No. 339 : 1-3 (Wari enda wari badia)

1. Wari enda wari badia
    Wari meriah jumpa ras Dibata
    Gia melala ndube dahinta
    Nembah man baNa ula kita lupa.
    Reff. Wari-warinta Tuhan empuna
Geluhta pe Ia kap si njayamsa
Geluhta pe Ia kap si njayamsa

2. Melala giah erdahin ertima
    Tedeh ateta jumpa ras Dibata
    Si malem baNa isampatiNa
    Malem nanamna di rembak ras Ia.
    Reff. Wari-warinta Tuhan empuna
Geluhta pe Ia kap si njayamsa
Geluhta pe Ia kap si njayamsa

3. Latih susah lit tiap wari
    Tuhan perkuah sikap ngelayasi
    K’rina si nasa Ia empuna
    Si ‘ndesken baNa ukur ras geluhta.
    Reff. Wari-warinta Tuhan empuna
Geluhta pe Ia kap si njayamsa
Geluhta pe Ia kap si njayamsa

Lagu/Syair : Murah Bangun, 2004
Download slide PowerPoint KEE No. 339

Join Grup Telegram dan Grup WA saya untuk mendapatkan update...

KEE No. 338 Ulu tuah Kam kusembah

KEE No. 338 : 1-3 (Ulu tuah Kam kusembah)

1. Kam kusembah, ulu tuah,
    Ajar aku me gelah
    Lah nurihi pujin kami
    lalap la ‘ngadi-ngadi
    Lias ras keleng ateNdu
    jujurkenNdu man bangku
    Nteguh paguh la terundu,
    Kuasa ras muliaNdu

2. Tetap aku daramiNdu
    ban tedehNdu man bangku
    Suari berngi ijagaiNdu,
    mbelin kal kek’lengenNdu
    Di reh susah ndumpang aku
    erlebuh aku baNdu
    Minter nusur penampatNdu
    erban teneng tendingku

3. Pasu-pasu surga nari
    kugejap tiap wari
    Kepentaren berekenNdu
    nehken sura-suraNdu
    PakekenNdu lah min aku
    jadi persuruhenNdu
    Jenda aku, suruh aku
    nehken kekelengenNdu

Syair : Come thou fount of every blessing, Robert Robinson, 1758
Lagu : John wyth's Repository of cred music, 1813
Syair Karo : BPIMG GBKP 2000 - 2005
Download slide PowerPoint KEE No. 338

Join Grup Telegram dan Grup WA saya untuk mendapatkan update...

KEE No. 337 Tuhan Yesus kap dalanNa

KEE No. 337 : 1-3 (Tuhan Yesus kap dalanNa)

1. Tuhan Yesus kap dalanNa
    Ku bas Surga rumah Bapa
    La lit sideban sekatan Ia
    Si mabai kita
    ku bas kemulianNa
    Gelah tetap kita ras Ia

2. Tuhan Yesus kap gurunta
    Si ngajari kita k’rina
    Alu kuasa bage pe KesahNa
    IbabaiNa ku bas kebenarenNa
    Gelah rembak kita ras Ia

3. Tetaplah kinitekenta
    Seh ku bas ujung geluhta
    Mbelin me kapen perulihenta
    Ndatken rudang kegeluhen mulia
    Mulia kapen rasa lalap

Pt. N. Karo Sekali 2004
Download slide PowerPoint KEE No. 337

Join Grup Telegram dan Grup WA saya untuk mendapatkan update...

KEE No. 336 Tuhan si nemani geluhku

KEE No. 336 : 1-3 (Tuhan si nemani geluhku)

1. Tuhan si nemani geluhku
    Bas paksa susah tah senang pe
    Enggo tetap kal me jingkangku
    Perban Yesus penampatku pe

2. Tuhan si nemani geluhku
    Bas paksa sakit tah sehat pe
    Keleng ateNa mbelin tuhu
    Pas-pasuNa tangkas jine

3. Tuhan si nemani geluhku
    Bas paksa tangis tah m’riah pe
    Saber ras megenggeng me aku
    Pusuhku nggo malem ras dame

Maria Rayben Surbakti 2004
Download slide PowerPoint KEE No. 336

Join Grup Telegram dan Grup WA saya untuk mendapatkan update...

KEE No. 335 Tuhanku si ngaturkenca

KEE No. 335 : 1-4 (Tuhanku si ngaturkenca)

1. Tuhanku si ngaturkenca
    Tuhanku si ngajarisa
    Tuhanku jadi gurungku
    Ibas kerina geluhku

2. La lit ngasup la gegehku
    Ndalani wari-waringku
    Tundalenku kap Dibata
    Si perkuah ras erkuasa

3. Kune lit percuban ngupuh
    Minter Tuhan si kulebuh
    Lah aku ipegegehi
    Si jahat pe kusilahi

4. Mbue gia perbebenku
    Kempak Tuhan aku ngadu
    Keleng kap ateNa aku
    DengkehkenNa pertotonku

Pt. Em. M. Barus
Download slide PowerPoint KEE No. 335

Join Grup Telegram dan Grup WA saya untuk mendapatkan update...

KEE No. 334 Tuhan kap si empuna geluhta

KEE No. 334 : 1-2 (Tuhan kap si empuna geluhta)

1. Tuhan kap si empuna geluhta
    Gegehta Ia si merekenca
    Kiniteken pe ras pemetehta
    E pe Ia sinjujurkenca
    Ia kap erbanca kita sangap
    Tetaplah man Ia kita ngarap
    Di reh susah breNa serpang pulah
    tendi kula mejuah-juah

2. Dage tetaplah bulat ukurta
    Geluhta pe lalap min erguna
    Lagu langkah pe la sia-sia
    Gelar Tuhanlah ermulia
    Adi jumpa kita si mesera
    Pengarapen ula kal min pera
    Kune riah ukur kita jumpa
    Nehken bujur ula kal lupa

R. Sembiring & Sentosa Sinulingga 2004
Download slide PowerPoint KEE No. 334

Join Grup Telegram dan Grup WA saya untuk mendapatkan update...

KEE No. 333 Tuhan e tuhu melias

KEE No. 333 : 1-7 (Tuhan e tuhu melias)

1. Tuhan e tuhu melias perkuah
    Ia ‘rbanca kita mejuah-juah
    Ia me si erbanca ukur m’riah
    Yesus e sinjadiken kita ‘rbuah

2. Yesus e teman nggeluh suari-berngi
    KuasaNa labo kapen tersibari
    BiakNa bali me kap nderbih gundari
    Yesus e si nampati ras ngkawali

3. Ersaksi kita kerina o, teman
    Turiken kebenaren kata Tuhan
    Terkelin kerina si nggit ernalem
    Tuhu kal kita jumpa ate malem

4. Kita enda k’rina teman Dibata
    KataNa sipakeken bas geluhta
    Kita enda k’rina t’rang doni enda
    Kita enda erguna man temanta

5. Sitegu k’rina temanta si kote
    Sibaba ku Tuhan ukurna jore
    Darami biri-biri la bas karang
    Taruhken ku rarasen jumpa senang

6. Apulilah teman si ‘rceda ate
    Terapul pusuhna si gettem ndube
    Si tatang-tangen bas geluh enda
    Megegeh jadina kita kerina

7. DameNa ijujurkenNa man banta
    Malem kal ateta jine ibanNa
    Simpar kal pasu-pasu b’reNa banta
    Tuhan e ulu k’rina si erguna

R. Sembiring 2004
Download slide PowerPoint KEE No. 333

Join Grup Telegram dan Grup WA saya untuk mendapatkan update...

KEE No. 332 Totonta begikenNa

KEE No. 332 : 1-6 (Totonta begikenNa)

1. Totonta begikenNa
    Keleng ateNa kita
    Ertoto isuruhNa
    Em si ngena ateNa

2. Mbelin kal kuasaNa
    Ras perkuah ateNa
    Sipindo si erguna
    Lah terpuji gelarNa

3. Mberat itindih dosa
    Kam min si nampatisa
    Melikas ban darehNdu
    Tuhu terkelin aku

4. Useken min dameNdu
    Kuasailah geluhku
    Kam me ulu geluhku
    Tuhan kap Penebusku

5. Iban keleng ateNdu
    Sikap tetap jingkangku
    Gelah seh ku rumah Ndu
    Kam tetap penatahku

6. Peteguhi tendingku
    JagaiNdu pe kulangku
    Nggeluh tah mate aku
    K’rinalah man gunaNdu

Syair asli : Come My Soul Thy Suit Prepare, John Newton 1779
Lagu : Justin Heinricht 1752 - 1817
Syair Karo : BPIMG 2000 - 2005
Download slide PowerPoint KEE No. 332

Join Grup Telegram dan Grup WA saya untuk mendapatkan update...