KEE No. 244 Nusur Min O Kesah Tuhan

KEE No. 244 : 1-3 (Nusur Min O Kesah Tuhan)

1. Nusur min o Kesah Tuhan
    Bengket ku pusuh e
    Maka Kata si ni suan
    Turah ras erbuah pe
    Kam ibas Dibata nari
    Kepkeplah ukur ku min
    Pasu-pasu  pendahin
    Maka aku genduari
    Ndaram tuah si tetap
    Alu ate si telap

2. Kam benana kegeluhen
    Si mahanca ukur t’rang
    Kam si jadi persuruhen
    ‘Lah K’rajanNdu ‘nggo menang
    Maka perpulungen kari
    Tutus ngikut Yesus kap
    Janah Ia ’mpeserap
    Ibas dosa doni nari
    Jadi dungna me bage
    Bagi Kam badia pe

3. T’rang Badia ras Penuduh
    Dalin kegeluhen e
    Ajar kami maka mubuh
    Kami arah Kam kepe
    ‘Lah ersada ras Dibata
    Maka aku tutus e
    Rembak min ras Kristus pe
    Seh me dungna lanai lata
    Haleluya ‘lah pujin
    Asa lalap baNdu min

Syair dan Lagu : S. Tarigan, 1998
Download slide PowerPoint KEE No. 244

Join Grup Telegram dan Grup WA saya untuk mendapatkan update...

KEE No. 243 Si Raskenlah Si Puji K'rina

KEE No. 243 : 1-4 (Si Raskenlah Si Puji K'rina)

1. Siraskenlah si puji k’rina
    Tuhanta ras kiniulinNa
    ‘Ngkunduli kursi kerajan
    Ku je ukurta min si ban
    I jem’ kepeken erta e
    Sinama kesangapen e
    I jem’ kepeken erta e
    Sinama kesangapen e

2. ‘Di Ia kel nge Pengulunta
    Si bujur saja ban gurunta
    E kita ginemgemNa kap
    Si arus ngikut pe tetap
    ‘Nggo ipesaiNa dalin e
    Ku surga kitalah dage
    ‘Nggo ipesaiNa dalin e
    Ku surga kitalah dage

3. Megenggeng ndube ibas suhsah
    Kuga pe ilawanNa dosa
    Mahanca dungna enggo menang
    ‘Nggo kundul me ibas terang
    Si ikut-ikutlah dage
    Man banta pe upahna e
    Si ikut-ikutlah dage
    Man banta pe upahna e

4. Tuhan sampati aku lalap
    Itawin doni aku kuakap
    La ngasup aku ngelekasa
    ‘Tah lalap denggo mesera
    KesahNdu man penundalenku
    Emaka Kam kuikutken
    KesahNdu man penundalenku
    Emaka Kam kuikutken

Syair dan Lagu : S. Tarigan, 1998
Download slide PowerPoint KEE No. 243

Join Grup Telegram dan Grup WA saya untuk mendapatkan update...

KEE No. 242 Sendah Wari Paskah

KEE No. 242 : 1-3 (Sendah Wari Paskah)

1. Sendah wari Paskah m’riah ukurta
    Yesus enggo keke tangkas kuasaNa
    Sendah wari Paskah malem ateta
    Yesus enggo keke nebusi dosa
    Reff.    Surak haleluya o haleluya
        Yesus enggo menang
        kita pe senang

2. Ngerayaken Paskah bas kegeluhen
    Yesus sisaksiken bas perbahanen
    Maba keriahen ras pengarapen
    Yesus sisaksiken ras sipembarken
    Reff.    Surak haleluya o haleluya
        Yesus enggo menang
        kita pe senang

3. S’lamat wari Paskah bas wari enda
    M’riahlah ukurta sembah Dibata
    Sangap kita banNa dame pusuhta
    ‘Nggo italukenNa k’rina musuhta
    Reff.    Surak haleluya o haleluya
        Yesus enggo menang
        kita pe senang

Syair dan Lagu : EP. Ginting's & Panitia Ende-enden, 1997
Download slide PowerPoint KEE No. 242

Join Grup Telegram dan Grup WA saya untuk mendapatkan update...

KEE No. 241 Eme Kap Wari Si Mbelin

KEE No. 241 : 1-3 (Eme Kap Wari Si Mbelin)

1. Eme kap wari si mbelin
    Ib’re Dibata banta kin
    AnakNa reh ku doni e
    Si inget min kelengNa e

2. Tersinget kap enggo ndekah
    Tuhanta nusur me gelah
    Pertibi enda la bene
    E tek me kita IA pe

3. Pujin si reh ku doni e
    Ende-endenta baNa pe
    Gelah me salih kita min
    ‘Nggo jadi anak Tuhan kin

Syair dan Lagu : S. Tarigan, 1998
Download slide PowerPoint KEE No. 241

Join Grup Telegram dan Grup WA saya untuk mendapatkan update...

KEE No. 240 Mula-Mula Doni E

KEE No. 240 : 1-5 (Mula-Mula Doni E)

1. Mula-mula doni e
    Rende me malekat je
    ‘Ban sinasa lit tetap
    Tuhan sinembesa kap

2. Sanga tubuh Yesus e
    Muji ka malekat je
    ‘Lah perdosa terkelin
    IA jadi musil kin

3. E erkata ka pagin
    ‘Nde-nden malekat kin
    ‘Di ku doni mulih pe
    Tuhan si mulia e

4. Oh mejile sora e
    Sabab em biakna pe
    K’rina sora anak t’rang
    Ngena ate Tuhan kang’

5. ‘Lah si rasken rende min
    Kasa ‘rsora lit pagin
    Min babahku atan je
    Rende ras i surga pe

Syair dan Lagu : S. Tarigan, 1998
Download slide PowerPoint KEE No. 240

Join Grup Telegram dan Grup WA saya untuk mendapatkan update...

KEE No. 239 Si Endekenlah 'Nde-'Nden Si Meriah

KEE No. 239 : 1-4 (Si Endekenlah 'Nde-'Nden Si Meriah)

1. Si endeken ‘nde-‘nden si meriah
    Man Tuhannta
    si ‘nggo tubuh bas pelangkah
    Sabab patut nge k’rina kita nembah
    Ban babaNa terang ngaruh ras pe tuah
    Reff.    Dage mari kita kerina
        ‘Lah si puji gelar Dibata
        Ulanai ukur erbera
        Tuhan Yesus me kap Rajanta

2. Tuhan Yesus metunggung dat pujin
    Perban Ia si ngajari kita kin
    Kek’lengenNa la erkeri-erkerin
    Adi pakelah pedahNa seh pagin
    Reff.    Dage mari kita kerina
        ‘Lah si puji gelar Dibata
        Ulanai ukur erbera
        Tuhan Yesus me kap Rajanta

3. Gelgel nari suratken nabi-nabi
    Reh me S’kalak si nampati ku pertibi
    Em pemere idur Dibata nari
    Enggo tubuh i Betlehem
    tengah berngi
    Reff.    Dage mari kita kerina
        ‘Lah si puji gelar Dibata
        Ulanai ukur erbera
        Tuhan Yesus me kap Rajanta

4. Tuhan Yesus kuinget min Kam rusur
    ’Lah babaiNdu pergeluhku
    ku si bujur
    ’Di bage kiniteken la erkusur
    Enggo paguh gia lit rusur si ngugur
    Reff.    Dage mari kita kerina
        ‘Lah si puji gelar Dibata
        Ulanai ukur erbera
        Tuhan Yesus me kap Rajanta

Syair dan Lagu : S. Tarigan, 1997
Download slide PowerPoint KEE No. 239

Join Grup Telegram dan Grup WA saya untuk mendapatkan update...

KEE No. 238 Ibas Ndalani Perdalanen Nggeluh

KEE No. 238 : 1-3 (Ibas Ndalani Perdalanen Nggeluh)

1. Ibas ndalani perdalanen nggeluh
    Kiniseran pe reh megati ngupuh
    Si cengkal ukur ras si mambur iluh
    BereNdu teneng gelah banci tunduh
    Reff.    Kesah ras daging rikut pe ras tendi
        Kempak Dibata k’rina ’ndesken kami
        Emaka Kamlah tetap si ’ngkawali
        ’Lah daging bugis bas medak pe pagi

2. Segedang wari kami enggo labuh
    Paksana medem enggo me kap seh
    IkawaliNdu min sangana tunduh
    ‘Lah suang gegeh adi banNdu badeh
    Reff.    Kesah ras daging rikut pe ras tendi
        Kempak Dibata k’rina ’ndesken kami
        Emaka Kamlah tetap si ’ngkawali
        ’Lah daging bugis bas medak pe pagi

3. Sima-simangku ndeher entah ndauh
    Lit nge si kote deba ka megegeh
    Lit si meriah deba lit nge nderkuh
    Bas berngi enda kepkep gelah paguh
    Reff.    Kesah ras daging rikut pe ras tendi
        Kempak Dibata k’rina ’ndesken kami
        Emaka Kamlah tetap si ’ngkawali
        ’Lah daging bugis bas medak pe pagi

Syair : M.P Barus, Ph. Surbakti, S. Tarigan, 1999
Lagu : S. Tarigan, 1999
Download slide PowerPoint KEE No. 238

Join Grup Telegram dan Grup WA saya untuk mendapatkan update...

KEE No. 237 Tuhan Dibata Si Perkuah

KEE No. 237 : 1-4 (Tuhan Dibata Si Perkuah)

1. Tuhan Dibata si perkuah
    Kami si jenda enggo elah
    SiberekenNdu ras pe tuah
    Ergaken kami enda gelah.
    Reff.    Adina enggo elah man
        Sipindo gegeh man Dibata
        Kune lit gia percuban
        Maka ukurta tetaplah min sapa

2. Aminna daging gia sikap
    Meriah kal pe ibas nggeluh
    Kerina enda labo t’rakap
    ‘Di perukuren la enteguh.
    Reff.    Adina enggo elah man
        Sipindo gegeh man Dibata
        Kune lit gia percuban
        Maka ukurta tetaplah min sapa

3. Adina besur gia beltek
    Nakan tendinta ka pe inget
    Maka ukurta la melitek
    Biak si nggesuh ni penimpet.
    Reff.    Adina enggo elah man
        Sipindo gegeh man Dibata
        Kune lit gia percuban
        Maka ukurta tetaplah min sapa

4. ‘Tah kai kin gia si terjadi
    Kerna si enda la ‘teh kami
    Adi KesahNdulah nemani
    E enggo tetap ukur kami.
    Reff.    Adina enggo elah man
        Sipindo gegeh man Dibata
        Kune lit gia percuban
        Maka ukurta tetaplah min sapa

Syair dan Lagu : S. Tarigan, 1998
Download slide PowerPoint KEE No. 237

Join Grup Telegram dan Grup WA saya untuk mendapatkan update...

KEE No. 236 Si Sehken Bujur Man Dibata

KEE No. 236 : 1-4 (Si Sehken Bujur Man Dibata)

1. Si sehken bujur man Dibata
    Nakan pangan enggo me sikap
    Gelah si pindo tuahiNa
    Mereken gegeh banta lalap.
    Reff.    Adi ‘nggo seh gia paksa man
        Dibata saja si muliaken
        Perbahan IA nge si ndudurken
        Emaka baNalah kita ersukuten

2. Man si nikapken nakan enda
    Enggo me kuskas ndahikenca
    Arak-arakndu kecibalna
    Ras pasu-pasu pencarinna.
    Reff.    Adi ‘nggo seh gia paksa man
        Dibata saja si muliaken
        Perbahan IA nge si ndudurken
        Emaka baNalah kita ersukuten

3. Gia kadenta pe melala
    Labo kap payo riba-iba
    Madin si ingetlah temannta
    ‘Nggo deba lume kel busanna.
    Reff.    Adi ‘nggo seh gia paksa man
        Dibata saja si muliaken
        Perbahan IA nge si ndudurken
        Emaka baNalah kita ersukuten

4. Kune lit kenca kin temannta
    Sangana gulut bas geluhna
    Sampati min asa ngasupta
    Bagi pedahken ni Dibata.
    Reff.    Adi ‘nggo seh gia paksa man
        Dibata saja si muliaken
        Perbahan IA nge si ndudurken
        Emaka baNalah kita ersukuten

Syair dan Lagu : S. Tarigan, 1998
Download slide PowerPoint KEE No. 236

Join Grup Telegram dan Grup WA saya untuk mendapatkan update...

KEE No. 235 Dibata Kap Njagaisa

KEE No. 235 : 1-4 (Dibata Kap Njagaisa)

1. Dibata kap njagaisa gedang berngi,
    Sangana aku medem nderbih nai,
    Je medak aku bas erpagi-pagi,
    GelarNdu kupebelin ras kupuji.
    Reff.    Wari enda wari ni Dibata ale,
        Sialoken janah m’riahlah ukurta,
        Dage baNa ‘ndesken keg’luhennta ale,
        Bas nembah muji g’larNa Sibadia

2. Kawali dage aku gedang wari
    Meriah ‘tahsa gulut gia sekali
    Pesalanglah ukurku genduari
    ‘Lah banci kulakoken si mehuli.
    Reff.    Wari enda wari ni Dibata ale,
        Sialoken janah m’riahlah ukurta,
        Dage baNa ‘ndesken keg’luhennta ale,
        Bas nembah muji g’larNa Sibadia

3. Temani ibas aku ngelayasi
    Dahin si lenga tembe si kudahi
    Si murde gelah banci salangsai
    B’rekenNdu bangku gegeh lako ndungi.
    Reff.    Wari enda wari ni Dibata ale,
        Sialoken janah m’riahlah ukurta,
        Dage baNa ‘ndesken keg’luhennta ale,
        Bas nembah muji g’larNa Sibadia

4. TuahiNdulah sanga aku encari
    Muat asam kegeluhen teptep wari
    Gia iblis ng’rimrim la erngadi-ngadi
    Ras Kam tentu ukurku enggo sipi.
    Reff.    Wari enda wari ni Dibata ale,
        Sialoken janah m’riahlah ukurta,
        Dage baNa ‘ndesken keg’luhennta ale,
        Bas nembah muji g’larNa Sibadia

Syair dan Lagu : S. Tarigan, 1998
Download slide PowerPoint KEE No. 235

Join Grup Telegram dan Grup WA saya untuk mendapatkan update...

KEE No. 234 Tuhan Si 'Ngkawalisa

KEE No. 234 : 1-5 (Tuhan Si 'Ngkawalisa)

1. Reff.    Tuhan si ‘ngkawalisa
        Ibas k’rina kecibalta
        Kegeluhen reh ulina
        ‘Di ernalemlah man baNa
    Rusur kami i perngas
    Labo kapen melengas
    Kami kena perligas
    Labo kuidah erbekas

2. Reff.    Tuhan si ‘ngkawalisa
        Ibas k’rina kecibalta
        Kegeluhen reh ulina
        ‘Di ernalemlah man baNa
    Rusur kami itastas
    Lalap kuidah ertunas
    Kami pe kena guas
    Labo sempat meculas

3. Reff.    Tuhan si ‘ngkawalisa
        Ibas k’rina kecibalta
        Kegeluhen reh ulina
        ‘Di ernalemlah man baNa
    Rusur kami iperjat
    La kel ‘nggo sempat pinat
    Lit gia si mekpeki
    La ‘te kami mesui

4. Reff.    Tuhan si ‘ngkawalisa
        Ibas k’rina kecibalta
        Kegeluhen reh ulina
        ‘Di ernalemlah man baNa
    Rusur pe lit si nggasgas
    Labo ‘te kami ngilas
    Lit gia si ngisak-ngisak
    Labo ni akap sedak

5. Reff.    Tuhan si ‘ngkawalisa
        Ibas k’rina kecibalta
        Kegeluhen reh ulina
        ‘Di ernalemlah man baNa
    Rusur pe lit si nggege
    Lalap nge kami rende
    Lit si ercian ate
    Labo ‘te kami ndele

Syair : S. Tarigan, 1998
Lagu : Allah Tetap Bekerja; EP. Ginting's, M. Sinulingga, Mery Roeroe, Ph. Surbakti, S. Tarigan, 1998
Erpalasken : Roma 8 : 28; II Kor. 4 : 8 - 9
Download slide PowerPoint KEE No. 234

Join Grup Telegram dan Grup WA saya untuk mendapatkan update...

KEE No. 233 Si Bas Dosa Kin Ercebah

KEE No. 233 : 1-6 (Si Bas Dosa Kin Ercebah)

1. Si bas dosa kin ercebah
    Ola nai min dage pe dekah-dekah
    Tuhan Yesus ’nggo ertenah
    ItimaiNa me kam wari si sendah
    Reff.    Minter dahi Tuhan Yesus si melias
        Je turiken k’rina dosa alu telkas
        ’Lah darehNa mbersihkenca
        seh melikas
        Maka banNa enggo kelas

2. Gia ‘nggo luka iban dosa
    Ibas Tuhan ‘nggo lit me kap tawarna
    Ia ban si pekenasa
    Gelah ola pagi jumpa kelesa
    Reff.    Minter dahi Tuhan Yesus si melias
        Je turiken k’rina dosa alu telkas
        ’Lah darehNa mbersihkenca
        seh melikas
        Maka banNa enggo kelas

3. ‘Nggo buen kap si la uli
    Kusilahi megati si mehuli
    Adi dosa si ngkapiti
    Ban si e’tah lanai tersasap nari
    Reff.    Minter dahi Tuhan Yesus si melias
        Je turiken k’rina dosa alu telkas
        ’Lah darehNa mbersihkenca
        seh melikas
        Maka banNa enggo kelas

4. Yah dahiken  ola mela
    Man jumpan si melias nge kap Ia
    Sabab adi melawenca
    Lepas ka kari dungna bas paksana
    Reff.    Minter dahi Tuhan Yesus si melias
        Je turiken k’rina dosa alu telkas
        ’Lah darehNa mbersihkenca
        seh melikas
        Maka banNa enggo kelas

5. Ibas Tuhan ukur nggintar
    Lagu-langkah lanai bo kapen lalar
    ’Di KataNa jadi ajar
    Kuasa iblis pe dungna enggo nartar
    Reff.    Minter dahi Tuhan Yesus si melias
        Je turiken k’rina dosa alu telkas
        ’Lah darehNa mbersihkenca
        seh melikas
        Maka banNa enggo kelas

6. Kune lit kalak si jera
    Robah ka ibas lagu ras langkahna
    Rende me malekat k’rina
    Enggo tambah jine k’riahen surga
    Reff.    Minter dahi Tuhan Yesus si melias
        Je turiken k’rina dosa alu telkas
        ’Lah darehNa mbersihkenca
        seh melikas
        Maka banNa enggo kelas

Syair dan Lagu : S. Tarigan, 1998
Erpalasken : I Yoh. 1 : 1 - 9
Download slide PowerPoint KEE No. 233

Join Grup Telegram dan Grup WA saya untuk mendapatkan update...

KEE No. 232 Ola Mbiar O Taneh

KEE No. 232 : 1-3 (Ola Mbiar O Taneh)

1. Ola mbiar o taneh
    Ersurak dingen meriah
    Sabab mbelin perbahanenNa
    TinepaNa si rejin
    Reff.    Lukuten jadi melala pagena
        Ras pe keben jadi simpar isina
        Lukuten jadi melala pagena
        Ras pe keben jadi simpar isina

2. Ola min ukur cengkal
    Asuhen i tengah mbal-mbal
    Sabab simpar dukut meratah
    Batang kayu erbuah
    Reff.    Lukuten jadi melala pagena
        Ras pe keben jadi simpar isina
        Lukuten jadi melala pagena
        Ras pe keben jadi simpar isina

3. Mari kita kerina
    Ersurak kempak Dibata
    Ni sehkenNa lias ateNa
    Susur udan man banta
    Reff.    Lukuten jadi melala pagena
        Ras pe keben jadi simpar isina
        Lukuten jadi melala pagena
        Ras pe keben jadi simpar isina

Syair dan Lagu : S. Tarigan, 1983
Erpalasken : Yoel 2 : 21 - 24
Download slide PowerPoint KEE No. 232

Join Grup Telegram dan Grup WA saya untuk mendapatkan update...

KEE No. 231 Perlu Si 'teh

KEE No. 231 : 1-6 (Perlu Si 'teh)

1. Perlu si eteh entah ise nge si salah
    Adi sempat kin teremen kalak suhsah
    Ise ngenda la erpepah
    Kune rembang kin buen jelma si gebah
    Reff.    Min metenget kita ola sempat lolah
        Si la payo gelah minter si penilah
        Si mehulilah peturah
        ‘Lah Dibata si mereken banta tuah

2. Perlu si eteh entah ise nge la tengteng
    Adi sempat kin teremen si ndehereng
    Ise ngenda si la tingtang
    Kune rembang pagi mbakbak kita rutang
    Reff.    Min metenget kita ola sempat lolah
        Si la payo gelah minter si penilah
        Si mehulilah peturah
        ‘Lah Dibata si mereken banta tuah

3. Perlu si eteh entah ise nge ertaki
    Adi sempat kin si musil to kohi
    Ise ngenda si la uli
    Kune rembang t’remen si rate mesui
    Reff.    Min metenget kita ola sempat lolah
        Si la payo gelah minter si penilah
        Si mehulilah peturah
        ‘Lah Dibata si mereken banta tuah

4. Perlu si eteh entah ise nge si latlat
    Adi sempat kin megati jelma rubat
    Ise ngenda biakna ilat
    Kune rembang si megombang
    Reff.    Min metenget kita ola sempat lolah
        Si la payo gelah minter si penilah
        Si mehulilah peturah
        ‘Lah Dibata si mereken banta tuah

5. Perlu si eteh entah ise nge si nipu
    Adi sempat si mesera tebu-tebu
    Ise ngenda si la malu
    Kune rembang kita k’rina banna juru
    Reff.    Min metenget kita ola sempat lolah
        Si la payo gelah minter si penilah
        Si mehulilah peturah
        ‘Lah Dibata si mereken banta tuah

6. Perlu si eteh entah ise nge la payo
    Adi sempat kin enterem si ergogo
    Ise ngenda si mehado
    Kune rembang kalak bujur pe itangko
    Reff.    Min metenget kita ola sempat lolah
        Si la payo gelah minter si penilah
        Si mehulilah peturah
        ‘Lah Dibata si mereken banta tuah

Syair dan Lagu : S. Tarigan, 1998
Erpalasken : Gal. 5 : 19 - 21, I Petr. 5 : 8 - 11
Download slide PowerPoint KEE No. 231

Join Grup Telegram dan Grup WA saya untuk mendapatkan update...

KEE No. 230 O Kam Si Bas Kematen Si Gelap

KEE No. 230 : 1-5 (O Kam Si Bas Kematen Si Gelap)

1. O kam si bas kematen si gelap
    “Kekeken!“ nina Yesus kap ngerana
    Begiken, dengkeh soraNa me gelah
    Kekeken! Siernala ‘Nak Dibata.
    Reff.    Kebiaren mbelin
        bene nge kam mawen
        Kekeken pedas ola kel melawen
        Geluhndu ’ntisik picet bas dahin
        Kekeken min dage mejingkat kin

2. O kam kerinana si medem bas dosa
    Kekeken! Enggo ndekah me suari
    ’Ban lit t’rang Dibata nggo pultak i jah
    Kekeken! ’Nggo ernala nai-nai nari.
    Reff.    Kebiaren mbelin
        bene nge kam mawen
        Kekeken pedas ola kel melawen
        Geluhndu ’ntisik picet bas dahin
        Kekeken min dage mejingkat kin

3. It’rangi ni Kristus me kapen ukurndu
    Kekeken ! O perdosa ola lolah
    Dibata nge kap si ndabuhken ukumndu
    Kekeken kotes ‘tahsa lanai ndekah.
    Reff.    Kebiaren mbelin
        bene nge kam mawen
        Kekeken pedas ola kel melawen
        Geluhndu ’ntisik picet bas dahin
        Kekeken min dage mejingkat kin

4. Ertuah kin kalak si ’rdalin bas terang
    Kekeken! Maler kap pasu-pasuNa
    ‘Di gelap gia jenda megati nge menang
    Kekeken! La ‘nggo berngi pe man bana
    Reff.    Kebiaren mbelin
        bene nge kam mawen
        Kekeken pedas ola kel melawen
        Geluhndu ’ntisik picet bas dahin
        Kekeken min dage mejingkat kin

5. Man bandu kap sendah nge Tuhan erdilo
    Kekeken minter, melawenca denggo
    Medakken o kam si ni bas kematen
    Kekeken ! Pedah Yesus man paken
    Reff.    Kebiaren mbelin
        bene nge kam mawen
        Kekeken pedas ola kel melawen
        Geluhndu ’ntisik picet bas dahin
        Kekeken min dage mejingkat kin

Syair dan Lagu : S. Tarigan, 1998
Erpalasken : Ende-enden GBKP No. 100 (ipilasi)
Download slide PowerPoint KEE No. 230

Join Grup Telegram dan Grup WA saya untuk mendapatkan update...

KEE No. 229 Tuhanta Yesus E I Surga

KEE No. 229 : 1-5 (Tuhanta Yesus E I Surga)

1. Tuhanta Yesus e i surga
    Nikapken ingan banta kin
    Begiken Kata Tuhan banta
    Janahna teklah kita min.
    Reff.    KataNa kap pengapul e
        Man kalak si tek baNa e
        KataNa kap pengapul e
        Man kalak si tek baNa e

2. ‘Di teman ibas doni kepe
    Ndarami untung bana kin
    ‘Di Tuhan Yesus labo kapen
    Tapina ngk’lini kita nge.
    Reff.    KataNa kap pengapul e
        Man kalak si tek baNa e
        KataNa kap pengapul e
        Man kalak si tek baNa e

3. Iban kekelengenNa banta
    LawesNa ku das Golgota
    ItahankenNa si mesera
    G’lah kita ola bene ka.
    Reff.    KataNa kap pengapul e
        Man kalak si tek baNa e
        KataNa kap pengapul e
        Man kalak si tek baNa e

4. Perukur jelma manusia
    E mobar-obar rusur nge
    ‘Di Tuhan Yesus labo kapen
    KataNa ras kelengNa nge.
    Reff.    KataNa kap pengapul e
        Man kalak si tek baNa e
        KataNa kap pengapul e
        Man kalak si tek baNa e

5. O Yesus Kam me teman kami
    Tegulah kami k’rina min
    Rajailah gegeh ukur kami
    Babailah seh ku surga kin.
    Reff.    KataNa kap pengapul e
        Man kalak si tek baNa e
        KataNa kap pengapul e
        Man kalak si tek baNa e

Syair dan Lagu : S. Tarigan, 1997
Erpalasken : Ende-enden GBKP No. 42
Download slide PowerPoint KEE No. 229

Join Grup Telegram dan Grup WA saya untuk mendapatkan update...

KEE No. 228 Tuhan Dibata Tetap Si Nemani

KEE No. 228 : 1-5 (Tuhan Dibata Tetap Si Nemani)

1. Tuhan Dibata tetap si nemani,
    Adina sirang gia kita kari,
    Rarasen Tuhan ola kel silahi,
    ‘Lah jumpa ka pagi kita ngulihi.
    Reff.    Sirang kin gia kita tik nari,
        Tuhan Dibata ’lah ’ban si nampati,
        Seh ngayak jumpa kita ngulihi,
        Juah-juahen min kula ras tendi.

2. Ibas mentasi k’rina wari-wari
    Kesah Badia bahan si ngkawali
    ‘Di setan iblis ‘tehndu nge la uli
    Sitik pe ola ’nggit kam idiheri.
    Reff.    Sirang kin gia kita tik nari,
        Tuhan Dibata ’lah ’ban si nampati,
        Seh ngayak jumpa kita ngulihi,
        Juah-juahen min kula ras tendi.

3. ‘Tah paksa suhsah gulut gia sekali
    Minter nuriken baNa si terjadi
    Tentu si serbut banci salangsai
    ‘Di Tuhan Yesus banndu si ngapuli.
    Reff.    Sirang kin gia kita tik nari,
        Tuhan Dibata ’lah ’ban si nampati,
        Seh ngayak jumpa kita ngulihi,
        Juah-juahen min kula ras tendi.

4. Kidekah pusung ndabuh ibas doni
    Kerna geluh labo tersipati
    Adi dosanta enggo ijelasi
    E surga naring‘ pagi ingan ngadi.
    Reff.    Sirang kin gia kita tik nari,
        Tuhan Dibata ’lah ’ban si nampati,
        Seh ngayak jumpa kita ngulihi,
        Juah-juahen min kula ras tendi.

5. La kapen ndekah ’nggeluh ’bas pertibi
    Kerna perlawes la ’teh katawari
    Perbahanennta oratiNa ng’ pagi
    Maka lagunta ’banlah si mehuli.
    Reff.    Sirang kin gia kita tik nari,
        Tuhan Dibata ’lah ’ban si nampati,
        Seh ngayak jumpa kita ngulihi,
        Juah-juahen min kula ras tendi.

Syair dan Lagu : S. Tarigan, 1997
Download slide PowerPoint KEE No. 228

Join Grup Telegram dan Grup WA saya untuk mendapatkan update...

KEE No. 227 Katakenlah Man Pusuhku

KEE No. 227 : 1-3 (Katakenlah Man Pusuhku)

1. Katakenlah man pusuhku
    Pepankenlah bas ukurku
    IdemiNdu kegeluhenku
    Tetapkenlah pengarapenku
    Pegaralah kinitekenku
    Alu Kesah ras KataNdu

2. Si ingetlah wari Tuhan
    PedahNa e si pakeken
    B’ritaken Kata Dibatanta
    Man k’rina bekas tinepaNa
    Pegaralah kinitekenku
    Alu Kesah ras KataNdu

3. Kam Tuhan me penampatku
    Ku’ndesken baNdu geluhku
    O Yesus Kam me penalemen
    KuasaNdu me jadi gelemen
    Pegaralah kinitekenku
    Alu Kesah ras KataNdu

Syair dan Lagu : EP. Ginting's, 1997
Download slide PowerPoint KEE No. 227

Join Grup Telegram dan Grup WA saya untuk mendapatkan update...

KEE No. 226 Tuhan Yesus Si Perkuah

KEE No. 226 : 1-4 (Tuhan Yesus Si Perkuah)

1. Tuhan Yesus si perkuah
    IbabaNa kapen tuah
    Reff.    Malem kel ate kami
        Adi Tuhan tetap sinampati

2. Tuhan Yesus maba dame
    Ukur serbut jadi longge
    Reff.    Malem kel ate kami
        Adi Tuhan tetap sinampati

3. Tuhan Yesus teman nggeluh
    IbabaNa tenang pusuh
    Reff.    Malem kel ate kami
        Adi Tuhan tetap sinampati

4. Tuhan Yesus terang doni
    Ban ukurNa kin mehuli
    Reff.    Malem kel ate kami
        Adi Tuhan tetap sinampati

Syair dan Lagu : R. Sembiring, 1997
Download slide PowerPoint KEE No. 226

Join Grup Telegram dan Grup WA saya untuk mendapatkan update...

KEE No. 225 Aku Tek Man Dibata

KEE No. 225 : 1-3 (Aku Tek Man Dibata)

1. Aku tek man Dibata Bapanta
    La ersibar kuasaNa man banta
    Sinasana kap enggo tepaNa
    KelengiNa me kap manusia

2. Aku tek man AnakNa Si Tonggal
    Eme kap Yesus Kristus Tuhannta
    Enggo mate i uruk Golgota
    Keke ka nangkih Ia ku surga

3. Aku tek empak Kesah Si Badia
    Ngarak-ngarak kecibal geluhta
    Aku tek lit gereja badia
    E terkelin aku ibassa

Syair dan Lagu : S. Tarigan, 1998
Download slide PowerPoint KEE No. 225

Join Grup Telegram dan Grup WA saya untuk mendapatkan update...

KEE No. 224 Ise Ndia Kalak Enda

KEE No. 224 : 1-6 (Ise Ndia Kalak Enda)

1. Ise ndia kalak enda
    Rembak ras Tuhanta e
    Irudangi kuidah k’rina
    Janah ersinalsal pe
    Ralep-alep k’rina je
    Rende muji Tuhan e
    Ralep-alep k’rina je
    Rende muji Tuhan e

2. Kalak e ‘nggo itebusi
    Alu dareh Yesus e
    Tuhan saja si terpuji
    Ban keleng ateNa pe
    Tuhan ngepkep k’rina e
    Rembak lalap rasSa je
    Tuhan ngepkep k’rina e
    Rembak lalap rasSa je

3. Kesuhsahen inanami
    Paksa ibas doni e
    Sui ate iakapi
    Seh ku kesenangen e
    Kalak si ‘nggo je kepe
    Sangap me akapna pe
    Kalak si ‘nggo je kepe
    Sangap me akapna pe

4. K’rina ia m’riah rende
    Muji Tuhan Yesus e
    Terbegi sorana tangkas
    ‘Rbanca ate ‘nggo melas
    Siniayakina e
    ‘Nggo jumpasa k’rina je
    Siniayakina e
    ‘Nggo jumpasa k’rina je

5. Lanai kapen seh man banta
    Kesuhsahen doni e
    Lanai jumpa ibas surga
    Si nuhsahi kita pe
    Kuasa doni masap kap
    Sitik pe lanai gejap
    Kuasa doni masap kap
    Sitik pe lanai gejap

6. Tuhan Dibatanta kapen
    Si ‘rban ukur malem nge
    Yesus jadi pengarapen
    Maba ku bas surga e
    E ‘nggo sangap k’rina je
    La lit kebiaren pe
    E ‘nggo sangap k’rina ke
    La lit kebiaren pe

Syair dan Lagu : S. Tarigan, 1997
Erpalasken : Ende-enden GBKP No. 87
Download slide PowerPoint KEE No. 224

Join Grup Telegram dan Grup WA saya untuk mendapatkan update...