KEE No. 400 Si b’ritaken b’rita si meriah

KEE No. 400 : 1-3 (Si b’ritaken b’rita si meriah)

1. Si b’ritaken b’rita si meriah
    Ulanai pedekah-dekah
    Ku sebelang-belang doni enda
    Seh ku kerina bangsa-bangsa
    Yesus kap simada persuruhen
    Mari dage siberitaken
    Reff. Siberitakenlah kata ni Dibata
Kesah si Badia kap si peturahsa
Cidahken arah kata ras perbahanen
Jadi kesaksin man jelma si enterem

2. Si pembarken b’rita keriahen
    Ibas geluh ni perpulungen
    Ersada ibas sada rarasen
    Kerina sikeleng-kelengen
    Bas si mehuli la si toganen
    Radu ras sisampat-sampaten
    Reff. Siberitakenlah kata ni Dibata
Kesah si Badia kap si peturahsa
Cidahken arah kata ras perbahanen
Jadi kesaksin man jelma si enterem

3. Ersinalsal gelah terang Tuhan
    Ibas kita perpulungenNa
    Si persingeti k’rina temanta
    Maka turah nuhit ukurna
    Sipeteguhilah kiniteken
    Seh kerehen wari Tuhannta
    Reff. Siberitakenlah kata ni Dibata
Kesah si Badia kap si peturahsa
Cidahken arah kata ras perbahanen
Jadi kesaksin man jelma si enterem

Pt. Em. N. Karosekali 2008
Download slide PowerPoint KEE No. 400

Join Grup Telegram dan Grup WA saya untuk mendapatkan update...

KEE No. 399 Mari surak muji Tuhan

KEE No. 399 : 1-3 (Mari surak muji Tuhan)

1. Mari surak muji Tuhan
    Endesken ‘nde-enden m’riah,
    O surga doni ersurak kerina,
    Mari rende muji Ia
    Alu ukur si meriah,
    Puji gelarNa si Badia.
    Reff. La ‘rngadi ngadi kupuji kam Tuhan,
bas k’rina dampar kegeluhen,
ersurak m’riah pusuhku ibas kam,
terpuji Tuhan rasa lalap.

2. Mari k’rina manusia
    sipuji dage Dibata
    Rendelah ersuraklah kita k’rina
    Ersadalah ukurta e
    mujiken gelar Dibata
    Ersurak dage kita k’rina
    Reff. La ‘rngadi ngadi kupuji kam Tuhan,
bas k’rina dampar kegeluhen,
ersurak m’riah pusuhku ibas kam,
terpuji Tuhan rasa lalap.

3. Mari surak puji Tuhan
    Alu ukur ras tendinta
    Sabab Kam mehuli kap o Dibata
    pulahiNdu aku
    ibas kiniseran doni enda
    Kupuji Tuhan haleluya
    Reff. La ‘rngadi ngadi kupuji kam Tuhan,
bas k’rina dampar kegeluhen,
ersurak m’riah pusuhku ibas kam,
terpuji Tuhan rasa lalap.

Lagu : Bastanta P. Sembiring 2009
Syair : BPIMG 2009
Download slide PowerPoint KEE No. 399

Join Grup Telegram dan Grup WA saya untuk mendapatkan update...

KEE No. 398 Erlebuh aku o Tuhan

KEE No. 398 : 1-3 (Erlebuh aku o Tuhan)

1. Erlebuh aku o Tuhan
    Ibas kesusahenku
    Dengkehken min aku erlebuh
    Man baNdu o Tuhanku
    O Tuhan si erkuasa
    Perdiateken aku
    O Tuhan si erkuasa
    Perdiateken aku

2. La serta ras la gegehku
    Mbiar aru ateku
    Bas toto ‘ku reh
    Ngendesken pusuhku baNdu Tuhan
    O Tuhan si perkuah
    Ola tundalken aku
    O Tuhan si perkuah
    Ola tundalken aku

3. Petetap pusuhku Tuhan
    Erpengarapen baNdu
    Tuduhkenlah serpang pulah
    Ibas keleng ateNdu
    O Tuhan si perkeleng
    Bere dame pusuhku
    O Tuhan si perkeleng
    Bere dame pusuhku

Lagu : Jeremy Tarigan, 2008
Syair : Jonvianus Tarigan
Download slide PowerPoint KEE No. 398

Join Grup Telegram dan Grup WA saya untuk mendapatkan update...

KEE No. 397 Tatap ku kayu silangNa

KEE No. 397 : 1-4 (Tatap ku kayu silangNa)

1. Tatap ku kayu silangNa
    Idatas uruk Golgota
    Mambur iluhku erdire
    Nginget salah dosangku

2. Ku tatap silangNdu Tuhan
    Dosangku si majekkensa
    Mbelin tuhu keleng Tuhan
    Man kami si perdosa

3. DarehNdu si Badia e
    Mambur ku kegeluhen pe
    Tanda keleng ateNdu e
    Aloken anakNdu pe

4. Ersada kami o Tuhan
    Bengket ku bas keg’luhenNdu
    Tepa geluh kami Tuhan
    Ibas geluh si mbaru

Lagu : Bastanta, 2009
Syair : Pdt. Mestika N. Ginting
Download slide PowerPoint KEE No. 397

Join Grup Telegram dan Grup WA saya untuk mendapatkan update...

KEE No. 396 Kita enggo dat pendilo Dibatanta

KEE No. 396 : 1-3 (Kita enggo dat pendilo Dibatanta)

1. Kita enggo dat pendilo Dibatanta
    ‘Lah ngelai bagi si enggo ibahanNa
    Tangkas enggo sura-sura Dibatanta
    Gelah kita pe tutus jadi serayanNa
    Ola erlatih-latih janah tetap ukur pe
    Erdahin ‘bas peken anggur Tuhan e
    Gegeh ras kuasa ijujurkenNa pe
    Dibata si masu-masu k’rina dahin e

2. Sada arih sada ukur min kita
    Sisampat-sampaten bas ndahiken dahin e
    Amin gia mbelang si man peranin e
    Tetap m’riah ukur ras dahinta pe tembe
    Amin mbue perbeben si ngampangi dalinta
    Kuasa Tuhan kap arapen geluhta
    Petetap pusuhta ola ndele ate
    Dibata sing’layasi kerina dahin e

3. Singelakoken dahin si mulia e
    Sangap ibas doni sangap ibas surga pe
    Tutus ate ertoto mindo man baNa
    PenampatNa eme jadi pengarapenta
    Ia me persukuten ingan man penungkunen
    Maka ngasup ndahiken dahinNa e
    Sikap ras mehuli janah megenggeng pe
    Gelar Tuhan terpuji ras ermulia pe

Jaya Ginting, September 2007
Download slide PowerPoint KEE No. 396

Join Grup Telegram dan Grup WA saya untuk mendapatkan update...

KEE No. 395 Sipujilah Tuhanta e

KEE No. 395 : 1-4 (Sipujilah Tuhanta e)

1. Sipujilah Tuhanta e
    Dibatanta si erkuasa
    La ersibar kuasaNa
    LiasNa ‘nggo tetap.
    Reff. Marilah kita kerina
Sipuji Tuhan bas geluhta
Mbelin kekelengenNa banta k’rina
Segedang geluhta

2. Sipujilah Tuhanta e
    Singerajaisa kerinana
    Emaka kerajang jelma
    Mehuli jadina.
    Reff. Marilah kita kerina
Sipuji Tuhan bas geluhta
Mbelin kekelengenNa banta k’rina
Segedang geluhta

3. Sipujilah Tuhanta e
    Dibatanta si ermulia
    KemulianNa si ndemi
    Doni ras i surga.
    Reff. Marilah kita kerina
Sipuji Tuhan bas geluhta
Mbelin kekelengenNa banta k’rina
Segedang geluhta

4. Sipujilah Tuhanta e
    Dibatanta e si perkuah
    Singaloken kita k’rina
    Adi reh ersembah.
    Reff. Marilah kita kerina
Sipuji Tuhan bas geluhta
Mbelin kekelengenNa banta k’rina
Segedang geluhta

Lagu : Sirma Ginting 2009
Syair : BPIMG 2009
Download slide PowerPoint KEE No. 395

Join Grup Telegram dan Grup WA saya untuk mendapatkan update...

KEE No. 394 Tuhan Alemi aku

KEE No. 394 : 1-5 (Tuhan Alemi aku)

1. Tuhan Alemi aku,
    Alemi dosa ras kesalahenku
    Bereken bangku pusuh si mbaru
    Gelah metunggung iadepenNdu

2. Tuhan alemi aku,
    Sura-surangku rusur kuikutken
    Ajari aku kerna p’ratenNdu
    Petangkas kai arus kulakoken

3. Tuhan Alemi aku,
    Rusur denga lagungku la mehuli
    Ku ban si jahat bas pengakapNdu
    Sasapken k’rina salah lepakku

4. Tuhan alemi aku,
    Megati denga doni enda kupenalem
    Meganjang rukur ras percimberu
    Ula taktaki salah lepakku

5. Tuhan Alemi aku,
    Bas kesalahen kap tubuhku ndube
    Sasap dosangku urasi aku
    Gelah atan bas kinirajanNdu.

Junaidi Sinuhaji, 2007
Download slide PowerPoint KEE No. 394

Join Grup Telegram dan Grup WA saya untuk mendapatkan update...

KEE No. 393 Surga Nari Aku Itatapndu

KEE No. 393 : 1-4 (Surga Nari Aku Itatapndu)

1. Surga nari aku itatapndu,
    sanga lalar aku ras ngelabuh.
    seh ku pusuh tangkas idahndu,
    ndauh kepe papak perdalanku.

2. Kubegi ilebuhNdu gelarku,
    la ‘ku ngasup natap sinalsalndu.
    Ban mbelin me dosa-dosangku,
    la metunggung g’lari anakNdu.

3. Terbegi Kam reh ndeheri aku,
    tanNdu si melias negu aku.
    ‘Nggo ialemiNdu dosangku,
    malem kal ateku bahanNdu.

4. O Tuhan bujur ningku man bandu,
    mbelin kel kualoken perkuahNdu.
    sampat aku ngikut pedahNdu,
    g’lah tetap nehken p’ratenNdu.


John Lewi Keliat, September 2007
Download slide PowerPoint KEE No. 393

Join Grup Telegram dan Grup WA saya untuk mendapatkan update...

KEE No. 392 Ibas Doni Si Dem Perbeben

KEE No. 392 : 1-3 (Ibas Doni Si Dem Perbeben)

1. Ibas doni si dem perbeben
    Sikeleng kelengen
    Nggeluhlah ibas kebenaren
    Cidahken Yesus bas g’luhta
    Reff. Cidahkenlah arah perukuren
Yesus si njayam geluhta
Cidahkenlah arah perbahanen
Yesus si njayam g’luhta

2. Ibas doni si dem perbeben
    Sisampat-sampaten
    Tergejaplah min man si deban
    Cidahkenlah Yesus bas g’luhta
    Reff. Cidahkenlah arah perukuren
Yesus si njayam geluhta
Cidahkenlah arah perbahanen
Yesus si njayam g’luhta

3. Ibas doni si dem perbeben
    Sitatang-tatangen
    Tetaplah siajar-ajaren
    Cidahkenlah Yesus bas g’luhta
    Reff. Cidahkenlah arah perukuren
Yesus si njayam geluhta
Cidahkenlah arah perbahanen
Yesus si njayam g’luhta

Sirma Ginting 2009
Download slide PowerPoint KEE No. 392

Join Grup Telegram dan Grup WA saya untuk mendapatkan update...

KEE No. 391 Anem Dosangku Mekelat Megara

KEE No. 391 : 1-3 (Anem Dosangku Mekelat Megara)

1. Anem dosangku mekelat megara
    IsalihkenNdu me jadi mbentar
    Kam kap erbanca geluh meherga
    Kugejap tuhu kelengNdu simpar
    Reff. Tendingku ersurak janah nembah
Kupakeken me pedah
Kam kap Dibata Bapa Si Perkuah
Bas kep-kepenNdu min aku gelah

2. Ukur pinter ras bujur nge pindoNdu
    Pusuh si getem ngena ateNdu
    Demi pusuhku alu liasNdu
    Gelah ku pembarken min kataNdu
    Reff. Tendingku ersurak janah nembah
Kupakeken me pedah
Kam kap Dibata Bapa Si Perkuah
Bas kep-kepenNdu min aku gelah

3. Sedekah aku nggeluh ibas terang
    Ukur meriah pusuh pe salang
    Baban si mberat jadi menahang
    B’reNdu pengapul dame ras senang
    Reff. Tendingku ersurak janah nembah
Kupakeken me pedah
Kam kap Dibata Bapa Si Perkuah
Bas kep-kepenNdu min aku gelah

Pdt. Amos R. Ginting 2007
Download slide PowerPoint KEE No. 391

Join Grup Telegram dan Grup WA saya untuk mendapatkan update...

KEE No. 390 O Tuhanku Yesus

KEE No. 390 : 1-3 (O Tuhanku Yesus)

1. O Tuhanku Yesus
    Tuhu mbelin kel dosangku
    Ngarap aku baNdu
    Gelah itebusiNdu

2. O Tuhanku Yesus
    Ngaku aku ilebeNdu
    La kap lit gegehku
    Adi la angkatkenNdu

3. O Tuhanku Yesus
    PelimbaruiNdu aku
    Gelap kal dalinku
    Tegu kubas terangNdu

Junaedi Sinuhaji 2009
Download slide PowerPoint KEE No. 390

Join Grup Telegram dan Grup WA saya untuk mendapatkan update...

KEE No. 389 O Bapa Si Melias

KEE No. 389 : 1-3 (O Bapa Si Melias)

1. O Bapa si melias,
    Begiken kami anakNdu
    Kami si nggeluh
    ibas kelbung gelap e

2. Sampat kami o Yesus
    Pulahi kami anakNdu
    Juru s’lamatku Kam kap
    Si nebus geluhku

3. O Kesah si Badia
    Bengketi pusuh anakNdu
    Gelah tetap geluhku
    Ibas dalanNdu e

Bastanta P. Sembiring
Download slide PowerPoint KEE No. 389

Join Grup Telegram dan Grup WA saya untuk mendapatkan update...

KEE No. 388 O Dibata Kam Kap Dibatangku

KEE No. 388 : 1-3 (O Dibata Kam Kap Dibatangku)

1. Tupung tayang aku nginget Kam
    Gedang berngi ku ukuri Kam
    Sabab Kam si nampati aku
    O Dibata tedeh ‘teku Kam.
    Reff. O Dibata Kam kap Dibatangku
Kudahi tedeh ateku Kam
Mesikel aku nandangi Kam
Desken taneh si enggo kerah
Bageme muasna tendingku
Man baNdu Tuhan Dibatangku

2. Sabab Kam si nampati aku
    Teruh kabengNdu rende aku
    ‘Di ras Kam meriah ukurku
    O Dibata Kam sekawalku.
    Reff. O Dibata Kam kap Dibatangku
Kudahi tedeh ateku Kam
Mesikel aku nandangi Kam
Desken taneh si enggo kerah
Bageme muasna tendingku
Man baNdu Tuhan Dibatangku

3. Nteguh cikep tanku o Tuhan
    Teneng ukurku adi ras Kam
    La ku mbiar jumpa percuban
    Malem ate ‘di rembak ras Kam.
    Reff. O Dibata Kam kap Dibatangku
Kudahi tedeh ateku Kam
Mesikel aku nandangi Kam
Desken taneh si enggo kerah
Bageme muasna tendingku
Man baNdu Tuhan Dibatangku

Lagu: Tetap Ukur Torong 2009
Syair: BPIMG 2009
Download slide PowerPoint KEE No. 388

Join Grup Telegram dan Grup WA saya untuk mendapatkan update...

KEE No. 387 Bagi belkih mejehe

KEE No. 387 : 1-3 (Bagi belkih mejehe)

1. Bagi belkih mejehe
    Nandangi lau si maler
    Bagem tedeh ateku
    Kempak Kam o Tuhan
    Muas tendingku baNdu
    O Dibata si nggeluh
    Pusuhku reh ersembah
    I adep-adepenNdu

2. Kam Tuhan kecionku
    Dingen ulu gegehku
    Kam sinampati aku
    Ibas kesusahenku
    Lawit si ergelumbang
    Deleng-deleng kumeter
    La erbanca ‘ku gentar
    Kam Tuhan sekawalku

3. Cidahkenlah o Tuhan
    Keleng ateNdu bangku
    Si ertedeh man baNdu
    Rende muji gelarNdu
    Kam kap pengarapenku
    Si ngkelini geluhku
    Si jadi penampatku
    Ku puji kam o Tuhan

Lagu : Pt. Em. N. Karo Sekali 2009
Syair : BPIMG 2009
Download slide PowerPoint KEE No. 387

Join Grup Telegram dan Grup WA saya untuk mendapatkan update...

KEE No. 386 Tuhan kap permakan geluhku

KEE No. 386 : 1-4 (Tuhan kap permakan geluhku)

1. Tuhan kap permakan geluhku
    Maka la kekurangen aku
    I tengah mbal-mbal si meratah
    Geluhku i pesenangkenNdu.
    Reff. O Tuhan Kam penalemenku
TemaniNdu ibas dalanku
Tuhu malem teneng tendiku
Perbahan Tuhan temanku

2. Kempak lau si teneng malerna
    Itegu-teguNdu geluhku
    PelimbaruiNdu gegehku
    Dalan pinter babaNdu aku.
    Reff. O Tuhan Kam penalemenku
TemaniNdu ibas dalanku
Tuhu malem teneng tendiku
Perbahan Tuhan temanku

3. Bas aku ndalani geluhku
    Mentas arah kelbung si gelap
    La ‘ku mbiar jumpa cilaka
    Sabab Kam kap Tuhan ras aku.
    Reff. O Tuhan Kam penalemenku
TemaniNdu ibas dalanku
Tuhu malem teneng tendiku
Perbahan Tuhan temanku

Harry Patia 2007
Download slide PowerPoint KEE No. 386

Join Grup Telegram dan Grup WA saya untuk mendapatkan update...

KEE No. 385 Babalah persembahen si merimna

KEE No. 385 : 1-3 (Babalah persembahen si merimna)

1. Babalah persembahen si merimna
    Ku adep-adepen Dibatanta
    Babalah korban pujin si mehaga
    Kulebe altarNa si Badia
    G’lah tetap i b’reNa pasu-pasuNa
    Man k’rina manusia
    G’lah tetap b’reNa pasu-pasuNa
    Terpuji gelar Tuhan

2. Babalah persembahen si jilena
    Ku rumah Dibata si Perkuah
    Babalah korban pujin si merimna
    Ku adep-adepen si erkuasa
    G’lah tetap b’reNa keleng ateNa
    Ras lias ateNa banta
    G’lah tetap b’reNa pasu-pasuNa
    Segedang-gedang geluhta

3. ‘ndeskenlah persembahenta man baNa
    Si nggo nehken kegeluhen banta
    ‘ndeskenlah lagu pujin si jilena
    Jadi persembahen si Badia
    G’lah lias ras keleng ateNa
    isehkenNa man banta
    E maka ernalem ku IA
    Malem tuhu ateta

Bastanta P. Sembiring
Download slide PowerPoint KEE No. 385

Join Grup Telegram dan Grup WA saya untuk mendapatkan update...

KEE No. 384 O Tuhan pepayo pusuhku

KEE No. 384 : 1-4 (O Tuhan pepayo pusuhku)

1. O Tuhan pepayo pusuhku
    ‘ku erpengendes ibas totongku
    Urasi min ras pulahi aku
    Ibas dosa si ngerim-rim aku

2. Ku puji ban payo pusuhku
    kataNdu Tuhan ng’layasi aku
    Sepuh aku ‘lah bene ilatku
    Petetap min ukurku nembah Kam

3. O Tuhanku tegu min geluhku
    Demi ukurku salu kelengNdu
    Kuasailah biak keg’luhenku
    ‘lah kataNdu ringan bas geluhku

4. B’re min aku i pelimbarui
    Salu KesahNdu si Badia e
    Nina Tuhan, “Aku ncukupi kam
    Kupindoken pasu-pasuNdu e

Lagu : Maori Melody, Syair : J. Edwin Orr, terj. BPIMG 2009
Download slide PowerPoint KEE No. 384

Join Grup Telegram dan Grup WA saya untuk mendapatkan update...

KEE No. 383 Dengkehken Tuhan aku erlebuh

KEE No. 383 : 1 (Dengkehken Tuhan aku erlebuh)

1. Dengkehken Tuhan aku erlebuh
    Ngendesken pingkoku baNdu Tuhan
    Dengkehken Tuhan aku erlebuh
    Ngendesken pingkoku baNdu Tuhan

Pdt. Krismas I Barus & Jeremy Tarigan 2009
Download slide PowerPoint KEE No. 383

Join Grup Telegram dan Grup WA saya untuk mendapatkan update...

KEE No. 382 Enggo mentas tahun si male

KEE No. 382 : 1-3 (Enggo mentas tahun si male)

1. Enggo mentas tahun si male
    IteguNdu alu kelengNdu
    Erban geluhku lit bas dame
    Bujur sehken kami baNdu

2. KuasaNdu cidahkenNdu
    Tahun baru ijujurkenNdu
    Ikutken kami pendiloNdu
    Pebadiaken gelarNdu

3. Pindo kami gegeh baNdu
    Gelah geluh kami la kote
    Bahan kami meteruk rukur
    ‘lah terpuji gelarNdu pe

Minda P. Puracan, terj. BPIMG 2009
Download slide PowerPoint KEE No. 382

Join Grup Telegram dan Grup WA saya untuk mendapatkan update...

KEE No. 381 Sura-sura Yesus bangku

KEE No. 381 : 1-4 (Sura-sura Yesus bangku)

1. Sura-sura Yesus bangku
    Ersinalsal tetap
    Nggeluh bujur ras mehuli
    Si ngena atena.
    Reff. Ersinalsal terang
Em sinisuraken Yesus
Ersinalsal terang
Ku tetap ersinalsal

2. Sura-sura Yesus Kristus
    Nandangi geluhku
    Mpehaga turang senina
    Sisampat-sampaten.
    Reff. Ersinalsal terang
Em sinisuraken Yesus
Ersinalsal terang
Ku tetap ersinalsal

3. Kupindo Yesus nampati
    Njaga pusuhku e
    Gelah ngasup ersinalsal
    Ngikutken Tuhan e.
    Reff. Ersinalsal terang
Em sinisuraken Yesus
Ersinalsal terang
Ku tetap ersinalsal

4. Eme kesikel tedehku
    Ngelai Tuhan ku
    Seh ‘ku irumah Bapangku
    Senang geluhku je.
    Reff. Ersinalsal terang
Em sinisuraken Yesus
Ersinalsal terang
Ku tetap ersinalsal

Lagu: Jesus Wants Me for a Sunbeam, Edwin othelo Excell 1851-1921
Syair Karo : BPIMG 2009
Download slide PowerPoint KEE No. 381

Join Grup Telegram dan Grup WA saya untuk mendapatkan update...

KEE No. 380 O Tuhanku alemi min

KEE No. 380 : 1 (O Tuhanku alemi min)

1. O Tuhanku alemi min
    Salah dosangku alemi min
    O Tuhanku alemi min
    Salah dosangku alemi min

Jeremy Tarigan 2010
Download slide PowerPoint KEE No. 380

Join Grup Telegram dan Grup WA saya untuk mendapatkan update...

KEE No. 379 O Tuhan reh aku ku lebeNdu

KEE No. 379 : 1-3 (O Tuhan reh aku ku lebeNdu)

1. Tuhan tetap nemani geluhku
    Dingen mereken dalan man bangku
    Ernalem gelah tetap
    Ras ertoto man baNa
    Tuhan tetap nemani geluhku

2. Tuhan tetap nemani geluhku
    Dingen mereken dalan man bangku
    Tedeh ate tendingku
    Ngidah kemulianNdu
    Tuhan tetap nemani geluhku

3. Tuhan tetap nemani geluhku
    Dingen mereken dalan man bangku
    Enda me keg’luhenku
    Ku endesken man baNdu
    Tuhan tetap nemani geluhku

Lagu : I Know the Lord Make a way for me, Haldor Lilenas, 1918
Syair Karo : BPIMG 2009
Download slide PowerPoint KEE No. 379

Join Grup Telegram dan Grup WA saya untuk mendapatkan update...

KEE No. 378 O Tuhan reh aku ku lebeNdu

KEE No. 378 : 1 (O Tuhan reh aku ku lebeNdu)

1. O Tuhan reh aku ku lebeNdu
    Nembah ras ngataken bujur baNdu
    Aku enggo itebusNdu
    Dosaku ialemiNdu
    Pulah me aku o Tuhan
    Ibas iketen kuasa dosa
    Malem kal ateku Tuhan
    Nggo terkelin tendingku

Pdt. Krismas Imanta Barus 2009
Download slide PowerPoint KEE No. 378

Join Grup Telegram dan Grup WA saya untuk mendapatkan update...

KEE No. 377 Kuakuken me dosangku

KEE No. 377 : 1-2 (Kuakuken me dosangku)

1. Kuakuken me dosangku
    I lebe Tuhan
    Megati aku lalar bas kegeluhenku
    Keleng atendu pengarapenku
    I teruh perkuahNdu malem me pusuhku
    Keleng atendu pengarapenku
    I teruh perkuahNdu malem me pusuhku

2. Erlebuh aku baNdu
    O Yesus Tuhanku
    Alemi min o Bapa salah ras lepakku
    Keleng ateNdu pengarapenku
    Tedeh ‘teku ngidah belinna perkuahNdu
    Keleng ateNdu pengarapenku
    Tedeh ‘teku ngidah belinna perkuahNdu

A.K. Saragih, terj. BPIMG 2009
Download slide PowerPoint KEE No. 377

Join Grup Telegram dan Grup WA saya untuk mendapatkan update...

KEE No. 376 Kulebuh Kam Tuhanku

KEE No. 376 : 1-5 (Kulebuh Kam Tuhanku)

1. Kulebuh Kam Tuhanku
    Dengkehken min pemindonku
    Ib’reNdu gegeh man bangku
    Kundesken kegeluhenku

2. Kuakuken me dosangku,
    Ku gejapken pe salahku
    Erlebuh man banNdu,
    Ku ‘ndesken kegeluhenku

3. La kap metunggung geluhku,
    La payo perbahanenku
    DarehNdu nebus dosangku,
    Ku ‘ndesken kegeluhenku

4. O Yesus babai min aku,
    Ngenen ku kayu silangNdu
    Terkelin me kap tendingku,
    Ku ‘ndesken kegeluhenku.

5. PadanNdu tetap man bangku,
    Em pengarapen geluhku
    O Yesus enda anakNdu,
    Ku ‘ndesken kegeluhenku

Sumber : Just as I am, William B. Bradbury
Syair Karo : BPIMG 2009
Download slide PowerPoint KEE No. 376

Join Grup Telegram dan Grup WA saya untuk mendapatkan update...

KEE No. 375 O Tuhan ajari kami

KEE No. 375 : 1-4 (O Tuhan ajari kami)

1. O Tuhan ajari kami
    Engkelengi teman kami
    Si latih kote ras ndele
    Ngidah p’ratenNa e.
    Reff. Bage kap pedah Tuhanta
Sikeleng-kelengen
Bage kap pedah Tuhanta
Sisampat-sampaten

2. O Tuhan pakelah kami
    ‘lah ngasup tutus nampati
    Si labuh la jumpa dame
    ‘lah geluna jore.
    Reff. Bage kap pedah Tuhanta
Sikeleng-kelengen
Bage kap pedah Tuhanta
Sisampat-sampaten

3. O Tuhan pengasup kami
    Nggejapken dingen ngapuli
    Pusuh si rate mesui
    Gelah terapuli.
    Reff. Bage kap pedah Tuhanta
Sikeleng-kelengen
Bage kap pedah Tuhanta
Sisampat-sampaten

4. O Tuhan pengasup kami
    Mpegegehi ras nambari
    Kula teman si mesui
    Gelah tertambari.
    Reff. Bage kap pedah Tuhanta
Sikeleng-kelengen
Bage kap pedah Tuhanta
Sisampat-sampaten

Jeremy Tarigan 2008
Download slide PowerPoint KEE No. 375

Join Grup Telegram dan Grup WA saya untuk mendapatkan update...

KEE No. 374 Yesus ulu kegeluhenku

KEE No. 374 : 1-3 (Yesus ulu kegeluhenku)

1. Yesus ulu kegeluhenku,
    Kam me ngenca pengendesenku,
    Lalap tedeh ate pusuhku,
    Kupehaga Kam bas geluhku.
    Reff. O Tuhan pernehen pusuhku,
siertedeh ate man baNdu
kugelem pedah ras padanNdu
kusembah Kam ibas geluhku

2. Ku sembah Tuhan penebusku,
    Si mereken kekelengenNa,
    Alu tutus reh aku Tuhan,
    Ras kerina isi jabungku.
    Reff. O Tuhan pernehen pusuhku,
siertedeh ate man baNdu
kugelem pedah ras padanNdu
kusembah Kam ibas geluhku

3. Teridah kelengNdu o Tuhan,
    tanNdu sinegu bas percuban,
    Terkelin geluhku iban Kam,
    Ku puji Kam Tuhan si mbelin.
    Reff. O Tuhan pernehen pusuhku,
siertedeh ate man baNdu
kugelem pedah ras padanNdu
kusembah Kam ibas geluhku

Lagu : Hermanto Tarigan 2007
Download slide PowerPoint KEE No. 374

Join Grup Telegram dan Grup WA saya untuk mendapatkan update...