KEE No. 70 Ku Surga Tingkahku

KEE No. 70 : 1-5 (Ku Surga Tingkahku)

1. Ku surga tingkah ku
    Kerina susahku
    La kap dongkel e
    Ukur ku la malem
    ‘Di la aku ernalem
    Man Tuhan kepe

2. ‘Di dalin nge picet
    Kiniseran ngkicat
    Biarku la lit
    Ban Yesus temanku
    Si ncikep kap tanku
    Bene lanai nggit

3. E Tuhan pesusur
    TerangNa kap rusur
    Gelah me tetap
    Kudahi dahinku
    Tetap ka dalinku
    Reh gia gelap

4. E rumah Bapangku
    Teridah man bangku
    Mesikel ku je
    I je me Rajangku
    Melias man bangku
    ‘Di tutus kepe

5. Lit abat kin bangku
    ‘Di rumah Bapangku
    Kudahi tetap ?
    Reh jenda gelapna
    Reh jadah sangapna
    Ku jah aku kap

Sinusurkenca Pdt. E. J. Van den Berg
Download slide PowerPoint KEE No. 70

Join Grup Telegram dan Grup WA saya untuk mendapatkan update...

KEE No. 69 Kataken Man Yesus

KEE No. 69 : 1-2 (Kataken Man Yesus)

1. Kataken man Yesus
    Di melungun kam
    TehNa kap suinndu,
    I b’reNa senang
    To dahi ken Ia,
    Di mesera kam
    Nggit Ia nampati
    Maka kam senang

2. ‘Di dat kam pengapul
    Arah Yesus e
    Mulih lah ermengkah
    Puji Ia pe
    Dahi pe temanndu
    Si melungun ka
    Nindu : “Si jera nge
    IalokenNa”

Sinusurkenca Pdt. J. WiJngaarden
Download slide PowerPoint KEE No. 69

Join Grup Telegram dan Grup WA saya untuk mendapatkan update...

KEE No. 68 DahinNdu Si Mbelin Tuhan

KEE No. 68 : 1-3 (DahinNdu Si Mbelin Tuhan)

1. Dahindu si mbelin Tuhan
    Kerajang kami pe
    Ban Kam si mada kerajan
    La masap lalap e
    Tapina bagi page me
    Gelah ersuli turah pe
    E mate kap benih lebe
    Bage pe kami k’rina nge
    Nggit mate pe
    Lah turah page nge

2. DalinNdu ibas doni e
    O, Tuhan mesera
    Enggo me iteh kami pe
    Pendungi Golgota
    ‘Di tergejap serana kin
    Gejap pe permenangna min
    ‘Di kita jumpa ras pagin
    Min atan bas kiniulin
    Nggit kami pe
    Ngikutken dalin e

3. Di Kam bagi benih kap e
    Kuburen dungna kin?
    Lang! Kegeluhen lalap nge
    K’rajangku me pagin
    Min suruh aku japa pe
    M’ritaken kegeluhen e
    Lah ise pe ngakukan me
    ‘Di tek, de atan me kepe
    Nggit kami pe
    M’ritaken bana e

Sinusurkenca Pdt. E. J. Van den Berg
Download slide PowerPoint KEE No. 68

Join Grup Telegram dan Grup WA saya untuk mendapatkan update...

KEE No. 67 Doni Enda Kuperangi

KEE No. 67 : 1-4 (Doni Enda Kuperangi)

1. Doni enda ku perangi
    Talu aku? Lang!
    Sabab rusur penahangi
    Tuhan aku kang
    Di totonku la ikurangi
    ‘Rbebe aku pang

2. Pengarapen doni masap
    La nteguh kepe
    Pemeteh la tahan kuakap
    Masap ras bene
    Si la masap asa lalap
    Kekelengen e

3. Erta doni la erguna
    Ban keri me kap
    Nggo gejap min la perluna
    Barang si gelap
    Erta surga si tuhuna
    Sabab e tetap

4. Seh sidikku o, Tuhanku
    BaNdu me pujin
    Sabab itegu Kam tanku
    E menang pagin
    Adi me tepat perbanku
    Surga pengadin

Sinusurkenca Pdt. E. J. Van den Berg
Download slide PowerPoint KEE No. 67

Join Grup Telegram dan Grup WA saya untuk mendapatkan update...

KEE No. 66 Useken Min Tuhan

KEE No. 66 : 1-2 (Useken Min Tuhan)

1. Useken min Tuhan
    KesahNdu si Badia
    Man kami ras teman
    ‘Di pulung ja pa gia
    Ajuklah kami pe
    Megegeh ras nteguh
    Lah ibas kami pe
    KesahNdu enggeluh

2. Sangap warina e
    Nggo ndeher me paksana
    Bangsa i japa pe
    Pujina si Badia
    B’re maka kami pe
    Ersikap o, Tuhan
    Kam kap si mada pe
    Kuasa, kemulian

Sinusurkenca Pdt. J. H. Neumann
Download slide PowerPoint KEE No. 66

Join Grup Telegram dan Grup WA saya untuk mendapatkan update...

KEE No. 63 Keleng AteNdu Min Gejap

KEE No. 63 : 1-5 (Keleng AteNdu Min Gejap)

1. Keleng ateNdu min gejap
    Bas aku o, Tuhan
    Kam Penebus ndarami kap
    Si ‘nggo me kedosan

2. Kam Tuhan si badia nge
    Dosangku lalap lit
    Ku silatengka ukurku pe
    Ku bujur la aku nggit

3. Biakku kap erban medu
    Ban e lanai kuteh
    Pelain-lain pagit ras ntebu
    Ku japa pe la seh

4. Tapina kuakuken me
    Salahku k’rina pe
    Mekuah min ateNdu pe
    Lah masap dosa e

5. Kam bengket kematen kap pe
    Lah aku enggeluh
    Arapku lit lanai bene
    PadanNdu kap nteguh

Sinusurkenca Pdt. E. J. Van den Berg
Download slide PowerPoint KEE No. 63

Join Grup Telegram dan Grup WA saya untuk mendapatkan update...

KEE No. 65 Dibata Si Mbelin KuasaNa

KEE No. 65 : 1-4 (Dibata Si Mbelin KuasaNa)

1. Dibata si mbelin kuasaNa
    Pejore min rananku e
    ‘Di kalak la tertek katana
    Carina sajang guna bana
    E maka kuakuken pe Kam
    Dibatangku Kam

2. Bagi terbuang aku kapen
    Kam Tuhan si metehsa e
    KuasaNdu palas pengarapen
    Nggo gia aku kegelapen
    Ras ateku mekelek ndele
    La aku kap bene

3. Penusurlah Kam si mekuah
    TerangNdu ras benarNdu me
    Taruhkenlah aku ku rumah
    Badia e lah aku luah
    Emaka Kam kupehaga pe
    Dibatangku e

4. Kudahi rumah persembahen
    Ukurku jore ras tetap
    Ras Tuhan sumbul keriahen
    Nggo ngadi k’rina kesusahen
    Ban e maka aku muji kap
    KelengNdu gejap

Sinusurkenca Pdt. E. J. Van den Berg
Download slide PowerPoint KEE No. 65

Join Grup Telegram dan Grup WA saya untuk mendapatkan update...

KEE No. 64 Sada Nge Permakan Kap

KEE No. 64 : 1-3 (Sada Nge Permakan Kap)

1. Sada nge permakan kap
    Sada ngenca perarasen
    Kam perlajang min tetap
    Maka baNdu reh tangkasen
    Kekelengen Tuhan e
    Si permakan tuhu pe

2. Ndauh me denga wari e
    Maka kita ‘rsada rasSa
    Lang me! Reh me deherna pe
    Adi kita tek ibasSa
    Latih adi papak me
    Sangap adi ras kap e

3. Kam Permakan lampas reh
    Si nggo lalar pemulihken
    Ma ku surga ia seh
    ‘Di atena la mulihken
    Sampat maka ‘rsada kap
    O, Permakan si tetap

Sinusurkenca Pdt. E. J. Van den Berg
Download slide PowerPoint KEE No. 64

Join Grup Telegram dan Grup WA saya untuk mendapatkan update...

KEE No. 62 Min Lalap Kam Inganku Tuhan

KEE No. 62 : 1-6 (Min Lalap Kam Inganku Tuhan)

1. Min lalap Kam inganku Tuhan
    Kam Yesus batang anggur nge
    GegehNdu maler min ku dahan
    ‘Di lang bene kap aku pe
    KesahNdu bengket aku min
    Gelah erbuah aku kin

2. Di bulung saja nge teridah
    Buahna lang, la ‘rguna kap
    Oh, bunuh min di dahan turah
    Si la metunggung la tetap
    Kuteh beluhNdu nektek e
    Gelah erbuah aku pe

3. La dorek kub’re gegeh bangku
    RembakNdu si perluna min
    Makana jore kerajangku
    Ma arah Kam gegehku kin?
    KesahNdu bengket me gelah
    Lah ola dahan jadi k’rah

4. Kataken Kamlah teptep wari
    Ulihilah megati pe
    “Si la bas Aku mate nari
    ‘Di dahan k’rah ku api me”
    B’re maka Kam inganku kap
    Ras la ngasup me gejap

5. La kal ateku sirang Tuhan
    K’rajangNdu aku lalap me
    Keleng ateNdu me kunanam
    GegehNdu min geluhku pe
    GegehNdu terbeliden min
    Bas aku lah erguna kin

6. Adi bage erketuahen
    Tendingku reh teguhna kap
    Si picet arah kesusahen
    Kuakap longge ras tetap
    Si ni bas mutik erbunin
    E jadi tangkas me pagin

Sinusurkenca Pdt. E. J. Van den Berg
Download slide PowerPoint KEE No. 62

Join Grup Telegram dan Grup WA saya untuk mendapatkan update...

KEE No. 61 Nggo Jumpa Ras Perkuah Ate

KEE No. 61 : 1-5 (Nggo Jumpa Ras Perkuah Ate)

1. Nggo jumpa ras perkuah ate,
    Metunggung gia aku lang.
    Iban si e la aku mate,
    Emaka ateku me gedang.
    Perkuah ate Tuhan kin,
    Perkuah ate Tuhan kin.
    Makana aku terkelin,
    Makana aku terkelin.

2. Perban melala me dosangku,
    UkumNa bangku bujur nge.
    Tapina ban dahin Tuhanku,
    Nggo masap k’rina dosa me.
    DarehNa iamburkenNa,
    DarehNa iamburkenNa,
    Lah dosa imasapkenNa,
    Lah dosa imasapkenNa.

3. Perkuah ate Tuhan nari,
    Penalemenku saja e.
    Kupuji Tuhan e gundari,
    Si nginget aku lalap me.
    Emaka las ukurku pe,
    Emaka las ukurku pe.
    Ngikutken lalap Tuhan e,
    Ngikutken lalap Tuhan e.

4. La dorek iguluti m’aku,
    Ntah ise entah kai pe kap.
    Kuarap naring man Tuhanku,
    Totonku baNa pe tetap.
    La mbiar aku kematen,
    La mbiar aku kematen.
    Ban Tuhan Yesus kekeken,
    Ban Tuhan Yesus kekeken.

5. Ola kal erleka ras aku,
    Lias ateNdu o, Tuhan!
    ‘Di reh de pagi me sipatku,
    Ersada me ras Kam lah ban.
    Dage kupuji Kam kepe,
    Dage kupuji Kam kepe.
    Ban jumpa lias ate e,
    Ban jumpa lias ate e.

Sinusurkenca Pdt. E. J. Van den Berg
Download slide PowerPoint KEE No. 61

Join Grup Telegram dan Grup WA saya untuk mendapatkan update...

KEE No. 60 Bapa Si Perkuah Ate

KEE No. 60 : 1-9 (Bapa Si Perkuah Ate)

1. Bapa si erkuah ate
    Tatap ku liahku e
    Sabab aku narus mate
    Bapa si erkuah ate
    Tatap ku liahku e
    Jore min lah la bene

2. Kam si ngidah me jahatna
    Si ni bas pusuhku e
    Maka mekelek beratna
    Kam si ngidah me jahatna
    Si ni bas pusuhku e
    Si ertambah-tambah pe

3. Oh, geluhku me terambur
    Ban bene ukurku e
    Keriahen tertambur
    Oh, geluhku me terambur
    Ban bene ukurku e
    Ras melala dosa pe

4. Pertotonku ras iluhku
    Bagi si la mentas pe
    Tambah picet kal pusuhku
    Pertotonku ras iluhku
    Bagi si la mentas pe
    Tempa pitut dalin e

5. Reh bagesna kuorati
    Ras bagesna kugejap
    Manai aku tersampati
    Reh bagesna kuorati
    Reh jahatna kugejap
    Talu nari aku kap

6. Ngarap nari aku baNdu
    Kam Penawar si tetap
    Luah m’aku bekas tanNdu
    Ngarap nari aku baNdu
    Kam, Penawar si tetap
    AjarenNdu bujur kap

7. Kam Pematang kinituah
    Si ngalemi dosa e
    Bahan maka aku luah
    Kam Pematang kinituah
    Si ngalemi dosa e
    Malem min ateku pe

8. Tuhanku! Begi totonku
    Aku seh tegulah min
    La metunggung pemindonku
    Tuhanku! Begi totonku
    Aku seh tegulah min
    Kam si tuhu pelimin

9. Pengadi-ngadinku enda
    Kam kap ‘bas mateku pe
    E me pengarapen jenda
    Pengadi-ngadinku jenda
    Kam kap ‘bas mateku pe
    Lanai mbiar aku e

Sinusurkenca Pdt. E. J. Van den Berg
Download slide PowerPoint KEE No. 60

Join Grup Telegram dan Grup WA saya untuk mendapatkan update...

KEE No. 59 Keleng AteNdu Tangkas Bangku

KEE No. 59 : 1-4 (Keleng AteNdu Tangkas Bangku)

1. Keleng ateNdu tangkas bangku
    Si ku pujiken lalap min
    Kam Tuhan Yesus me Rajangku
    Si erkeleng man bangku kin
    Madin keleng ateNdu ku inget
    Asang k’rajang ku me tersinget

2. Kam si ndarami aku rusur
    Tedeh ateNdu aku e
    Bena-benana aku ngkusur
    Kam nari nalukenca pe
    Ipilih Kam me kap tendingku
    Kupilih Kam pe man Tuhanku

3. Kuteh Kam nari pengarapen
    ‘Di sirang kita e medu
    Lit gia kuasa lain tetapen
    Ukurku e di Kam negu
    Lah saber ate kerajangku
    Kuinget lalaplah Tuhanku

4. GelarNdu e tersurat kapen
    Tuhan ibas ateku me
    Lah aku sanga kegelapen
    ‘Ntah keriahen kai kai pe
    ‘Ntah rukur, ‘ntah ngerana gia
    Tetaplah e la sia-sia


Sinusurkenca Pdt. E. J. Van den Berg
Download slide PowerPoint KEE No. 59

Join Grup Telegram dan Grup WA saya untuk mendapatkan update...

KEE No. 58 Tuhan Dibata Nehen Kami Jenda

KEE No. 58 : 1 (Tuhan Dibata Nehen Kami Jenda)

1. Tuhan Dibata,
    nehen kami jenda
    Nembah man baNdu,
    Kami k’rina jenda
    Nehen man kami,
    Si meriah jenda
    Aloken kami

Sinusurkenca Pdt. M. Joustra
Download slide PowerPoint KEE No. 58

Join Grup Telegram dan Grup WA saya untuk mendapatkan update...

KEE No. 57 Nggo Kita Pulung I Lebe

KEE No. 57 : 1-4 (Nggo Kita Pulung I Lebe)

1. Nggo kita pulung i lebe
    Tuhannta si mbelin
    Ersadalah totonta e
    Ras ‘nde-enden pujin

2. O, Tuhanku si nasa lit
    ‘Rpematang ibas Kam
    E banci kin la kami nggit
    Mehaga ndahi Kam ?

3. Ajaren bujur man paken
    Nggo sehku kami kap
    Teruslah min ku peraten
    Lah ukur nggo tetap

4. LiasNdu nusur me gelah
    Lah ate enggedang
    Kuperdiateken pedah
    Kupake dalin t’rang

Sinusurkenca Pdt. M. Joustra
Download slide PowerPoint KEE No. 57

Join Grup Telegram dan Grup WA saya untuk mendapatkan update...

KEE No. 56 Bapa Si Perkuah

KEE No. 56 : 1-3 (Bapa Si Perkuah)

1. Bapa si perkuah
    B’re min kami tuah
    Ibas t’rang ayoNdu min
    Kami ‘rdalin erdahin

2. B’re min teptep wari
    Dame bas Kam nari
    Aku ban KesahNdu e
    Rembak min ku Kristus pe

3. Kita ajar-ajarNa
    Pujilah gelarNa
    Ngena kal ateNa kap
    M’reken tuah si tetap

Sinusurkenca Pdt. M. Joustra
Download slide PowerPoint KEE No. 56

Join Grup Telegram dan Grup WA saya untuk mendapatkan update...

KEE No. 55 O, Tuhan Reh Kam Min

KEE No. 55 : 1-2 (O, Tuhan Reh Kam Min)

1. O, Tuhan reh Kam min,
    Ku kami ka
    ‘Di la kam ise kin,
    Banci ngena?
    Ajari o, Tuhan,
    Kai si perdosa ka
    Maka si nggo tek ras Kam, La erleka

2. B’re si pengapul min,
    Ku kami reh
    Lah ‘nde-enden pujin, BaNdu ka seh
    Ukur sambarilah,
    Cidahken kuasa pe
    Susurlah min o,
    Kesah Badia e

Sinusurkenca G. Smit
Download slide PowerPoint KEE No. 55

Join Grup Telegram dan Grup WA saya untuk mendapatkan update...

KEE No. 54 O, Tuhan Cikep Tanku

KEE No. 54 : 1-3 (O, Tuhan Cikep Tanku)

1. O, Tuhan cikep tanku,
    Tegulah min
    Seh me gelap matangku, Terjaga kin
    La dorek me erdalin,
    Sisa kepe
    E maka Kam o, Tuhan,
    Min rembak pe

2. Tendingku ikawali,
    Kam, Tuhan e
    Gegehi tep-tep kali,
    Ukurku pe
    Kupitpit me matangku, Taruhkenlah
    ‘Di aku o, Tuhanku,
    La lit kesah

3. O, Tuhan cikep tanku,
    Tegulah min
    Tande gelap matangku,
    Temani min
    Ku Surga me tingkahku,
    Bage ulin
    Kam Tuhan, Penatahku,
    La ‘rkri-kerin

Sinusurkenca Pdt. E. J. Van den Berg
Download slide PowerPoint KEE No. 54

Join Grup Telegram dan Grup WA saya untuk mendapatkan update...

KEE No. 53 Pesikap Kam K'rajangku

KEE No. 53 : 1-4 (Pesikap Kam K'rajangku)

1. Pesikap kam k’rajangndu e,
    Ban Tuhan Yesus reh.
    Melikas min ukurndu e,
    Ban Tuhan Yesus reh.
    Pesikap k’rajangku kin,
    O, Tuhan lah kita jumpa min.

2. Tadingken kam dosandu e,
    Ban Tuhan Yesus reh.
    Nggo masap me salahndu e,
    Ban Tuhan Yesus reh.
    Pesikap k’rajangku kin,
    O, Tuhan lah kita jumpa min.

3. Gundarilah i jenda me,
    Sasapken dosa min.
    Lah ola kami mbiar pe,
    ‘Di jumpa ras pagin.
    Pesikap k’rajangku kin,
    O, Tuhan lah kita jumpa min.

4. Ukurku, peratenku pe,
    Pemobar Tuhan min.
    Pehuli lagu langkah e,
    Lah jumpa ras pagin.
    Pesikap k’rajangku kin,
    O, Tuhan lah kita jumpa min.

Sinusurkenca Pdt. E. J. Van den Berg
Download slide PowerPoint KEE No. 53

Join Grup Telegram dan Grup WA saya untuk mendapatkan update...

KEE No. 52 Idilo Raja GinemgemNa

KEE No. 52 : 1-3 (Idilo Raja GinemgemNa)

1. Idilo Raja ginemgemNa,
    Medale kap soraNa e
    O, Yerusalem reh me Ia
    Sibujur me Rajandu e
    Mehuli saja peratenNa
    Reh paksa tuah em b’ritaNa
    O, Israel ngambur rudang min
    Aloken Rajandu
    Ras suruh kasakai anakndu
    Endahi Kristus enda min

2. Enggo gia seh wari tuah
    La ialoken Israel
    Perban si e Israel la luah
    Maka tek ia Imanuel
    Mbelin me kapen perkuahNa
    Tengkuluk duri em upahNa
    Ras kematen si pagit kap
    Tapina kita si man baNa
    E kita nare ku BapaNa
    Ijem inganNa si tetap

3. KinirajanNa tahan lalap
    Palasna batu si nteguh
    Sedang gemgem doni masap
    Gemgemen Yesus enggeluh
    O, Guru, Kam si mehulina
    Kam muat ukur jelma k’rina
    KinikelengenNdu menang
    Bage pe kami si ni jenda
    Si ni bas dosa mbaru kap
    Enggo ibaba Kam ku t’rang

Sinusurkenca Pdt. M. Joustra
Download slide PowerPoint KEE No. 52

Join Grup Telegram dan Grup WA saya untuk mendapatkan update...

KEE No. 51 E Lalap Min Ras Kami

KEE No. 51 : 1-6 (E Lalap Min Ras Kami)

1. E lalap min ras kami
    LiasNdu pe Tuhan
    Lah lanai iliami
    La tengka percuban

2. Ras kami kataNduna
    Tuhan, Penawar pe
    Gelah man kami ‘rguna
    Gundari pagi pe

3. Ras kami min sinalsal
    Man tendang kami kap
    ‘Lah kami pe terkawal
    ‘Bas dalin si gelap

4. Lah tangkel kini tuah
    Ibas si musil kap
    Perban Kam si mekuah
    BayakNdu e gejap

5. Jagai min kami enda
    Kam gegeh kami pe
    Ambati musuh jenda
    Lah kami la bene

6. ‘Di tangkel rusur kapen
    TetapNdu gel-gel kin
    Kam nari pengarapen
    AnakNdu tutus min

Sinusurkenca Pdt. E. J. Van den Berg
Download slide PowerPoint KEE No. 51

Join Grup Telegram dan Grup WA saya untuk mendapatkan update...

KEE No. 50 O, Seninangku Mari

KEE No. 50 : 1-6 (O, Seninangku Mari)

1. O, seninangku mari
    Teknari ben me kap
    Lah di gelapen kari
    Ateta me tetap
    Ota! Dalinkenlah
    Lanai bo kap ndauhsa
    Si idah kari Bapa
    Ibas rumahNa ‘jah

2. La lit erkadiola
    Si milih dalin e
    Tah papak pe mb’ra ola
    La lit pe si bene
    ‘Di njulus gia pe
    Tetapken peratenndu
    Pernehen ku lebendu
    Ma pintun surga e?

3. Tah latih gia kita
    ‘Ban bongkak-bangkik je
    Tah luka pe nahenta
    Ibahan duri pe
    Lain dalin kap la lit
    Si ikutlah Tuhanta
    Ban Ia me Temanta
    Bene pe lanai nggit

4. Usurilah senina
    Si naruh kapen je
    Ja keharun banta
    IgegehiNa pe
    T’rang adah nehenlah
    Ma siang ayo Bapa?
    Nggo ukur jadi sapa
    Sidahi Bapa jah

5. Dalinkenlah gundari
    Lanai ndauhsa kap
    ‘Deherna reh tiap wari
    Ku ingan si tetap
    ‘Di sidalanen kin
    Je sisampat-sampaten
    Je kesenangen daten
    I surga pe pagin

6. Lanai ndekah serana
    Megenggeng kita min
    Nggit ndeher me jangkana
    Si jumpa pengadin
    Je bengket surga pe
    Je jumpa ras temanta
    Je ngadap man Tuhanta
    Je lalap kita e

Sinusurkenca Pdt. E. J. Van den Berg
Download slide PowerPoint KEE No. 50

Join Grup Telegram dan Grup WA saya untuk mendapatkan update...

KEE No. 49 Bagi Perhuma Nimai Nari

KEE No. 49 : 1-5 (Bagi Perhuma Nimai Nari)

1. Bagi perhuma nimai nari,
    Bekas latihna merdang pe.
    Bagepe pe si timai kap wari,
    Makana seh sipatta e.
    Lah kiniteken ola masap.
    Inganta jenda la tetap.
    Lah ingan pagi min siakap,
    Nggo deher ku bas kita kap.

2. Ras K’ristus kita pagi lalap,
    Lanai kap kesusahen je.
    Ku je tetap min kita ngarap,
    Si ngarap e jumpasa pe.
    La ndauhsa nari perjumpanta,
    Ukurta min dage tetap.
    Tetap ban lias ni Tuhanta,
    Bekas dahin Golgota kap.

3. Di tek kin, ‘rguna mamang rusur?
    Ma kata Tuhan si tetap?
    Nggo gia ukur kalak ‘rkusur,
    Labo bage ukurNa kap.
    Sabab la ‘rsibar kuasaNa,
    Si nasa lit gelemNa nge.
    Kai pe ateNa ibahanNa,
    Sentudu ras kuasaNa pe.

4. Ajaren pengarapen enda,
    Netapken ate rusur nge.
    Ncukupi kekurangen jenda,
    Pelongge perukuren pe.
    Ngajari nggengken ibas susah,
    Nggegehi ibas pengujin.
    Sabab di rapit lalap dosa,
    Pengarapenta nampat min.

5. E pengarapen kap man banta,
    Temanta tare min ku das.
    Man si ernalem man Tuhanta,
    KiniseranNa la ‘rbekas.
    O, kesenangen la ersibar!,
    O, keriahen si tetap!
    Janah lanai inget dalin lalar,
    Jah jumpa ras Dibata kap.

Sinusurkenca Pdt. J. H. Neumann
Download slide PowerPoint KEE No. 49

Join Grup Telegram dan Grup WA saya untuk mendapatkan update...

KEE No. 48 Tuhan Yesus Me Rajangku

KEE No. 48 : 1-6 (Tuhan Yesus Me Rajangku)

1. Tuhan Yesus me Rajangku,
    Si m’re bangku,
    Ringan ibas surga pe.
    Kai kin jenda kekurangen.
    Kesenangen,
    Bangku ibas ingan e.

2. Sakit, dosa, kesalahen,
    Kesusahen,
    Ipebiar aku e.
    Banci gulut ukur ndia?
    Gelap gia,
    Reh terangna me ku je.

3. Tah bene me pengarapen?
    Labo kapen,
    Jadi reh teguhna kap.
    Nggo me lit padan Tuhanku,
    Tetap bangku,
    Nggo padan ersekat.

4. Tupung picet kai kubahan?
    La ‘ku tahan,
    Sanga nguji Tuhan e.
    Ma kugengken kesusahen,
    ‘Di riahen,
    Surga asang doni pe?

5. Paksa percuban reh nguji,
    E kupuji,
    Penawarku si tetap.
    Tah mesera kerajangku,
    Seh ka bangku,
    Ngaruh Tuhan cukup kap.

6. Dage ukur, tendi kapen,
    Ma tetapen,
    Rembak ras Rajangku min.
    Maka tangkas peratenku,
    Seh mateku,
    GinemgemNa aku kin.

Sinusurkenca Pdt. J. H. Neumann
Download slide PowerPoint KEE No. 48

Join Grup Telegram dan Grup WA saya untuk mendapatkan update...

KEE No. 47 Yesus Kristus Maba Tuah

KEE No. 47 : 1-4 (Yesus Kristus Maba Tuah)

1. Yesus Kristus maba tuah,
    Ku kerina doni e.
    Kita nguda tah metua,
    Ota lawes ku Ia pe.
    Maka kita dat senang,
    Ras ukurta jadi t’rang.

2. La kap kita saja nembah,
    Man Tuhanta Yesus e.
    Tapi nusur tambah t’remna,
    Si nggit ngadap baNa pe.
    Seh ku tampuk doni kap,
    Bengket t’rangNa ku gelap.

3. Pagi mulih ka Tuhanta,
    Ras malekat Ia reh.
    Tangkas je kemulianNa,
    KerajangNa nggo kap seh.
    K’rina imbang ras teman,
    ‘Dahna tupung e Tuhan.

4. Teptep wari reh deherna,
    Maka Tuhan Yesus reh.
    Tutuslah min pertotonta:
    “KerajanNdu lampas seh!”
    Ota raskenlah teman,
    Mabai kalak ku Tuhan!

Sinusurkenca Pdt. M. Joustra
Download slide PowerPoint KEE No. 47

Join Grup Telegram dan Grup WA saya untuk mendapatkan update...

KEE No. 46 Dibata Kap La Lit Gelap

KEE No. 46 : 1-5 (Dibata Kap La Lit Gelap)

1. Dibata kap, la lit gelap,
    T’rang nari ngenca Ia.
    Di kita kin, si ‘teh nge min,
    Salahta la terkira.

2. T’rang bintang pe, Mehuli nge,
    Ndauh kap ulin Dibata.
    ‘Di kita kap, Ibas gelap,
    Kai nari kin gunanta?

3. ‘Di tuhu e, katanta ndai,
    Kai kin ertina kita?
    ‘Di inget e, ma nggo bene,
    Ban ‘rsalah kempak Ia?

4. Kuja pa kin, ukurku min?
    Ku Kam Dibata saja.
    Ban Yesus e, enggo mesai,
    Dalinku ndahi Bapa.

5. Tek ng’aku min, nggit me’rdahin,
    Bage pe kurang kuidah.
    Tetapkenlah, ukurku ka,
    Lah ola aku nilah.

Sinusurkenca Pdt. M. Joustra
Download slide PowerPoint KEE No. 46

Join Grup Telegram dan Grup WA saya untuk mendapatkan update...

KEE No. 45 O, Tendingku Sipilah

KEE No. 45 : 1-4 (O, Tendingku Sipilah)

1. O, tendingku sipilah,
    Sanga paksa enda.
    Sabab setan si ngerah,
    Nggit me kam cubaina.
    Inget e, setan pe,
    Nggit ngulahi kita,
    Tengetilah ia.

2. La kap iulangNa kam,
    Rembang ras nge Ia.
    Tempa-tempa nande kap,
    Ia njamu kita.
    Tek dage, baNa pe,
    IkepkepNa kita,
    Malem me ateta.

3. Tapi keke me lebe,
    ‘Bas dosandu nari .
    Adi la kam medak e,
    Lit ukumen kari.
    Tupung e, nggit me pe,
    Mesera kal kin,
    Ban lancendu nari.

4. Jaga ras ertotolah,
    Jore min ukurndu.
    Ola pedekah-dekah,
    Kari kam medungu.
    Sikaplah, la ndekah,
    Aru ate masap,
    Imbang k’rina merap.

Sinusurkenca Pdt. J. H. Neumann
Download slide PowerPoint KEE No. 45

Join Grup Telegram dan Grup WA saya untuk mendapatkan update...

KEE No. 44 Endesken Min Kerina

KEE No. 44 : 1-6 (Endesken Min Kerina)

1. Endesken min kerina,
    Kesusahenndu e.
    Man Dibatanta Yahwe,
    Melias Ia pe.
    Tuhan si metehsa,
    Pertibi ras surga.
    Adi Tuhan ras kita,
    Tetap me ukurta.

2. Ngarap aku man baNdu,
    O, Yahwe Dibata.
    I je man bangku tuhu,
    LiasNdu cukup ka.
    E la kap lit gunana,
    Amin kelsehen kam.
    Ertoto me dalanna,
    Gelah terapul kam.

3. Dibata si perkuah,
    ItehNa k’rina nge.
    Si bujur ras la tengka,
    Ibas ukurta e.
    Si ngena jujurkenNa,
    Man banta rusur pe.
    Pedauh si la tengka,
    Lah kita la bene

4. Ernalemlah man baNa,
    Man Dibata e!
    Tadingken k’rina dosa,
    Ras ceda ate pe.
    IpersanNa me k’rina,
    Keberatenndu e.
    Pedas isampatiNa,
    Ngangkat susahndu e.

5. B’re min ipesikapNa,
    Lagu langkahndu e.
    Kepentaren ukurNa,
    Njujurken k’rina e.
    Tondel kin nge ukurNa,
    Lako mulahi kam?
    Je ipetangkaskenNa,
    GegehNa e ku kam.

6. Kam me o, Tuhan kami,
    Pengadi k’rina min.
    Si nggit nuhsahi kami,
    Ras si ngulahi kin.
    Sehlah min kubas tanNdu,
    Kerina kami e.
    Ku surgalah teguNdu,
    Min tendi kami e.

Sinusurkenca Gr. Ag. N. Sinuraya
Download slide PowerPoint KEE No. 44

Join Grup Telegram dan Grup WA saya untuk mendapatkan update...

KEE No. 43 Nggo Talang Kap Surga

KEE No. 43 : 1-5 (Nggo Talang Kap Surga)

1. Nggo talang kap surga,
    Ban kai nge ndia.
    Iban nggo reh Yesus,
    Dilona kam pe.

2. Sumpama kacemba,
    Garana dosa.
    Dareh Tuhan Yesus, Si nasapkenca.
    Dareh Tuhan Yesus, Si nasapkenca.

3. Dosanta babaNa, Ku Golgota e.
    I je isaikenNa, Utangta kepe.
    I je isaikenNa, Utangta kepe.

4. Di ceda ukurndu, Ibas dosa e.
    Ku Yesus kam ngendes,
    IapulNa kam e.
    Ku Yesus kam ngendes,
    IapulNa kam e

5. Dage o, tendingku,
    Ku Yesus kam reh.
    Meriah ukurNa, Ngaloken kam seh.
    Meriah ukurNa, Ngaloken kam seh.

Sinusurkenca Gr. Ag. N. Sinuraya
Download slide PowerPoint KEE No. 43

Join Grup Telegram dan Grup WA saya untuk mendapatkan update...

KEE No. 42 Tuhanta Yesus E

KEE No. 42 : 1-5 (Tuhanta Yesus E)

1. Tuhanta Yesus e i surga,
    Nikapken ingan banta kin.
    Begiken kata Tuhan banta,
    Janah nateklah kita min.
    KataNa kap pengapul e,
    Man kalak si tek baNa e.

2. ‘Di teman ibas doni kepe,
    Ndarami untung bana kin.
    ‘Di Tuhan Yesus labo kapen,
    Tapina ngk’lini kita nge.
    KataNa kap pengapul e,
    Man kalak si tek baNa e.

3. Iban kekelengenNa banta,
    LawesNa ku das Golgota.
    ItahankenNa si mesera,
    G’lah kita ola bene ka.
    KataNa kap pengapul e,
    Man kalak si tek baNa e.

4. Perukur jelma manusia,
    E mobar-obar rusur nge,
    ‘Di Tuhan Yesus labo kapen,
    KataNa ras kelengNa nge.
    KataNa kap pengapul e,
    Man kalak si tek baNa e.

5. O, Yesus Kam me teman kami,
    Tegulah kami k’rina min.
    Rajailah gegeh ukur kami,
    Babailah seh ku surga kin.
    KataNa kap pengapul e,
    Man kalak si tek baNa e.

Sinusurkenca Gr. Ag. N. Sinuraya
Download slide PowerPoint KEE No. 42

Join Grup Telegram dan Grup WA saya untuk mendapatkan update...

KEE No. 41 Kuga Perbahan Kami

KEE No. 41 : 1-7 (Kuga Perbahan Kami)

1. Kuga perbahan kami,
    Metunggung ngadap Kam?
    O, Raja surga, doni,
    Si mada kerajan.
    Sagani ibas kami,
    Tendang KesahNdu e.
    Lah payo isipati,
    Singena ateNdu e.

2. Nggo kami ngenanami,
    Kuasa ilat e.
    Reh Kam nebusi kami,
    Nangtangi kami pe.
    Idah Kam si musil,
    Mereken kemulian.
    Lah si medung tampil,
    Ku surga iban kam.

3. Gelah man kami dame,
    Reh Kam ku doni e.
    Nadingken kemulianNdu,
    Ras jadi musil pe.
    Ibas tanemen nari,
    ‘Bas mara kek’lesan.
    Iangkat Kam kap kami,
    Kubas kemulian.

4. Dagina ola mbiar,
    La nggine ukur pe.
    Tuhanta nimbak k’rina,
    Ngangkatken kita pe.
    Reh Ia kap ku jenda,
    AteNa erkeleng.
    Pelawes imbang k’rina,
    Si ngupuh kita nge.

5. Reh ngukum Ia gia,
    Si nimbak lalap kap.
    Buen lias ateNa,
    Man Kalak si jera.
    Oh, rehlah, rehlah Tuhan,
    Legi anakNdu min.
    Ku rumah Bapa surga,
    Ijem lit pengadin.

6. Kernana dosanduna,
    Olanai aru kam.
    IpelasamNa k’rina,
    Lanai meluat kami.
    KerehenNa melias,
    Penawar Ia kap.
    Masapken bisa doni,
    Lah dosa k’ri lesap.

7. Keleng ateNdu kapen
    Si nuruh nusur Kam
    Nadingken Bapa surga
    Bengket kemanusian
    Pujin, pujin man baNdu
    O, Raja kami e
    Isehken kami runut
    Seh rasa lalap pe.

Sinusurkenca Pdt. J. H. Neumann
Download slide PowerPoint KEE No. 41

Join Grup Telegram dan Grup WA saya untuk mendapatkan update...

KEE No. 40 Ibas Surga Me Senang

KEE No. 40 : 1-2 (Ibas Surga Me Senang)

1. Ibas surga me senang,
    Je meriah je terang.
    Je sipuji me Tuhanta,
    Je kap jumpa ras temanta.
    Je me longge ukur kang,
    Ibas surga me senang.

2. O, Yesus taruhkenlah,
    Kami e ku surgalah!
    Dosa, abat si mbelinna,
    Tapi Kam me kap dalinna.
    Ban isasap Kam kepe,
    Dosa, salah kami e.

Sinusurkenca Pdt. E. J. Van den Berg
Download slide PowerPoint KEE No. 40

Join Grup Telegram dan Grup WA saya untuk mendapatkan update...

KEE No. 39 Si Persilahangken Bana

KEE No. 39 : 1-5 (Si Persilahangken Bana)

1. Si persilahangken bana,
    La iergai ia pe.
    Mbiar maka sura-sura,
    Seh me dingen jadi pe.
    Talu gia sendah kin,
    Tentu nge menang pagin.

2. Tapi biak manusia,
    Labo lembap me kepe.
    Labo ngikut-ngikut ia,
    Sabab lit atena me.
    Peratenna si bage,
    E ibunuh Tuhan pe.

3. Kai gia kerajangku,
    Si ngena ateku kin.
    Tedeh ate ras ertangku,
    K’rina k’rajang Tuhan kin.
    Babah tan ras ukur pe,
    Surga me empuna e.

4. ‘Di ngorati kai erguna,
    Banta ibas doni e.
    Man si tek la lit perluna,
    Tuhanlah metehsa me.
    Bujur ras mehuli kin,
    Tuhan nikapkenca min

5. Kuga gia kerajangku,
    Lah terpuji Kam, Bapa!
    Labo kai pe gia bangku,
    Cukup kenca si ngena.
    Kam, Tuhan terpuji e,
    Aku labo kai kal pe.

Sinusurkenca Pdt. E. J. Van den Berg
Download slide PowerPoint KEE No. 39

Join Grup Telegram dan Grup WA saya untuk mendapatkan update...

KEE No. 36 Saberlah Tendingku

KEE No. 36 : 1-2 (Saberlah Tendingku)

1. Saberlah tendingku, Tuhandu reh.
    K’rina s’ra suina, BaNalah pe seh.
    Atendu kap, Gel gel lah tetap.
    Kenca kelegoen, Udan me kap.
    Tumpat pe ukur, Petir gelap.
    Tengah keguguren, Je Tuhan kap.

2. Saberlah tendingku, Tuhandu reh.
    K’rina s’ra suina, BaNalah pe seh.
    Ukur nera, Tuhan je kap ka.
    Ia si mbelinna arap dage ka.
    Kam si tetap kal, si lalap je.
    K’lini min o, Tuhan, tendingku pe.

Sinusurkenca Pdt. J. H. Neumann
Download slide PowerPoint KEE No. 36

Join Grup Telegram dan Grup WA saya untuk mendapatkan update...

KEE No. 35 Erta Si Meherga Lalap

KEE No. 35 : 1-2 (Erta Si Meherga Lalap)

1. Erta si meherga lalap,
    Em pedah Tuhan kap.
    E ku teh la banci masap,
    Man pakenku si tetap.
    Tentu latih susah akap,
    Si mekarus man pedah.
    Labo aku ate papak,
    Kubuniken e gelah.

2. Pertotonku ku Tuhanku,
    Ia bujur ras tetap.
    Ia si negu kap tanku,
    PerkelengNa ku gejap.
    ‘Di tepat me ketekenku,
    ‘Di diate kin pedah.
    Lit kap lalap gelemenku,
    E ukurku ‘nggo megah.

Sinusurkenca Gr. Ag. M. Siregar
Download slide PowerPoint KEE No. 35

Join Grup Telegram dan Grup WA saya untuk mendapatkan update...

KEE No. 37 Pemenana Si Tersengget

KEE No. 37 : 1-4 (Pemenana Si Tersengget)

1. Pemenana si tersengget,
    Dungna kap mehuli ka.
    Em perbahan Dibatanta,
    Bas AnakNa si ngena.
    PerukurNa kap ganjangen,
    La kap lit si man pandangen,
    PerbahanNa pe ulin,
    Amin la si gejap kin.

2. PerdalinNa la terambang,
    SehkenNa seh dungna pe.
    Tama guna la teralang,
    Tama pujienNa pe.
    Nggit terluda pe ukurndu,
    Nggit pe gulut perukurndu.
    Tapi ‘di megenggeng kam,
    Pulah kap kiniseran.

3. Pemenana pe ras dungna,
    Ibas tan Dibata kap.
    Susah ukur la erguna,
    Tangis pe la ergejap.
    Asakai benaken Bapa,
    Nggit meriah, nggit me mara.
    Tek lah dungna k’rina e,
    Tama kesenangen pe.

4. Dage ola beber ate,
    Tupung reh si mesera.
    Piher ukur tetap ate,
    Lalap nindu : “O Bapa!”
    Sabab si so kesenangen,
    Jadi pagi kemenangen.
    Maka ngaku dungna kam,
    Pelepas Dibata ‘rban.

Sinusurkenca Pdt. J. H. Neumann
Download slide PowerPoint KEE No. 37

Join Grup Telegram dan Grup WA saya untuk mendapatkan update...