KEE No. 92 Kam Kap Lalap Man Ikutenku

KEE No. 92 : 1-3 (Kam Kap Lalap Man Ikutenku)

1. Kam kap lalap man ikutenku
    Yesus Kam Penebusku
    Kam kap lalap Penundalenku
    Yesus Kam Penawarku
    Ialemi Kam dosangku
    Maka senang tendingku
    Kam kap lalap Penalemenku
    Yesus Kam Penebusku

2. Kam o, Yesus pengarapenku
    Kam pematang tuahku
    Kam si negu-negu aku pe
    Ku bas kesenangen e
    Bengket Kam ku kematen
    Lako ngepkep tendingku
    Maka aku pe terkelin kin
    Bengket kesenangen e

3. Ibas paksa kesusahenku
    Kam min penalemenku
    Tah kai jadi bas geluhku
    Kam si negu aku pe
    Sedekah umur geluhku
    Amin seh pe sipatku
    Kam si negu-negu aku pe
    Bengket kesenangen e

Download slide PowerPoint KEE No. 92

Join Grup Telegram dan Grup WA saya untuk mendapatkan update...

KEE No. 91 Yesus Kristus ndahi kap

KEE No. 91 : 1-4 (Yesus Kristus ndahi kap)

1. Yesus Kristus ndahi kap
    K’rina kalak si erdosa
    Si nggo nilah ku gelap
    Perlangkahna la payosa
    Piher min tendindu e
    Teklah kata si bage

2. Utang kami nggo mbelang
    La metunggung kami luah
    Ukur kami la nggedang
    Ndahi Tuhan si perkuah
    Tapi ola min bage
    Sai me utang kami e

3. Kam perdosa mari min
    Olanai min kam erdalih
    Tuhan si erdilo kin
    Ikutlah gelah kam salih
    Tading dalin mesera
    Ku Tuhanndu lah jera

4. Yesus Kristus ndahi kap
    K’rina kalak si erdosa
    Aku pe si ni gelap
    Tuhu nggo me idiloNa
    ‘Rmengkah kal ateku e
    ‘Rkite-kiteken si e

Sinusurkenca Pdt. M. Joustra
Download slide PowerPoint KEE No. 91

Join Grup Telegram dan Grup WA saya untuk mendapatkan update...

KEE No. 90 Sidikku E Kam Nentukenca

KEE No. 90 : 1-3 (Sidikku E Kam Nentukenca)

1. Sidikku e Kam nentukenca
    Babanku pe Kam netapkenca
    Kam Tuhan si metehsa pe
    Keleng ateNdu tangkas lalap
    Sabab di picet me kuakap
    Pelongge Tuhan rusur nge

2. Enggo isikapken Kam Rajangku
    Dahinku subuk ras inganku
    E pendiloNdu tangkas min
    Bage pe sikap kinituah
    Gelah ibas mejuah-juah
    Nge aku tutus erdahin

3. Tek me aku min Kam Dibatangku
    JujurenNdu nggo sikap bangku
    Je ningku: “Kam metehsa e”
    Lah paksa kegeluhen enda
    La sia-sia bangku jenda
    Kuusih Yesus, ngikut pe

Sinusurkenca Pdt. E. J. Van den Berg
Download slide PowerPoint KEE No. 90

Join Grup Telegram dan Grup WA saya untuk mendapatkan update...

KEE No. 89 Si Medersa Me Ukurna

KEE No. 89 : 1-10 (Si Medersa Me Ukurna)

1. Si medersa me ukurna
    Ketuahen ia me
    Sangap ia me aturna
    Keriahen surga pe
    Bana ras ncukupi kap
    Kebayaken si tetap

2. Si erate ceda ‘rtuah
    Bana apul Tuhan kap
    Ban nggo ndeher si Perkuah
    PenampatNa tergejap
    Mambur iluh gia me
    Ipernehen Tuhan pe

3. Ketuahen si ukurna
    Lembab tah megogo e
    Maka ‘rtambah me bujurna
    Nggit kal ia talu pe
    Kurang kerajangna pe
    Bana kap pertibi e

4. Si melehe dingen muas
    Kempak kebenaren e
    Ketuahen, lanai muas
    Ia ibesuri pe
    Si nggo nare min ku das
    Ia ngidah Tuhan ras

5. Si atena nge mekuah
    Man teman ras kalak pe
    Ia sangap ras ertuah
    Ban mehuli langkah e
    Si ngapuli kalak e
    Jumpa pengapulna pe

6. Si melikas ukur kapen
    I idahna Tuhan pe
    Kebujuren reh tetapen
    Geduk ilawanna me
    Si nggo ngayak serta kin
    Ia serta kal pagin

7. Ketuahen si ngayaki
    Maka ‘rdame ras teman
    Si ndarami periahken
    Ukur asa si terban
    Si bage ukurna kin
    Anak Tuhan me pagin

8. Sierkiniteken kebenaren
    Seh bas kepiceten pe
    Labo kai pe kebiaren
    Ketuahen ia nge
    Kerajan Dibata kin
    Tentu bana me pagin

9. Adi igombangi kalak
    Kam ‘rdandanken Tuhan me
    Ola gia ersimolak
    Di icekuraki pe
    Si nggenggengken enda kap
    Ketuahen me tetap

10. Sira tendang doni enda
    Kam me si nggo tek kap e
    Arah lagu langkah jenda
    Min terpuji Tuhan nge
    ‘Di atendu surga e
    Ayak ukur surga pe

Sinusurkenca Pdt. E. J. Van den Berg
Download slide PowerPoint KEE No. 89

Join Grup Telegram dan Grup WA saya untuk mendapatkan update...

KEE No. 88 Berita Si Mehuli

KEE No. 88 : 1-4 (Berita Si Mehuli)

1. B’rita si mehuli
    Kata pengapuli
    Tenah si tetap
    Rehna surga nari
    Mbaru tep-tep wari
    Ban geluhna kap
    Sangap si megi-megi
    Reh tambahna pengajaren
    Tambah kebenaren

2. Arah si erkata
    ‘Rdilo me Dibata
    Kita jelma me
    Ngaruh pe ibr’eNa
    Ban keleng ateNa
    Manusia pe
    Tuhan ngelebihi pe
    Asang si ni pindo baNa
    Em tetap kataNa

3. Lalar gia rusur
    Ukur langa ‘rkusur
    Menam pe gedap
    Terkelin atendu
    Dahilah Tuhanndu
    Si mahanca kap
    Utang e tersasap pe
    Mbelin gia pe siakap
    Tentu me isasap

4. Masap deleng gia
    Tombang doni gia
    B’rita e tetap
    Desken batu kapen
    Palas pengarapen
    Kata Tuhan kap
    Apul e man bangku pe
    ‘Di kuikut Kata enda
    Sangap aku jenda

Sinusurkenca N.N.
Download slide PowerPoint KEE No. 88

Join Grup Telegram dan Grup WA saya untuk mendapatkan update...

KEE No. 87 Ise ndia kalak enda

KEE No. 87 : 1-8 (Ise ndia kalak enda)

1. Ise ndia kalak enda
    Rembak ras Tuhanta e
    Irudangi kuidah k’rina
    Janah ersinalsa pe
    Ralep-alep k’rina je
    Rende muji Tuhan e

2. Kalak e nggo itebusi
    Alu dareh Yesus e
    Tuhan saja si terpuji
    Ban kaleng ateNa pe
    Tuhan ngepkep k’rina e
    Rembak lalap rasSa je

3. Kesusahen inanami
    Paksa ibas doni e
    Sui ate iakapi
    Seh ku kesenangen e
    Kalak si nggo je kepe
    Sangap me akapna pe

4. K’rina ia m’riah rende
    Muji Tuhan Yesus e
    Terbegi sorana tangkas
    ‘Rbanca ate nggo melas
    Siniayakina e
    Nggo jumpasa k’rina je

5. Lanai kapen seh man banta
    Kesusahen doni e
    Lanai jumpa ibas surga
    Sinuhsahi kita pe
    Kuasa dosa masap kap
    Sitik pe lanai gejap

6. Muas dingen kelehen
    Tah pe kemusilen e
    Susah pe ras kelatihen
    Ngupuh ras penakit pe
    K’rina upah dosa e
    Lanai lit i surga e

7. Tuhan Dibatanta kapen
    Si ‘rban ukur malem nge
    Yesus jadi pengarapen
    Maba kubas surga e
    E nggo sangap k’rina je
    La lit kebiaren je

8. Tuhan Yesus me Rajangku
    Si erkuah ate e
    Sasap me gelah dosangku
    Tegulah min aku pe
    Aku ras temanku pe
    Bengket kubas surga e

Sinusurkenca Gr. Ag. N. Sinuraya
Download slide PowerPoint KEE No. 87

Join Grup Telegram dan Grup WA saya untuk mendapatkan update...

KEE No. 86 Tuhan Yesus si Permakan

KEE No. 86 : 1-3 (Tuhan Yesus si Permakan)

1. Tuhan Yesus si Permakan
    Aku biri-biriNa
    Yesus si ndemi pusuhku
    Kuikutken Ia nge
    Kuikutken Ia nge
    Kuikutken Ia nge
    Yesus si ndemi pusuhku
    Kuikutken Ia nge

2. Jumpa gia kebiaren
    Tuhan sikawalku pe
    Tetap Ia nge Temanku
    Kuikutken Ia nge
    Kuikutken Ia nge
    Kuikutken Ia nge
    Tetap Ia nge temanku
    Kuikutken Ia nge

3. Dage mari kita k’rina
    Sipehaga Yesus e
    Ia sipermakan kita
    Lanai kita kelehen
    Lanai kita kelehen
    Lanai kita kelehen
    Keriahen lalap lit kin
    Man si ngikut Ia nge

Sinusurkenca Gr. Ag. N. Sinuraya
Download slide PowerPoint KEE No. 86

Join Grup Telegram dan Grup WA saya untuk mendapatkan update...

KEE No. 85 I Surga Kesenangen E

KEE No. 85 : 1-7 (I Surga Kesenangen E)

1. I surga kesenangen e
    Ku je pengulihenta pe
    Ku je me perlawesku pe
    Lah rembak ras Tuhanta e

2. Melala man ingeten pe
    Si kuinget i doni e
    Kerina kulupaken nge
    Sikelku seh ku surga e

3. Ndauh denga maka seh i je
    ‘Di rukur aku paksa e
    Tapina Yesus Tuhan nge
    Maba aku seh ku ingan e

4. Mesera ras mesui pe
    La jumpa ibas ingan e
    I je la jumpa dosa pe
    Nggo tading k’rina si bage

5. La doni man ingeten e,
    Ban surga situhuna pe.
    I doni ingan tangis kap
    I datas senang me kap

6. Bagem dage o, tendingku,
    Ayakilah ku ingan e.
    Timai si erlegi kam,
    Yesus si pegeluhken e.

7. Ersinalsal kam me kap i je,
    Ersada ras Tuhanndu e.
    Jingkangkenlah jingkangndu min,
    G’lah seh kubas kiniulin.

Download slide PowerPoint KEE No. 85

Join Grup Telegram dan Grup WA saya untuk mendapatkan update...

KEE No. 84 Yesus Me Kekelengennta

KEE No. 84 : 1 (Yesus Me Kekelengennta)

1. Yesus me kekelengennta
    IjelasiNa me dosanta
    Daging dingen tendi kami
    Ku Kam YEsus endesken kami
    Senang tuhu bas tanNdu e
    Alokenlah kami min
    PerpulungenNdu kin
    Sampat kami,
    AnakNdu kin, liasNdu min
    Dudurkenlah man kami min

Sinusurkenca Pdt. Ng. Munte
Download slide PowerPoint KEE No. 84

Join Grup Telegram dan Grup WA saya untuk mendapatkan update...

KEE No. 83 Lit Me Kap Sada Sumbul E

KEE No. 83 : 1-9 (Lit Me Kap Sada Sumbul E)

1. Lit me kap sada sumbul e
    Guna perdosa e
    Mehuli kal me sumbul e
    Pesenang ukur e

2. Lau sumbul si badia e
    E ibas Yesus nge
    IalemiNa dosanta
    Ras keberatenta

3. Dareh Tuhanta Yesus
    Sumbul si benar nge
    Mambur i kayu silang e
    Lah ngepkep kita nge

4. B’re min o, Tuhan aku pe
    Bersih ibahan Kam
    Kelengilah tendingku min
    Maka terkelin kin

5. Si jahat ikemuhunNdu
    I uruk Golgota
    Dat kegeluhen ia pe
    Ban kinitekenna

6. Tuhu terkelin ia me
    Ibahan tek me e
    Kata Tuhanta Yesus e
    Kata keg’luhen nge

7. Aku pe pulahi Kam min
    Pedauh min dosa e
    Petetap min ukurku pe
    Rembak ras Kam me kin

8. DarehNdu si nggo mambur e
    I uruk Golgota
    Si murihi dosangku e
    Masap lesap k’rina

9. Iban si e kupuji Kam
    Kam Tuhan Yesus kin
    B’re ikut aku muji Kam
    I surga pe pagin


Sinusurkenca Gr. Ag. N. Sinuraya
Download slide PowerPoint KEE No. 83

Join Grup Telegram dan Grup WA saya untuk mendapatkan update...

KEE No. 82 Kam o, Dibatangku

KEE No. 82 : 1-5 (Kam o, Dibatangku)

1. Kam o, Dibatangku,
    rembak min ukurku,
    rembak ras Kam.
    Bahanlah min tetap,
    peratenku me kap,
    rembak ras Kam.
    Penegu-neguNdu,
    aku me anakNdu,
    gelah rembak ras Kam,
    Rembak ras Kam,
    Rembak ras Kam.

2. Kam o, Dibatangku,
    rembak min ukurku,
    Tegu ku Kam!
    Kote pe dagingku,
    ceda pe ukurku,
    Nepet ku Kam.
    Di terlungun aku,
    dengkeh min totonku,
    rembak min ukurku.
    Tegu ku Kam!
    Tegu ku Kam!

3. Kam o, Dibatangku,
    Jaga min tendingku,
    Dengkehken min!
    Adi peturut Kam,
    Reh me si jahat kang,
    Ngerimrim kin.
    Nggit kesusahen e,
    Ngerintak aku pe,
    Sampat min o, Tuhan,
    Tegu ku Kam!
    Tegu ku Kam!

4. Kam o, Dibatangku,
    Jaga min tendingku,
    Tegu ku Kam!
    Gelah senang aku,
    KelengNdu man bangku,
    Tegu ku Kam!
    E bagi pulut nge,
    Dosa bas ukur e,
    B’re min gegeh Tuhan,
    Tegu ku Kam!
    Tegu ku Kam!

5. Kam o, Dibatangku,
    rembak min ukurku,
    rembak ras Kam.
    Pengarapenku kap,
    tetap man baNdu kap,
    rembak ku Kam.
    Seh de sipatku e,
    lias ateNdu e,
    man bangku min Tuhan,
    Rembak ras Kam!
    Rembak ras Kam!

Sinusurkenca Gr. Ag. N. Sinuraya
Download slide PowerPoint KEE No. 82

Join Grup Telegram dan Grup WA saya untuk mendapatkan update...

Slide Minggu 26 Maret 2017

Slide untuk liturgi Minggu 26 Maret 2017, Passion V Bahasa Karo silahkan di donwload disini dan disesuaikan. Terima Kasih....

KEE No. 81 Mbincar Me, Mbincar Me

KEE No. 81 : 1-4 (Mbincar Me, Mbincar Me)

1. Mbincar me, mbincar me
    Ersinalsal me
    T’rang i datas nari banta
    Pegeluhken kita jelma
    Kita k’rina kin, kita k’rina kin

2. Serana-suina
    Baban geluhku
    Pinakiten dingen leja
    Kerajangndu o, kam jelma
    I pertibi e, i pertibi e

3. Tuhanku, tuahNdu
    Dudurken bangku!
    Kam me kap Batumamakku
    Kam me lalap kesikelku
    Yesus gelarNdu, petetap aku

4. Tatap min, surga e
    Pengulihen e
    Labo doni ingan tuhu
    Surga nge inganta lalap
    Ayak surga e, pengulihen e

Sinusurkenca Pdt. Ng. Munte
Download slide PowerPoint KEE No. 81

Join Grup Telegram dan Grup WA saya untuk mendapatkan update...

KEE No. 80 Yesus Geluh Ni Tendingku

KEE No. 80 : 1-6 (Yesus Geluh Ni Tendingku)

1. Yesus geluh ni tendingku
    Kam me kegeluhenku
    Kuendesken me diringku
    Seh de paksa sipatku

2. Tangkas t’rang tuduhken bangku
    Kerna pengepkepenNdu
    Maka e min kesikelku
    Tetap iadepenNdu

3. Aku min ajar-ajarNdu
    Tutus bas pedahNdu e
    Min dudurken bangku tanNdu
    Jadi cikepenku e

4. Tegu aku o, Yesus
    Cikep aku tetap min
    Gelah ola celus aku
    I dalin medalit kin

5. Sampat aku o, Tuhanku
    Ibas nimbak dosa e
    Adi Kam me i lebengku
    Lawes me si ilat e

6. B’re man bangku min KesahNdu
    Tangkel bas ukurku min
    Lalap aku sik’rajangNdu
    Atan bas kiniulin

Sinusurkenca Gr. Ag. N. Sinuraya
Download slide PowerPoint KEE No. 80

Join Grup Telegram dan Grup WA saya untuk mendapatkan update...

KEE No. 79 Ndigan kin, ndigan kin

KEE No. 79 : 1-4 (Ndigan kin, ndigan kin)

1. Ndigan kin, ndigan kin
    Banci aku ngadap kin
    Ku Tuhanku Dibatangku
    Kundul i lebe-lebeNdu
    ibas kesenangen

2. Kam me kin o, Tuhan
    Si nerusi embun e
    Ndigan ndia me tendingku
    Jumpa ras Kam o, Tuhanku
    Ngidah t’rang ayoNdu min

3. Oh ulina, sora e
    Ntabeh kal ndengkehsa e
    Adi lit me min kabengku
    Kabang aku reh man baNdu
    Ku inganNdu , Surga e

4. Senang kal aku kin
    Aku seh ku surga e
    O, Tuhanku, Dibatangku
    Lanai lit kesusahenku
    Senang ukur me i je

Sinusurkenca Gr. Ag. N. Sinuraya
Download slide PowerPoint KEE No. 79

Join Grup Telegram dan Grup WA saya untuk mendapatkan update...

KEE No. 78 Mesera Kal Me Tuhu

KEE No. 78 : 1-5 (Mesera Kal Me Tuhu)

1. Mesera kal me tuhu
    Dalan kubas kesenangen
    Ketuahen me tuhu
    Kalak si ni je erdalan
    Singikutken Yesus e
    Seh me ku ujungna e

2. Pemere si mbelin e
    Daten si bujur ukurna
    Si ngelawan dosa e
    Kininggiten nu dagingna
    Si ngarapken Yesus e
    Daten kemenangen e

3. Yesus gantung me kepe
    Ibas kayu ni persilang
    Mambur me darehNa pe
    E pemere si mbelinna
    Begi min kataNa e
    “Nggo me dung dahinku e”

4. O, Tuhanku tegu min
    Kami k’rina ajar-ajarNdu
    Gelah terayaki min
    Bengket ku kiniulinNdu
    Amin tuk pe daging e
    Daten kesenangen e

5. Piher min ukurndu e
    Simbak peraten dagingndu
    Tatap min ku Yesus e
    Si nggalari me dosandu
    Arah Tuhan Yesus e
    Jadi kemenangen e

Sinusurkenca Pdt. Ng. Munte
Download slide PowerPoint KEE No. 78

Join Grup Telegram dan Grup WA saya untuk mendapatkan update...

KEE No. 77 Keleng Ate Tuhu-tuhu

KEE No. 77 : 1-7 (Keleng Ate Tuhu-tuhu)

1. Keleng ate tuhu-tuhu
    Nusur surga dari nge
    Bengket ku bas pusuh kami
    Ringan bas tendingku e

2. Keriahen tuhu-tuhu
    Ibas surga me kepe
    Kugegehi me ukurku
    Je me malem ate e

3. Kesenangen dingen dame
    Reh bas Yesus nari nge
    Sampat aku o, Tuhanku
    Lah ukurku senang me

4. Pegegehi kesikelku
    Nasap dosa teman e
    Pedah e bas Tuhan nari
    E me man ikuten nge

5. Saber ate dingen dame
    Reh bas Tuhan nari nge
    Ndemi pusuh ras ukurku
    Lalap ringan me i je

6. Keleng ate ni Tuhanku
    Ngerajai pusuhku min
    Si naluken gegeh dosa
    Gelah menang aku kin

7. O, Tuhanku Dibatangku
    Tumpak-tumpak aku min
    Gelah jumpa aku denggo
    Ras si enggo menang kin

Sinusurkenca Gr. Ag. N. Sinuraya
Download slide PowerPoint KEE No. 77

Join Grup Telegram dan Grup WA saya untuk mendapatkan update...

KEE No. 76 KulebeNdu Dibatangku

KEE No. 76 : 1-6 (KulebeNdu Dibatangku)

1. KulebeNdu Dibatangku
    Aku nembah ‘rjimpuh pe
    Dengkehkenlah min totonku
    Nen iluhku mambur e

2. Kuukuri me lagungku
    Dosa nari k’rina pe
    Nggo terbuang wari-wari
    La kupergunaken pe

3. Rusur nari aku lalar
    Ngaku aku o, Tuhan
    Amin gia aku Kristen
    Dosa lalap nge kuban

4. Perban e me kutungtungken
    ‘Kurku baNdu o, Tuhan
    Ras mekuah min ateNdu
    Sasaplah dosangku min

5. Kuikutken me ajarNdu
    Sendah seh me lalap e
    Tegu aku o, Tuhanku
    Lah tetap jingkangku pe

6. Di ras Kam o, Dibatangku
    Pelcik me ukurku pe
    Kam me kapen man temanku
    Lanai mbiar aku pe

Sinusurkenca Gr. Ag. N. Sinuraya
Download slide PowerPoint KEE No. 76

Join Grup Telegram dan Grup WA saya untuk mendapatkan update...

KEE No. 75 Tetapkenlah Ukurta

KEE No. 75 : 1-3 (Tetapkenlah Ukurta)

1. Tetapkenlah ukurta,
    Ngikutken Yesus e.
    Sigelemlah pedahNa,
    Tutus ateta pe.
    Piher tendinta pe,
    Ban Ia penalemen.
    Kesusahen i doni,
    Talu ibanNa pe.

2. Pertibi enda masap
    Isina k’rina pe
    Nggo ndeher kedungenna
    Paksana seh me pe
    Tujunta k’rina min
    Ku surga rumah Bapa
    I je me ingan senang
    Ras Tuhan lalap je

3. Piherkenlah ukurta
    Ngelawan dosa e
    Pinterkenlah dalinta
    Ngikutken Yesus e
    Kesikel dosa e
    Em kap man tadingenken
    Tudu ras Kata Tuhan
    Si ngepkep kita kin

Sinusurkenca Gr. Ag. N. Sinuraya
Download slide PowerPoint KEE No. 75

Join Grup Telegram dan Grup WA saya untuk mendapatkan update...

KEE No. 74 Perlawesku Kempak Pardis

KEE No. 74 : 1-4 (Perlawesku Kempak Pardis)

1. Perlawesku kempak Pardis
    Je me Sion e
    Ku gegehi me dagingku
    Gelah seh ku je
    Kasa abat bangku e
    Kusilahken k’rina pe
    Gelah seh me ku bas surga
    Ingan senang je


2. Nggo terbegi man tendingku
    Sora rende je
    Kupinterken me dalinku
    Kubas ingan e
    ‘Di terpanto dalin e
    Bene kap baginna je
    Kutadingken, kutundalken
    Si ngabati e

3. O, Tuhanku sampat aku
    ‘Rdalin ndahi Kam
    Bas latihku ngarap aku
    Isampati Kam
    Kam nggegehi ukurku e
    Lah nundalken doni e
    Bahan sangap, bahan pulah
    Aku me kepe

4. La aku ngasup la gegehku
    Ng’lawan musuh
    Tegu aku cikep tanku
    Gelah seh me je
    Bere gegeh bangku e
    Kupinterken me aku je
    Perdalinku kempak surga
    Ingan lalap je

Sinusurkenca Gr. Ag. N. Sinuraya
Download slide PowerPoint KEE No. 74

Join Grup Telegram dan Grup WA saya untuk mendapatkan update...

KEE No. 73 Yerusalem Kuta Idatas E

KEE No. 73 : 1-2 (Yerusalem Kuta Idatas E)

1. Yerusalem Kuta idatas e
    Ku je ukurku pe
    Si kelku e,
    Reh nteguhna ku je
    Jumpa ras Tuhan e
    Ndauh i doni nari,
    Datasen embun pe
    Ku je bulat ukurku,
    Pengulihenku je

2. Ndigan ndia, Wari meriah e
    Min atan aku pe
    I je me kap,
    Nggintar ukurku e
    Malem ateku je
    Dibata si erbanca,
    Ibas liasNa nge
    Sikapkenlah ukurta,
    Berkat ku kuta e

Sinusurkenca Gr. Ag. N. Sinuraya
Download slide PowerPoint KEE No. 73

Join Grup Telegram dan Grup WA saya untuk mendapatkan update...

KEE No. 72 Perlajang Kapen Kita

KEE No. 72 : 1-4 (Perlajang Kapen Kita)

1. Perlajang kapen kita
    Idas pertibi e
    Di kuta pengulihen
    I surga me kepe

2. ‘Di reh paksana berkat
    Kalak perlajang e
    La dorek je erbangkel
    Terus ‘rdalin me ku je

3. Man kalak si ernalem
    Ku Tuhan Yesus e
    Nggo sikap ingan bana
    Bas kesenangan e

4. Dage tundalken gelah
    Ku bas pertibi e
    Alaken kempak surga
    Je ingan tetap e

Sinusurkenca Gr. Ag. N. Sinuraya
Download slide PowerPoint KEE No. 72

Join Grup Telegram dan Grup WA saya untuk mendapatkan update...

KEE No. 71 Teman Si Sada Perukur

KEE No. 71 : 1-3 (Teman Si Sada Perukur)

1. Teman si sada perukur
    Si ndarami senang je
    Ku bas Yesus legi ukur
    Maka jumpa dame e
    Ia kapen ikutenta
    Kita kap ngawanNa e
    Tuhan Yesus kap Gurunta
    Kita ajar-ajarNa e

2. Tanda perkuah ateNa
    Mbages ras meganjang pe
    Bekas perkeleng ateNa
    La tersipati kepe
    Itemani Dibatanta
    Ban keleng ateNa e
    Tuhan Yesus temanta
    Kita si tek baNa e

3. Kam me si persada kami
    K’rina si tek bandu e
    Gelah sikeleng-kelengen
    Ngikutken pedahNdu e
    Tudu kubas kebenaren
    E me kap ateNdu pe
    Kam me kadi Penalemen
    Gelah kami la bene

Sinusurkenca Gr. Ag. N. Sinuraya
Download slide PowerPoint KEE No. 71

Join Grup Telegram dan Grup WA saya untuk mendapatkan update...