KEE No. 218 Nggo Kenca Seh Ibas Paksana

KEE No. 218 : 1-6 (Nggo Kenca Seh Ibas Paksana)

1. Nggo kenca seh ibas paksana
    Radu ras me kita rende k’rina
    Si puji gelar ni Dibata
    M’riah cawir dage ban soranta.
    Reff. Si bas Berita Si Meriah
Perukuren tetap min ergiah
Bas silatengka min ternilah
G’luh simbaru ‘lah madin peturah.

2. Nggo kenca seh ibas paksana
    Si penangkih me dage totonta
    Bersih ras bulat ban ukurta
    Maka serta kita bas k’rajanNa.
    Reff. Si bas Berita Si Meriah
Perukuren tetap min ergiah
Bas silatengka min ternilah
G’luh simbaru ‘lah madin peturah.

3. Nggo kenca seh ibas paksana
    Si orati me kata Dibata
    Idur Pustaka Si Badia
    Gelah tambah rusur pengertinta
    Reff. Si bas Berita Si Meriah
Perukuren tetap min ergiah
Bas silatengka min ternilah
G’luh simbaru ‘lah madin peturah.

4. Nggo kenca seh ibas paksana
    Siendesken me persembahennta
    ‘Lah enda banci min erguna
    Pebelangken kerajan Dibata
    Reff. Si bas Berita Si Meriah
Perukuren tetap min ergiah
Bas silatengka min ternilah
G’luh simbaru ‘lah madin peturah.

5. Nggo kenca seh ibas paksana
    Si B’ritaken kata ni Dibata
    Man teman si lenga I’tehna
    G’lahna ia atan ka ibasSa
    Reff. Si bas Berita Si Meriah
Perukuren tetap min ergiah
Bas silatengka min ternilah
G’luh simbaru ‘lah madin peturah.

6. Nggo kenca seh ibas paksana
    Si turiken kerna kecibalta
    Senang entahsa suhsah gia
    Maka Ia si ngelayasisa
    Reff. Si bas Berita Si Meriah
Perukuren tetap min ergiah
Bas silatengka min ternilah
G’luh simbaru ‘lah madin peturah.

Syair dan Lagu : S. Tarigan, 1998
Download slide PowerPoint KEE No. 218

Join Grup Telegram dan Grup WA saya untuk mendapatkan update...

KEE No. 217 Meriahlah Ukurta Mujikenca

KEE No. 217 : 1-4 (Meriahlah Ukurta Mujikenca)

1. Meriahlah ukurta mujikenca
    Dibata Raja mbelin si mulia
    Peb’linken min gelarNa Si Badia
    Ban Ia ngerajaisa sinasana
    Reff. Maka bujur nge Dibata man pujin
Nai-nainari genduari seh pagin
Ban tandaiNa kita k’rina si suin
Sembah Ia me madin

2. Dagena mari pujilah Dibata
    Si inget min kerina pemereNa
    ‘Lah tetap ras megegeh pe tendinta
    Mehuli me jadina k’rajang jelma
    Reff. Maka bujur nge Dibata man pujin
Nai-nai nari genduari seh pagin
Ban tandaiNa kita k’rina si suin
Sembah Ia me madin

3. Keg’luhen manusia i doni enda
    E pas kel bagi dukut perturahna
    Meter reh angin penggel me batangna
    Je minter melus masap pe kap ia
    Reff. Maka bujur nge Dibata man pujin
Nai-nai nari genduari seh pagin
Ban tandaiNa kita k’rina si suin
Sembah Ia me madin

4. Tapina kekelengen ni Dibata
    La sambar lalap Ia nge kap Bapa
   SehkenNa banta kinibujurenNa
    Ban labo ‘teNa mate kita enda
    Reff. Maka bujur nge Dibata man pujin
Nai-nai nari genduari seh pagin
Ban tandaiNa kita k’rina si suin
Sembah Ia me madin

Syair dan Lagu : S. Tarigan, 1997
Download slide PowerPoint KEE No. 217

Join Grup Telegram dan Grup WA saya untuk mendapatkan update...

KEE No. 216 Kam Bangsa Doni Marilah

KEE No. 216 : 1-4 (Kam Bangsa Doni Marilah)

1. Kam bangsa doni marilah
    Ersurak k’rina dahilah
    Ku Tuhan tutus min gelah
    Endeken ‘nde-enden si m’riah

2. Ku rumah persembahen min
    Ijem ‘Dibata man pujin
    KelengNa la ‘keri-kerin
    PadanNa labo mobar kin

3.Bapanta erkeleng kepe
    Ngenehen kita si ni je
    I’tehNa k’rina suinta e
    AteNa labo kita bene

4. Si Kristen japa gia pe
    ‘Nggo pulung k’rina sendah e
    Reh muji Tuhan Yesus e
    Si ngk’lini manusia jine

Syair dan Lagu : S. Tarigan, 1998
Erpalasken : Ende-enden GBKP No. 11
Download slide PowerPoint KEE No. 216

Join Grup Telegram dan Grup WA saya untuk mendapatkan update...

KEE No. 215 Lias Ate Ni Tuhanta

KEE No. 215 : 1-3 (Lias Ate Ni Tuhanta)

1. Lias ate ni Tuhanta, e lalap man pujin
    Ras pe kebenarenNa, pebelinlah madin
    Ku eteh peratenNa, ras dosa labo singgur
    ‘Nggo tetap jujurenNa,
    si labo banci luntur
    E desken batu mamak,
    enteguh labo mugur
    Bagem’ kepeken Kam,
    ‘nggo tetap ibas bujur

2. Si make pedah Tuhan, sangap kel nge ia
    ‘Bas terang me dalinna,
    la ndele pe ukurna
    Megedang peratenna, meriah ni akapna
    Entah mawen mesera,
    i‘tehna Kam Bapana
    La celus pe nahena, la abat perdalinna
    ‘Ban Tuhan pebelinca,
    nai nari seh matena

3. Kam kap penundalenku,
    Kam pematangku kin
    ‘Ban b’linna kuasaNdu,
    meparas man pujin
    Tambah kekelengenNdu,
    si seh man kami enda
    Em jadi tahan turu, aminna ukur nera
    Kelewet gia imbangku,
    Dibata kap njagasa
    Kailah kebiarenku, ‘di aku sampatiNa

Syair dan Lagu : S. Tarigan, 1998
Erpalasken : Maz. 125
Download slide PowerPoint KEE No. 215

Join Grup Telegram dan Grup WA saya untuk mendapatkan update...

KEE No. 214 Si Puji Tuhan, Haleluya

KEE No. 214 : 1-8 (Si Puji Tuhan, Haleluya)

1. Si puji Tuhan, haleluya
    Si puji dage Tuhan, haleluya
    Tuhannta Yesus Kristus, haleluya
    Tuhannta Yesus Kristus

2. Anak Dibata, haleluya
    Anak Dibata Bapa, haleluya
    Ia Juruselamat, haleluya
    Ia Juruselamat

3. ‘Nggo keke Yesus, haleluya
    ‘Nggo keke me kap Yesus, haleluya
    Ibas si mate nari, haleluya
    Ibas si mate nari

4. ‘Nggo talukenNa, haleluya
    ‘Nggo kap italukenNa, haleluya
    K’maten si rasa lalap, haleluya
    K’maten si rasa lalap

5. DahiNa surga, haleluya
    DahiNa me kap surga, haleluya
    Ku surga rumah Bapa, haleluya
    Ku surga rumah Bapa

6. ‘Je kundul IA, haleluya
    ‘Je kundul me kap IA, haleluya
    I kemuhen Dibata, haleluya
    I kemuhen Dibata

7. ‘Je reh me pagi, haleluya
    ‘Je reh me IA pagi, haleluya
    Reh ku pertibi enda, haleluya
    Reh ku pertibi enda

8. Ng’ranaken kita, haleluya
    Ng’ranaken manusia, haleluya
    Si ‘nggeluh ‘tah ‘nggo mate, haleluya
    Si ‘nggeluh ‘tah ‘nggo mate

Syair dan Lagu : S. Tarigan, 1998
Download slide PowerPoint KEE No. 214

Join Grup Telegram dan Grup WA saya untuk mendapatkan update...

KEE No. 213 Si Puji

KEE No. 213 : 1-3 (Si Puji)

1. Sipuji sipuji sipujilah lebe
    Sipuji gelarNa sipuji me dage
    Dibata Bapanta simada kuasa e
    Sinasa kerina ‘nggo itepaNa pe
    ‘Lah banci kita ‘rdame

2. Sipuji sipuji sipujilah lebe
    Sipuji gelarNa sipuji me dage
    AnakNa Si Tonggal em Yesus Kristus e
    Si teklah man baNa ikeliniNa pe
    ‘Lah ola kita bene

3. Sipuji sipuji sipujilah lebe
    Sipuji gelarNa sipuji me dage
    Kesah Si Badia Penampat me jine
    Ib’reNa gegehta ngelawan dosa e
    ‘Lah ola kita kote

Syair dan Lagu : S. Tarigan, 1998
Download slide PowerPoint KEE No. 213

Join Grup Telegram dan Grup WA saya untuk mendapatkan update...

KEE No. 212 Perkuah Ate Si Mbelin

KEE No. 212 : 1-5 (Perkuah Ate Si Mbelin)

1. Perkuah ate si mbelin,
    Nemani geluhku.
    Ije me aku erdalin,
    Teruh perkuahNdu.

2. Perkuah ate si mbelin,
    Sinasap dosa e.
    PedahNa e sigelem min,
    Lah kita la bene.

3. Perkuah ate si mbelin,
    Tetap la erleka.
    Ban dosa aku gelap kin,
    Ras Yesus terang ka.

4. Perkuah ate si mbelin,
    Simahan dame e.
    Bengketi pusuh kami min,
    Lah kami senang je.

5. Perkuah ate si mbelin,
    Alokenlah dage.
    La lit jumpa si terulin,
    Bas Yesus ngenca e.

Sinusurkenca Panitia Ende-Enden GBKP 1979-1984
Download slide PowerPoint KEE No. 212

Join Grup Telegram dan Grup WA saya untuk mendapatkan update...

KEE No. 211 I Lebe-lebe Yesus

KEE No. 211 : 1-5 (I Lebe-lebe Yesus)

1. I lebe-lebe Yesus
    Ku ‘ndesken k’rina geluhku
    Ras isi pusuh ukurku
    I lebe-lebe Yesus

2. I lebe-lebe Yesus
    Reh aku latih ras mberat
    Ku Ia mindo penampat
    I lebe-lebe Yesus

3. I lebe-lebe Yesus
    Kusehken toto man baNa
    Geluhku isampatiNa
    I lebe-lebe Yesus

4. I lebe-lebe Yesus
    Teridah k’rina salahku
    IalemiNa dosangku
    I lebe-lebe Yesus

5. I lebe-lebe Yesus
    Nggo senang me kap geluhku
    Si pagit pe jadi ntebu
    I lebe-lebe Yesus

Sinusurkenca Panitia Ende-Enden GBKP 1979-1984
Download slide PowerPoint KEE No. 211

Join Grup Telegram dan Grup WA saya untuk mendapatkan update...

KEE No. 210 Puji Gelah

KEE No. 210 : 1-5 (Puji Gelah)

1. Puji gelah
    Tuhan perkuah
    Sinampat kita
    Sinebusi dosa manusia
    Dage sipujilah
    Tuhan si perkuah

2. Inget dage
    Bas geluhta e
    IusekenNa
    Man banta me kerina kelengNa
    Ingetlah min dage
    Ibas geluhta e

3. Ise me kin
    Mbelin kuasaNa
    Kam Tuhan saja
    Si lalap nge mbelin kuasaNdu
    La lit andingenna
    Kam Yahwe Dibata

4. Ja kin gia
    Tentu idahNa
    Endeskenlah gelah
    Geluhta maka isampatiNa
    I japa pe kita
    Lah isampatiNa

5. Tetaplah min
    Bage kap ulin
    Man Tuhan saja
    Sembahken min kerina geluhta
    E tetap gelah min
    Bage me kap ulin

Sinusurkenca Panitia Ende-Enden GBKP 1979-1984
Download slide PowerPoint KEE No. 210

Join Grup Telegram dan Grup WA saya untuk mendapatkan update...

KEE No. 209 Perpulungen Ersadalah

KEE No. 209 : 1-5 (Perpulungen Ersadalah)

1. Perpulungen ersadalah,
    Ngikutken PedahNa.
    Bas kiniteken tetaplah,
    Man Tuhan Dibata.
    Bas si mehuli ayaklah,
    Sisampat-sampaten.
    Bage kap pedah Dibata,
    Sikeleng-kelengen.

2. Gereja Kristen sikaplah,
    Ersada paguhlah.
    Ersada ukur min i bas,
    Dibata Bapanta.
    Peturah kiniteken pe,
    Ras dame k’rinalah.
    Ras sikeleng-kelengenlah,
    Ngikutken Tuhanta.

3. Ersada ‘bas lau peridin,
    Ban sada Tuhanta.
    Gereja kitik tah mbelin,
    Si mada Dibata.
    Gereja la banci pecah,
    Ersada kerina.
    Ersada bas kiniteken,
    Sisampat-sampaten.

4. Erbage-bage pemere,
    Man banta kerina.
    Tujunna sada me kepe:
    Terpuji Dibata.
    Ersada ukur me jine,
    O, Kristen japa pe.
    Anem melala ringring pe,
    Sada kula kepe.

5. Kerina daten pemere,
    Dat pasu-pasu pe.
    Mejingkat k’rina min dage,
    Ndahiken dahin e.
    Meteruk ukur k’rinalah,
    Em pedah Tuhan e.
    Em jadi man ikutenlah,
    Ibas kelengNa e.

Sinusurkenca Panitia Ende-Enden GBKP 1979-1984
Download slide PowerPoint KEE No. 209

Join Grup Telegram dan Grup WA saya untuk mendapatkan update...

KEE No. 208 O Tuhanku

KEE No. 208 : 1-3 (O Tuhanku)

1. O, Tuhanku,
    Kam saja me kuban, Penampatku
    Amin ku ja
    perdalan geluhku, Penampatku
    Man baNdu kap
    kupindo penampat
    KelengNdu e arapenku tetap

2. O, Tuhanku,
    Kam me si perkeleng, ikutenku
    ‘Bas dalinNdu
    geluhku la sirang, ikutenku
    Medalit pe
    tah susah dalanku
    La guling kap ban tanNdu me negu

3. O, Tuhanku,
    Kam katawari pe, penggurunku
    La aku pang
    di la ngendes lebe, penggurunku
    Ku japa pe temani geluhku
    Tentu senang
    ban Kam kap temanku

Sinusurkenca Panitia Ende-Enden GBKP 1979-1984
Download slide PowerPoint KEE No. 208

Join Grup Telegram dan Grup WA saya untuk mendapatkan update...

KEE No. 207 I Uruk Golgota

KEE No. 207 : 1-7 (I Uruk Golgota)

1. I uruk Golgota,
    ku idah silangNdu
    Dosangku si majekkenca,
    silangNdu e Tuhan
    Reff.
Reh aku Tuhan
ngadap man baNdu
Yesus dudurken tanNdu
alokenlah aku

2. Kubegi soraNdu
    erlebuh man bangku
    Lah aku pe ku Golgota
    ngendesken geluhku
    Reff.
Reh aku Tuhan
ngadap man baNdu
Yesus dudurken tanNdu
alokenlah aku

3. Di latih kin gia
    geluh ban dosa e
    Ernalem man baNdu ngenca,
    je malem ate e
    Reff.
Reh aku Tuhan
ngadap man baNdu
Yesus dudurken tanNdu
alokenlah aku

4. Petetap me gelah
    kenitekenku min
    Kuikut Kam tegu gelah
    geluhku sampat min
    Reff.
Reh aku Tuhan
ngadap man baNdu
Yesus dudurken tanNdu
alokenlah aku

5. Salahku kugejap
    bas kegeluhenku
    Penalemenku e tetap
    perkuah ateNdu
    Reff.
Reh aku Tuhan
ngadap man baNdu
Yesus dudurken tanNdu
alokenlah aku

6. Kam Yesus melias
    perkuah si mbelin
    DalinNdu kuikutken nge
    lah aku terkelin
    Reff.
Reh aku Tuhan
ngadap man baNdu
Yesus dudurken tanNdu
alokenlah aku

7. O, Yesus mulia
    badia darehNdu
    Nggo mambur kap i Golgota
    nebusi dosangku
    Reff.
Reh aku Tuhan
ngadap man baNdu
Yesus dudurken tanNdu
alokenlah aku

Sinusurkenca Panitia Ende-Enden GBKP 1979-1984
Download slide PowerPoint KEE No. 207

Join Grup Telegram dan Grup WA saya untuk mendapatkan update...

KEE No. 206 Sendah Enda Wari Paska

KEE No. 206 : 1-4 (Sendah Enda Wari Paska)

1. Sendah enda wari Paska, Haleluya
    Enggo keke kap Tuhanta, Haleluya
    Si menang i Golgota, Haleluya
    Ngangkut dosa manusia, Haleluya

2. Sendah wari si badia : Haleluya!
    Kematen italukenNa : Haleluya!
    Enggo keke Tuhanta : Haleluya!
    Ras dahiNa kita k’rina : Haleluya!

3. I Golgota kayu silang : Haleluya!
    Tuhan Yesus enggo menang : Haleluya!
    Nggo teridah kuasaNa : Haleluya!
    TalukenNa kap neraka : Haleluya!

4. Mari pujilah gelarNa : Haleluya!
    Maba dame kap man banta : Haleluya!
    Ibas kubur si gelap : Haleluya!
    Reh kap sangap si tetap : Haleluya!

Sinusurkenca Panitia Ende-Enden GBKP 1979-1984
Download slide PowerPoint KEE No. 206

Join Grup Telegram dan Grup WA saya untuk mendapatkan update...

KEE No. 205 Rehlah Min O Tuhan

KEE No. 205 : 1-6 (Rehlah Min O Tuhan)

1. Reh lah min o, Tuhan,
    sikap kami k’rina,
    Ersembah man baNdu jenda.
    Nusurlah min Tuhan,
    bahan sikap k’rina,
    Ukur kami pebadia.
    O, Bapa b’re gelah,
    daten pasu-pasu,
    Kami k’rina enda.

2. Tuhan Dibatanta
    lit bas rumah enda,
    Nembah kita k’rina baNa.
    Alu kehamaten
    mungkuklah man baNa,
    Kula, tendi pe kerina.
    Aloken KataNa ras pasu-pasuNa,
    UsekenNa banta.

3. Tuhan Dibatanta
    Badia kap Ia,
    Surga pe muji gelarNa.
    Malekat pe rende :
    “Tuhan e Badia,
    Dibata si Telu Sada”.
    Dengkehken KataNa,
    ikut rende k’rina,
    Pehaga gelarNa.

4. O, Tuhan Dibata,
    Raja k’rina Raja,
    Ibas k’rina doni enda.
    Medolat me Ia
    bas kebadianNa,
    Dage pujilah gelarNa.
    B’rekenlah kami pe
    ikut ngakukenca,
    Tutus min i jenda.

5. Dua, telu gia
    pulung bas gelarNa,
    Tuhan reh kap ku tengahna.
    Si ngoge kataNa
    ras si makekenca,
    Tuhan nemani geluhna.
    Ogelah, gelemlah,
    kata Dibatanta,
    Bas geluhta enda.

6. Aloken pemere,
    janah kami rende,
    Alu ukur tutus jine.
    La pekulah-kulah
    ban ukur meriah,
    Tuhan terpujilah min gelah.
    M’riahlah kerina pujilah Dibata,
    Bapa si mulia.

Sinusurkenca Panitia Ende-Enden GBKP 1979-1984
Download slide PowerPoint KEE No. 205

Join Grup Telegram dan Grup WA saya untuk mendapatkan update...

KEE No. 204 Kata Ni Dibata

KEE No. 204 : 1-6 (Kata Ni Dibata)

1. Kata ni Dibata,
    Seh kal e perluna.
    Bas geluh enda,
    Ogelah Pustaka.
    Je Ia ngerana,
    Man banta k’rina.
    Gegeh ibas geluhku,
    KataNdu situhu-tuhu,
    Ras pasu-pasuNdu.

2. Kata ni Dibata,
    E jadi senjata,
    Bas geluh enda.
    Lawanlah musuhta,
    La arah gegehta,
    IpemenangNa.
    Tetap kal ukur kami,
    La lit kebiaren nari,
    Tuhan si nampati.

3. Mari kita k’rina,
    Si begi kataNa,
    Tutus ateta.
    ‘Di nggit ngalokenca.
    B’rekenNa dameNa,
    Kubas pusuhta.
    Ola lupa min dage,
    Kata Dibata si pake,
    Si petetap ate.

4. Nguda ras metua,
    Perlu ngalokenca,
    Kata Dibata.
    Tah i japa gia
    Ola lupa kita,
    Em ban temanta.
    Sampatlah min o, Tuhan,
    Gelah kuteh kai kubahan,
    Man kerina teman.

5. Di gulut ukurta,
    Ogelah Pustaka,
    Pengapul banta.
    Latih mberat gia,
    Ngadulah man baNa,
    IpenahangNa.
    Tuhan saja kuarap,
    Ingan pengadun si tetap,
    Teman ras lalap.

6. Guru ras Pandita,
    Diaken, Pertua
    Tah ise gia.
    ‘di ngerana ia
    Bas Kata Dibata,
    begiken ia
    Alu ate si tutus.
    Ola bagi si mekarus,
    AlokenNdu Yesus.

Sinusurkenca Panitia Ende-Enden GBKP 1979-1984
Download slide PowerPoint KEE No. 204

Join Grup Telegram dan Grup WA saya untuk mendapatkan update...

KEE No. 203 Pasu-Pasu Ni Tuhanta

KEE No. 203 : 1-6 (Pasu-Pasu Ni Tuhanta)

1. Pasu-pasu ni Tuhanta,
    Sinemani geluhta.
    Tiap wari seh man banta,
    La ersibar ngaruhNa.
    Aku pe, aku pe,
    Pasu-pasu aku pe.

2. Salah dosa la erkira,
    Ngaku kami o, Tuhan.
    Ngadap kami k’rina enda,
    Alemilah o, Tuhan.
    Aku pe, aku pe,
    Alemilah aku pe.

3. Ija ndia si darami,
    Si ngkawali geluh e.
    Yesus ngenca si nampati,
    Maka kita la bene.
    Aku pe, aku pe,
    Sampatilah aku pe.

4. Kesah Tuhan Si Badia,
    Surga nari kap rehna.
    BengketiNa k’rina jelma,
    Si ngaloken kataNa.
    Aku pe, aku pe,
    Bengketi min aku pe.

5. Perban dosa si nagangi,
    Geluh kami mesera.
    Mari min dage tangtangi,
    Kam Tuhan mulahisa.
    Aku pe, aku pe,
    Pulahi min aku pe.

6. Yesus reh ku doni enda,
    Maba terang man banta.
    Nusur kap ku manusia,
    Maka malem ateta.
    Aku pe, aku pe,
    Nusur min man bangku pe.

Sinusurkenca Panitia Ende-Enden GBKP 1979-1984
Download slide PowerPoint KEE No. 203

Join Grup Telegram dan Grup WA saya untuk mendapatkan update...

KEE No. 202 Ernalem Gelah Man Yesus

KEE No. 202 : 1-6 (Ernalem Gelah Man Yesus)

1. Ernalem gelah man Yesus
    Kula ukur tendingku
    Endesken geluhndu baNa
    Keleng ateNa bandu
    Reff. Ernalem gelah !
Tutus min gelah
O, Yesusku bahan aku
Ernalem gelah

2. Kita k’rina bas geluhta
    P’raten daging simbak min
    Pindo lebe gegeh baNa
    Maka kita erdahin
    Reff. Ernalem gelah !
Tutus min gelah
O, Yesusku bahan aku
Ernalem gelah

3. Ola lupa ‘rtoto baNa
    Ras kataken bujur pe
    Mbue kapen pemereNa
    Ola lupa kita e
    Reff. Ernalem gelah !
Tutus min gelah
O, Yesusku bahan aku
Ernalem gelah

4. Maka aku lit bas dame
    Kam empuna geluhku
    Riah ukur susah ate
    Kuendesken man baNdu
    Reff. Ernalem gelah !
Tutus min gelah
O, Yesusku bahan aku
Ernalem gelah

5. Ibas picet, kesusahen
    Mungkuk kuadepenNa
    Ola gegeh ipenalem
    Tapi pasu-pasuNa
    Reff. Ernalem gelah !
Tutus min gelah
O, Yesusku bahan aku
Ernalem gelah

6. Adi reh pe marak‘lesa
    Lit kap man gelemenku
    Ban tetap keleng ateNa
    Si ngalemi pusuhku
    Reff. Ernalem gelah !
Tutus min gelah
O, Yesusku bahan aku
Ernalem gelah

Sinusurkenca Panitia Ende-Enden GBKP 1979-1984
Download slide PowerPoint KEE No. 202

Join Grup Telegram dan Grup WA saya untuk mendapatkan update...

KEE No. 201 Malem Ate Tuhu-tuhu

KEE No. 201 : 1-4 (Malem Ate Tuhu-tuhu)

1. Malem ate tuhu-tuhu
    Siernalem man baNdu
    Kam Dibata si ‘njadiken
    langit ras doni enda
    Sal-saliNdu pusuh kami
    Maka t’rangNdu tergejap
    Kalak si tek la kap bene
    ‘Ban kelengNdu e tetap

2. Matawari, bulan, bintang
    Kam nepasa jadi t’rang
    Doni enda dem isina
    Labo kai pe si kurang
    K’rina si erkesah gia
    Nggeluh i doni enda
    Bagi si ngerana nina :
    “Kam Tuhan si Madasa”

3. Tetap kuakuken IA
    Ibas kinitekenku
    Kam me ngenca si mbelinNa
    Kusembah bas geluhku
    Yesus Kam nggo mate jine
    Man penebus dosangku
    Tetaplah min aku dage
    Ibas geluh si mbaru

4. Aloken Kamlah o, Bapa
    Kuendesken geluhku
    KesahNdu min ngajarisa
    Lah kuteh nembah baNdu
    Pasu-pasu min kerina
    Daging, ukur, tendingku
    Gelah arah tan ras kata
    Ipujina gelarNdu

Sinusurkenca Panitia Ende-Enden GBKP 1979-1984
Download slide PowerPoint KEE No. 201

Join Grup Telegram dan Grup WA saya untuk mendapatkan update...