KEE No. 373 O Tuhan Kam si nemani aku

KEE No. 373 : 1-3 (O Tuhan Kam si nemani aku)

1. O Tuhan Kam si nemani aku,
    Kukataken lalap bujur baNdu,
    Gegeh kuasaNdu benteng geluhku
    Ras ngaloken pasu-pasuNdu

2. O Tuhan mbelin kal kuasaNdu
    B’reNdu denga tetap gegeh bangku
    Geluhku ibas keleng ateNdu
    Tetap dame teneng tendingku

3. Tuhanku si ncukupi geluhku
    PemereNdu la terkira bangku
    Pendahinku i pasu-pasuNdu
    O Tuhan malem me ateku

Hamid A. Barus 2007
Download slide PowerPoint KEE No. 373

Join Grup Telegram dan Grup WA saya untuk mendapatkan update...

KEE No. 372 Pujilah Tuhan si Badia

KEE No. 372 : 1-3 (Pujilah Tuhan si Badia)

1. Pujilah Tuhan si Badia
    Puji perbahanenNa si mbisa.
    Embus suling, terompet
    Cawir ban sorana
    Puji Tuhan si Mada k’rina tinepa

2. Suraklah o doni kerina
    Rende muliakenlah gelarNa
    Bujur perbahanenNa
    La pedas merawa
    Puji Tuhanta ibas lias ateNa

3. O tendingku puji Dibata
    Alu dem keriahen pujilah
    Kerina si erkesah
    Ia si madasa
    Puji Tuhan si Mada k’rina tinepa

Pdt. Albert Purba 2007
Download slide PowerPoint KEE No. 372

Join Grup Telegram dan Grup WA saya untuk mendapatkan update...

KEE No. 371 Ku Kam aku cicio o Tuhan

KEE No. 371 : 1-2 (Ku Kam aku cicio o Tuhan)

1. Ku Kam aku cicio o Tuhan
    Eme bas toto dalanku mindo
    Ibas geluhku kataNdu min tersuan
    Gelah kinitekenku payo.
    Reff. Dengkehken aku o Dibatangku
lalit deban penalemen
Ukurku jore ndeleku bene
perban Kam kap singaturekenca

2. ‘Di reh pe mara nderpa aku o Tuhan
    Bahan ‘ku paguh dingen megegeh
    Ibas ngaloken penampatNdu ‘ku atan
    Ukur si monce pedas nehseh.
    Reff. Dengkehken aku o Dibatangku
lalit deban penalemen
Ukurku jore ndeleku bene
perban Kam kap singaturekenca

Pdt. Albert Purba 2007
Download slide PowerPoint KEE No. 371

Join Grup Telegram dan Grup WA saya untuk mendapatkan update...

KEE No. 370 Perkuah ate idur Dibatanta

KEE No. 370 : 1-3 (Perkuah ate idur Dibatanta)

1. Perkuah ate idur Dibatanta
    Enggo nemani kegeluhenta
    Kita kerina enggo pegegehiNa
    Nggo sibegiken Kata pedahNa

2. Mejuah-juah man banta kerina
    Si salamen ku kawes kemuhen
    Seh jumpa ka kita pagi kerina
    Bas perminggun tah bas perpulungen

3. Keguluten enggo kap siendesken
    Ulanai min si baba mulihken
    Latih ukur kerina si tadingken
    Siang ayonta mari tuduhken

Junaedi Sinuhaji 2008
Download slide PowerPoint KEE No. 370

Join Grup Telegram dan Grup WA saya untuk mendapatkan update...

KEE No. 369 O, Dibata Kam pengarapanku

KEE No. 369 : 1-3 (O, Dibata Kam pengarapanku)

1. O, Dibata Kam pengarapanku
    Malem kal ateku ibahanNdu
    Perban e kupuji Kam Tuhanku
    Rasa lalap seh rasa lalap

2. O Tuhan, kam me kap kecionku
    Tupung aku ‘bas kiniseranku
    Perban e ku puji Kam Tuhanku
    Rasa lalap seh rasa lalap

3. Asum ‘ku ngenanami percuban
    Ib’reNa gegeh ras dalan pulah
    Perban e ku puji Kam Tuhanku
    Rasa lalap seh rasa lalap

Johanes Sitepu
Download slide PowerPoint KEE No. 369

Join Grup Telegram dan Grup WA saya untuk mendapatkan update...

KEE No. 368 Si puji Tuhan Dibatanta

KEE No. 368 : 1-3 (Si puji Tuhan Dibatanta)

1. Si puji Tuhan Dibatanta,
    Kataken bujur bana
    Sabab Ia si merekenca
    Pasu-pasu man banta.
    Reff. Mbelin ras mulia kekelengan Tuhan
kubas doni enda
Ajari O Tuhan kami k’rina anakndu
naksiken kerina perbahanenNdu.

2. Geluh kami meriah tuhu,
    k’rina si k’rajangenNdu.
    Sabab kalak si nembah baNdu,
    Datken pasu-pasuNdu.
    Reff. Mbelin ras mulia kekelengan Tuhan
kubas doni enda
Ajari O Tuhan kami k’rina anakndu
naksiken kerina perbahanenNdu.

3. I inget kami padan Tuhan,
    bas kegeluhen kami.
    Kam si mereken kegeluhen,
    mpetetap ukur kami.
    Reff. Mbelin ras mulia kekelengan Tuhan
kubas doni enda
Ajari O Tuhan kami k’rina anakndu
naksiken kerina perbahanenNdu.

Frida Deliana Harahap
Download slide PowerPoint KEE No. 368

Join Grup Telegram dan Grup WA saya untuk mendapatkan update...

KEE No. 367 Kam Tuhan Dibata simada kuasa

KEE No. 367 : 1-3 (Kam Tuhan Dibata simada kuasa)

1. Kam Tuhan Dibata simada kuasa
    Singkelini k’rina doni enda
    Badia gelarNdu mulia me tuhu
    Kupuji gelarNdu bas geluhku
    Kam Tuhan Dibata simada kuasa
    Singkelini k’rina doni enda

2. Kam Tuhan Dibata simada kuasa
    Singerajai k’rina nasana
    K’rina tinepaNdu nembah mungkuk baNdu
    Rasa lalap mujiken gelarNdu
    Kam Tuhan Dibata simada kuasa
    Singerajai k’rina sinasana

3. Kam Tuhan Dibata simada kuasa
    Si petetap ukur kami k’rina
    Ajar kami nembah ras muji gelarNdu
    ‘lah metunggung ibas adepenNdu
    Kam Tuhan Dibata simada kuasa
    Si mpetetap ukur kami k’rina

Lagu : Pdt. K. Purba
Syair : BPIMG 2009
Download slide PowerPoint KEE No. 367

Join Grup Telegram dan Grup WA saya untuk mendapatkan update...

KEE No. 366 Kataken bujur man Tuhan

KEE No. 366 : 1-4 (Kataken bujur man Tuhan)

1. Kataken bujur man Tuhan
    ‘rkiteken kiniulinNa
    KekelengenNa man banta
    Tetap seh rasa lalap
    Reff. Rendelah muji Tuhan
si turikenlah min
perbahanenNa banta
si enggo sialoken

2. Meriahlah min ateta,
    Sabab kita si k’rajangNa
    Meriah dage ukurta,
    Si tetap nembah baNa
    Reff. Rendelah muji Tuhan
si turikenlah min
perbahanenNa banta
si enggo sialoken

3. Malem kal tuhu ateta,
    Bujur kal perbahanenNa
    Pasu-pasuNa geluhta,
    Si tetap nembah baNa
    Reff. Rendelah muji Tuhan
si turikenlah min
perbahanenNa banta
si enggo sialoken

4. Pehaga Tuhan kap kita,
    Si nginget ersembah baNa
    itemaniNa kap kita,
    Kita si rembak rasSa
    Reff. Rendelah muji Tuhan
si turikenlah min
perbahanenNa banta
si enggo sialoken

Lagu : Frida D. Harahap 2007
Syair : Pdt. Mestika N. Ginting 2010
Download slide PowerPoint KEE No. 366

Join Grup Telegram dan Grup WA saya untuk mendapatkan update...

KEE No. 365 Kudahi Kam Tuhan Dibatangku

KEE No. 365 : 1-4 (Kudahi Kam Tuhan Dibatangku)

1. Kudahi Kam Tuhan Dibatangku
    Kupenangkih totonku man baNdu
    Kukataken bujur ermengkah ukurku
    Ibas ngaloken perkuah ateNdu
    Reff. Nggo tangkas peratenNdu
bas geluhku
Bujur o Bapa nggo malem ateku

2. Ku puji Kam Tuhan Dibatangku
    Alu rende ku puji GelarNdu
    Riahna ukurku ibahanNdu Tuhan
    ‘bas ngaloken keleng ateNdu Tuhan
    Reff. Nggo tangkas peratenNdu
bas geluhku
Bujur o Bapa nggo malem ateku

3. Kusembah Kam Tuhan Dibatangku
    Alu ukurku ras gegehku e
    Erlayas pusuhku ibahan Tuhanku
    I bas ngaloken pasu-pasuNdu e
    Reff. Nggo tangkas peratenNdu
bas geluhku
Bujur o Bapa nggo malem ateku

4. AlokenNdu min puji sembahku
    Begikenlah totoku man baNdu
    T’rangiNdu ‘lah min pusuh ras peratenku
    Kuikutken Kam segedang geluhku
    Reff. Nggo tangkas peratenNdu
bas geluhku
Bujur o Bapa nggo malem ateku

Jaya Ginting 2007
Download slide PowerPoint KEE No. 365

Join Grup Telegram dan Grup WA saya untuk mendapatkan update...

KEE No. 364 Kukataken bujur baNdu Tuhan

KEE No. 364 : 1-2 (Kukataken bujur baNdu Tuhan)

1. Kukataken bujur baNdu Tuhan,
    Perban lias ras perkuah ateNdu
    Tupung aku i k’leweti kinis’ran,
    Iampang-ampangiNdu aku la ku bene
    O Bapa Kam ku lebuh,
    IaloiNdu aku
    Alu gegehNdu Tuhan
    IpegegehiNdu aku o Bapa

2. Kupersembahken geluhku man baNdu
    Sebab Kam kap ulu gegeh geluhku
    Lanai lit kebiaren di ras Tuhan,
    Kuasa ras kataNdu mb’re aku menang
    O Bapa Kam ku lebuh,
    IaloiNdu aku
    Alu gegehNdu Tuhan
    I pepalemNdu aku o Tuhanku

Maria R. br. Surbakti, 2 September 2009
Download slide PowerPoint KEE No. 364

Join Grup Telegram dan Grup WA saya untuk mendapatkan update...

KEE No. 363 O Kam Dibatangku

KEE No. 363 : 1-3 (O Kam Dibatangku)

1. O Kam Dibatangku,
    Kudarami dingen tedeh ateku
    Mesikel aku nandangi Kam,
    Desken taneh tenggiring si kerah
    Reff. Ku puji Kam, ku puji Kam
bas kegeluhenku
Kam si mulahi aku,
bas k’rina kinis’ran

2. O Kam Dibatangku,
    Pelepas kuidah Kam irumahNdu
    Maka kuidah kemulianNdu,
    Kupuji Kam ateku bas g’luhku
    Reff. Ku puji Kam, ku puji Kam
bas kegeluhenku
Kam si mulahi aku,
bas k’rina kinis’ran

3. Kidekah umurku,
    Aku reh ngataken bujur man baNdu
    Nare tanku erlebuh baNdu,
    Alu ende-enden si meriah
    Reff. Ku puji Kam, ku puji Kam
bas kegeluhenku
Kam si mulahi aku,
bas k’rina kinis’ran

Lagu : Pdt. Abdi Jaya Barus, 2008
Syair : Pdt. Sinar Rehaganta Barus
Download slide PowerPoint KEE No. 363

Join Grup Telegram dan Grup WA saya untuk mendapatkan update...

KEE No. 362 Alemi Dosangku

KEE No. 362 : 1-3 (Alemi Dosangku)

1. AlemiNdu aku bas dosangku
    AlemiNdu aku bas lepakku
    O Tuhan sasap min
    O Yesus sasap min
    Alemi dosangku

2. Si la payo dem ibas geluhku
    Ngaku aku baNdu o Yesusku
    O Tuhan sasap min
    O Yesus sasap min
    Alemi dosangku

3. Ku janari ‘ku baba geluhku
    dengkehkenNdu min pingko-pingkoku
    O Tuhan sasap min
    O Yesus sasap min
    Alemi dosangku

Pdt. Abdi Jaya Barus 2007
Download slide PowerPoint KEE No. 362

Join Grup Telegram dan Grup WA saya untuk mendapatkan update...

KEE No. 361 Yesus terangku

KEE No. 361 : 1 (Yesus terangku)

1. Yesus terangku
    Tendang man nahengku
    Ula keg’lapen ringan bas aku
    Yesus tetap tendang man nahengku
    Bahan gelah kualoken kelengNdu

Syair: Jesus le Christ (erpalasken Santo Augustinus), terj. BPIMG 2009
Musik : Jacques Berthier / c Les Presses de Taize
Download slide PowerPoint KEE No. 361

Join Grup Telegram dan Grup WA saya untuk mendapatkan update...

KEE No. 360 Ibas Tuhan aku megegeh

KEE No. 360 : 1 (Ibas Tuhan aku megegeh)

1. Ibas Tuhan aku megegeh,
    Tuhan me kupujiken
    Tuhan me jadi gegehku
    Ibas IA lit kesenangen
    Ibas IA lit kesenangan

Syair: Elsenor es la meva forca (Masmur 118:6,14), terj. BPIMG 2009
Musik : Jacques Berthier, 1989 / c Les Presses de Taize
Download slide PowerPoint KEE No. 360

Join Grup Telegram dan Grup WA saya untuk mendapatkan update...

KEE No. 359 Kerina anak Tuhan

KEE No. 359 : 1 (Kerina anak Tuhan)

1. Kerina anak Tuhan pujilah IA
    Kerina anak Tuhan pujilah gelarNa
    Kerina bangsa-bangsa,
    Pujilah Tuhan
    Kerina bangsa-bangsa,
    Pujilah gelarNa.

Syair: Laudaste omnes gentes (Masmur 117:1), terj. BPIMG 2009
Musik : Jacques Berthier, 1978 / c Les Presses de Taize
Download slide PowerPoint KEE No. 359

Join Grup Telegram dan Grup WA saya untuk mendapatkan update...

KEE No. 358 Muliakenlah o tendingku

KEE No. 358 : 1 (Muliakenlah o tendingku)

1. Muliakenlah o tendingku,
    Muliaken Tuhan Dibata o tendingku
    Muliakenlah, muliakenlah,
    Muliaken Tuhan o tendiku
    Muliakenlah o tendingku,
    Muliaken Tuhan Dibata o tendingku
    Muliakenlah, muliakenlah,
    Muliaken Tuhan o tendiku

Syair: Magnificat (bd. Lukas 1 : 46-47), terj. BPIMG 2009
Musik : Jacques Berthier, 1978 / c Les Presses de Taize
Download slide PowerPoint KEE No. 358

Join Grup Telegram dan Grup WA saya untuk mendapatkan update...

KEE No. 357 Ula kam mbiar

KEE No. 357 : 1 (Ula kam mbiar)

1. Ula kam mbiar,
    Ula kam gentar
    Ibas Tuhanta labo lit kurang
    Ula kam mbiar,
    Ula kam gentar
    Tuhan si njamini

Syair: Nada te turbe, terj. BPIMG 2009
Musik : Jacques Berthier, 1984 / c Les Presses de Taize
Download slide PowerPoint KEE No. 357

Join Grup Telegram dan Grup WA saya untuk mendapatkan update...

KEE No. 356 Rehlah o Kesah Tuhan

KEE No. 356 : 1 (Rehlah o Kesah Tuhan)

1. Rehlah o Kesah Tuhan,
    Pegara api kekelengenNdu
    Reh o Kesah Badia,
    Rehlah o Kesah Tuhan

Syair: Veni Sancte Spiritus, terj. BPIMG 2009
Musik : Jacques Berthier, c Les Presses de Taize
Download slide PowerPoint KEE No. 356

Join Grup Telegram dan Grup WA saya untuk mendapatkan update...

KEE No. 355 Alemi aku

KEE No. 355 : 1 (Alemi aku)

1. Alemi aku, o Tuhan alemi
    Ibas dosangku, alemilah Tuhan

Pdt. Abdi Jaya Barus, 2008
Download slide PowerPoint KEE No. 355

Join Grup Telegram dan Grup WA saya untuk mendapatkan update...

KEE No. 354 Kam si mbelin

KEE No. 354 : 1-3 (Kam si mbelin)

1. Kam si mbelin, Kam terb’rita
    Kam kap sitermulia.
    Mehuli Kam, dingen erkuasa
    Kam si mada k’rina sinasa
    Reff. Sinalsal keleng ate Tuhan
Bagi emas si labo luntur
Rejin tuhu dolatNdu Tuhan
Ngarak-ngarak kegeluhen

2. Erta-erta, kebayaken
    Ibas kam nari rehen
    Kam merentah alu kuasa
    Ras gegehNdu Tuhan Dibata
    Reff. Sinalsal keleng ate Tuhan
Bagi emas si labo luntur
Rejin tuhu dolatNdu Tuhan
Ngarak-ngarak kegeluhen

3. Genduari, o Dibata
    Ku sehken bujur baNdu
    Terpuji Kam si mada k’rina
    Si ngkelengi kegeluhenku
    Reff. Sinalsal keleng ate Tuhan
Bagi emas si labo luntur
Rejin tuhu dolatNdu Tuhan
Ngarak-ngarak kegeluhen

Pdt. Abdi Jaya Barus, Januari 2010
Download slide PowerPoint KEE No. 354

Join Grup Telegram dan Grup WA saya untuk mendapatkan update...

KEE No. 353 O Tuhan si melias

KEE No. 353 : 1-3 (O Tuhan si melias)

1. O Tuhan si melias
    Begikenlah min perotonku
    Tuhan ula tundalken aku
    Bengketilah geluhku
    Aloi aku, aloi gelah
    Tuhan si perkuah,
    Begikenlah totonku

2. O Tuhan si melias
    Pegegehi perukurenku
    Gelah ajar-ajarNdu k’rina
    Megegeh bas percuban
    Rehlah, rehlah, kuasaNdu
    Tuhan siperkuah,
    layasi ukur kami

3. O Tuhan si melias
    Begikenlah min pertotonku
    Ola tundalken pemindonku
    Dengkehken min totonku
    Aloi aku aloi gelah
    Tuhan siperkuah,
    Begikenlah totonku.

Pdt. Abdi Jaya Barus, 12 Juni 2007
Download slide PowerPoint KEE No. 353

Join Grup Telegram dan Grup WA saya untuk mendapatkan update...

KEE No. 352 Perdalinenku ku surga

KEE No. 352 : 1-4 (Perdalinenku ku surga)

1. Perdalinenku ku surga,
    Em pertotonku si tetap
    Ku ingan senang si tetap,
    Bahan langkahku e tetap
    Reff. O Tuhan tegulah aku,
Tuhan petetap jingkangku
Ku ingan si tetap paguh,
Tuhan petetap langkahku

2. Ateku labo min tetap,
    Beber ukur dingen mberat
    Tedehku Kam O Tuhan,
    Kam kesikelku si tetap
    Reff. O Tuhan tegulah aku,
Tuhan petetap jingkangku
Ku ingan si tetap paguh,
Tuhan petetap langkahku

3. Ateku nggeluh bas benar,
    Ndauh ‘bas g’luh si meluat
    Perpulungen si Badia,
    Ndilo aku ‘lah megermet
    Reff. O Tuhan tegulah aku,
Tuhan petetap jingkangku
Ku ingan si tetap paguh,
Tuhan petetap langkahku

4. Ateku ndahi Kam Tuhan,
    Tedeh sikelku e ku kam
    O Tuhan tegu jingkanku,
    Bahan aku rembak ras Kam
    Reff. O Tuhan tegulah aku,
Tuhan petetap jingkangku
Ku ingan si tetap paguh,
Tuhan petetap langkahku

Lagu : Charles H. Gabriel, 1898
Syair Asli : I'm Praising on the upward way / Haigel Grond
Syair Karo : Pdt. E.P. Ginting, 2007
Download slide PowerPoint KEE No. 352

Join Grup Telegram dan Grup WA saya untuk mendapatkan update...

KEE No. 351 Entebu gelar Yesus e

KEE No. 351 : 1-6 (Entebu gelar Yesus e)

1. Entebu gelar Yesus e
    Man banta si tek e
    Ngapuli pusuh serbut e
    Si mbiar pe teneng.

2. Ban Yesus teneng pusuh e
    Si luka malem pe
    Kesikel pusuh sembuh me,
    Si latih senang pe.

3. GelarNdu batu karangku,
    Sekawal geluhku
    Ibas Kam simpar pemere
    Ib’reNdu man bangku.

4. O Yesus Kam Tuhanku,
    Dalan keg’luhenku
    Kam nabi imam rajangku,
    Aloken sembahku

5. Gundari kote ukurku
    Gegehku pe kurang
    Denggo pujinku pe serta
    Bas adepenNdu e.

6. KelengNdu e kucecarken
    Sedekah geluhku
    GelarNdu m’reken si malem
    Seh ujung geluhku

Lagu : Alexander Robert Reinagle, 1799-1877
Syair Asli : How Sweet the Name og Jesus Sound
Syair Karo : Pdt. E.P. Ginting, 26 Juli 2007
Download slide PowerPoint KEE No. 351

Join Grup Telegram dan Grup WA saya untuk mendapatkan update...