KEE No. 26 O, Tuhanku Ajar Aku

KEE No. 026 : 1-3 (O, Tuhanku Ajar Aku)

1. O, Tuhanku ajar aku,
    Arah Kata ras Kesah.
    Maka kueteh rananNdu,
    Janah kuikutkenlah.
    Aku min taruhken Kam,
    Arah dalin simehuli.
    Kupimai lalap Kam,
    E maka aku iapuli.

2. Kekelengen Dibatanta,
    La ersibar la ‘rkerin.
    Amin papak gia kita,
    TuduhkenNa dalin kin.
    Kalak itaruhkenNa,
    Adi lembap me ukurna.
    Ukum iajarkenNa,
    Man si nembah rusur baNa.

3. Singikutken Dibatanta,
    Daten kerembakenNa.
    T’rang ibassa pedah, kata,
    Padan ipadankenNa.
    Mata ukur nare kap,
    Lah kuidah Dibatangku.
    E si naruh si tetap,
    Si nuduhken dalin bangku.

Sinusurkenca Pdt. M. Joustra
Download slide PowerPoint KEE No. 26

Join Grup Telegram dan Grup WA saya untuk mendapatkan update...

KEE No. 25 Kam Kukelengi Tuhan Si Tetap

KEE No. 025 : 1-4 (Kam Kukelengi Tuhan Si Tetap)

1. Kam kukelengi Tuhan si tetap,
    Megati ibegi Kam pertotonku,
    La leja Kam ndengkehken pemindonku,
    Nggit Kam nampati aku i gelap.

2. Sangana aku i kiniseran,
    E minter ialemi Kam ateku.
    Kuakap ntabeh malem me ateku,
    La aku ‘rbanca, tapi Kam Tuhan.

3. O, Bapa alu pendahin kai kin,
    Kubalas k’rina pemereNdu bangku ?
    E kidekah geluhku ‘bas rumahNdu,
    Kusehken baNdu ‘nde-nden pujin.

4. E tutus min ukurku e ku Kam,
    Geluhku kuendesken ibas tanNdu.
    Kutera pe kuarap saja baNdu,
    Penalemenku ras Bapangku kam.

Sinusurkenca Pdt. M. Joustra
Download slide PowerPoint KEE No. 25

Join Grup Telegram dan Grup WA saya untuk mendapatkan update...

KEE No. 024 Dibatalah Si Pekenasa

KEE No. 024 : 1-4 (Dibatalah Si Pekenasa)

1. Dibatalah si pekenasa,
    Ia si arap gelah min.
    Sabab ‘di iadi mekelesa,
    Lit kecion ibasSa kin.
    ‘Di tek ngenehen Bapa ndai,
    Kai naring kebiarta e?

2. E mbiar pe la lit gunana,
    ‘Di jungut-jungut pe bage.
    Tah tangis gia ‘ban serana,
    La kal kepe terakap e.
    Adina reh pe percuban,
    Totonku baNalah kuban.

3. E lit nge sada dalin ngenca
    Ku Tuhan ukurndu e.
    Adi meling ibas geluhta,
    IsampatiNa kam kepe.
    ‘Di kinitekenndu tetap,
    Jujuren Tuhan si gejap.

4. Dagina pegedang atendu,
    Ukurndu nuhit ku dahin.
    Kuga pe malem me atendu,
    Megenggenglah, ertoto min.
    ‘Di tare ku Bapanta ‘das,
    Lit lalap kap Temanta ras.

Sinusurkenca Pdt. M. Joustra
Download slide PowerPoint KEE No. 24

Join Grup Telegram dan Grup WA saya untuk mendapatkan update...

KEE No. 23 O, Bapa La Terimpit Kam

KEE No. 23 : 1-2 (O, Bapa La Terimpit Kam)

1. O, Bapa la terimpit Kam,
    I das i doni e pe lang.
    Kam saja si ateku ngena,
    La lit si deban si erbanca.
    Makana malem mesera,
    Tah picet entah kutera.
    Kam lalap pematangku kin,
    K’rajangku la ‘rkeri-kerin.

2. Endekenlah ku Kam dage,
    ‘Di mbiar aku tah ndele.
    Kam si meparas ikelengi,
    Sabab sangana tengah berngi,
    Nggo itegu Kam aku kap,
    Naruhken aku idur g’lap.
    Ku dalin mekelek senang,
    Kuidah je ayoNdu t’rang.

Sinusurkenca Pdt. M. Joustra
Download slide PowerPoint KEE No. 23

Join Grup Telegram dan Grup WA saya untuk mendapatkan update...

KEE No. 22 Idas Deleng Dibata

KEE No. 22 : 1-4 (Idas Deleng Dibata)

1. Idas deleng Dibata,
    Teruh I laut kepe.
    Ku japa lawes kita,
    I je Dibata pe.
    Di kabang ukur gia,
    Tah ndauh ndeher e.
    Teruh i datas Ia,
    Dibata japa pe.

2. Tetap me kap mataNa,
    Ngenehen k’rina nge.
    Si ngikut perkatanNa,
    IsampatiNa e.
    JujurenNa terakap,
    Ibas si turah kin.
    Asa nggeluh me lalap,
    Pujiken Tuhan min.

3. Si lit ‘bas awang-awang,
    Si muit ibas lau.
    Si njoler ras si kabang,
    Si ndeher ras si ndauh.
    Tah matawari, bulan,
    Ras bintang si terang.
    Pujina naring Tuhan,
    Ban ate si senang.

4. Tek K’risten japa gia,
    Dibata me kepe.
    Di picet je kap Ia,
    Di susah nampat pe.
    Penampat kalak kurang,
    Dibata ndeher e.
    K’rajangta ‘banNa nahang,
    Dibata japa pe.

Sinusurkenca Pdt. E. J. Van den Berg
Download slide PowerPoint KEE No. 22

Join Grup Telegram dan Grup WA saya untuk mendapatkan update...

KEE No. 21 O, Tuhan Si Erkuah Ate

KEE No. 21 : 1-5 (O, Tuhan Si Erkuah Ate)

1. O, Tuhan sierkuah ate,
    Man kami si perdosa e.
    Ipuji kami me GelarNdu,
    Perban liasNdu mbelin e.
    Dengkehken sora kami e,
    Begiken toton kami pe.

2. Ibahan Kam kap purpursage,
    Nasapken dosa kami e.
    Em kap erbahan penangtangen,
    Man kami si tertaban e.
    Ermengkah ate baNdu e,
    O, Tuhan Bapa kami e.

3. Reh kap pe Kesah Si Badia,
    Isuruh Kam ku kami ka.
    Peteguh kiniteken kami,
    Kami si nggo ipilih Kam.
    Perban si e seh baNdu nge,
    Pujin ras sembah kami e.

4. Isehken kami bujur baNdu,
    O, Tuhan o, Dibatangku.
    Labo ateNdu kami bene,
    Tapina gelah terkelin.
    Petetap ukur kami e,
    Aminna masap doni e

5. Tah kematen  tah kegeluhen,
    Tah sui ate susah pe.
    Labo terbanca kami sirang,
    Ras lias ateNdu Tuhan.
    Tapina Kam m’re gegeh e,
    Menang me tuhu aku pe.

Sinusurkenca Gr. Ag. N. Sinuraya
Download slide PowerPoint KEE No. 21

Join Grup Telegram dan Grup WA saya untuk mendapatkan update...

KEE No. 20 Reh Kam Min, Reh Kam Min

KEE No. 20 : 1-3 (Reh Kam Min, Reh Kam Min)

1. Reh Kam min, reh Kam min!
Dahi Tuhan simbelin.
B’reken baNa ras pujin.
Dahi min, dahi min, dahi min.

2. Inget min, inget min!
Ngaruh Tuhan bandu kin.
PemereNa la ‘rkerin.
Inget min, inget min, inget min.

3. Pindo min, pindo min!
Pasu-pasu Tuhan kin.
Sangap kam ibas dahin.
Pindo min, pindo min, pindo min.

Sinusurkenca Gr. Ag. M. Siregar
Download slide PowerPoint KEE No. 20

Join Grup Telegram dan Grup WA saya untuk mendapatkan update...

KEE No. 19 Jujuren Tuhan Bujur Me

KEE No. 19 : 1-5 (Jujuren Tuhan Bujur Me)

1. Jujuren Tuhan bujur me,
    Mehuli perbahanNa.
    La mbiar aku pe bene,
    Geluhku ibas tanNa.
    Di mesera entah kuga,
    La picet kuakap,
    Dibata Raja lalap.

2. Jujuren Tuhan bujur me,
    KataNa banci iarap,
    DalinNa pinter me kepe,
    Meriah me kuakap.
    ‘Di latih tah lanai ‘rkesah,
    Penampat Dibatangku,
    Terakap minter bangku.

3. Jujuren Tuhan bujur me
    Totonku ibegiNa.
    Iakap kam adi bage,
    La kang isampatiNa?
    La pada pe ukur ndele,
    Ma Bapa si metehsa?
    Dibata masangkenca.

4. Jujuren Tuhan bujur me,
    Em kap penalemenku.
    La duri saja bangku e,
    Lit rudang pe k’rajangku.
    Di mesera, megati ka,
    Lit si ntebu singgurna,
    Dibata njujurisa
 
5. Jujuren Tuhan bujur me,
    Mehuli kerajangku.
    ‘Di picet gia ukurku e,
    Ije pe lit idongku.
    Adi tetap man bangku kap,
    Geluh si rasa lalap,
    Enggo senang kuakap.

Sinusurkenca Pdt. M. Joustra
Download slide PowerPoint KEE No. 19

Join Grup Telegram dan Grup WA saya untuk mendapatkan update...

KEE No. 18 O, Bapa Si Ni Das

KEE No. 18 : 1-3 (O, Bapa Si Ni Das)

1. O, Bapa kami si ni das,
    Meriah kami k’rina ras,
    Megiken ende-endenNdu jenda.
    Mesikel ate kami reh,
    Ku jendalah kami meteh,
    Ajaren Tuhan kami enda.
    Meriah ukur mekelek,
    Di tutus ate kami tek.

2. Ertuah kalak me kepe,
    Di baNdulah ernalem pe,
    Pilihna kap dalinna pinter.
    K’rajangna gia mesera,
    ‘Di nampat Kam Ia kutera,
    Sangapna me terakap minter.
    Riahna la ‘keri-kerin,
    LiasNdu saja man pujin.

3. Kam, Bapa, matawari kap,
    Ras ampang-ampang si tetap,
    Nerangi ras ‘ngkawali kami.
    Tah kutera tah mate pe,
    La kap melumang la bene,
    KiniulinNdu seh man kami.
    ‘Di payo lagu kami kin,
    Janahna tek kataNdu kin.

Sinusurkenca Pdt. M. Joustra
Download slide PowerPoint KEE No. 18

Join Grup Telegram dan Grup WA saya untuk mendapatkan update...

KEE No. 17 Dibata Mekelek Mekuah

KEE No. 17 : 1-4 (Dibata Mekelek Mekuah)

1. Dibata mekelek mekuah,
    NgaruhNa banta kurang kin?
    Lang! Lalap kapen lit nge tuah,
    Ula dage des ate min!
    Lang! Arus kita k’rina ‘rsembah,
    Man Tuhan Dibatanta e.
    Ateta gel-gelmin ermengkah,
    Man si la lupa banta e.

2. Kita enda kai dage gunana,
    Man Tuhan si mulia e?
    Aminna simbak pe kataNa,
    IpekenaNa ukurta e.
    Tah ise singapuli aku,
    Si ‘rbanca ukur nggo dedas?
    Kepeken Tuhan Dibatangku,
    E maka ateku nggo melas.

3. E banci kin la ku malang,
    Ngenehen Tuhan si bage?
    TuduhkenNa man bangku dalan,
    La banci lang kuikutken e.
    PedahNdu min ncekem ateku,
    KataNdu siat tangkel min.
    Kam kukelengi seh mateku,
    Temanku bali aku kin
 
4. O, Tuhan, Kam min kuinget rusur,
    Kam lalap sekawalku e.
    Tepet min aku ku si bujur,
    Geluhku k’rina baNdu nge.
    Tegulah aku ‘di meriah,
    Apulilah ‘di mesera.
    Makana labo aku mbiar,
    Tah mate pe la kutera.

Sinusurkenca Pdt. M. Joustra
Download slide PowerPoint KEE No. 17

Join Grup Telegram dan Grup WA saya untuk mendapatkan update...

KEE No. 16 Ibas Kam Tuhan Nari

KEE No. 16 : 1-4 (Ibas Kam Tuhan Nari)

1. Ibas Kam Tuhan nari,
    Si bangku k’rina e.
    NgaruhNdu genduari,
    NgaruhNdu pagi pe.
    ‘Di celus me naheku,
    Keleng ateNdu kap.
    Tundalen seh mateku,
    Kam saja si tetap

2. ‘Di mindo me nuate,
    Leben kap Kam mere.
    ‘Dikukur ndele ate,
    Pesinik Tuhan pe.
    Kam lalap penalemen,
    ‘Di ceda ate kap.
    La saja penggelemen,
    Isampat Kam tetap.

3. Bagi ateNdu kapen,
    Bage ateku min.
    Lah langkah pe tetapen,
    Taruhken aku min.
    Min erta surga bangku,
    Si lalap la bene.
    Lah la gelap matangku,
    La gulut ukur pe.

4. Kusembah Kam nge rusur,
    Kam si bujurna kap.
    Tendingku, kesah, ukur,
    Ku Kamlah me tetap.
    La gia kai pe bangku,
    Lah tanNdu me negu.
    ‘Di pagit me k’rajangku,
    Ras Tuhan me ntebu.

Sinusurkenca Pdt. E. J. Van den Berg
Download slide PowerPoint KEE No. 16

Join Grup Telegram dan Grup WA saya untuk mendapatkan update...

KEE No. 15 Kataken Bujur Min

KEE No. 15 : 1-2 (Kataken Bujur Min)

1. Kataken bujur min,
    Kam k’rina sini jenda.
    Man Dibatandu e,
    Singidah kita enda.
    Singk’lini kita kap,
    Ibas AnakNa e.
    Sim’reken lalap kin,
    NgaruhNa pemere.

2. Man baNdu o, Tuhan,
    Kesahku ras tendingku.
    Kupersembahkenlah,
    Gegehku ras dagingku.
    Aloken o, Bapa,
    Keleng ateku min.
    Sebab kueteh tetap,
    E ngena ateNdu kin.

Sinusurkenca Pdt. J. H. Neumann
Download slide PowerPoint KEE No. 15

Join Grup Telegram dan Grup WA saya untuk mendapatkan update...

KEE No. 14 Haleluya Sembahku E

KEE No. 14 : 1-3 (Haleluya Sembahku E)

1. Haleluya! Sembahku e,
Man Bapa si mulia nge,
Sinepa doni enda.
GemgemenNa kuasa kap,
Ras pemetehNa si tetap,
Ras kita muji jenda.

2. Haleluya! Sembahku e,
Man Anak Dibatanta pe,
Si nusur surga nari.
Si nggancih manusia kap,
Kahulta si nerangi g’lap,
Si sembah genduari.

3. Haleluya! Sembahku e,
Man Kesah Si Badia pe,
Si nambar ate, ukur.
Man baNa si ngajari kin,
Lah jumpa Tuhan me pagin,
Man baNa sembah rusur.

Sinusurkenca Pdt. E. J. Van den Berg
Download slide PowerPoint KEE No. 14

Join Grup Telegram dan Grup WA saya untuk mendapatkan update...

KEE No. 13 Ende-Enden Kami Nangkih

KEE No. 13 : 1-2 (Ende-Enden Kami Nangkih)

1. Ende-enden kami nangkih,
Ku Tuhan mejemat.
Ras muji Kam la kami latih,
Ban ukur nggo tepat.
Tah ise siernalem baNdu,
Sorana ‘ndengkeh Kam,
E maka kasakai bangsaNdu,
Reh pagi ndahi Kam.

2. Nai nggo me aku talu kuakap,
Ibahan dosa e.
Metangkang m’aku nungsang lalap.
Bagidie lanai.
Sangapna kalak si ni dilo,
Ni ajar Kam Tuhan.
Akapna lanai kal meriso,
Di Kamlah man teman.

Sinusurkenca Pdt. M. Joustra
Download slide PowerPoint KEE No. 13

Join Grup Telegram dan Grup WA saya untuk mendapatkan update...

KEE No. 12 Haleluya La Erngadi-ngadi

KEE No. 12 : 1 (Haleluya La Erngadi-ngadi)

1. Haleluya! La erngadi-ngadi,
    Puji sembah, pemeteh.
    Ibas doni ibas surga jadi,
    K’rina e man Tuhan seh.
    Bapa singkelengi b’re min tuah,
    Kam o, Anak Bapa min mekuah,
    Kesah si Badia e,
    Rembak min ras kami pe.

Sinusurkenca Pdt. E. J. Van den Berg
Download slide PowerPoint KEE No. 12

Join Grup Telegram dan Grup WA saya untuk mendapatkan update...

KEE No. 11 Kam Bangsa Doni Marilah

KEE No. 11 : 1-3 (Kam Bangsa Doni Marilah)

1. Kam bangsa doni marilah,
    Ersurak k’rina dahilah!
    Ku Tuhan tutus peraten
    Endeken baNa ‘nde-enden

2. Ku rumah persembahen min,
    I jem Dibata man pujin.
    Soranta, peratenta ras,
    Peb’linken Tuhan si ni das

3. Bapanta erkeleng kepe,
    Ngenehen kita si ni je.
    KelengNa la ‘rkere-kerin,
    PadanNa labo mobar kin.

Sinusurkenca Pdt. M. Joustra
Download slide PowerPoint KEE No. 11

Join Grup Telegram dan Grup WA saya untuk mendapatkan update...

KEE No. 10 Si Endeken Min

KEE No. 10 : 1-4 (Si Endeken Min)

1. Siendeken min, ‘Nde-enden meriah.
    Man Tuhanta kin, Kasa kalak e,
    Rende muji pe. Arus muji Ia.

2. Ia pemere, ‘Bas Dibata nari.
    Man Rajanta e, Tuhan ras geluh.
    Nusur ku teruh, Idur Ia nari.

3. Kasa kai terang, Ngaruh entah tuah.
    Ban kelang-kelang, Pematangna kap.
    Ukur enggo tetap, Iban kami luah.

4. Jadi Kam kepe, Raja pilih kami.
    La nai terndele, Sitik kal pe lang.
    Di kesahNdu kang, Ngiani pusuh kami.

Sinusurkenca Pdt. M. Joustra
Download slide PowerPoint KEE No. 10

Join Grup Telegram dan Grup WA saya untuk mendapatkan update...

KEE No. 9 Dibata Saja Man Pujin

KEE No. 9 : 1-3 (Dibata Saja Man Pujin)

1. Dibata saja man pujin,
    Ersembah ‘rjimpuh kita min,
    Ermengkahlah ateta. Melias m’Ia bujur ka,
    La kita itadingkenNa, ‘Di kita mekelesa
    Dage teman ersuraklah !
    La ‘rsibar kekelengenNa, iligeniNa kita.
    Ibas ende-endenta e
    Nggit kita muji Bapa ndai,
    LiasNa ras ulinNa

2. Kam Tuhan Yesus baNdu pe,
    Ermengkah ate kami e,
    Kam idur Bapa nari.
    Kam pe metunggung dat pujin,
    Kam si ngajari kami kin,
    PedahNdu teptep wari.
    Tuhan, Raja, Kelang-kelang,
    Si maba kami ku bas t’rang
    Mehamat kami ngadap.
    E pagi k’rina jelma pe, M’ritaken kuasaNdu e
    Kam si ng’rajaisa lalap

3. Kesah Dibata pujilah, AjarenNa kepe pedah
    Man ikutenken lalap. Ja terbegi soraNa e,
    Je me tetap ateta pe, Je malem pe siakap.
    Kesah Dibata pekena,
    Ukurku maka saberlah,
    Lah olah pusuh nggine.
    Lah pagi lalap rembak ras,
    Tuhanku Bapa si ni das,
    Kam si erbanca jine

Sinusurkenca Pdt. M. Joustra
Download slide PowerPoint KEE No. 9

Join Grup Telegram dan Grup WA saya untuk mendapatkan update...

KEE No. 8 Kupujilah Dibata

KEE No. 8 : 1-6 (Kupujilah Dibata)

1. Kupujilah Dibata si ‘rkuasa
    Mehuli ras mbelin bekas kataNa
    Sinasalit gemgemenNa

2. KataNa kap sinepa doni enda
    KataNa kap si ’rbanca pagi ceda
    Nggo la nai lit, nggo me lesap

3. UisNa t’rang, mehuli perbahanNa
    Mulia ras tetap kinirajanNa
    UkumNa bujur ras senang

4. ItehNa nge ukurta ras totonta
    Perbahanenta bujur ras la tengka
    Di mesera sampatNa nge

5. Kadeku pe, e ngaruh Tuhan saja
    Ermengkah kal ateku kempak Raja
    Pujinku lalap baNa e

6.Di Kam dage, Deng-dengenku, Bapangku,
    Kai naring kebiaren ras marangku
    Imbangku gia kalak e

Sinusurkenca Pdt. M. Joustra
Download slide PowerPoint KEE No. 8

Join Grup Telegram dan Grup WA saya untuk mendapatkan update...

KEE No. 7 Pujiken Tuhan Dibata

KEE No. 7 : 1-2 (Pujiken Tuhan Dibata)

1. Pujiken Tuhan Dibata,
Kataken bujur baNa
MataNa natap kap ku kam
Dalinndu ibas tanNa
KinikelengenNa me kap
Erbanca maka t’rang gelap
Duana man gunanta

2. Ku Ia ukurta dage
Ku gapa pe si akap
‘Ntah ntabeh entah ndele
‘Ntah picet, entah sangap
Kam, Bapa si metehsa nge
AturenNdu mehuli me
Kam penalemen kami

Sinusurkenca Pdt. M. Joustra
Download slide PowerPoint KEE No. 7

Join Grup Telegram dan Grup WA saya untuk mendapatkan update...

KEE No. 6 Tuhanta Si Dibata Kin

KEE No. 6 : 1-5 (Tuhanta Si Dibata Kin)

1. Tuhanta si Dibata kin,
    Si pujilah min Ia
    Apai kin ndia si ulin
    Bage mbelin mulia
    La ‘rsibar kuasaNa kap
    LiasNa pe enggo tetap
    Ku Ialah ernalem

2. Ku japa kita Tuhan e,
    Endeher rembak Ia
    La dongkel kegelapen pe,
    IdahNa kai pe gia
    Tah turah ukur langa seh
    Enggo itehNa la si’teh
    IdahNa seh ku pusuh

3. O, Tuhan, Bapa kami e
    UkurNdu k’rina bujur
    Lah ukur kami bujur pe
    Ajari kami rusur
    Kam si ngapuli kami e
    Si m’reken ntabeh ukur pe
    Iban keleng ateNdu

4. Kam kap o, Bapa, tergelar
    Si bujur, Si mekuah.
    Di rembak kap ras si benar,
    E lalap m’ia ‘rtuah.
    GeluhNdu la ‘rkeri-kerin.
    La kurang kai pe ‘bas Kam kin,
    Pematang tuah kami

5. Tah mbiar m’aku nggo bene,
    Ngenen Kam, si mulia ?
    Lang! Erkiteken Yesus e
    Kuakap nggo meriah
    ‘Nde-‘ndenku reh riahna kap
    Enggo me aku tek tetap
    Ibas keleng ateNdu

Sinusurkenca Pdt. M. Joustra
Download slide PowerPoint KEE No. 6

Join Grup Telegram dan Grup WA saya untuk mendapatkan update...

KEE No. 5 Perkuah Ate Tuhan

KEE No. 5 : 1-3 (Perkuah Ate Tuhan)

1. Perkuah ate Tuhan lalap man pujin
    Ras kebenarenNa mekap ku pebelin
    Ku ‘teh peratenNdu kin labanci masap,
    JujurenNdu tetap la mobah rasa lalap
    E desken langit si ‘nteguh la mugur ugur
    Bage kepeken Kam, tetap Kam ibas bujur

2. Sangapna kalak si megi pedahNdu e,
    Dalinna ibas t’rang ukurna la ndele
    Atena enggedang meriah iakapna,
    Tah mesera denggo itehna Kam Bapana
    La guling ia kap la celus pe nahena
    KinibujurenNdu peb’linca seh matena

3. Kam penundalenku ras pematangku kin,
    LiasNdu si mbelin meparas man pujin
    Perban Kam erkeleng ngenehen kami enda,
    E tahan kamikap aminna gulut gia.
    ‘Di ngampang-ngampang kin ‘di ijaga Dibatanta,
    Kai kebiarenta si nampat kap Bapanta

Sinusurkenca Pdt. M. Joustra
Download slide PowerPoint KEE No. 5

Join Grup Telegram dan Grup WA saya untuk mendapatkan update...