KEE No. 415 O Dibata si erkuasa

KEE No. 415 : 1-3 (O Dibata si erkuasa)

1. O Dibata si erkuasa
    Reh aku ku adepenNdu
    Ateku nuriken kecibalku
    Lanai ku ‘teh ertoto baNdu
    Perban g’luhku dem alu dosa
    Reff. O Dibatangku aku anakNdu
Tek kal ‘ku baNdu
Pertotonku ibegikenNdu

2. Ku petetap Tuhan ukurku
    Reh erpengendes man baNdu
    I idahNdu me kap perbebenku
    itandaiNdu ise kin aku
    Aloken min pengendesenku
    Reff. O Dibatangku aku anakNdu
Tek kal ‘ku baNdu
Pertotonku ibegikenNdu

3. Kukataken bujur man baNdu
    Nggo ngasup aku o Tuhan
    Ngakuken k’rina dosa-dosangku
    Kam me tetap pengarapenku
    Si tetap mere gegeh bangku
    Reff. O Dibatangku aku anakNdu
Tek kal ‘ku baNdu
Pertotonku ibegikenNdu

Lagu: Pdt. Abdi Jaya Barus
Syair : Pdt. Jonvianus Tarigan & Pdt. Abdi Jaya Barus
Download slide PowerPoint KEE No. 415

Join Grup Telegram dan Grup WA saya untuk mendapatkan update...

KEE No. 414 ‘Ndiko ulina padan Tuhan e

KEE No. 414 : 1-4 (‘Ndiko ulina padan Tuhan e)

1. ‘Ndiko ulina padan Tuhan e,
    Nandangi k’rina isi jabu pe
    Sangap kal jabu si malang baNdu
    Si nggeluh ngikutken perentahNdu
    Reff. Kam Dibata si ngkelengi tetap
Pasu-pasuNdu simpar kap tetap

2. ‘Ndiko ulina padan Tuhan e,
    Nandangi k’rina isi jabu pe
    Sialoken ulih kelatihennta
    Mehuli me sikerajangenta
    Reff. Kam Dibata si ngkelengi tetap
Pasu-pasuNdu simpar kap tetap

3. ‘Ndiko Tuhan mbelin kelengNdu e,
    Nandangi k’rina isi jabu pe
    Bapa, Nande, Anak tengah jabu
    Sendalanen ‘bas jabu sempabu
    Reff. Kam Dibata si ngkelengi tetap
Pasu-pasuNdu simpar kap tetap

4. ‘Ndiko Tuhan mbelin kelengNdu e,
    Nandangi k’rina isi jabu pe
    Cawir metua, sangap geluhta
    Dame gelah si kerajangenna
    Reff. Kam Dibata si ngkelengi tetap
Pasu-pasuNdu simpar kap tetap

Lagu: Pdt. Ita Natalia Kacaribu & Pdt. Abdi Jaya Barus, Februari 2010
Syair : Pdt. Ita Natalia Kacaribu, Maret 2010
Download slide PowerPoint KEE No. 414

Join Grup Telegram dan Grup WA saya untuk mendapatkan update...

KEE No. 413 Kawali perpulungenNdu Tuhan

KEE No. 413 : 1-3 (Kawali perpulungenNdu Tuhan)

1. Kawali perpulungenNdu Tuhan
    Ibas ‘ndalani geluh
    Ibas susah tah pe senang
    Subuk ngalo ntah mere
    Tegu perpulungenNdu Tuhan
    Jagai ibas tanNdu
    Babai ku bas lau maler si teneng
    Bas dalin kiniteken

2. Tuahi perpulungenNdu Tuhan
    Si maba pusuh dame
    Singgeluh mereken pengarapen
    Si dem bas kekelengen
    Sampat perpulungenNdu Tuhan
    Bas jumpa percuban
    Babai ku bas lau maler si teneng
    Bas dalin kiniteken

3. Sampat perpulungenNdu Tuhan
    Nggejap keleng ateNdu
    Petetap ukur anakNdu Tuhan
    Cikep ‘nteguh padanNdu
    Lalit ingan malem si deban
    ‘di la ras Kam Tuhan
    PadanNdu kap gelemenku Tuhan
    Gelah aku terkelin

Sumber HUYMNS No. 353
Syair Karo : BPIMG 2010
Download slide PowerPoint KEE No. 413

Join Grup Telegram dan Grup WA saya untuk mendapatkan update...

KEE No. 412 ‘bas toto

KEE No. 412 : 1-3 (‘bas toto)

1. ‘bas toto kuendesken geluhku,
    ku Tuhan si njayam kegeluhen.
    Begiken min pingko-pingkoku Tuhan.
    latih mberat baban kegeluhenku

2. Ku bas tanNdu ku ‘ndesken geluhku
    Ku ampeken me k’rina susahku
    Jaga kawali o Tuhanku
    ‘lah ula ndabuh ibas dosa aku

3. Malem tuhu adi ku endesken
    K’rina perdalanen kegeluhen
    Sebab Kam si negu-negu anakNdu
    Si tetap setia ernalem baNdu

Lagu : Immanuel Sembiring
Syair : Immanuel Sembiring & BPIMG 2010
Download slide PowerPoint KEE No. 412

Join Grup Telegram dan Grup WA saya untuk mendapatkan update...

KEE No. 411 Keleng ateNa

KEE No. 411 : 1-3 (Keleng ateNa)

1. Keleng ateNa la terukurinta
    Peteruk ukur ertoto baNa
    Gelah kam nggeluh bas keleng ateNa
    Keg’luhen si la erkeri-kerin

2. Keg’luhen serta jadi si k’rajangta
    Sabab enteguh kinitekenta
    Bas kesabaren ras pengarapenta
    La mbiar mesui ras meserta

3. B’rena keriahen gancih keguluten
    Perubaten pe salih ku dame
    Ndalani geluh la er aru ate
    Malem me ate ‘di ras Tuhan e

Lagu : Sandringham, Joseph Barny 1889
Syair Asli : O Perfect Love, Dorothy F. Gurney 1883
Syair Karo : BPIMG 2010
Download slide PowerPoint KEE No. 411

Join Grup Telegram dan Grup WA saya untuk mendapatkan update...

KEE No. 410 Meriahlah ukurta

KEE No. 410 : 1-3 (Meriahlah ukurta)

1. Meriahlah ukurta
    nggo b’re Tuhanta keriahen
    Ula suhsah kita ban percuban
    Pasu-pasuNa kap geluhta tetap meriah
    Berelah pusuhta, dem alu pengarapen

2. Demilah pusuh kami
    Alu keleng ate Tuhan
    Bere kelengNdu sinemani min
    G’lah tetap ukur ngelawan kuasa si ilat
    Gelah kami la talu ibahan si jahat

3. O Tuhan pengasup min
    Kami muji ngataken bujur
    Perbahan darehNdu si meherga
    nebusi kami
    Ngurasi g’lah terkelin kami
    Sembah kami man baNdu alu tetap ukur

Lagu : Day of Joy Let Us Be Glaad. Phleng Kret Pha Ma (Melodi Thailand)
Syair Asli : Song San Prasopsin
Syair Karo : BPIMG 2010
Download slide PowerPoint KEE No. 410

Join Grup Telegram dan Grup WA saya untuk mendapatkan update...

KEE No. 409 Rehlah Kam o Immanuel

KEE No. 409 : 1-3 (Rehlah Kam o Immanuel)

1. Rehlah Kam o Immanuel
    Mulahi kami Israel
    Si tertaban, labuh ras ndele
    Nimai Anak Dibata e
    Reff. Ersuraklah, meriahlah
Reh me Tuhan Immanuel

2. Tuhan ulu kepentaren,
    Pehulilah tinepaNdu
    Tuduhken dalin kebenaren
    Tegu kami bas dalinNdu
    Reff. Ersuraklah, meriahlah
Reh me Tuhan Immanuel

3. Rehlah Kam Anak Dibata
    Pulahi kami kerina
    Bas iketen kuasa dosa
    Sinaban kami kerina
    Reff. Ersuraklah, meriahlah
Reh me Tuhan Immanuel

O Come, O come Emmanuel, (Psalteriolum Cantionum Cathilicarum, 1710)
Arr. Thomas Helmore 1854
Syair Karo : BPIMG 2010
Download slide PowerPoint KEE No. 409

Join Grup Telegram dan Grup WA saya untuk mendapatkan update...

KEE No. 408 Kupuji me gelarNdu Dibata

KEE No. 408 : 1-3 (Kupuji me gelarNdu Dibata)

1. Reff. Kupuji me gelarNdu Dibata
Kam Bapa Anak Kesah si Badia
Ibas geluh teridah kuasaNdu
Sinemanisa keg’luhenku
    Kam me Dibata Bapa si melias
    Singaturken geluh tetap melikas

2. Reff. Kupuji me gelarNdu Dibata
Kam Bapa Anak Kesah si Badia
Ibas geluh teridah kuasaNdu
Sinemanisa keg’luhenku
    Kam O Yesusku si ngkelengi aku
    si nebusi k’rina dosa-dosangku

3. Reff. Kupuji me gelarNdu Dibata
Kam Bapa Anak Kesah si Badia
Ibas geluh teridah kuasaNdu
Sinemanisa keg’luhenku
    Kesah Badia si negu geluhku
    Malem me tuhu geluhku ibanNdu

Maria Rayben Br. Surbakti 2010
Download slide PowerPoint KEE No. 408

Join Grup Telegram dan Grup WA saya untuk mendapatkan update...

KEE No. 407 M’riah ukurta natapsa

KEE No. 407 : 1-4 (M’riah ukurta natapsa)

1. M’riah ukurta natapsa k’rina
    Doni si enggo tepa Dibata
    Mehuli dingen mejile k’rina
    Ncidahken kemulian Dibata
    Reff. Si katakenlah bujur man Tuhan
Dingen pehagalah gelarNa
Sehkenlah kai si enggo padanken
E kap persembahenta baNa

2. Mbal-mbal meratah, tuhu mejile
    Perik bas asar pe ikut rende
    Deleng meganjang, lawit si mbelang
    K’rina ersurak lanai teralang
    Reff. Si katakenlah bujur man Tuhan
Dingen pehagalah gelarNa
Sehkenlah kai si enggo padanken
E kap persembahenta baNa

3. Page si enggo si suan ndube
    Enggo teridah kap reh gersingna
    Paksana rani pe enggo seh me
    Malem me ate ban pemereNa
    Reff. Si katakenlah bujur man Tuhan
Dingen pehagalah gelarNa
Sehkenlah kai si enggo padanken
E kap persembahenta baNa

4. Tuhu meriah bage ukurta
    Pasu-pasuNa simpar man banta
    Keleng ateNa la kap erleka
    Dame ukurta teneng geluhta
    Reff. Si katakenlah bujur man Tuhan
Dingen pehagalah gelarNa
Sehkenlah kai si enggo padanken
E kap persembahenta baNa

Pdt. Dikky A. Bangun 2008
Download slide PowerPoint KEE No. 407

Join Grup Telegram dan Grup WA saya untuk mendapatkan update...

KEE No. 406 O Bapa ngeranalah Kam

KEE No. 406 : 1-3 (O Bapa ngeranalah Kam)

1. O Bapa ngeranalah Kam
    Kami enggo sikap k’rina
    Megiken kataNdu Tuhan
    Ngeranalah Bapa

2. O Bapa usekenlah min
    Sura, pedah ras ajarNdu
    Man kami anakNdu Tuhan
    Ngeranalah Bapa

3. O Bapa erkuasalah
    Ibas pusuh kami k’rina
    Gelahna ngasup ngaloken
    Sura-sura Tuhan

Robinson Sembiring 2009
Download slide PowerPoint KEE No. 406

Join Grup Telegram dan Grup WA saya untuk mendapatkan update...

KEE No. 405 Mari si puji Tuhanta si Badia

KEE No. 405 : 1-3 (Mari si puji Tuhanta si Badia)

1. Mari si puji Tuhanta si Badia
    Si mereken kelengNa man banta
    Kataken bujur min perban mbelin kuasaNa
    Pasu-pasuNa kap tep-tep wari man banta

2. Mari si puji Tuhanta si Badia
    Sipersembahken persembahenta
    Kataken bujur min Perban mbelin pem’reNa
    Si njaga kita suari berngi lalap min

3. Mari si puji Tuhanta si Badia
    Sisehken kulanta ras geluhta
    Jadi persembahen si nggeluh ras badia
    Dame bas geluhta sabab kita anakNa

Lagu : Maria Rayben Br. Surbakti & Pdt. Abdi Jaya Barus
Syair : Maria Rayben 2010
Download slide PowerPoint KEE No. 405

Join Grup Telegram dan Grup WA saya untuk mendapatkan update...

KEE No. 404 Sabar kal aku nimai

KEE No. 404 : 1-3 (Sabar kal aku nimai)

1. Sabar kal aku nimai
    Penampat Tuhan nari
    IbegikenNdu sorangku
    I dengkehkenNdu totonku

2. Sangap kal aku me tuhu
    Ban Tuhan si negu aku
    Erpengendes aku baNdu
    Segedang-gedang geluhku

3. Melala perbahanenNdu
    Si icidahkenNdu bangku
    IbabaiNdu geluhku
    P’ratenNdu jadi man bangku

Pdt. Dikky A. Bangun 2008
Download slide PowerPoint KEE No. 404

Join Grup Telegram dan Grup WA saya untuk mendapatkan update...

KEE No. 403 Kam o Tuhan penampatku

KEE No. 403 : 1-3 (Kam o Tuhan penampatku)

1. Kam o Tuhan penampatku
    Kam Tuhanku temanku
    Ibas k’rina kegeluhenku
    Kam si nampati aku

2. Kam o Tuhan penalemen
    Kam Yesusku gegehku
    KuasaNdu si man arapen
    Si petetap ukurku

3. Kam o Tuhan tundalenku
    Si ‘ngkelengi geluhku
    Jadi ling-ling ingan cicionku
    Dame senang tendiku

Lagu : Don Moen
Syair Karo : BPIMG 2011
Download slide PowerPoint KEE No. 403

Join Grup Telegram dan Grup WA saya untuk mendapatkan update...

KEE No. 402 Perban kekelengenNdu

KEE No. 402 : 1-3 (Perban kekelengenNdu)

1. Perban kekelengenNdu,
    tebusiNdu dosangku.
    Alu mambur darehNdu,
    Geluhku jadi mbaru
    Reff. Asa ngasup gegehku,
kuikutken kataNdu
Yesus kam si perkuah.
kupuji ras kusembah.

2. Perban kekelengenNdu
    ibabaiNdu dalanku
    Ku dalan kesenangen
    Gelah aku terkelin
    Reff. Asa ngasup gegehku,
kuikutken kataNdu
Yesus kam si perkuah.
kupuji ras kusembah.

3. Perban kekelengenNdu
    jadikenNdu geluhku
    Meherga ras erguna
    Desken batu permata
    Reff. Asa ngasup gegehku,
kuikutken kataNdu
Yesus kam si perkuah.
kupuji ras kusembah.

Hendri Ginting 2009
Download slide PowerPoint KEE No. 402

Join Grup Telegram dan Grup WA saya untuk mendapatkan update...

KEE No. 401 Anem geluh dem percuban

KEE No. 401 : 1-3 (Anem geluh dem percuban)

1. Anem geluh dem percuban
    Yesus pengarapen
    Anem kote kiniteken
    Yesus jadi teman
    Reff. Yesus kap pengarapenku
Si gel-gel nungkat keg’luhenku
Yesus kap pengarapenku
segedang-gedang g’luhku

2. Anem geluh bas kinis’ran
    Yesus kap gegehku
    Ibas gelap pe erdalan
    Yesus sekawalku
    Reff. Yesus kap pengarapenku
Si gel-gel nungkat keg’luhenku
Yesus kap pengarapenku
segedang-gedang g’luhku

3. Ku endesken me geluhku
    Ku bas adepenNdu
    Kam kap si nemani aku
    ‘bas k’rina geluhku
    Reff. Yesus kap pengarapenku
Si gel-gel nungkat keg’luhenku
Yesus kap pengarapenku
segedang-gedang g’luhku

Lagu : Indra Tanjung Barus 2003
Syair : Pdt. Jonvianus Tarigan & Pdt. Abdi Jaya Barus 2009
Download slide PowerPoint KEE No. 401

Join Grup Telegram dan Grup WA saya untuk mendapatkan update...