KEE No. 433 : 1-3 (Ku sembah Kam bas geluhku)
1. Ku sembah Kam bas geluhku o Tuhanku
PedahNdu me tetap jadi gelemenku
Dame geluhku adi ras Kam o Tuhanku
Lalit kebiaren malem tuhu pusuhku
Pasu-pasuNdu tetaplah min ras aku
2. Ajar min aku ermengkah ate baNdu
Nembah erjimpuh ku Kam la ermedu
Pedauh si ilat si ngerim-rim geluhku
Petetap ukurku di paksa kote aku
Keleng ateNdu tetaplah min ras aku
3. Kam min tetap si ngiani pusuhku
Kam min tetap si ngajari ukurku
Demi min geluhku alu lias ateNdu
Jadi t’rang si ersinalsal sekelewetku
BereNdu gegeh man bangku o Tuhanku
Gideon Limbeng 2010
Download slide PowerPoint KEE No. 433
No comments:
Post a Comment