KEE No. 200 O Tuhanku Babai Min Dalanku

KEE No. 200 : 1-3 (O Tuhanku Babai Min Dalanku)

1. O, Tuhan babai min
    dalanku ‘bas doni
    Labuh ras la kesah gegehku
    SoraNdu terbegi
    man bangku nemani
    Lalap Kam
    me ku ban temanku

2. O, Tuhan sampatlah
    Geluhku gundari
    Ola Kam erleka ras aku
    Kawali geluhku
    Suari ras berngi
    Lalap Kam
    me ku ban temanku

3. O, Tuhan bengketi
    Pusuhku min gelah
    Maka kualoken KataNdu
    PedahNdu lalap min
    Kugelem la pulah
    Lalap Kam
    me ku ban temanku

Sinusurkenca Panitia Ende-Enden GBKP 1979-1984
Download slide PowerPoint KEE No. 200

Join Grup Telegram dan Grup WA saya untuk mendapatkan update...

KEE No. 199 Senang Gundari Geluhku

KEE No. 199 : 1-5 (Senang Gundari Geluhku)

1. Senang gundari geluhku
    Ban Tuhan negu langkahku
    Kuja pa pe perdalanku
    Tetap tanNa gelemenku
    Reff. Tuhan nemani geluhku
CikepNa tanku meteguh
Dibata pengendesenku
Ibas tanNa aku ‘nggeluh

2. Tah paksa berngi si gelap
    Tah paksa g’luhku la sikap
    Man baNa aku ernalem
    KataNa lalap kugelem
    Reff. Tuhan nemani geluhku
CikepNa tanku meteguh
Dibata pengendesenku
Ibas tanNa aku ‘nggeluh

3. Pengajuk erta doni e
    Ngerintak aku lah bene
    Tapina megenggeng aku
    La sambar kinitekenku
    Reff. Tuhan nemani geluhku
CikepNa tanku meteguh
Dibata pengendesenku
Ibas tanNa aku ‘nggeluh

4. La kusumpahi geluhku
    Aminna kurang bas aku
    Ernalem ras ngarap baNa
    B’rekenNa me erta surga
    Reff. Tuhan nemani geluhku
CikepNa tanku meteguh
Dibata pengendesenku
Ibas tanNa aku ‘nggeluh

5. ‘Di mate tah nggeluh gia
    Kam Tuhan me netapkenca
    La lit ngasup ngolangisa
    ‘Di akapNdu nggo paksana
    Reff. Tuhan nemani geluhku
CikepNa tanku meteguh
Dibata pengendesenku
Ibas tanNa aku ‘nggeluh

Sinusurkenca Panitia Ende-Enden GBKP 1979-1984
Download slide PowerPoint KEE No. 199

Join Grup Telegram dan Grup WA saya untuk mendapatkan update...

KEE No. 198 O Tuhan Tuduhken Bangku

KEE No. 198 : 1-4 (O Tuhan Tuduhken Bangku)

1. O, Tuhan tuduhken bangku
    Apai dalan geluhku
    Sinalsal kekelengenNdu
    Jadi min ikutenku
    Reh lah min Kesah Badia
    Bengketi kami k’rina
    ‘Di ku ja perdalan gia
    Kam Tuhan ngkawalisa

2. Mbue si erlebuh bangku
    Maka aku min nilah
    Tapi nggo tetap ukurku
    Kam me kuikutkenlah
    Ibas paksa aku kote
    Pegegehi aku min
    KataNdu gelah kupake
    Maka aku terkelin

3. O, Tuhan mekatep tuhu
    Celus aku, guling pe
    Je minter dudurken tanNdu
    Gelah aku la bene
    Yesus gelarNdu kulebuh
    Sampat aku o, Tuhan
    Ibas tanNdu aku nggeluh
    Jadilah bage min ban

4. Tah suari berngi gia
    Amin japa kami pe
    Tentu me idahNdu k’rina
    Kai si bahan kami e
    AjariNdu kami enda
    Pasu-pasu gelah min
    Malem ate kami k’rina
    Man baNdu tama pujin

Sinusurkenca Panitia Ende-Enden GBKP 1979-1984
Download slide PowerPoint KEE No. 198

Join Grup Telegram dan Grup WA saya untuk mendapatkan update...