KEE No. 460 Malem kal ateku tuhu

 KEE No. 460 : 1-3 (Malem kal ateku tuhu)

1. Malem kal ateku tuhu-tuhu,
    Jumpa ras Tuhanku.
    Nggo p’limbaruiNa pusuhku,
    Lanai aku labuh.
    Ku kataken bujur baNdu,
    Si’ngk’lini geluhku.
    Terpuji kam bas geluhku,
    Nginget perkuahNdu.

2. Kubegi kataNdu Tuhan,
    Nerangi perdalan.
    KesahNdu e simpepanken,
    Bas pusuhku ringan.
    Ateku min kupakeken,
    Ibas kegeluhen.
    Je aku dat keriahen,
    Ndauh kebiaren.

3. Kutadingken me rumahNdu,
    Mulih ku geluhku.
    Dat aku gegeh si mbaru,
    Ban lias ateNdu.
    Useken pasu-pasuNdu,
    Enda pemindonku.
    Kupuji Kam bas geluhku,
    Ermulia gelarNdu.

Lagu : Pdt. Abdi Jaya Barus & Pdt. Mestika N. Ginting 2008
Syair : Pdt. Mestika N. Ginting
Download slide PowerPoint KEE No. 460

Join Grup Telegram dan Grup WA saya untuk mendapatkan update...

KEE No. 459 Sendah kerja rani

 KEE No. 459 : 1-3 (Sendah kerja rani)

1. Sendah kerja rani m’riah ukurta
    Pulung kita k’rina muji Dibata
    Peranin si mbaru ‘ndesken man baNa
    Pasu-pasu Tuhan ulih latihta
    Reff. Marilah dagena
Sitaruhken ulih p’raninta
Alu ukur meriah
Kuadepen Tuhan Dibata

2. Sendah kerja rani m’riah ukurta
    Erban lakon mbelin bagi suruhNa
    Surak Haleluya sada soranta
    Pehaga Dibat si m’re p’raninta
    Reff. Marilah dagena
Sitaruhken ulih p’raninta
Alu ukur meriah
Kuadepen Tuhan Dibata

3. Sendah kerja rani m’riah ukurta
    Ulih pendahinta sehken man baNa
    Buena rikutken pasu-pasuNa
    Si nggo i b’rekenNa ku bas geluhta
    Reff. Marilah dagena
Sitaruhken ulih p’raninta
Alu ukur meriah
Kuadepen Tuhan Dibata

Lagu : Pdt. Em. Rela Sembiring 2005
Syair : Pdt. Mestika N. Ginting & Pdt. Ita N. Br. Kacaribu 2009
Download slide PowerPoint KEE No. 459

Join Grup Telegram dan Grup WA saya untuk mendapatkan update...

KEE No. 458 Kataken bujur man Tuhan

 KEE No. 458 : 1-4 (Kataken bujur man Tuhan)

1. Kataken bujur ban Tuhan Mehuli
    Tetap rasa lalap Keleng ateNa
    Malem kal ateta rembak ras IA
    Kataken bujur baNa

2. Kataken bujur ban mbelin kuasaNa
    Tetap rasa lalap keleng ateNa
    Tetap kal ukurta ‘rsada ras IA
    Kataken bujur baNa

3. Kataken bujur penegu-neguNa
    Tetap rasa lalap keleng ateNa
    Malem kal ateta nggeluh ras IA
    Kataken bujur baNa

4. Kataken bujur ban kam sampatiNa
    Tetap rasa lalap keleng ateNa
    Bas perbebenndu kam isampatiNa
    Kataken bujur baNa

Lagu : Tradisionel Cina (trad. Tample Chant)
Syair : Pdt. Mestika N. Ginting
Download slide PowerPoint KEE No. 458

Join Grup Telegram dan Grup WA saya untuk mendapatkan update...

KEE No. 457 Bagi keleng ate orang tua

 KEE No. 457 : 1-3 (Bagi keleng ate orang tua)

1. Bagi keleng ate orang tua
    Nandangi kita anak-anakna
    Bage me keleng ate Tuhanta
    Nangdangi kita buah ateNa
    Malem tuhu ban keleng ateNa

2. Bagi lau maler i deleng nari
    Maler ku suah la lit peltepna
    Bage me lias ate Tuhanta
    Nangdangi kita buah ateNa
    Malem tuhu ban lias ateNa

3. Bagi terang matawari bage
    Nerangi doni lanai gelap pe
    Bage me pasu-pasu Tuhanta
    Nangdangi kita buah ateNa
    Malem tuhu ban pasu-pasuNa

Lagu : Pdt. Em. Rela Sembiring, 25 Oktober 2005
Syair : Pdt. Em. Rela Sembiring & Pdt. Mestika N. Ginting
Download slide PowerPoint KEE No. 457

Join Grup Telegram dan Grup WA saya untuk mendapatkan update...

KEE No. 456 Tuhan Yesus ndilo kita

 KEE No. 456 : 1-4 (Tuhan Yesus ndilo kita)

1. Tuhanta Yesus ndilo kita
    Reh ku Lakon si Badia
    Gelah ersada kita k’rina
    Ersada ras si mulia
    Keleng ateNa si mbelin
    ‘rbanca kita pe terkelin

2. Ib’rekenNa badanNa jine
    Jadi persembahen kepe
    Mambur dareh si Badia e
    Pengalemi dosanta e
    Keleng ateNa inget min
    IgengkenNa ibas suin

3. Labo sada pe kita bujur
    Labo lit si beluh rukur
    Iban dosa geluhta tambur
    Dalanna darehNa mambur
    Tuhanta e kap perkuah
    ibahanNa kita pulah

4. Si perobahi peratenta
    Si ikutken penebusta
    KataNa kap penalementa
    Lah reh tetapna ukurta
    Tuhanta Yesus melias
    IbanNa pusuh melikas

Pdt. Em. Rela Sembiring 2007
Download slide PowerPoint KEE No. 456

Join Grup Telegram dan Grup WA saya untuk mendapatkan update...

KEE No. 455 Tatap page si megersing

 KEE No. 455 : 1-3 (Tatap page si megersing)

1. Leader...
    Tatap page si megersing
    Sinimai man peranin
    Ise nggit peranisa
    Erlebuh kap Tuhan
    Respons...
    Ijenda aku Tuhan
    Suruhlah aku Tuhan
    AjariNdu aku min
    Gelah ngasup erdahin

2. Leader...
    Si pekekenlah min dage
    Talenta si b’rekenNa
    Jadi kiniulin gelah
    Bas pendahin gereja
    Respons...
    Tetap pakeken Tuhan
    Kami k’rina anakNdu
    Ijenda kami Tuhan
    Suruh dage anakNdu

3. Leader...
    Ula kam erlatih-latih
    Erdahin bas pekenNa
    Tuhu latih ndahikensa
    Tuhan sinemanisa
    Respons...
    Jadilah aku Tuhan
    Bagi sira erguna
    Ku sekelewet geluh
    Sapih-sapih manusia

Satrya Jaya Tarigan 2009
Download slide PowerPoint KEE No. 455

Join Grup Telegram dan Grup WA saya untuk mendapatkan update...

KEE No. 454 Bujur man baNdu Tuhan

 KEE No. 454 : 1-4 (Bujur man baNdu Tuhan)

1. Amin dosangku mbue la terkira
    Si erban ndauh ras Kam Tuhan
    Tapi keleng ateNdu tangkas Tuhan
    La tak-takiNdu dosangku
    Reff. Bujur man baNdu Tuhan
ban ialemi dosangku
Meriah kel ukurku
Tuhan nasapken dosangku

2. Tendingku enggo itebusi Tuhan
    Iblis lanai ngerim-rim aku
    Gundari geluhku isambariNa
    Tuhan ngerajai aku
    Reff. Bujur man baNdu Tuhan
ban ialemi dosangku
Meriah kel ukurku
Tuhan nasapken dosangku

3. Pusuhku enggo ip’limbaruiNa
    P’raten doni lanai erkuasa
    P’rayakenku ndalanken peratenNa
    Kesangapen ib’rekenNa
    Reff. Bujur man baNdu Tuhan
ban ialemi dosangku
Meriah kel ukurku
Tuhan nasapken dosangku

4. Ukurku ipelimbarui Tuhan
    Si nai nilah ibas Tuhan
    Sura-surangku saja kuikutken
    Gundari kuikut Tuhan
    Reff. Bujur man baNdu Tuhan
ban ialemi dosangku
Meriah kel ukurku
Tuhan nasapken dosangku

Lagu : Pdt. Vicardo A. Ginting 2009
Syair : Pdt. Vicardo A. Ginting & Pdt. Mestika N. Ginting 2010
Download slide PowerPoint KEE No. 454

Join Grup Telegram dan Grup WA saya untuk mendapatkan update...

KEE No. 453 Dibata kap simada kuasa kemulian

 KEE No. 453 : 1-4 (Dibata kap simada kuasa kemulian)

1. Dibata kap simada kuasa kemulian
    Sinasa ibas doni ‘bas gemgemen Tuhan
    Kerina lit paksana itetapken Tuhan
    I doni ras i surga IA ‘lah si erban

2. Erlebuh kap Tuhan tangkas pendiloNa
    “Marilah kam si latih dingen beraten
    Aku kap si mereken pengadi-ngadinndu
    Je malem me atendu” bage nina Tuhan

3. Lawes kekelengenta tading kita k’rina
    Mulih ku rumah ku surga Badia
    Nggeluh bas doni enda mentas kepe ngenca
    K’rina mulih baNa nimai pendiloNa

4. Sipesalang min gelah gulut ‘bas ukurta
    Perembaklah dirinta ras Tuhan Dibata
    Ceda gia pusuhta iluh ibas mata
    Sialoken kerina pindo gegeh baNa

Junaedi Sinuhaji 2008
Download slide PowerPoint KEE No. 453

Join Grup Telegram dan Grup WA saya untuk mendapatkan update...

KEE No. 452 Sibenaken perpulungen

 KEE No. 452 : 1-3 (Sibenaken perpulungen)

1. Sibenaken perpulungen enda
    Ngorati Kata ni Dibatanta
    Mari pesikap ukurta
    Gelah bengket me KataNa
    Jadi pergegeh bas geluhta

2. Sope si oge Kata Dibata
    Erpengendes ‘lah lebe man baNa
    Gelah KesahNa si Badia
    Mpetangkas sura-suraNa
    Maba kemalemen man banta

3. Tupung kita ngorati KataNa
    Si pepayolah perbahanenta
    Ertambah kinitekenta
    Ertambah kininggitenta
    Ermulia gelar Dibata

Junaedi Sinuhaji 2009
Download slide PowerPoint KEE No. 452

Join Grup Telegram dan Grup WA saya untuk mendapatkan update...

KEE No. 451 Malerlah pasu-pasuNdu

 KEE No. 451 : 1-4 (Malerlah pasu-pasuNdu)

1. Malerlah pasu-pasuNdu
    Bagi ni padankenNdu
    Gegeh ras ukur si paguh
    Tetap iberekenNdu
    Reff. Pasu-pasuNdu
Em ulu gegeh kami
Enggo kap maler me tuhu
Si ‘ndemi geluh kami

2. Malerlah pasu-pasu Ndu
    G’luh kami jadi mbaru
    Sorana bagi lau maler 
    Mpeteneng ukur kami
    Reff. Pasu-pasuNdu
Em ulu gegeh kami
Enggo kap maler me tuhu
Si ‘ndemi geluh kami

3. Malerlah pasu-pasu Ndu
    Mpetetap ukur kami
    Rende janah muji g’larndu
    Segedang-gedang geluh
    Reff. Pasu-pasuNdu
Em ulu gegeh kami
Enggo kap maler me tuhu
Si ‘ndemi geluh kami

4. Malerlah pasu-pasuNdu
    Bagi ni padankenNdu
    Pusuh kami pe nggo sikap
    Demi salu liasNdu
    Reff. Pasu-pasuNdu
Em ulu gegeh kami
Enggo kap maler me tuhu
Si ‘ndemi geluh kami

Lagu : There shall be shower of Blessing, James McGranaham 1936
Syair Karo : BPIMG 2009
Download slide PowerPoint KEE No. 451

Join Grup Telegram dan Grup WA saya untuk mendapatkan update...

KEE No. 450 Endesken kami man bandu

 KEE No. 450 : 1-4 (Endesken kami man bandu)

1. Endesken kami man bandu,
    sada bagin pemereNdu
    Persembahen kami baNdu,
    Gelah ialokenNdu.
    Reff. Pasu-pasuNdu min gelah,
Si tading ibas kami.
Ajarindu dage kami,
m’re persembahen baNdu

2. Si pepulung persembahen
    Si endesken e man Tuhan
    Asa gegeh kengasupen
    Mari sipersembahken.
    Reff. Pasu-pasuNdu min gelah,
Si tading ibas kami.
Ajarindu dage kami,
m’re persembahen baNdu

3. K’rine jine si aloken
    erta ras pe kiniliten
    sada bagin si ulihken
    asa si nggo sikapken
    Reff. Pasu-pasuNdu min gelah,
Si tading ibas kami.
Ajarindu dage kami,
m’re persembahen baNdu

4. Enda nggo ipepulung
    amin lenga bo metunggung
    ersembah lenga bo beluh
    tapi ukur ersuruh
    Reff. Pasu-pasuNdu min gelah,
Si tading ibas kami.
Ajarindu dage kami,
m’re persembahen baNdu

Jeremy Tarigan & Junaedi Sinuhaji
Download slide PowerPoint KEE No. 450

Join Grup Telegram dan Grup WA saya untuk mendapatkan update...

KEE No. 449 Uga ndia perbahanen

 KEE No. 449 : 1-3 (Uga ndia perbahanen)

1. Uga ndia perbahanen
    Latih kula ukur pe
    Nggit pe bene pengarapen
    Rikut iluh mambur pe
    Erlebuh aku man Tuhanku
    ‘ndesken perbeben e
    Je maka ukurku salang
    Tuhan penampatku e

2. Lanai lit kebiarenku
    Itemani Tuhan e
    Tah kuja pe perdalinku
    KuasaNa lalap ije
    Subuk bas dalin si gelap
    IteguNa tanku pe
    gelarNa lalap ku puji
    Tuhan Kam temanku e

3. Ibas pultak matawari
    Seh ku kesundutna pe
    Tuhan e ku penggurui
    Je me pengendesen e
    Kuja gia perdalinku
    Ras k’rina pendahinku
    Mbelin kal kap jujurenNa
    Ib’reNa pasu-pasu

Junaedi Sinuhaji 2008
Download slide PowerPoint KEE No. 449

Join Grup Telegram dan Grup WA saya untuk mendapatkan update...

KEE No. 448 Pujilah Tuhan si Badia

 KEE No. 448 : 1-4 (Pujilah Tuhan si Badia)

1. Pujilah Tuhan si Badia
    I rumahNa si dem kemulian
    KuasaNa i doni ras surga
    perbahanenNa si Mbisa
    Reff. Kupuji Kam o Dibatangku
Ku puji Kam bas geluhku
Alu sora si megang
rende kupuji Tuhan
surak Haleluya

2. Pujilah Tuhan Si Badia
    Si kundul i kursi kemulian
    Ibas ingan simeganjangna
    Malekat pe muji Tuhan
    Reff. Kupuji Kam o Dibatangku
Ku puji Kam bas geluhku
Alu sora si megang
rende kupuji Tuhan
surak Haleluya

3. Pujilah Tuhan Si Badia
    Si teridah ibas kemulian
    Arah kerina tinepaNa
    Ncidahken mbelin kuasaNa
    Reff. Kupuji Kam o Dibatangku
Ku puji Kam bas geluhku
Alu sora si megang
rende kupuji Tuhan
surak Haleluya

4. Pujilah Tuhan Si Badia
    Senang kal rende muji Tuhan
    Andiko seh kal mehulina
    Ras bujur mujikan Tuhan
    Reff. Kupuji Kam o Dibatangku
Ku puji Kam bas geluhku
Alu sora si megang
rende kupuji Tuhan
surak Haleluya

Lagu : Hamid A. Barus
Syair : Jeremy Tarigan
Download slide PowerPoint KEE No. 448

Join Grup Telegram dan Grup WA saya untuk mendapatkan update...

KEE No. 447 Pulung kita ibas Tuhan

 KEE No. 447 : 1 (Pulung kita ibas Tuhan)

1. Pulung kita ibas Tuhan
    Keleng ateNa kap gara bas pusuhta
    ‘bas Yesus Tuhanta je kita ersada
    Aloken kula dareh juru s’lamatta
    Lalit si erndobahen
    Kerina nggo sada
    Kita nggo alemiNa maka sialemenlah
    Roti enggo icepikNa
    Anggur enggo idudurkenNa man banta
    Ia me si mada persadan Dibata
    Aloken kula dareh juru s’lamatta
    Dibata ndilo kita ersada ras IA
    Pulung iadepenNa gelah kita Badia
    Ersurak me malekatNa
    Raduken kita mpemuliaken gelarNa
    Pesikap ukurta ‘bas ndahi Dibata
    Aloken kula dareh juru s’lamatta

Bryan Jeffrey Leech 1984
terj. BPIMG 2009
Download slide PowerPoint KEE No. 447

Join Grup Telegram dan Grup WA saya untuk mendapatkan update...

KEE No. 446 Dosangku majekkensa

 KEE No. 446 : 1-3 (Dosangku majekkensa)

1. Dosangku majekkensa
    SilangNdu Tuhanku
    Salahku kap erbahansa
    Nggo mambur darehNdu
    kesahNdu asamkenNdu
    Gunangku Tuhanku
    Bagem pengkelengiNdu
    K’rina igengkenNdu

2. Ersembah mungkuk aku
    Iadep-adepenNdu
    Kerina kuakuken 
    ‘lah itebusiNdu
    Bagem pengarapenku
    Em isi pusuhku
    Mekuah min ateNdu
    Kam kap Penebusku

3. Ula itaktakiNdu
    Ula iukumNdu
    Seh me pagi sifatku
    Kam me ikutenku
    Kam kap kegeluhenku
    Kam pengendesenku
    Ku puji me gelarNdu
    Tuhan Kam Bapangku

Junaedi Sinuhaji 2010
Download slide PowerPoint KEE No. 446

Join Grup Telegram dan Grup WA saya untuk mendapatkan update...

KEE No. 445 Si pepulung me persembahenta

 KEE No. 445 : 1-4 (Si pepulung me persembahenta)
1. Si pepulung me persembahenta,
    Si endesken dage man Dibata.
    Tanda m’riah ukur 
    ban pasu-pasuNa,
    Si simpar b’reNa man banta.
    Reff. Asa si nggo isikapken,
Asa si nggo itotoken.
Em pengataken bujurta,
kempak Dibata.

2. Tuhu simpar pemere Dibata
    Man perjuma ras si erbinaga
    K’rina si erdahin
    Si ngarap man baNa
    Ituahi pasu-pasuNa
    Reff. Asa si nggo isikapken,
Asa si nggo itotoken.
Em pengataken bujurta,
kempak Dibata.

3. Pengataken bujur man Dibata
    Enda mbelin ka tuhu gunana
    Jadiken geluhta,
    Kula ras tendita
    Persembahenta si nggeluh
    Reff. Asa si nggo isikapken,
Asa si nggo itotoken.
Em pengataken bujurta,
kempak Dibata.

4. Persembahen kami e o Tuhan
    Eme sada bagin pemereNdu
    ajariNdu kami 
    Ersembah man baNdu
    Pehaga kinirajanNdu
    Reff. Asa si nggo isikapken,
Asa si nggo itotoken.
Em pengataken bujurta,
kempak Dibata.

Junaedi Sinuhaji 2008
Download slide PowerPoint KEE No. 445

Join Grup Telegram dan Grup WA saya untuk mendapatkan update...

KEE No. 444 Lit paksana merdang

 KEE No. 444 : 1-3 (Lit paksana merdang)
1. Lit paksana merdang
    Lit ka paksa peranin.
    Lit paksana ngadi
    Lit ka paksa erdahin.
    Kerina erpaksa-paksa
    Nggeluh ibabo doni.
    Tapi katawari gia
    Tuhan saja si puji.

2. Amin gia kita
    Paksa senang tah suin
    Ula min erleka
    Kempak Yesuslah madin
    Marilah si puji Tuhan
    Je me ingan pengadin
    Adi sirang ras Dibata
    Labo banci terkelin

3. Jumpa pencarinta
    Ban sampur pemereNa
    Si kataken bujur
    Ras ermengkah ate
    Perkuah ate Dibata
    La kap erkeri-kerin
    Marilah si puji Tuhan
    Si dem bas kiniulin

Junaedi Sinuhaji 2008
Download slide PowerPoint KEE No. 444

Join Grup Telegram dan Grup WA saya untuk mendapatkan update...

KEE No. 443 Ib’rekenNdu kapen umur si nggedang

 KEE No. 443 : 1-3 (Ib’rekenNdu kapen umur si nggedang)
1. Ib’rekenNdu kapen umur si nggedang
    Penampat man bangku labo kap kurang
    Tiap-tiap wari b’rekenNdu gegeh
    Bas ngaturken jabu b’rekenNdu pemeteh
    Reff. K’rina kita muji gelar Tuhanta
Alu ukur tutus puji Haleluya
2. Ib’rekenNdu jine ukur si saber
    Ban lias ateNdu tetap nge maler
    K’rina cukupiNdu si perlu bangku
    SinijujurkenNdu em sikerajangku
    Reff. K’rina kita muji gelar Tuhanta
Alu ukur tutus puji Haleluya
3. La kap terbelasken kerna liasNdu
    Simpar seh man bangku kekelengenNdu
    Ateku o, Tuhan ras pe jabungku
    Tetap nembah baNdu kidekah g’luhku
    Reff. K’rina kita muji gelar Tuhanta
Alu ukur tutus puji Haleluya
R.A. Tarigan 2007
Download slide PowerPoint KEE No. 443

Join Grup Telegram dan Grup WA saya untuk mendapatkan update...

KEE No. 442 Sendah kam duana jadi sada

 KEE No. 442 : 1-4 (Sendah kam duana jadi sada)
1. Sendah kam duana jadi sada
    Ipasu-pasu Tuhan Dibatanta
    Kekelengenndu tetap rasa lalap
    Tuhan si ng’rajaisa
    Reff. Pujilah Dibatanta
‘bas perjabunndu
inget perpadanen
sibelaskenndu
2. Gelahna Badia perjabun enda
    Dengkehken dalanken pedah Dibata
    Labo banci ise pe ngajarisa
    Si enggo irakutNa
    Reff. Pujilah Dibatanta
‘bas perjabunndu
inget perpadanen
sibelaskenndu
3. Dibata si mada k’rina geluhta
    Ngaturken jabu ras pe nerangisa
    Katawari paksa pe jagaiNa
    Tangkas keleng ateNa
    Reff. Pujilah Dibatanta
‘bas perjabunndu
inget perpadanen
sibelaskenndu
4. Sangap dage kam si njabuken bana
    Kemalemen ate i jujurkenNa
    Pehaga gelarNa seh rasa lalap
    T’rangNa lalap la lesap
    Reff. Pujilah Dibatanta
‘bas perjabunndu
inget perpadanen
sibelaskenndu
Junaedi Sinuhaji 2008
Download slide PowerPoint KEE No. 442

Join Grup Telegram dan Grup WA saya untuk mendapatkan update...

KEE No. 441 Geluhku ku’ndesken baNdu

 KEE No. 441 : 1 (Geluhku ku’ndesken baNdu)
1. Geluhku ku’ndesken baNdu
    Si dem dosa
    Sabab Kam Dibataku ngenca
    Si ngasup mulahi aku
    Ibas kuasa si gelap
    Alemi aku Tuhan
    Almi aku Tuhanku
    O Tuhan, alemi
Pdt. Abdi Jaya Barus
(taize semi canting adopsi padang)
Download slide PowerPoint KEE No. 441

Join Grup Telegram dan Grup WA saya untuk mendapatkan update...