KEE No. 309 Pengasup kami o Tuhan

KEE No. 309 : 1-3 (Pengasup kami o Tuhan)

1. Pengasup kami o Tuhan
    Gelah pedahNdu banci idalanken
    Em kap tendang kami bas kegeluhen
    KataNdu si man gelemen
    Gelah tangkas kata ras perbahanen
    Ban min kami tetap bas kebujuren
    SurgaNdu kap perayaken

2. Temani kami o Tuhan
    Bengket ku doni si dem keguluten
    SampatiNdu kami lako naluken
    Dosa si man sirangenken
    E maka ola kal kami tadingken
    I bas kami ndalani kegeluhen
    G’lah dat kami kemenangen

3. Kawali kami o Tuhan
    Alu gegeh ras kuasaNdu si mbelin
    Olangilah kami idur si setan
    Si atena encedaken
    DameNdu gelah tetap kuarapken
    Ban kelengNdu ngenca kap kami atan
    Bengket ku bas kesangapen

Lagu & Syair : Yulianus Limbeng, 2004
Download slide PowerPoint KEE No. 309

Join Grup Telegram dan Grup WA saya untuk mendapatkan update...