KEE No. 417 Kam Yesus Tuhanku

KEE No. 417 : 1-2 (Kam Yesus Tuhanku)

1. Kam Yesus Tuhanku palas kegeluhenku
    Reh aku ngadap man baNdu
    Tegulah min aku ibas ndalani geluhku
    ‘Lah ula celus nahengku
    Reff. Dengkehken sorangku erlebuh o Tuhan
Ngendesken pingko-pingkoku
Alemi min salah dosangku o Tuhan
‘Lah atan bas kiniulin

2. Kam Yesus Tuhanku, sampati min geluhku
    Alemi Tuhan dosangku
    La kap lit terligen ibas adep-adepenNdu
    Kerina salah lepakku
    Reff. Dengkehken sorangku erlebuh o Tuhan
Ngendesken pingko-pingkoku
Alemi min salah dosangku o Tuhan
‘Lah atan bas kiniulin

Adil Tarigan 1997
Download slide PowerPoint KEE No. 417

Join Grup Telegram dan Grup WA saya untuk mendapatkan update...

KEE No. 416 Teridahlah Tuhan kemulianNdu

KEE No. 416 : 1-3 (Teridahlah Tuhan kemulianNdu)

1. Teridahlah Tuhan kemulianNdu
    Subuk paksa susah ‘ntah pe senang
    Teridahlah Tuhan kemulianNdu
    Bas kerina paksa kegeluhen
    Reff. Labo kap itadingkenNdu anakNdu
Gegeh kami reh ibas Kam nari kap
Ku ikutkan lalap Tuhan kataNdu
Rasa lalap seh si rasa lalap

2. Kekelah kerina bangsa Tuhan
    Sabab kemulianNa ersinalsal
    Amin sekelewet dem keg’lapen
    Ibabo bangsaNa tetap terang
    Reff. Labo kap itadingkenNdu anakNdu
Gegeh kami reh ibas Kam nari kap
Ku ikutkan lalap Tuhan kataNdu
Rasa lalap seh si rasa lalap

3. Krina wari wari ate ceda
    Enggo ikeriken Dibatanta
    Ipakena kita kerinana
    M’ritaken kerina kemulianNa
    Reff. Labo kap itadingkenNdu anakNdu
Gegeh kami reh ibas Kam nari kap
Ku ikutkan lalap Tuhan kataNdu
Rasa lalap seh si rasa lalap

Pdt. Abdi Jaya Barus 2009
Download slide PowerPoint KEE No. 416

Join Grup Telegram dan Grup WA saya untuk mendapatkan update...

KEE No. 415 O Dibata si erkuasa

KEE No. 415 : 1-3 (O Dibata si erkuasa)

1. O Dibata si erkuasa
    Reh aku ku adepenNdu
    Ateku nuriken kecibalku
    Lanai ku ‘teh ertoto baNdu
    Perban g’luhku dem alu dosa
    Reff. O Dibatangku aku anakNdu
Tek kal ‘ku baNdu
Pertotonku ibegikenNdu

2. Ku petetap Tuhan ukurku
    Reh erpengendes man baNdu
    I idahNdu me kap perbebenku
    itandaiNdu ise kin aku
    Aloken min pengendesenku
    Reff. O Dibatangku aku anakNdu
Tek kal ‘ku baNdu
Pertotonku ibegikenNdu

3. Kukataken bujur man baNdu
    Nggo ngasup aku o Tuhan
    Ngakuken k’rina dosa-dosangku
    Kam me tetap pengarapenku
    Si tetap mere gegeh bangku
    Reff. O Dibatangku aku anakNdu
Tek kal ‘ku baNdu
Pertotonku ibegikenNdu

Lagu: Pdt. Abdi Jaya Barus
Syair : Pdt. Jonvianus Tarigan & Pdt. Abdi Jaya Barus
Download slide PowerPoint KEE No. 415

Join Grup Telegram dan Grup WA saya untuk mendapatkan update...