KEE No. 251 Erbahan Dosa Me Bene

KEE No. 251 : 1-6 (Erbahan Dosa Me Bene)

1. Erbahan dosa me benana,
    I je turahna akap mela.
    Tapi ‘di la kin sempat jera,
    Si bagidie enggo cilaka.
    Reff.    Kai kin si rarang ni Dibata,
        Man kemelanken si e kerina,
        Ola peturah biak dosa,
        Ibas geluhta.

2. Kalak si labo meteh mela
    Labo I’tehna kai si ceda
    Temanna ras kade-kadena
    Seh banci juru peng’lakona.
    Reff.    Kai kin si rarang ni Dibata,
        Man kemelanken si e kerina,
        Ola peturah biak dosa,
        Ibas geluhta.

3. Subuk medanak ‘tah metua
    Kalak perpangkat ‘tah perjumpa
    Adina la kin meteh mela
    Langketi dosa me geluhna.
    Reff.    Kai kin si rarang ni Dibata,
        Man kemelanken si e kerina,
        Ola peturah biak dosa,
        Ibas geluhta.

4. Kepeken enggo nai-nai nari
    Lit me kap cian bas pertibi
    Biak si enda la mehuli
    Adi ipajuh ras asuhi.
    Reff.    Kai kin si rarang ni Dibata,
        Man kemelanken si e kerina,
        Ola peturah biak dosa,
        Ibas geluhta.

5. Kune ‘di lit pekulah-kulah
    Min olanai pedekah-dekah
    Madin meterlah ia robah
    Maka geluhna ‘nggo erpepah.
    Reff.    Kai kin si rarang ni Dibata,
        Man kemelanken si e kerina,
        Ola peturah biak dosa,
        Ibas geluhta.

6. Adina lit meganjang rukur
    Ola min e pejangjang rusur
    Madin meterlah min ikusur
    Ku si mehuli dingen bujur.
    Reff.    Kai kin si rarang ni Dibata,
        Man kemelanken si e kerina,
        Ola peturah biak dosa,
        Ibas geluhta.

Syair dan Lagu : S. Tarigan, 1999
Erpalasken Yak. 1 : 15; II Kor. 4 : 16; Gal. 5 : 19; Pengerana 9 : 18
Download slide PowerPoint KEE No. 251

Join Grup Telegram dan Grup WA saya untuk mendapatkan update...

KEE No. 250 Kalak Si Ngepkep Perpulungen

KEE No. 250 : 1-6 (Kalak Si Ngepkep Perpulungen)

1. Kalak si ngepkep perpulungen
    Ndehara arus sada ngenca
    Biak na la kap erpandangen
    Dirina pe terkuasaisa

2. Kalak si ngepkep perpulungen
    Arusna m’lias man tandangen
    Biak perampang la pakena
    Si payo rusur ajarkenna

3. Kalak si ngepkep perpulungen
    Arusna sikel kedamen
    Biak si murde pesikapna
    Naberi pe idahikenna

4. Kalak si ngepkep perpulungen
    Arusna la mata duiten
    Baik pemabuk labo ia
    Rumatna tetap ijagana

5. Kalak si ngepkep perpulungen
    Arusna tutus erdahin
    Biak jabuna la njuruken
    ‘Ban sikap ia bas ngajarken

6. Kalak si ngepkep perpulungen
    Arusna man ikuten
    Biak si nggesuh ‘nggo tadingken
    Pakena rusur kehamaten

Syair dan Lagu : S. Tarigan, 1999
Erpalasken : 1 Tim. 3 : 1 - 7
Download slide PowerPoint KEE No. 250

Join Grup Telegram dan Grup WA saya untuk mendapatkan update...

KEE No. 249 Ajar Aku O Tuhanku

KEE No. 249 : 1-5 (Ajar Aku O Tuhanku)

1. Ajar aku o Tuhanku,
    Make Kata rasa pedahNdu
    Kueteh payo ras sentudu
    Kuikutken bas geluhku.
    Reff.    Si ngikut pedah Dibata,
        Daten me kerembakenNa
        Pedah kata tangkas krina,
        Em jadi gelementa.

2. Tatah aku genduari
    Arah dalin si mehuli
    Lalap min Kam kutimai
    Gelah aku iapuli.
    Reff.    Si ngikut pedah Dibata,
        Daten me kerembakenNa
        Pedah kata tangkas krina,
        Em jadi gelementa.

3. Kekelengen ni Dibata
    La ersibar seh man banta
    Anem gia papak kita
    Dalin jera tuduhkenNa.
    Reff.    Si ngikut pedah Dibata,
        Daten me kerembakenNa
        Pedah kata tangkas krina,
        Em jadi gelementa.

4. Kalak si tegu Dibata
    Em si lembab kin ukurna
    Man si nembah rusur baNa
    Ukum ajarkenNa banta.
    Reff.    Si ngikut pedah Dibata,
        Daten me kerembakenNa
        Pedah kata tangkas krina,
        Em jadi gelementa.

5. Mata ukur nare baNa,
    Gelah peratenNa siangka
    Adi g’luhta ikep-kepNa,
    Tentu malem kel ateta.
    Reff.    Si ngikut pedah Dibata,
        Daten me kerembakenNa
        Pedah kata tangkas krina,
        Em jadi gelementa.

Syair dan Lagu : S. Tarigan, 1999
Download slide PowerPoint KEE No. 249

Join Grup Telegram dan Grup WA saya untuk mendapatkan update...