KEE No. 220 Suan Kol

KEE No. 220 : 1-2 (Suan Kol)

1. Suan kol la lit ergana
    Suan tomat kena bayung
    ‘Di cengkih pe labo erbunga
    Binaga pe la lit lakona
    Anem page k’rina lambang
    ’Tah pe manuk kena bernung
    Asuh-asuhen pe kerina
    Enggo keri me kap terdaya
    Reff. I je pusuhku erbebe,
Ku janari perlawesku
Makana lit si malemna,
Iakap singk’lini aku
Ia kapen sekawalku,
Ibas k’rina pergeluhku
Kuendesken man Dibata,
K’rina perbeben geluhku
Ia si pejoresa,
Pengapul situhu-tuhu
Enggo tetap me ukurku,
Ibas k’rina pergeluhku

2. S’kali meseng gia rumahta
    ‘Tah pe calat k’rina erta
    Lit keutangen erbinaga
    Muat dahin pe kap mesera
    Wari lego seh dekahna
    Kai pe suan labo mbera
    Reh me penakit ukur nera
    ‘Nggo tambah-tindih s’ra suina
    Reff. I je pusuhku erbebe,
Ku janari perlawesku
Makana lit si malemna,
Iakap singk’lini aku
Ia kapen sekawalku,
Ibas k’rina pergeluhku
Kuendesken man Dibata,
K’rina perbeben geluhku
Ia si pejoresa,
Pengapul situhu-tuhu
Enggo tetap me ukurku,
Ibas k’rina pergeluhku

Syair dan Lagu : S. Tarigan, 1983
Erpalasken : Habakuk 3 : 17 - 19
Download slide PowerPoint KEE No. 220

Join Grup Telegram dan Grup WA saya untuk mendapatkan update...

KEE No. 219 O Bapa La Terimpit Kam

KEE No. 219 : 1-2 (O Bapa La Terimpit Kam)

1. O Bapa la terimpit Kam
    Idas idoni e pe lang
    Kam saja si ateku ngena
    La lit sideban si erbanca
    Makana malem si mesera
    ‘Tah picet entah ku tera
    Kam lalap pematangku kin
    K’rajangku la ‘rkeri-kerin

2. Endekenlah ku Kam dage
    ‘Di mbiar aku ‘tah ndele
    Meparas Kam me ku kelengi
    Sabab sangana tengah berngi
    ‘Nggo iteguNdu aku enda
    Bas gelap la kap kelesa
    Ku dalin si mekelek s’nang
    Ku idah ‘je ayoNdu ‘trang

Syair dan Lagu : EP. Ginting's
Erpalasken : Ende-enden GBKP No. 23
Download slide PowerPoint KEE No. 219

Join Grup Telegram dan Grup WA saya untuk mendapatkan update...

KEE No. 218 Nggo Kenca Seh Ibas Paksana

KEE No. 218 : 1-6 (Nggo Kenca Seh Ibas Paksana)

1. Nggo kenca seh ibas paksana
    Radu ras me kita rende k’rina
    Si puji gelar ni Dibata
    M’riah cawir dage ban soranta.
    Reff. Si bas Berita Si Meriah
Perukuren tetap min ergiah
Bas silatengka min ternilah
G’luh simbaru ‘lah madin peturah.

2. Nggo kenca seh ibas paksana
    Si penangkih me dage totonta
    Bersih ras bulat ban ukurta
    Maka serta kita bas k’rajanNa.
    Reff. Si bas Berita Si Meriah
Perukuren tetap min ergiah
Bas silatengka min ternilah
G’luh simbaru ‘lah madin peturah.

3. Nggo kenca seh ibas paksana
    Si orati me kata Dibata
    Idur Pustaka Si Badia
    Gelah tambah rusur pengertinta
    Reff. Si bas Berita Si Meriah
Perukuren tetap min ergiah
Bas silatengka min ternilah
G’luh simbaru ‘lah madin peturah.

4. Nggo kenca seh ibas paksana
    Siendesken me persembahennta
    ‘Lah enda banci min erguna
    Pebelangken kerajan Dibata
    Reff. Si bas Berita Si Meriah
Perukuren tetap min ergiah
Bas silatengka min ternilah
G’luh simbaru ‘lah madin peturah.

5. Nggo kenca seh ibas paksana
    Si B’ritaken kata ni Dibata
    Man teman si lenga I’tehna
    G’lahna ia atan ka ibasSa
    Reff. Si bas Berita Si Meriah
Perukuren tetap min ergiah
Bas silatengka min ternilah
G’luh simbaru ‘lah madin peturah.

6. Nggo kenca seh ibas paksana
    Si turiken kerna kecibalta
    Senang entahsa suhsah gia
    Maka Ia si ngelayasisa
    Reff. Si bas Berita Si Meriah
Perukuren tetap min ergiah
Bas silatengka min ternilah
G’luh simbaru ‘lah madin peturah.

Syair dan Lagu : S. Tarigan, 1998
Download slide PowerPoint KEE No. 218

Join Grup Telegram dan Grup WA saya untuk mendapatkan update...