KEE No. 191 Iban KelengNdu E

KEE No. 191 : 1-4 (Iban KelengNdu E)

1. Iban kelengNdu e
    Iban liasNdu e
    La ‘ku bene
    Aku idilo Kam
    Bas lias ateNdu
    Ku surga e

2. Bujur ningkami ka
    Man baNdu o, Bapa
    Si mulia
    Si mere dalan e
    Arah anakNdu e
    Ku surga e

3. Bahanlah min tetap
    Kam kukelengi kap
    Rasa lalap
    Senang geluhku e
    ‘Di tanNdu negu pe
    Ku surga  e

4. Tergejap me tuhu
    Penegu-neguNdu
    Senang aku
    Mejuah-juah me
    Ras isi jabu pe
    LiasNdu nge

Sinusurkenca Panitia Ende-Enden GBKP 1979-1984
Download slide PowerPoint KEE No. 191

Join Grup Telegram dan Grup WA saya untuk mendapatkan update...

KEE No. 190 Ola Kal Lupaken Aku

KEE No. 190 : 1-5 (Ola Kal Lupaken Aku)

1. Ola kal lupaken aku
    O, Yesus Tuhan
    Amin mbue kal dosangku
    Masap k’rina ban
    Reff. Yesus, Yesus, sampat akulah
Bas Kam saja aku pulah
Kep-kep akulah

2. O, Tuhan bere KesahNdu
    Ku pusuhku e
    PengapulNdu e man bangku
    Ringan min i je
    Reff. Yesus, Yesus, sampat akulah
Bas Kam saja aku pulah
Kep-kep akulah

3. Aku jimpuh i lebeNdu
    Ban tek aku pe
    ‘Di ras Kam la ku talu
    Ban gegehNdu e
    Reff. Yesus, Yesus, sampat akulah
Bas Kam saja aku pulah
Kep-kep akulah

4. Adi aku ibas Tuhan
    Ukurku senang
    Gelah aku tetap tahan
    Aku pe menang
    Reff. Yesus, Yesus, sampat akulah
Bas Kam saja aku pulah
Kep-kep akulah

5. Ibas kegeluhen doni
    Tuhan si tetap
    Amin kai pe gia jadi
    Kam temanku kap
    Reff. Yesus, Yesus, sampat akulah
Bas Kam saja aku pulah
Kep-kep akulah

Sinusurkenca Panitia Ende-Enden GBKP 1979-1984
Download slide PowerPoint KEE No. 190

Join Grup Telegram dan Grup WA saya untuk mendapatkan update...

KEE No. 189 Kam O Yesus Tuhan Kami

KEE No. 189 : 1-4 (Kam O Yesus Tuhan Kami)

1. Kam o, Yesus Tuhan kami
    Tatap kami k’rina min
    Pulung k’rina m’riah kami
    Pasu-pasu gelah min
    Pegegehi tiap wari
    Alokenlah kami min

2. Kam o, Yesus tegu kami
    Maka ola lit bene
    Gelah tetap ukur kami
    Ngikutken dalinNdu e
    Di ras Kam o, Tuhan kami
    Bene me ukur ndele

3. Kam o, Yesus dalan kami
    Gelah kami terkelin
    Kam kap saja arap kami
    Seh lah peratenNdu min
    AlokenNdu toton kami
    Tutus kami bas dahin

4. Kam o, Yesus guru kami
    Ajar kami min gelah
    Lah ertoto tiap wari
    Tetap kami tutuslah
    Kam dage ikutken kami
    Make Kata ras Pedah

Sinusurkenca Panitia Ende-Enden GBKP 1979-1984
Download slide PowerPoint KEE No. 189

Join Grup Telegram dan Grup WA saya untuk mendapatkan update...