KEE No. 181 Segedang-gedang Geluhku

KEE No. 181 : 1-4 (Segedang-gedang Geluhku)

1. Segedang-gedang geluhku,
    Itemani Penebus.
    Labo kai pe lit sikurang,
    Adi tanNa negu t’rus.
    Dame surga lit ‘bas aku,
    IusekenNa bangku.
    Kegeluhen jadi senang,
    Kai pe la lit si kurang,
    Kegeluhen jadi senang,
    Kai pe la lit si kurang

2. Segedang-gedang geluhku,
    Kubentasi k’rina e.
    ‘Di si mberat reh man bangku,
    Ia penahangisa.
    Labo pediatNa ndabuh,
    Minter kal iangkatNa.
    Lalap ijagaiNa aku,
    Iban keleng ateNa.
    Lalap ijagaiNa aku,
    Iban keleng ateNa.

3. Segedang-gedang geluhku,
    Ia si nemanisa.
    Labo lit kebiarenku,
    Ban mbelin kuasaNa.
    Talu me k’rina musuhku,
    Ia si ngkawalisa.
    Keriahen lit bas aku,
    Ia si merekenca;
    Keriahen lit bas aku,
    Ia si merekenca.

4. Segedang-gedang geluhku,
    Ia si ngkawalisa.
    Amin kai pe reh man bangku,
    Aku ijagaiNa.
    IteguNa tetap tanku,
    Ibas keleng ateNa.
    Segedang-gedang geluhku,
    Kuikutken me Ia.
    Segedang-gedang geluhku,
    Kuikutken me Ia.

Sinusurkenca Panitia Ende-Enden GBKP 1979-1984
Download slide PowerPoint KEE No. 181

Join Grup Telegram dan Grup WA saya untuk mendapatkan update...

KEE No. 180 Yesus Kristus E Kap Raja

KEE No. 180 : 1-5 (Yesus Kristus E Kap Raja)

1. Yesus Kristus e kap Raja
    Si ni angkat Dibatanta
    Ngerajai si nasa lit
    Ngerajai si nasa lit

2. Yesus Kristus surga nari
    IsuruhNa reh ku doni
    Jadi Kahul banta e
    Jadi Kahul banta e

3. Yesus pekena geluhta
    Maka sitandai dosanta
    Mbelin penampatNa pe
    Mbelin penampatNa pe

4. Dage ralep-alep kita
    K’rina si nggo tek man baNa
    Puji Tuhan Dibata
    Puji Tuhan Dibata

5. Dibatanta sada ngenca
    Tuhan Yesus kap tempasNa
    Terpujilah gelarNa
    Terpujilah gelarNa

Sinusurkenca Panitia Ende-Enden GBKP 1979-1984
Download slide PowerPoint KEE No. 180

Join Grup Telegram dan Grup WA saya untuk mendapatkan update...

KEE No. 179 Di Nggo Reh Ben Wari

KEE No. 179 : 1-4 (Di Nggo Reh Ben Wari)

1. ‘ Di nggo reh ben wari
    Pekesahken ka
    Bage tep-tep wari
    Puji Dibata

2. Tuhan sikawalta
    Ibas berngi pe
    Endesken man baNa
    Kula tendi pe

3. Tuhan si ngkawali
    Sanga tunduh pe
    Medak ‘rpagi-pagi
    Daging bugis pe

4. Mbincar matawari
    Puji Tuhanta
    Dahinta si dahi
    Tutus ateta

Sinusurkenca Panitia Ende-Enden GBKP 1979-1984
Download slide PowerPoint KEE No. 179

Join Grup Telegram dan Grup WA saya untuk mendapatkan update...