KEE No. 93 Kudalani Ku Surga

KEE No. 93 : 1-3 (Kudalani Ku Surga)

1. Kudalani ku surga
    Yesus si nuduhkenca
    Kiniteken man Tuhan
    Reh tetapna lah siban
    IteguNa tetap tanku
    Seh ku surga bengket aku
    Kata Tuhan cikenku
    Ibas perdalanenku

2. Yesus Kristus Tuhan e
    Isuruh Dibata nge
    Si ngiani pusuhku
    Si ngajari ukurku
    Enda me kekelengenNa
    Bage pe lias ateNa
    IdudurkenNa bangku
    Ia me Penebusku

3. Ersinalsal me tuhu
    Ibas tendi ukurku
    Sada bintang si terang
    Maka aku kin menang
    Sura-sura ni ukurku
    E me idur Dibatangku
    Si nerangi dalan e
    Ingan kesenangen e

Sinusurkenca Gr. Ag. N. Sinuraya
Download slide PowerPoint KEE No. 93

Join Grup Telegram dan Grup WA saya untuk mendapatkan update...

KEE No. 92 Kam Kap Lalap Man Ikutenku

KEE No. 92 : 1-3 (Kam Kap Lalap Man Ikutenku)

1. Kam kap lalap man ikutenku
    Yesus Kam Penebusku
    Kam kap lalap Penundalenku
    Yesus Kam Penawarku
    Ialemi Kam dosangku
    Maka senang tendingku
    Kam kap lalap Penalemenku
    Yesus Kam Penebusku

2. Kam o, Yesus pengarapenku
    Kam pematang tuahku
    Kam si negu-negu aku pe
    Ku bas kesenangen e
    Bengket Kam ku kematen
    Lako ngepkep tendingku
    Maka aku pe terkelin kin
    Bengket kesenangen e

3. Ibas paksa kesusahenku
    Kam min penalemenku
    Tah kai jadi bas geluhku
    Kam si negu aku pe
    Sedekah umur geluhku
    Amin seh pe sipatku
    Kam si negu-negu aku pe
    Bengket kesenangen e

Download slide PowerPoint KEE No. 92

Join Grup Telegram dan Grup WA saya untuk mendapatkan update...

KEE No. 91 Yesus Kristus ndahi kap

KEE No. 91 : 1-4 (Yesus Kristus ndahi kap)

1. Yesus Kristus ndahi kap
    K’rina kalak si erdosa
    Si nggo nilah ku gelap
    Perlangkahna la payosa
    Piher min tendindu e
    Teklah kata si bage

2. Utang kami nggo mbelang
    La metunggung kami luah
    Ukur kami la nggedang
    Ndahi Tuhan si perkuah
    Tapi ola min bage
    Sai me utang kami e

3. Kam perdosa mari min
    Olanai min kam erdalih
    Tuhan si erdilo kin
    Ikutlah gelah kam salih
    Tading dalin mesera
    Ku Tuhanndu lah jera

4. Yesus Kristus ndahi kap
    K’rina kalak si erdosa
    Aku pe si ni gelap
    Tuhu nggo me idiloNa
    ‘Rmengkah kal ateku e
    ‘Rkite-kiteken si e

Sinusurkenca Pdt. M. Joustra
Download slide PowerPoint KEE No. 91

Join Grup Telegram dan Grup WA saya untuk mendapatkan update...