KEE No. 110 Mari Ku Yesus

KEE No. 110 : 1-4 (Mari Ku Yesus)

1. Mari ku Yesus dahi pedas
    Begi pedahNa bahan bujur
    Mari ku Yesus dahi terus
    Ia me Penebus
    Senang m’riah ukurta kepe
    Adi masap k’rina dosa e
    Mari me kita ku surga e
    Ku kesenangen e

2. Mari ku Yesus, mungkuklah min
    Perbahanenndu si la uli
    IsasapkenNa dosandu e
    Alu darehNa e
    Senang m’riah ukurta kepe
    Adi masap k’rina dosa e
    Mari me kita ku surga
    Ku kesenangen e

3. Mari ku Yesus, dahi pedas
    Maka dosandu min nggo kelas
    Yesus perkeleng, melias pe
    Malem ukurndu e
    Senang m’riah ukurta kepe
    Adi masap k’rina dosa e
    Mari me kita ku surga e
    Ku kesenangen e

4. Mari ku Yesus si perkuah
    IsampatiNa lah kam pulah
    IpulahiNa tendita e
    Maka terkelin nge
    Senang m’riah ukurta kepe
    Adi masap k’rina dosa e
    Mari me kita ku surga e
    Ku kesenangen e

Sinusurkenca Pdt. Ng. Munthe
Download slide PowerPoint KEE No. 110

Join Grup Telegram dan Grup WA saya untuk mendapatkan update...

KEE No. 109 Mari Mulih Kam

KEE No. 109 : 1-4 (Mari Mulih Kam)

1. Mari mulih kam
    Anak si nggo lalar
    Latih susah me kam
    Kena bangger k’lesan
    Mari mulih kam,
    Mulih, mulih me kam
    Mulih, mulih me kam

2. Mari mulih kam
    Tedeh ateku kam
    Nggo meluat me kam
    M’lala dosa iban
    Mari mulih kam,
    Mulih, mulih me kam
    Mulih, mulih me kam

3. Mari mulih kam
    Mulih anak lajang
    Nggo medanggel me kam
    O, anak perlajang
    anak perlajang,
    Mulih, mulih me kam
    Mulih, mulih me kam

4. Mari mulih kam
    Maka senang me kam
    Mari senang me kam
    ItebusNa me kam
    Mari mulih kam,
    Mulih, mulih me kam
    Mulih, mulih me kam

Sinusurkenca Pdt. Ng. Munthe
Download slide PowerPoint KEE No. 109

Join Grup Telegram dan Grup WA saya untuk mendapatkan update...

KEE No. 108 Mbelang Me Kap Man Peranin

KEE No. 108 : 1-5 (Mbelang Me Kap Man Peranin)

1. Mbelang me kap man peranin
    Tapina kurang si ranisa pe
    O, Tuhan iahken Kam gelah min
    KawanNdu ku bas peraninNdu e
    O, Tuhan iahken Kam gelah min
    KawanNdu ku bas peraninNdu e

2. Tatap min k’rina bangsa e
    Nggo tuhu labuh k’rina ia pe
    Pingko-pingkona seh ku surga e
    Mindo penampat man Yahwe I je
    Pingko-pingkona seh ku surga e
    Mindo penampat man Yahwe I je

3. Nggo seh padan Dibata e
    Bapanta si ringan i surga e
    DiloNa me kerina jelma e
    Bengket me kukesenangen surga e
    DiloNa me kerina jelma e
    Bengket me kukesenangen surga e

4. Pedas min seh brita e
    Pembarken kata kegeluhen e
    Ku k’rina bangsa ibas doni e
    Tutus min k’rina bangsa ibas doni e
    Ku k’rina bangsa ibas doni e
    Tutus min k’rina bangsa ibas doni e

5. O, Yesus si perkuah e
    Kam me nebusi k’rina jelma e
    Pedas min t’rangi ku sigelap e
    Ku Kam tegulah manusia e
    Pedas min t’rangi ku sigelap e
    Ku Kam tegulah manusia e

Sinusurkenca Gr. Ag. N. Sinuraya
Download slide PowerPoint KEE No. 108

Join Grup Telegram dan Grup WA saya untuk mendapatkan update...