KEE No. 418 O Tuhan O Dibatangku

KEE No. 418 : 1-3 (O Tuhan O Dibatangku)

1. O Tuhan, O Dibatangku
    Si erkeleng ate e
    Jadi penundalen kami
    Ibas kegeluhen doni
    Reh kam ku pertibi e
    Guna manusia
    Gelah k’rina terkelin pe
    Ibas kuasa dosa

2. O Tuhan, O Dibatangku,
    Si nggem-nggemi krina pe
    Cidahkenlah kuasaNdu,
    Man k’rina isi doni e
    Nggo meluat kami pe,
    Ibahan dosa e
    Mekuah min ateNdu pe,
    Perban kelengNdu e

3. O Tuhan, O Dibatangku,
    Reh aku ku lebeNdu
    Ngakuken k’rina dosangku,
    Alemilah O Tuhanku
    Malem kel ateku pe,
    Nggo masap dosa e
    Tendingku muji gelarNdu,
    Nginget perkuahNdu

Pdt. Kasir Purba 2009
Download slide PowerPoint KEE No. 418

Join Grup Telegram dan Grup WA saya untuk mendapatkan update...

KEE No. 417 Kam Yesus Tuhanku

KEE No. 417 : 1-2 (Kam Yesus Tuhanku)

1. Kam Yesus Tuhanku palas kegeluhenku
    Reh aku ngadap man baNdu
    Tegulah min aku ibas ndalani geluhku
    ‘Lah ula celus nahengku
    Reff. Dengkehken sorangku erlebuh o Tuhan
Ngendesken pingko-pingkoku
Alemi min salah dosangku o Tuhan
‘Lah atan bas kiniulin

2. Kam Yesus Tuhanku, sampati min geluhku
    Alemi Tuhan dosangku
    La kap lit terligen ibas adep-adepenNdu
    Kerina salah lepakku
    Reff. Dengkehken sorangku erlebuh o Tuhan
Ngendesken pingko-pingkoku
Alemi min salah dosangku o Tuhan
‘Lah atan bas kiniulin

Adil Tarigan 1997
Download slide PowerPoint KEE No. 417

Join Grup Telegram dan Grup WA saya untuk mendapatkan update...

KEE No. 416 Teridahlah Tuhan kemulianNdu

KEE No. 416 : 1-3 (Teridahlah Tuhan kemulianNdu)

1. Teridahlah Tuhan kemulianNdu
    Subuk paksa susah ‘ntah pe senang
    Teridahlah Tuhan kemulianNdu
    Bas kerina paksa kegeluhen
    Reff. Labo kap itadingkenNdu anakNdu
Gegeh kami reh ibas Kam nari kap
Ku ikutkan lalap Tuhan kataNdu
Rasa lalap seh si rasa lalap

2. Kekelah kerina bangsa Tuhan
    Sabab kemulianNa ersinalsal
    Amin sekelewet dem keg’lapen
    Ibabo bangsaNa tetap terang
    Reff. Labo kap itadingkenNdu anakNdu
Gegeh kami reh ibas Kam nari kap
Ku ikutkan lalap Tuhan kataNdu
Rasa lalap seh si rasa lalap

3. Krina wari wari ate ceda
    Enggo ikeriken Dibatanta
    Ipakena kita kerinana
    M’ritaken kerina kemulianNa
    Reff. Labo kap itadingkenNdu anakNdu
Gegeh kami reh ibas Kam nari kap
Ku ikutkan lalap Tuhan kataNdu
Rasa lalap seh si rasa lalap

Pdt. Abdi Jaya Barus 2009
Download slide PowerPoint KEE No. 416

Join Grup Telegram dan Grup WA saya untuk mendapatkan update...