KEE No. 95 O, Yesus Tuhanku

KEE No. 95 : 1-3 (O, Yesus Tuhanku)

1. O, Yesus Tuhanku,
    Kam T’rang doni e
    T’rangi min ukurku,
    Sampat aku pe
    Mekuah ateNdu,
    Man perdosa e
    Apuli min aku
    ‘bas susahku e

2. Alemi dosangku,
    O, Tuhanku e
    Mambur me darehNdu,
    Man gunangku pe
    B’re maka kugejap,
    Kekelengen e
    Sedekah geluhku
    ibas doni e

3. Tendi, kula, ukur,
    Ras gegehku pe
    Kutepet ku bujur,
    Ban KesahNdu e
    Kuendesken baNdu,
    Baban geluh e
    Kepkep aku
    seh kedungen doni pe

Sinusurkenca Pdt. Ng. Munte
Download slide PowerPoint KEE No. 95

Join Grup Telegram dan Grup WA saya untuk mendapatkan update...

KEE No. 94 O, Tuhan Yesus

KEE No. 94 : 1-5 (O, Tuhan Yesus)

1. O, Tuhan Yesus
    Si nggemgemi k’rina
    Kam bas Bapa nari e
    Kam kukelengi
    Kam me kupuji
    Kam me o, Yesus Tuhan e

2. K’rangen mehuli
    Juma pe mehuli
    Si meratah-ratah e
    Ulin me Yesus
    Mulian pe Yesus
    Siperiah ukurta e

3. Bulan ras bintang
    Erkinalsal terang
    Dingen matawari pe
    T’rangen me Yesus
    Ulin me Yesus
    Cihon sinalsal Tuhan e

4. E bagi awih
    K’rina si mehuli
    Ertimbangken Yesus e
    La terkelengi
    Erta i doni
    K’rina si e tadingken nge

5. Yesus Tuhanku
    Demi min ukurku
    Kam me penundalennku
    Sanga ‘ku nggeluh
    ‘Ntah aku mate
    Kam empuna tendingku e

Sinusurkenca Pdt. Ng. Munte
Download slide PowerPoint KEE No. 94

Join Grup Telegram dan Grup WA saya untuk mendapatkan update...

KEE No. 93 Kudalani Ku Surga

KEE No. 93 : 1-3 (Kudalani Ku Surga)

1. Kudalani ku surga
    Yesus si nuduhkenca
    Kiniteken man Tuhan
    Reh tetapna lah siban
    IteguNa tetap tanku
    Seh ku surga bengket aku
    Kata Tuhan cikenku
    Ibas perdalanenku

2. Yesus Kristus Tuhan e
    Isuruh Dibata nge
    Si ngiani pusuhku
    Si ngajari ukurku
    Enda me kekelengenNa
    Bage pe lias ateNa
    IdudurkenNa bangku
    Ia me Penebusku

3. Ersinalsal me tuhu
    Ibas tendi ukurku
    Sada bintang si terang
    Maka aku kin menang
    Sura-sura ni ukurku
    E me idur Dibatangku
    Si nerangi dalan e
    Ingan kesenangen e

Sinusurkenca Gr. Ag. N. Sinuraya
Download slide PowerPoint KEE No. 93

Join Grup Telegram dan Grup WA saya untuk mendapatkan update...