KEE No. 472 Tuhan Kam permakanku

 KEE No. 472 : 1-2 (Tuhan Kam permakanku)

1. Tuhan Kam permakanku
    Singkelini geluhku
    KawaliNdu dalanku
    Tetap ibas terangNdu
    GegehiNdu pusuhku
    Bas nglakoken p’ratenNdu
    Lanai ‘nggeluh ibas dosa
    Tapi ras Kam Tuhanku

2. Kudalani geluhku
    Iteruh perkuahNdu
    Tetap me ukurku e
    Ngelawan kuasa dosa
    Talu me doni enda
    Erkiteken gegehNdu
    Si nggeluh bas aku
    Tetap me ukurku e

Gideon Limbeng
Download slide PowerPoint KEE No. 472

Join Grup Telegram dan Grup WA saya untuk mendapatkan update...

KEE No. 471 Ermengkah ukurku

 KEE No. 471 : 1 (Ermengkah ukurku)

1. Ermengkah ukurku, ras ngataken bujur Tuhan
     Kelengi min aku, Kam empu geluhku
     Enda ngenca Tuhan persembahenku
     Kerina geluhku kesah ras tendingku
     La kap lit bas aku erta kebayaken
     Si cukup meherga ‘lah ku persembahken
     Sada ngenca Tuhan lit pemindonku
     Aloken min Tuhan persembahenku
     Pakeken geluhku jadi perkakasNdu
     Segedang geluhku

NN
Syair Karo : Team Liturgi GBKP Edisi II
Download slide PowerPoint KEE No. 471

Join Grup Telegram dan Grup WA saya untuk mendapatkan update...

KEE No. 470 Anem gia deleng mundu-undu

 KEE No. 470 : 1-2 (Anem gia deleng mundu-undu)

1. Anem gia deleng mundu-undu

    ‘tah udan abu mehantu

    Tetaplah ukurta ula mbiar

    Lit kap Tuhan si nemani

    Keleng ateNa labo erleka

    Man kita k’rina anakNa

    Anem mbue perbeben ngupuh

    ‘tah geluh la bagi ukur

    Pindo gegeh arah pertotonta

    Man Tuhan si mada geluh

    PadanNa jine tetap man banta

    Labo kita tadingkenNa

    Pengasup kami dage o Bapa

    Ngalaken ras ngalokenca

    Kerina kecibal geluh enda

    Perban liasNdu o Bapa

2. Anem gia deleng mundu-undu

    ‘tah angin kalingsungsung reh

    Gereja Tuhan la terundu

    Tetap paguh rasa lalap

    Keleng ateNa labo erleka

    La ndigan pe tadingkenNa

    Tangkas t’ridah penemaniNdu

    Perdalanen gerejaNdu

    GBKP si malem enda

    Tetap pajek seh gundari

    Lit gia turah perbeben

    K’rina banci ibentasi

    Pasu-pasuNdu dage o Bapa

    Gereja GBKP e

    Gelah tetap ngasup ncidahken

    kemulianNdu o Dibata

Ridwan Bangun

Download slide PowerPoint KEE No. 470

Join Grup Telegram dan Grup WA saya untuk mendapatkan update...