KEE No. 321 Sisembahlah min Tuhan si mbelin

KEE No. 321 : 1-3 (Sisembahlah min Tuhan si mbelin)

1. Sisembahlah min Tuhan si mbelin
    Endekenlah min endenden pujin
    Tuhan Dibatanta ingan cicio
    Sembahlah Ia ola kita menggo

2. Sipembarkenlah kinimbisanNa
    Sinalsal terang e me pakenNa
    Megang soraNa bagi lenggur kepe
    Kalisung-sung e pe ibentasiNa

3. Seh kal ulina penjayamenNdu
    Terang ras gelap e nuduhkenca
    Udan ras lego k’rina kap ndatkenca
    Kuasa kekelengenNa mbelin tuhu

Michaiel Hayden, 1737-1806
Syair Karo : BPIMG 2000 - 2005
Download slide PowerPoint KEE No. 321

Join Grup Telegram dan Grup WA saya untuk mendapatkan update...

KEE No. 320 Susah entah senang gia

KEE No. 320 : 1-2 (Susah entah senang gia)

1. Susah entah senang gia
    ibas geluh enda
    Amin kita bas perbeben
    ernalem man baNa
    Nggeluh bas Tuhan malem ateta
    Si begiken pedahNa
    Pindo gegeh ras pasu-pasuNa
    Ib’rekenNa man banta

2. Aminna latih mesera gegeh ib’rekenNa
    Tetap ernalem man baNa kidekah geluhta
    Mejingkatlah ndahiken dahinNa
    G’lah meriah ukurta
    Sangap kalak si rembak ras Ia
    Terpujilah gelarNa

Lagu & Syair : Maria Rayben Surbakti, 2004
Download slide PowerPoint KEE No. 320

Join Grup Telegram dan Grup WA saya untuk mendapatkan update...

KEE No. 319 Sada soranta muji Dibatanta

KEE No. 319 : 1-4 (Sada soranta muji Dibatanta)

1. Sada soranta muji Dibatanta
    IA jine sinjayam keg’luhenta
    Lalap Ia ‘ngkelengi tinepaNa
    Maler me kap tetap pasu-pasuNa

2. Sada soranta muji Dibatanta
    S’lamat kita ban perkuah ateNa
    AlokenNa kita jadi anakNa
    Maler me kap tetap pasu-pasuNa

3. Sada soranta muji Dibatanta
    Lit perbeben b’rekenNa dalan pulah
    G’lah min kita enda jadi erbuah
    Maler me kap tetap pasu-pasuNa

4. Sada soranta muji Dibatanta
    Kesah Tuhan nemani bas ersaksi
    Pengasupna kita e ngelayasi
    Maler me kap tetap pasu-pasuNa

Lagu & Syair : R. Sembiring, 2005
Download slide PowerPoint KEE No. 319

Join Grup Telegram dan Grup WA saya untuk mendapatkan update...