KEE No. 319 Sada soranta muji Dibatanta

KEE No. 319 : 1-4 (Sada soranta muji Dibatanta)

1. Sada soranta muji Dibatanta
    IA jine sinjayam keg’luhenta
    Lalap Ia ‘ngkelengi tinepaNa
    Maler me kap tetap pasu-pasuNa

2. Sada soranta muji Dibatanta
    S’lamat kita ban perkuah ateNa
    AlokenNa kita jadi anakNa
    Maler me kap tetap pasu-pasuNa

3. Sada soranta muji Dibatanta
    Lit perbeben b’rekenNa dalan pulah
    G’lah min kita enda jadi erbuah
    Maler me kap tetap pasu-pasuNa

4. Sada soranta muji Dibatanta
    Kesah Tuhan nemani bas ersaksi
    Pengasupna kita e ngelayasi
    Maler me kap tetap pasu-pasuNa

Lagu & Syair : R. Sembiring, 2005
Download slide PowerPoint KEE No. 319

Join Grup Telegram dan Grup WA saya untuk mendapatkan update...

KEE No. 318 Sendah enda wari Paskah

KEE No. 318 : 1-3 (Sendah enda wari Paskah)

1. Sendah enda wari Paskah
    meriah ukurta
    Yesus enggo keke tangkas kuasaNa
    Sendah Wari Paskah
    malem kal ukurta
    Yesus kap enggo keke naluken si gelap
    Reff. Surak Haleluya
Surak Haleluya
Ban Yesus nggo menang,
kita pe menang

2. Sendah Wari Paskah kuasa Tuhan t’ridah
    Yesus pengarapen Ia penalemen
    Kita nggo terkelin lias ateNa mbelin
    Si Iblis enggo talu dat gegeh si mbaru
    Reff. Surak Haleluya
Surak Haleluya
Ban Yesus nggo menang,
kita pe menang

3. Wari Paskah enda, pulung kita jenda
    Talu kuasa gelap kita enggo sangap
    Tetap kap ukurta, segedang umurta
    Yesus me kap temanta, meriah ukurta
    Reff. Surak Haleluya
Surak Haleluya
Ban Yesus nggo menang,
kita pe menang

Lagu & Syair : Maria Rayben Surbakti, 2004
Download slide PowerPoint KEE No. 318

Join Grup Telegram dan Grup WA saya untuk mendapatkan update...

KEE No. 317 Sipuji Tuhan arah geluhta

KEE No. 317 : 1-3 (Sipuji Tuhan arah geluhta)

1. Sipuji Tuhan
    arah geluhta
    Si inget tetap
    ngaruhna banta
    Ban k’leng ateNa
    nebusi kita
    Terkelin kita
    si tek man Bana

2. Segedang g’luhta
    inget Dibata
    Bas k’rina paksa
    ngaraplah baNa
    Tetap ukurta
    rembak ras Ia
    Erban si ‘rguna
    ula erleja

3. Reh pendungina
    wari-warinta
    Lit kap paksana
    reh me Tuhanta
    Ipepulungna
    kerina jelma
    Kita si s’tia
    malem ateta

Lagu & Syair : Maria Rayben, 2004
Download slide PowerPoint KEE No. 317

Join Grup Telegram dan Grup WA saya untuk mendapatkan update...