KEE No. 313 Pulung m’riah kal kami kerina

KEE No. 313 : 1-2 (Pulung m’riah kal kami kerina)

1. Pulung m’riah kal kami kerina
    Jumpa ibas rumah si Badia
    Reh min Kam, o Bapa si Mulia
    G’lah kerina Badia jadina.
    Reff. Salsali pusuh kami
Layasi ukur kami
Pengarapen reh teguhna
Kiniteken reh paguhna

2. Wari ras berngi nggo ibentasi
    Keleng ateNdu tetap nemani
    I bas mberat Kam lalap nampati
    I bas susah Kam si ngelayasi.
    Reff. Salsali pusuh kami
Layasi ukur kami
Pengarapen reh teguhna
Kiniteken reh paguhna

Lagu & Syair : Sentosa Sinulingga, 2005
Download slide PowerPoint KEE No. 313

Join Grup Telegram dan Grup WA saya untuk mendapatkan update...

KEE No. 312 Permakani k’rina biri-biringku

KEE No. 312 : 1-2 (Permakani k’rina biri-biringku)

1. Permakani k’rina biri-biringku
    Bagem pedah Tuhan man banta k’rina
    Emaka serayan itangkuhkenNa
    Gelah bas nehken pedahNa la leja-leja.
    Reff. Keleng kal tuhu
ate Tuhan rarasenNa
Kerina serayanNdu pe ikawaliNa
Kerina pe ikut
numpak-numpaksa

2. Jagailah dirindu ras rarasenNdu
    Bage pe k’rina kalak si ‘ndeskenNa
    Enggo itebusiNa alu darehNa
    Keleng ateNa kap si ngkelini geluhta.
    Reff. Keleng kal tuhu
ate Tuhan rarasenNa
Kerina serayanNdu pe ikawaliNa
Kerina pe ikut
numpak-numpaksa

Lagu & Syair : Harisda Sitepu, 2003
Download slide PowerPoint KEE No. 312

Join Grup Telegram dan Grup WA saya untuk mendapatkan update...

KEE No. 311 Pujilah tendingku

KEE No. 311 : 1-4 (Pujilah tendingku)

1. Pujilah tendingku, puji Tuhan
    Segedang-gedang geluhku
    Ateku ersembah rasa lalap
    Ban keleng ateNdu tetap
    IjujuriNdu geluhku
    Dage kupuji Kam Tuhan
    Haleluya ! Haleluya !

2. Ola ernalem ku doni enda
    Sia-sia me jadina
    Di dolat doni kentisik ngenca
    Masap nge pagi krinana
    Kula manusia masap
    Dibata saja si tetap
    Haleluya ! Haleluya !

3. Kam me kap o, Tuhan Penampatku
    Malem kal ateku baNdu
    IbegikenNdu kap pertotonku
    Sebab setia Kam tuhu
    Kam kap si nepa k’rinana
    Kam me tetap si njayamsa
    Haleluya ! Haleluya !

4. Pusuh si getem e iapuli
    Si kelehen ibesuri
    Kalak si pentang pe erpengidah
    Kalak tertaban pe pulah
    Bage me lias ateNdu
    Terpujilah kuasaNdu
    Haleluya ! Haleluya !

Lobe den Herre,n, o meine Seele, Mazmur 146, Johan Daniel Hermschmidt 1714
Lagu : Jerman 1664 / Kitab Freylinghausen 1714
Syair Karo : BPIMG 2000 - 2005
Download slide PowerPoint KEE No. 311

Join Grup Telegram dan Grup WA saya untuk mendapatkan update...