KEE No. 262 Doni Enda Seh Ulina

KEE No. 262 : 1-5 (Doni Enda Seh Ulina)

1. Doni enda seh ulina,
    Tuhan si nepasa,
    Ras isina pe k’rina,
    B’rekenNa banta,
    Reff.    Seh ken bujur dage baNa,
        Arah krina dampar g’luhta,
        Sehken bujur dage baNa,
        Arah krina dampar g’luhta.

2. Taneh si mekapal enda,
    Tuhan si nembesa.
    Kai pe mbue kap basSa,
    Kuh banNa banta.
    Reff.    Seh ken bujur dage baNa,
        Arah krina dampar g’luhta,
        Sehken bujur dage baNa,
        Arah krina dampar g’luhta.

3. Rumah enda seh jilena,
    Tuhan si m’rekenca.
    Datken pasu-pasuNa,
    Kam ngianisa.
    Reff.    Seh ken bujur dage baNa,
        Arah krina dampar g’luhta,
        Sehken bujur dage baNa,
        Arah krina dampar g’luhta.

4. Kiniliten enda krina,
    Tuhan kap empuna.
    Sipakeken min krina,
    Guna k’rajanNa.
    Reff.    Seh ken bujur dage baNa,
        Arah krina dampar g’luhta,
        Sehken bujur dage baNa,
        Arah krina dampar g’luhta.

5. Gelah lit tetap rumahta,
    Tuhan njaminisa.
    Kinis’ran pe ngampangsa,
    Piher ukurta.
    Reff.    Seh ken bujur dage baNa,
        Arah krina dampar g’luhta,
        Sehken bujur dage baNa,
        Arah krina dampar g’luhta.

Syair & Lagu : Ph. Surbakti, 16 Maret 1999
Download slide PowerPoint KEE No. 262

Join Grup Telegram dan Grup WA saya untuk mendapatkan update...

KEE No. 261 Kuga Kin Ndia Sura-sura Ni Dibata

KEE No. 261 : 1-6 (Kuga Kin Ndia Sura-sura Ni Dibata)

1. Reff.    Kuga kin ndia sura-sura ni Dibata
        Nandangi kita manusia pertibi enda
        Jaga kelengilah kerina tinepaNa
        ‘Lah ula kita mekelesa Tuhan
    Ibas ngerabi ni ciluki k’rangen tua
    ‘Nggo jadi jajat piah meseng si nasana
    Cimber meseng na ‘nggo ngulungi ‘nterem jelma
    Turah penakit mate ka pe lit nge deba

2. Reff.    Kuga kin ndia sura-sura ni Dibata
        Nandangi kita manusia pertibi enda
        Jaga kelengilah kerina tinepaNa
        ‘Lah ula kita mekelesa Tuhan
    Wari perlego pe kap enggo jadi ndekah
    Senuan-senuan pe terketes nge si turah
    Lit pe si turah enggo kurang si erbuah
    Je reh teremna kalak lapar ras si suhsah

3. Reff.    Kuga kin ndia sura-sura ni Dibata
        Nandangi kita manusia pertibi enda
        Jaga kelengilah kerina tinepaNa
        ‘Lah ula kita mekelesa Tuhan
    Adina radas kin tabahi batang kayu
    Erbanca uruk pe ras deleng bagi tabu
    Piah enggo sapsap kin arusna tahan-turu
    Reh kenca udan minter naring’ ng’raja lau

4. Reff.    Kuga kin ndia sura-sura ni Dibata
        Nandangi kita manusia pertibi enda
        Jaga kelengilah kerina tinepaNa
        ‘Lah ula kita mekelesa Tuhan
    Ibas nggasgasi ‘di la kenca kita robah
    Tambah teremna rusur kalak erban ulah
    Lau si maler pe kap dungna pagi kerah
    Si gelgel malem genduari jadi ngisah

5. Reff.    Kuga kin ndia sura-sura ni Dibata
        Nandangi kita manusia pertibi enda
        Jaga kelengilah kerina tinepaNa
        ‘Lah ula kita mekelesa Tuhan
    ‘Tah ‘ban alerken rusur lau si la payo
    Enggo megembur si nai nari kin meciho
    Ngidah binurung pe ateta ‘nggo megogo
    ‘Je kalak ridi pe lanai bo pang ku layo

6. Reff.    Kuga kin ndia sura-sura ni Dibata
        Nandangi kita manusia pertibi enda
        Jaga kelengilah kerina tinepaNa
        ‘Lah ula kita mekelesa Tuhan
    Perik si kabang pe ‘enggo urak beliganna
    Rubia-rubia pe lit masap sinursurna
    Nurung ‘bas layo pe ‘enggo kurang bilangenna
    ‘Di ni gasgasi tentu napnap nge jadina

Syair & Lagu : S. Tarigan, 1997
Download slide PowerPoint KEE No. 261

Join Grup Telegram dan Grup WA saya untuk mendapatkan update...

KEE No. 260 Oh Andiko Jilena

KEE No. 260 : 1-5 (Oh Andiko Jilena)

1. Oh andiko jilena tinepa Dibata
    Subuk pertibi enda ras isina k’rina
    Deleng si meratah kerangen
    Perik-perik rende kabangen
    Andiko jilena si banNa
    Seh kel kap ulina
    Reff.    Emaka tangarlah min kita jelma
        Ola melasang ola meturdaksa
        Lit tenah kata pedah ni Dibata
        Jaga kelengi, k’rina tipeNa

2. Ah andiko cedana, si tepaNa ndube
    Penggaya iblis ‘rbanca, jelma rate-ate
    Uruk si megersing meturban
    Rudang ‘nggo merapak i mbalmbal
    Andiko mekelek cedana
    Bekas tinepana
    Reff.    Emaka tangarlah min kita jelma
        Ola melasang ola meturdaksa
        Lit tenah kata pedah ni Dibata
        Jaga kelengi, k’rina tipeNa

3. Ah andiko kelsehen, ‘ban tinepa mbernge
    ‘Ban ketulahen maka, dungna jelma murde
    ‘Nggo megembur layo meserge
    Rudang ‘nggo merapak i mbalmbal
    Andiko kelsehen nge kepe
    Sinasana ndele
    Reff.    Emaka tangarlah min kita jelma
        Ola melasang ola meturdaksa
        Lit tenah kata pedah ni Dibata
        Jaga kelengi, k’rina tipeNa

4. Oh andiko mulihken, min jilena ndube
    ‘Lah doni enda k’rina, la erkune-kune
    Lit tinepa ceda petembe
    ‘Tah pe rudang melus pejore
    Andiko gayangna kepeken
    ‘di tinepa ‘rdame
    Reff.    Emaka tangarlah min kita jelma
        Ola melasang ola meturdaksa
        Lit tenah kata pedah ni Dibata
        Jaga kelengi, k’rina tipeNa

5. Oh andiko riahna, doni si ‘nggo mbaru
    Aloken Tuhan Yesus, Juruselamatta
    ‘Lah rubia njingkang la m’lance
    Perturah senuan la lengke
    Andiko riahna ras Tuhan
    Pusuh pe la nggine
    Reff.    Emaka tangarlah min kita jelma
        Ola melasang ola meturdaksa
        Lit tenah kata pedah ni Dibata
        Jaga kelengi, k’rina tipeNa

Syair : Ph. Surbakti, 1987
Lagu : S. Tarigan, 1997
Download slide PowerPoint KEE No. 260

Join Grup Telegram dan Grup WA saya untuk mendapatkan update...