KEE No. 255 Talenta

KEE No. 255 : 1-4 (Talenta)

1. Talenta sini b’reken Dibatanta
    Jadi min erlipat ganda
    Tutus ate ndahiken dahinNa
    Amin pe mberat tapina ermulia.
    Reff.    Kalak si malang
        nandangi Tuhan
        La kap ‘nggit nimbak
        labo ‘nggit nogan
        Maka dahiken’lah alu tutus
        Ola lakoken alu mekarus

2. Geluhta babo doni la kel ndekah
    Ola min kita nggit nilah
    Gia ‘ncubai setanna si ngerah
    Juruselamat erbanca kita pulah.
    Reff.    Kalak si malang
        nandangi Tuhan
        La kap ‘nggit nimbak
        labo ‘nggit nogan
        Maka dahiken’lah alu tutus
        Ola lakoken alu mekarus

3. Ersadalah min arihta kerina
    Make kata ras pedahNa
    Gelar ni Tuhan ‘lah tetap mulia
    Ije me t’ridah ibas lagu-langkahta.
    Reff.    Kalak si malang
        nandangi Tuhan
        La kap ‘nggit nimbak
        labo ‘nggit nogan
        Maka dahiken’lah alu tutus
        Ola lakoken alu mekarus

4. Ulihta lit kap bas Tuhan Dibata
    Mulia rikut mehaga
    Adi perkisat la kel lit gunana
    Jelma mejingkat maka ngena ateNa.
    Reff.    Kalak si malang
        nandangi Tuhan
        La kap ‘nggit nimbak
        labo ‘nggit nogan
        Maka dahiken’lah alu tutus
        Ola lakoken alu mekarus

Syair : R. Sembiring, 1998
Lagu : S. Tarigan, 1998
Download slide PowerPoint KEE No. 255

Join Grup Telegram dan Grup WA saya untuk mendapatkan update...

KEE No. 254 Isuruh Dibata

KEE No. 254 : 1-3 (Isuruh Dibata)

1. Reff.    Isuruh Dibata sikeleng-kelengen
        Si sampat-sampaten asa kengasupen
        Mbue me kap tuhu si man bahanenta
        Radu ras kerina kita ndahikenca
    Palasta nampati em ate mekuah
    Ngusih Tuhan Yesus enggo kap nampati
    Meriah ukurta adi teman pulah
    Masap kebiaren ‘je dat ate jadi

2. Reff.    Isuruh Dibata sikeleng-kelengen
        Si sampat-sampaten asa kengasupen
        Mbue me kap tuhu si man bahanenta
        Radu ras kerina kita ndahikenca
    Kalak si ngikutken kata Tuhan Yesus
    Terangina doni ras k’rina isina
    Tegulah temanta gelah ola celus
    Si tuduhken dalin gelah ola mampa

3. Reff.    Isuruh Dibata sikeleng-kelengen
        Si sampat-sampaten asa kengasupen
        Mbue me kap tuhu si man bahanenta
        Radu ras kerina kita ndahikenca
    ‘Bas nampati teman la ngarapken balas
    Pusuh peratenta aruslah meciho
    Tuhan ersimulih ibereNa lampas
    Sangapen kap mere asang kita ngalo

Syair : R. Sembiring, 1997
Download slide PowerPoint KEE No. 254

Join Grup Telegram dan Grup WA saya untuk mendapatkan update...

KEE No. 253 Lias Ate

KEE No. 253 : 1 (Lias Ate)

1. Lias ate Tuhan Yesus Kristus
    Kekelengen ni Dibata Bapa
    Kerembaken Kesah si Badia
    Min ras kita k’rina, Amin !!!

Syair dan Lagu : S. Tarigan, 1998
Erpalasken : II Kor. 13 : 13
Download slide PowerPoint KEE No. 253

Join Grup Telegram dan Grup WA saya untuk mendapatkan update...