KEE No. 248 Si Njabuken Bana

KEE No. 248 : 1-4 (Si Njabuken Bana)

1. Sinjabuken bana ndatken pasu-pasu
    Bas Dibata nari e min arapkenndu
    Kata Tuhan Yesus nggeluh ibas jabu
    TerangiNa pusuh malem me atendu.
    Reff.    Si ajar-ajaren, Radu ras sikeleng-kelengen
        Sisampat-sampaten,
        Sada ukur maba kegeluhen
        Tengah-tengah jabu,
        Tuhan Yesus jadi persukuten
        Gelah min pe pagi,
        Perjabunndu banci man usihen

2. Bagi Tuhan Yesus kempak perpulungen
    Ras badanNa jine enggo ib’rekenNa
    Bage arus kepe s’kalak perbulangen
    Bas erkeleng ate kempak ndeharana.
    Reff.    Si ajar-ajaren, Radu ras sikeleng-kelengen
        Sisampat-sampaten,
        Sada ukur maba kegeluhen
        Tengah-tengah jabu,
        Tuhan Yesus jadi persukuten
        Gelah min pe pagi,
        Perjabunndu banci man usihen

3. Ndehara si pantas lit ukurna saber
    Lit gia perbeben la ukurna monce
    Perkeleng atena terus kapen maler
    Ras perbulangenna nggeluh ibas dame.
    Reff.    Si ajar-ajaren, Radu ras sikeleng-kelengen
        Sisampat-sampaten,
        Sada ukur maba kegeluhen
        Tengah-tengah jabu,
        Tuhan Yesus jadi persukuten
        Gelah min pe pagi,
        Perjabunndu banci man usihen

4. Adina Dibata enggo masu-masu
    Si engkawalisa ibas perjabun
    Perdalinen nggeluh malem kel atendu
    Rembak ras Dibata la kam kemalun.
    Reff.    Si ajar-ajaren, Radu ras sikeleng-kelengen
        Sisampat-sampaten,
        Sada ukur maba kegeluhen
        Tengah-tengah jabu,
        Tuhan Yesus jadi persukuten
        Gelah min pe pagi,
        Perjabunndu banci man usihen

Syair : R. Sembiring, 1997
Lagu : S. Tarigan, 1997
Download slide PowerPoint KEE No. 248

Join Grup Telegram dan Grup WA saya untuk mendapatkan update...

KEE No. 247 Ipasu-Pasu Tuhan

KEE No. 247 : 1-3 (Ipasu-Pasu Tuhan)

1. Ipasu-pasu ni Tuhan Dibatandu
    Kam si dilaki bage pe si diberu
    ‘Di Tuhan Yesuslah tetap temuendu
    Gedang geluhndu la kam ermedu-medu
    Itadingkenndu me kap orangtuanta
    Segelah tumbuk ersada kam duana
    Adina enggo persadaken Dibata
    Lanai arusna isirangken manusia

2. Si kelengina kin tetap ndeharana
    Keleng atena badanna ka pe tole
    Dagena ola merampus kam kempaksa
    Madin persada gelah ukurndu jine
    Dage ikutken kata perbulangenndu
    Perbahan ia nge kap pengulu jabu
    Gelgel mehangke dingen tegel ukurndu
    Tentu jabundu pe tetap nge erluhu

3. Dame ni Kristus min ringan bas pusuhndu
    Si ngerajaisa perlangkah ras perlagu
    Si ’ngkawalisa dingen si masu-masu
    Alu bage nge maka malem atendu
    Tutus dagena lawes ku perminggun
    Bage pe tampak kam reh ku perpulungen
    Emaka Tuhanlah jadi penggurunndu
    La banci lang ! Lalap ersinalsal jabu

Syair dan Lagu : S. Tarigan, 1996
Download slide PowerPoint KEE No. 247

Join Grup Telegram dan Grup WA saya untuk mendapatkan update...

KEE No. 246 Pasu-Pasu O Tuhan

KEE No. 246 : 1-5 (Pasu-Pasu O Tuhan)

1. Pasu-pasu o Tuhan
    Kalak si atena ‘njabuken bana
    Meciho sura-surana
    Sada kap pengarapenna.
    Reff.    ’Di ’nggo pulung kita ijenda
        Naksiken lakon perjabunna
        Dage mari kita kerina
        Sipindo perkuah ate ni Dibata.

2. TuahiNdu o Tuhan
    Adi enggo tampak ia reh duana
    Erpadan ibas geluhna
    Suhsah senang tetap sada.
    Reff.    ’Di ’nggo pulung kita ijenda
        Naksiken lakon perjabunna
        Dage mari kita kerina
        Sipindo perkuah ate ni Dibata.

3. KawaliNdu o Tuhan
    Paksa wari-wari si bentasina
    Ras rumah si inganina
    Ndauh mara ras kelesa.
    Reff.    ’Di ’nggo pulung kita ijenda
        Naksiken lakon perjabunna
        Dage mari kita kerina
        Sipindo perkuah ate ni Dibata.

4. BegikenNdu o Tuhan
    Enda radu ras toto kami k’rina
    ’Lah tetap min itandaina
    Kam nge tuhu kap Bapana.
    Reff.    ’Di ’nggo pulung kita ijenda
        Naksiken lakon perjabunna
        Dage mari kita kerina
        Sipindo perkuah ate ni Dibata.

5. PetetapNdu o Tuhan
    Kune lit ukurna kin pagi nera
    PedahNdu tetap pakena
    La erleka pe jabuna.
    Reff.    ’Di ’nggo pulung kita ijenda
        Naksiken lakon perjabunna
        Dage mari kita kerina
        Sipindo perkuah ate ni Dibata.

Syair dan Lagu : S. Tarigan, 1997
Download slide PowerPoint KEE No. 246

Join Grup Telegram dan Grup WA saya untuk mendapatkan update...