KEE No. 189 Kam O Yesus Tuhan Kami

KEE No. 189 : 1-4 (Kam O Yesus Tuhan Kami)

1. Kam o, Yesus Tuhan kami
    Tatap kami k’rina min
    Pulung k’rina m’riah kami
    Pasu-pasu gelah min
    Pegegehi tiap wari
    Alokenlah kami min

2. Kam o, Yesus tegu kami
    Maka ola lit bene
    Gelah tetap ukur kami
    Ngikutken dalinNdu e
    Di ras Kam o, Tuhan kami
    Bene me ukur ndele

3. Kam o, Yesus dalan kami
    Gelah kami terkelin
    Kam kap saja arap kami
    Seh lah peratenNdu min
    AlokenNdu toton kami
    Tutus kami bas dahin

4. Kam o, Yesus guru kami
    Ajar kami min gelah
    Lah ertoto tiap wari
    Tetap kami tutuslah
    Kam dage ikutken kami
    Make Kata ras Pedah

Sinusurkenca Panitia Ende-Enden GBKP 1979-1984
Download slide PowerPoint KEE No. 189

Join Grup Telegram dan Grup WA saya untuk mendapatkan update...

KEE No. 188 O Dibata Kam Temanku

KEE No. 188 : 1-4 (O Dibata Kam Temanku)

1. O, Dibata Kam temanku
    Lalap bas geluhku e
    ApuliNdu kap pusuhku
    SampatiNdu aku pe
    Reff. Tetap kal ukurku e
Kam Dibata temanku
Sedekah geluhku e

2. O, Dibata Kam temanku
    Ban kelengNdu e tetap
    Adi gulut pe ukurku
    LayasiNdu aku kap
    Reff. Tetap kal ukurku e
Kam Dibata temanku
Sedekah geluhku e

3. O, Dibata Kam temanku
    KawaliNdu geluhku
    Tah ku ja pe perdalanku
    Lalap itemaniNdu
    Reff. Tetap kal ukurku e
Kam Dibata temanku
Sedekah geluhku e

4. O, Dibata Kam temanku
    Tentu aku la bene
    Lalap iteguNdu tanku
    Gelah ola celus pe
    Reff. Tetap kal ukurku e
Kam Dibata temanku
Sedekah geluhku e

Sinusurkenca Panitia Ende-Enden GBKP 1979-1984
Download slide PowerPoint KEE No. 188

Join Grup Telegram dan Grup WA saya untuk mendapatkan update...

Tutorial membuat XAMPP server untuk LAN menggunakan wifi

Video Tutorial untuk membuat XAMPP server untuk LAN menggunakan wifi...