KEE No. 175 Bage Pedah Dibata

KEE No. 175 : 1-5 (Bage Pedah Dibata)

1. Bage Pedah Tuhan :
    “Sikeleng-kelengen”
    Ersada ukur tetaplah
    Sisampat-sampaten

2. Tuhu mehuli ka
    Di tutus ateta
    Mejingkat ndahi dahinNa
    Bage isuruhNa

3. Di tetap me kepe
    Kinitekenta e
    Meriah tuhu di bage
    Ngaloken dame me

4. Bas senang tah susah
    Pujilah gelarNa
    Ras ibas toto pindolah
    Tentu isampatNa

5. ‘Di ingan sirang pe
    Tah lawes ku ja pa pe
    Ras Kristus tetap me kepe
    Lit persadanta pe

Sinusurkenca Panitia Ende-Enden GBKP 1979-1984
Download slide PowerPoint KEE No. 175

Join Grup Telegram dan Grup WA saya untuk mendapatkan update...

KEE No. 174 Yahwe Me Kap Permakanku

KEE No. 174 : 1-5 (Yahwe Me Kap Permakanku)

1. Yahwe me Permakanku
    Tendingku nggo menang
    ItaruhkenNa geluhku
    La kai pe sikurang

2. ‘Di dalan kelbung ras gelap
    La mbiar aku pe
    TeguNa tanku me tetap
    Lah aku la bene

3. Melehe, latih, muas pe
    Leben itehNa e
    Tah ukur susah ras ndele
    Ras Ia kap tembe

4. Iaturna man-man bangku
    Calungku sampur pe
    Melias me Ia tuhu
    Man bangku me kepe

5. Sedekah umur geluhku
    LiasNdu tergejap
    Ingan tetap seh sidikku
    Bas Kam rasa lalap

Sinusurkenca Panitia Ende-Enden GBKP 1979-1984
Download slide PowerPoint KEE No. 174

Join Grup Telegram dan Grup WA saya untuk mendapatkan update...

KEE No. 173 O Tuhan Mari

KEE No. 173 : 1-5 (O Tuhan Mari)

1. O, Tuhan mari
    wari nggo ben
    Gelap me wari
    Kam ku ban teman
    La lit nampati
    di la Kam Tuhan
    Mari gundari,
    marilah Tuhan

2. Bas doni enda
    la lit si tetap
    Erta melala,
    k’rina kap lesap
    ‘Di erta surga
    tahan me tetap
    Mari gundari,
    marilah Tuhan

3. Kam kesikelku
    katawari pe
    Kam gelemenku
    bas percuban e
    Kam me dalinku
    Kam kap ngenca e
    Mari gundari,
    marilah Tuhan

4. Lit gia musuh
    si ngguluti e
    Tah naktak iluh
    ban serana pe
    Tapina dungna
    masap me kepe
    Mari gundari,
    marilah Tuhan

5. La aku mbiar
    ibas dalin e
    Ban itemani
    Yesus i lebe
    ‘Di aru ate
    minter kap bene
    Mari gundari,
    marilah Tuhan

Sinusurkenca Panitia Ende-Enden GBKP 1979-1984
Download slide PowerPoint KEE No. 173

Join Grup Telegram dan Grup WA saya untuk mendapatkan update...