KEE No. 113 Tuhan Kam Kupuji

KEE No. 113 : 1-3 (Tuhan Kam Kupuji)

1. Tuhan Kam kupuji
    ‘Rpagi-pagi e
    Medak aku nduari
    Daging bugis pe
    Sanga tunduh aku
    Ikawali Kam
    Aku ras temanku
    senang iban Kam

2. Gegeh ni dagingku
    Ipesuang Kam
    Kudahi dahinku
    Wari enda ka
    Pasu-pasu aku
    Ras dagingku pe
    Natap min matangku
    Lalap baNdu pe

3. Pegegeh min aku
    Wari sendah pe
    Pedauh Kam min dosa
    Ras percuban pe
    Gelah kuikutken
    Min KataNdu e
    Kam me kupujiken
    Ibas doni e

Sinusurkenca Gr. Ag. N. Sinuraya
Download slide PowerPoint KEE No. 113

Join Grup Telegram dan Grup WA saya untuk mendapatkan update...

KEE No. 112 Keke Nggo Terang Wari

KEE No. 112 : 1-3 (Keke Nggo Terang Wari)

1. Keke nggo terang wari
    Nggo mentas berngi e
    Mentas me tep-tep wari
    Perdalanen e
    Rincuh ukur ndarami
    Ku kegeluhen e
    Adi reh ka me gelap
    Pengadinndu kap

2. Keke me kita jelma
    Tadingken dosa e
    Ernalemlah man Kata
    Ni Tuhanta e
    Ialemi Tuhanta
    K’rina me dosa e
    Daten kam ibahanNa
    Kesenangen e

3. Keke min kita k’rina
    Mejingkat kita pe
    Nggit jumpa si mesera
    Kesusahen pe
    Pakelah min gegehta
    Empetlah min dage
    Ayak kegeluhenta
    Si ni surga e

Sinusurkenca Pdt. Ng. Munthe
Download slide PowerPoint KEE No. 112

Join Grup Telegram dan Grup WA saya untuk mendapatkan update...

KEE No. 111 Ola Atendu Ceda Min

KEE No. 111 : 1-4 (Ola Atendu Ceda Min)

1. Ola atendu ceda min
    Teklah ibas Dibata
    AnakNa Yesus Tuhan e
    Erkata kap man banta
    “I rumah Bapambas me kap
    Enterem siat ringan ke”
    Ku je, ku je,
    Kam lawes gelah min

2. Sikapkenlah ukurndu min
    Ndengkehken pendiloNa
    Yesus Kristus Tuhanta kap
    Erkata g’lah kam sikap
    Nggo sai utang dosandu e
    Igelar Tuhan Yesus e
    Nggo sai, nggo sai
    Utang dosandu e

3. Ola atendu ndele min
    Iban dosandu mbue
    KataNa ola simbak kin
    Begiken pendiloNa
    Yesus Tuhanta ndilo kam
    Pedasken gelah berkat min
    Ota, ota
    Ku surga lawesta

4. Dage kuga ukurndu e?
    Ras kita gelah berkat
    Ku keriahen surga e
    Ku kesenangen lalap
    Sipujilah Tuhanta e
    Iban lias ateNa kap
    Ku jem, ku jem
    Keleng atena nge

Sinusurkenca Gr. Ag. N. Sinuraya
Download slide PowerPoint KEE No. 111

Join Grup Telegram dan Grup WA saya untuk mendapatkan update...