KEE No. 103 Keke O, Temanku

KEE No. 103 : 1-3 (Keke O, Temanku)

1. Keke o, temanku, si ikutken kap
    Panji si badia tanda si tetap
    Tuhan si erdilo, banci kita la reh ?
    Dalin picet gia, ras Tuhanta seh
    Keke o, temanku, si ikutken kap
    Panji si badia, tanda si tetap

2. Nina Tuhan kapen muatNa ku das
    “Seh kedungen doni Aku lalap ras
    Dage ola mbiar sabab kuasa nge
    Si ni doni, surga, nggo me baNgku pe”
    Keke o, temanku, siikutken kap
    Panji si badia tanda si tetap

3. To temanku keke, Tuhan nggo lebe
    Ia si nggegehi kita krina nge
    Ota k’rina berkat sikap me galah
    Musuh senjatana talu nggo ndekah!
    Keke o, temanku siikutken kap
    Panji si badia tanda si tetap

Sinusurkenca Pdt. J. H. Neumann
Download slide PowerPoint KEE No. 103

Join Grup Telegram dan Grup WA saya untuk mendapatkan update...

KEE No. 102 Kekekenlah O Kam Si Tutus

KEE No. 102 : 1-5 (Kekekenlah O Kam Si Tutus)

1. Kekekenlah o kam si tutus,
    Si malang pe man Tuhan Dibata.
    Si suari berngi sikap rusur,
    Ngarakken Tuhan ‘bas si mesera.
    Si pang ngikutken Tuhan Yesus pe,
    Bagi ngena me ate Tuhan e,

2. Ota darami si nggo nilah,
    Taruhkenlah ku dalin pinter ka.
    Gelah perdosa k’rina robah,
    Jenari ngikut Anak Dibata.
    Si lajang-lajang pe daramilah,
    Ku rumah Bapa k’rina min gelah.

3. Melala denga siat jelma,
    Ingan Bapanta longge ras embas.
    Ku serpang-serpang dahi k’rina,
    Legi si langa pe meteh kubas.
    Lah rumah Bapa dem me pagi min,
    GelarNa ras lalap man pujin.

4. O, Tuhan b’re man kami k’rina,
    KesahNdu si Badia simpar min.
    I jenda kami sikap k’rina,
    Endalanisa nge si man dahin.
    Tah katawari pe erkata Kam,
    I jenda kami, suruhlah Tuhan.

5. B’re Tuhan, maka doni raslah,
    Megiken KataNduna lampas min.
    Makana bangsa-bangsa nembah,
    Man Yesus Kristus, Raja surga kin.
    Ibas adep-adepenNdu Tuhan,
    Perpulung pagi k’rina kami kang.

Sinusurkenca Pdt. J. H. Neumann
Download slide PowerPoint KEE No. 102

Join Grup Telegram dan Grup WA saya untuk mendapatkan update...

KEE No. 101 Kubunta Tuhan Dibata

KEE No. 101 : 1-4 (Kubunta Tuhan Dibata)

1. Kubunta Tuhan Dibata
    Senjata la terlawan
    IpulahiNa si tetap
    Teman si nggo tertaban
    Perimbang ngengkus nge
    Merawa ia pe
    Tipu ras guak ka
    Atena si ngena
    Em raja doni enda

2. Adi kuasanta la kap lit
    Melukah talu kita
    Lit si mbisanta si enggit
    Ngampang-ngampangi kita
    Si kai gelarNa nge ?
    Tuhanta Yesus e
    Raja gelarNa kap
    La lit si deban kap
    Si mada permusuhen

3. Aminna k’rina si mejin
    Ngulah atena kita
    La kal pe mbiar kita kin
    Si permenang kap kita
    Raja i doni e
    Megasgas gia pe
    Kadenta kai pe lang
    Iukum ia kang
    Kata mahanca talu

4. Kata Dibata tahan nge
    Se njengkal pe la surut
    KesahNa si Badia me
    Nemani kita runut
    Kesahta buatlah
    Ndehara, anak, mas
    La untung bana e
    Sabap si teh nge pe
    Surga kap k’rajang kami

Sinusurkenca Pdt. J. H. Neumann
Download slide PowerPoint KEE No. 101

Join Grup Telegram dan Grup WA saya untuk mendapatkan update...