KEE No. 101 Kubunta Tuhan Dibata

KEE No. 101 : 1-4 (Kubunta Tuhan Dibata)

1. Kubunta Tuhan Dibata
    Senjata la terlawan
    IpulahiNa si tetap
    Teman si nggo tertaban
    Perimbang ngengkus nge
    Merawa ia pe
    Tipu ras guak ka
    Atena si ngena
    Em raja doni enda

2. Adi kuasanta la kap lit
    Melukah talu kita
    Lit si mbisanta si enggit
    Ngampang-ngampangi kita
    Si kai gelarNa nge ?
    Tuhanta Yesus e
    Raja gelarNa kap
    La lit si deban kap
    Si mada permusuhen

3. Aminna k’rina si mejin
    Ngulah atena kita
    La kal pe mbiar kita kin
    Si permenang kap kita
    Raja i doni e
    Megasgas gia pe
    Kadenta kai pe lang
    Iukum ia kang
    Kata mahanca talu

4. Kata Dibata tahan nge
    Se njengkal pe la surut
    KesahNa si Badia me
    Nemani kita runut
    Kesahta buatlah
    Ndehara, anak, mas
    La untung bana e
    Sabap si teh nge pe
    Surga kap k’rajang kami

Sinusurkenca Pdt. J. H. Neumann
Download slide PowerPoint KEE No. 101

Join Grup Telegram dan Grup WA saya untuk mendapatkan update...

KEE No. 100 O, Kam Si Ni Bas Kematen Gelap

KEE No. 100 : 1-4 (O, Kam Si Ni Bas Kematen Gelap)

1. O, kam si ni bas kematen gelap
    Kekeken min Kristus ngerana
    Begiken, dengkehken ,
    soraNa me kap
    Si’rnala e Anak Dibata
    Kekeken pedas min lah ola melawen
    Mbelin kebiaren bene me kam maun

2. O, kam kerina si medem bas dosa
    Kekeken! Ndekah me nggo suari
    Terang Dibatandu nggo pultak me jah
    Ernala enggo nai-nai nari
    Gelundu kentisik ras picet dahin
    Kekeken dage min mejingkat kam min

3. Kekeken o, kalak perdosa gelah
    It’rangi kin Kristus ukurndu
    Kekekken, to kotes tah lanai ndekah
    Dibata ndabuhken ukumndu
    Idilo tuhanndu kam sendah me, to
    Begiken kekeken melawenca denggo

4. Ertuah kin kalak si ‘rdalin i t’rang
    Si ni pekekeken Tuhanna
    Gelap gia jenda megati menang
    La pernah pe berngi man bana
    O kam si ni bas kematen medak
    Begiken pedah Tuhan Yesus me kap

Sinusurkenca Pdt. M. Joustra
Download slide PowerPoint KEE No. 100

Join Grup Telegram dan Grup WA saya untuk mendapatkan update...

KEE No. 99 Dibata si Telu sada

KEE No. 99 : 1-4 (Dibata si Telu sada)

1. Dibata si Telu sada,
    Bapa, Anak, Kesah pe
    Jadi penundalen kami,
    Palas kiniteken pe
    Yesus reh ku doni e
    Ndilo si perdosa nge
    Gelah k’rina min terkelin
    Bas kuasa doni nari

2. O, Tuhanku, o, Bapangku
    Si erkeleng ate e
    Suruh Kesah si Badia
    Bengket ku pusuhku e
    Si nggegehi aku e
    Ng’lawan kuasa dosa pe
    Gelah tetap perjingkangku
    Ku lebeNdu o, Tuhanku

3. Mbernge nari kami lalap
    Di la reh KesahNdu e
    Si erbanca ukur tetap
    Lah megegeh kami pe
    Si ngiahken kami kin
    Bas dahinNdu si mbelin
    Guna kami ras bangsangku
    Tuhanku o, Dibatangku

4. Tatap k’rina min bangsaku
    Ibas Indonesia pe
    Keke k’rina min ukurna
    Megi ajarenNdu e
    Gelah ia atan min
    Jadi warga surga kin
    Kemenangen kesenangen
    Bana ibreken Kam kin


Sinusurkenca Gr. Ag. N. Sinuraya
Download slide PowerPoint KEE No. 99

Join Grup Telegram dan Grup WA saya untuk mendapatkan update...