KEE No. 98 Ise kin ndia temanta

KEE No. 98 : 1-3 (Ise kin ndia temanta)

1. Ise kin ndia temanta
    Si tetap seh lalap e
    Temanta si tuhu-tuhu
    E me Tuhan Yesus e
    Nterem gia kade-kade
    Teman labo kurang pe
    K’rina denggo itadingken
    ‘Di nggo mate kita e

2. Kaka agi bapa nande
    Si erkeleng ate e
    Teman pe ras kade-kade
    Tadingkenna kita nge
    Taruhkenna gia kita
    Seh kubas kuburen e
    Lawes ia me kerina
    Tadingkenna bangke e

3. Tuhan Yesus labo lupa
    Ku teman-temanNa e
    Ras tendinta pe ingetNa
    Seh ku pintu kubur pe
    Sitadingken gia k’rina
    Ibas kegeluhen e
    Jumpa kita ibas surga
    Kesenangen lalap pe

Sinusurkenca Gr. Ag. N. Sinuraya
Download slide PowerPoint KEE No. 98

Join Grup Telegram dan Grup WA saya untuk mendapatkan update...

KEE No. 97 Tuhan Kam Me Pe

KEE No. 97 : 1-3 (Tuhan Kam Me Pe)

1. Tuhan Kam me pe,
    seh ku bas kubur e.
    Itanemken, je seh telu wari e.
    Je keke Kam pe,
    ku keg’luhen e
    Kam jadi Raja,
    seh rasa lalap nge

2. Senang me kepe,
    ibas pengadin e
    Man kalak si tek
    ku Tuhan Yesus e
    SoraNa begi isurga nari
    Je keke Ia
    ku kegeluhen e

3. Di kami denggo
    seh kubas kubur e
    Kenca dung ndahi
    si man dahin kepe
    Tuhan Penebus
    ndilo kami t’rus
    Je keke kami
    ku kesenangen e

Sinusurkenca Gr. Ag. N. Sinuraya
Download slide PowerPoint KEE No. 97

Join Grup Telegram dan Grup WA saya untuk mendapatkan update...

KEE No. 96 Riah Ukurku BaNdu

KEE No. 96 : 1-3 (Riah Ukurku BaNdu)

1. Riah ukurku baNdu
    Ngidah lias Yesusku
    Sindarami manusia
    Simulahi kita k’rina
    ItebusiNa kita
    Iban kekelengenNa

2. Riah ukurku baNdu
    Iban Yesus Tuhanku
    Aku nggo me itebusNa
    Alu mereken geluhNa
    K’rina me dosangku e
    Ialemi Yesus e

3. Riah ukurku baNdu
    Iban kekelengenNdu
    Tetaplah min ketekenku
    G’luh ni Yesus jadi g’luhku
    Sampat aku lalap min
    Ngikut Yesus Tuhan kin

Sinusurkenca Pdt. Ng. Munte
Download slide PowerPoint KEE No. 96

Join Grup Telegram dan Grup WA saya untuk mendapatkan update...